響 居酒屋 (已搬遷) 新店位置

今日同同事係觀塘食lunch，食飯時間真係超多人，行路都行唔到🥲，於是就附近隨便搵咗一間嚟食。上嚟見到餐廳好闊落同埋熱鬧，午餐時間同同事一齊過嚟食啱啱好！睇咗餐牌，午餐定價$50至$80左右，價錢唔算貴，午餐套餐包埋湯、沙律及甜品，熱飲免費加配。我就食咗個咖喱飯漢堡扒，超鐘意佢咖喱汁送飯，漢堡排就正常。🥳特選魚生飯 $88呢個價錢食魚生飯唔算貴，有六件魚生，一隻生蝦🦐，兩塊玉子，午餐呢個價錢來講已經好抵。❤️總結：個人覺得呢度真係坐得好舒服，觀塘嚟講搵到間坐得咁舒服價錢又平嘅餐廳真係唔少了。#吃貨 #午餐吃什麼 #日本料理 #午餐 #觀塘美食 #觀塘日本餐廳 #觀塘日本料理 #工廈美食 #平價午餐 #平民美食

同事轉工之後嘅第一餐lunch😊間餐廳就係宏利隔離，前身棟building係酒樓，之後轉左每層不同既餐廳🍴我地今日上6樓「響」餐廳好闊落，大部分都係卡位，同長枱，一行八個人都冇問題👍🏻Lunch set 有好多選擇，全部都有跟前菜沙律和麵豉湯，同埋飯後甜品和果子一粒😄仲有飲品日本餐廳緊係要食魚生😆今次我地試左：角切魚生飯（甜蝦、三文魚、吞拿魚、玉子）火炙魚生飯（三文魚、油甘魚、鱈魚、蟹子）吞拿魚腩魚生飯、日式豬軟骨拉麵配精選壽司六件😋😋整體都新鮮好食，不過份量細，飯少，魚生都少🙈尤其係角切魚生飯，上到黎啲魚生勁零丁，拼埋一齊都唔知有冇一塊⋯😐吞拿魚腩飯啲蓉勁細pat🙈火炙又太熟😅豬軟骨肉偏硬，壽司就好食既👍🏻餐廳服務好，質素都唔差，但午市呢個價錢呢個份量就有啲貴😵希望可以調整下就可以吸引更多嘅客人👌🏻🙌🏻💪🏻

-🔸火炙魚生飯 $98🔸日式咖喱飯配漢堡扒 $68🔸蟹肉忌廉餅 +$20-依間餐廳地方闊落，可以坐得好舒服，仲有窗邊卡位，食午飯都食輕鬆啲。午市做緊家庭式嘅日式丼飯，有熱食或者刺身等，都好多選擇。男朋友揀咗火炙魚生飯，裡面有三文魚、油甘魚、鰈魚邊、蟹籽同玉子，好豐富啊～刺身食落都幾新鮮，手機落單可以揀多飯/少飯。我揀咗咖哩漢堡扒飯，日式咖哩較甜唔辣，我幾鍾意佢個漢堡扒好味，仲有兩塊好厚，夠送晒成碟飯。午市套餐可以加錢加配小食，叫咗一份蟹肉忌廉餅，外脆內軟都唔錯。

日本菜應該都係好多人都喜愛, 人大了一有飯局, 都寧願搵間坐得舒服可以傾計傾得盡興, 飲返兩杯咁就一晚,開心又寫意🤭今晚就樣樣叫小小,想試多D種類,前菜係我最愛嘅魚仔同甜合桃,係甜咗小小但又好易入口,一食就停不了好快食曬一碟跟住就食下小食刺生,刺生我地就叫佢發辦,有拖羅,赤貝樣樣小小淺嘗下,全部都好新鮮,但我覺得赤貝係最正小食就叫咗支豆,蕃薯仔同明太子沙律,明太子沙律就做到脆卜卜咁口感好好明太子沙律串燒就有牛舌,荔枝豬,雞翼,豬肋條,今晚嘅串燒好出色,全部都做到外脆內juice,最緊要食落去唔會漏加多個豆腐番茄沙律, 因為想食D菜,正常沙律,無乜特別要講😆雞翼個皮超脆最後傾傾下飲飲下又加多小小🍣叫咗帶子,左口魚同埋吞拿魚蓉卷,都係新鮮嘅,今晚就完滿曬啦3,5知己飲淺嘗清酒,傾傾下又一晚啦最後有送咖啡雪糕,一人一球,一嚟到就聞到咖啡味超香,係甜咁小小,但有埋甜品就滿足曬埋單幾錢,朋友唔肯講,因為小妹生日飯,但我見到佢地夾錢,我諗大概係1500-1700左右,飲飽食醉,多謝曬

