顯徑車仔麵 (已結業)

終於都就放假喇，去大圍附近搵朋友，先去食啲野先！佢就介紹咗去衣間有30幾年歷史嘅車仔麵！唔講真係唔覺！因為入面都幾光猛同乾淨！都幾多款餸揀！3餸1麵 $35 ，仲會送杯豆漿！佢地唔係淨係得車仔麵，仲有甜品，小食，炸野，滷水野，碗仔翅，生菜魚肉都有！3餸我揀咗鮮牛肉，酸齋同溏心蛋！隻溏心蛋最吸引！一開二切開，睇到個溏心夠晒橙紅同令立立！好流心！食落去味道亦好好！好香！好正！鮮牛肉好健康！都幾厚切，無加好多調味料，又唔會整到好嚡！平時車仔麵比較少見！仲有就係酸齋！多數都係齋舖先見，原本可以加落車仔麵！好懷舊！酸齋酸酸甜甜，整得好好食！小食叫咗個皇牌滷水三寶，廿八蚊就有3串，有生腸、火雞腎、魷魚。上面加咗甜醬同芥末，凍食，好惹味！另外仲有杯豆漿送，想轉其他野食可以加5蚊，罐裝就加7蚊！

外賣自取訂單 經常漏單 叫過5次 3次