會令人回頭既居酒屋 絕對係放工消遣 約朋友或者大家庭聚會既好地方(⑉´ᯅ`⑉)!位於觀塘既響 偏近麗港城唔太就腳 明明係openrice好少comment 又無咩人知, 但係有令我願意再去既諗法同向人推薦既衝動!🥢✨ 深海池魚薄切 $108第一次試 平時會好驚食新既魚類刺身 因為好驚腥 但完全無呢個問題 雖然魚味唔太突出 但係淡淡鮮味 加埋佢地既酸汁真係好香幾有口感 令人好想一塊接一塊咁食!!🥢 日本生蠔 $68/1爽口並唔creamy。超重鹹海水味，感覺有少少over。不過佢蠔肉都幾肥美!! 滑溜帶甜 加埋佢淋咗少少汁，但我都係鐘意配檸檬cocktail sauce多啲 ‎( ㆆ ㆆ)و✧ 呢個menu上面係無既，要問!🥢✨ 白身魚薄切 $98問咗店員係咩魚，佢問咗師傅但好似無比返答案我 😮‍💨!! 好似油甘魚腩油脂味好香，但因為薄切唔會覺得膩。我都覺得好好味! 鮮甜 \( ˙▿˙ )/!🥢 廚師發辦壽司 八件 $198雖然我只係食咗三件，但都覺得非常推薦！全部魚類壽司唔腥，有魚既鮮甜味，口感都十分好 ( •̀֊•́ ) ̖́ 同埋有驚奇唔知佢會比咩你 🥱!!🥢✨ 吞拿魚茸小卷本身我都好鐘

餐廳位置可以望到海邊，因為疫情少左好多人外出用膳，本身打算外賣，但一入到黎見到冇咩人就選擇堂食。堂食8折優惠叫左個十勝豚肉飯 $68，8折後都係$54.4豚肉份量好多，但有啲肥，而椰菜好夾口，好夾成個飯。仲有麵豉湯、麻薯做為甜品。

原來觀塘麗港城近海邊嘅一帶有咁多餐廳。今次上黎鴻圖道尾嘅呢間日本菜。午餐簡直係抵食到不得了。最近做緊抗疫優惠有八折添！本身午市餐牌都唔貴，簡直係呢一帶番工嘅福音。今次上黎食左個鰻魚飯，呢款鰻魚係嫩身，調味偏鹹，份量都唔細，配飯都正正常常。另外加左兩款刺身，分別係油甘魚同三文魚，食落都新鮮滑溜。另外本身跟前菜、湯、飲品。食落超豐富。呢度老闆咁啱生日，請全場食蛋糕🍰！好窩心～呢度嘅場地其實超大，目測坐到過百人，仲有個好有日本特色嘅區域可以飲酒，另外仲有包房可以容納十幾二十人～

又係觀塘友覓食時間，今次試吓呢間鴻圖道近海邊嘅樓上餐廳，呢度環境好闊落，坐卡位仲有海景睇㗎🤩 日光照落嚟都幾靚！🐮 和風牛肉飯配温泉蛋 （$78）和風牛肉飯嘅牛唔會肥，啱啱好，加上牛肉汁同煮腍咗嘅洋蔥，好match好好味😚 比起某餐廳佢仲多咗隻温泉蛋添😋🐥 和風滑蛋炸雞飯 （$78）滑蛋炸雞都好大碗好豐盛！炸雞係一舊舊嘅雞球，滑蛋炸雞加上紫菜係掫適合嘅配搭🤤👍🏻🍣 左口魚邊壽司 （$20/2件）午市追加壽司、刺身、小食都係各$20咋，我哋就加咗個左口魚魚邊壽司，有少少炙燒咁，好味😋

-🔸十勝豚肉飯 $68🔸日式咖喱飯配吉列豬扒 $78🔸左口魚邊壽司 +$20-又發掘吓觀塘工廈有咩好嘢食，依間午市做日式丼飯都幾正，午市$48起，而且大大碗夠晒飽肚。十勝豚肉飯嘅豬腩肉炒得好香，而且塊塊都大大塊又厚切，仲有燒肉汁撈飯一流。日式咖喱飯賣相吸引，吉列豬扒咬落鬆脆，咖喱係日式偏甜不太辣，仲有幾舊好稔好入味嘅蘿蔔薯仔。加多20蚊就食到左口魚邊壽司兩件，入口即溶之後更成口都係魚油香，超正呢！

有人終於考完試，可以抽到時間陪我食 Lunch，本來想同佢去觀塘鱷魚恤中心飲茶，不過有人話想食日本菜。上網 Search 過，原來區內形形色色嘅日本料理有成接近 150 間，認真犀利，左挑右選，最後揀左鴻圖道呢間樓上居酒屋。店鋪地方偌大，裝潢簡潔明亮、環境十分開揚，予人悠閒舒服的感覺。一入座店員就隨即為我倆每人送上一碗味噌湯，非常窩心，湯身熱辣辣，內有豆腐和海帶，飲完成身暖笠笠。睇下店員送上嘅餐牌，午餐選擇都幾豐富，分為三個系列，包括和風、咖喱及燒物，另外亦有廚師發辦及自選海鮮丼可供選擇。我哋點左原條蒲燒鰻魚飯 ($98) 同 和風豬軟骨飯配溫泉蛋 ($68)，加左 $10 將配豬軟骨嘅白飯轉左做手打稻庭烏冬。鰻魚好有份量，燒得邊位帶焦，魚肉富彈性，軟腍又不失咬口，食落有魚油香。面頭嘅醬汁比例亦啱啱好，杰稠適中，鮮甜入味，用嚟飯吃一流。 米飯圓渾煙韌，食落有飯香。稻庭烏冬和豬軟骨分開盛載，烏冬上桌時仍冒著煙，熱度十足。豬軟骨炆得軟腍又入味，加上以日式調味料炮製，味道一級棒！溫泉蛋口感滑溜，內有半生熟流心蛋黃汁。烏冬幼長而薄身，質感煙韌爽彈，伴著湯同吃，更覺滋味！食完飯，店員仲會送上和菓

我第一次寫評語，我都係第一次去呢間餐廳。因為見到有些評論話唔太好，所以想幫手澄清下。早前晚餐去呢度食，真實覺得真係好好。難得在疫情下，可以有足夠大的空間可以有好嘅防疫措施下，多人聚餐都可以，幫手擺防疫版隔開。亦都可以有空間提供免費玩桌球同埋射飛鏢。我哋有同事生日，都好貼心幫手安排驚喜。推介菜式係鰻魚炒飯，壽司等日本菜式擺碟都好靚。甜品係朱古力蛋糕同埋綠茶蕨餅，上面仲好貼心幫手寫字。最衰冇點影相。地理位置比較近海旁所以缺點就係行得比較遠啲。但推薦大家過嚟呢度聚餐，絕對係好地方。

好味指數：🌕🌕🌕🌑🌑價錢合理：🌕🌕🌑🌑🌑環境舒適：🌕🌕🌕🌕🌕之前每次去響都係食三文魚親子丼，今次想試吓新野，所以就叫咗個日式咖喱飯配吉列豬扒。日式咖喱飯配吉列豬扒 $78一開頭個餐嚟到醬汁望落都算多，食食吓啲豬扒都吸左啲汁唔夠撈飯。吉列豬扒炸到好脆，肉質唔錯，成個餐就係中規中矩嘅咖喱豬扒飯，但係價錢要$78，仲貴過魚生飯，真係有少少貴。🤏堂食會送細沙律、味噌湯、熱飲同埋飯後甜品，今次飯後甜品係迷你芝士cake，味道唔會太甜，好香芝士味，每次嚟都好期待佢嘅甜品。不過我諗下次來都係會食返最愛嘅三文魚親子丼🥂身邊嘅朋友食咖喱飯配漢堡扒或者薯餅，感覺份量都比我嘅豬扒飯多，望落又幾吸引咁，大家都建議響可以推出漢堡扒配薯餅嘅配搭，咁就冇咁膩。

呢排成日去響食飯，佢嘅魚生飯真係新鮮有質素，平時午市外賣仲平$10，有時想食好啲都會幫襯佢。堂食就最抵，因為會有細沙律、味噌湯，熱飲，飯後仲有甜品送，仲要唔使加一。所以堂食來講真係幾平㗎！外賣雖然平$10但係就冇以上呢一炸嘢。佢嘅魚生飯三文魚份量都多，甜蛋幾好食，甜蝦都新鮮，不得不提嘅係三文魚子份量多而且唔腥，每啖都食到，幾滿足！而且環境幾闊落，每張枱都好大，枱同枱之間都有好多空間，係坐得幾舒服嘅。不過幾搞笑嘅就係雖然係間日式居酒屋但從來唔播日文歌哈哈。

今次叫左丼飯，三文魚配吞拿魚碎， 如果你比較細食的話， 的確係一個不錯的選擇， 但如果你是男人或比較大食的話， 呢個份量一定食唔飽， 而且價錢都要成八十幾蚊，都唔係太值得我見其他同事中午的時候食佢哋個午餐精選， 感覺上會比較抵食， 分量都ok而且味道都唔錯， 如果想食魚生丼飯就未必會選擇喺呢一度食。環境方面都很大比較廣闊， 因為本身想食樓下間韓國嘢， 但因為冇位嘅關係所以先上嚟食， 一嚟到即刻有位， 而且我都幾鍾意佢嘅飯後甜品， 下次都會試下佢個午餐精選。

第11次寫食評今日，同幾位好友黎到觀塘鴻圖道的一間上樓居酒屋：響 食午餐。我們四個人，不約而同都叫了：雞扒烏冬雞扒：是分開上的，跟一碟照燒汁，雞皮夠脆，份量足，只是肉身略嫌有點“榎“烏冬：白溜溜，夠滑，有口感味噌湯：唔太咸，幾好飲熱啡：令人失望，不是熱，而是暖HK63，沒有加一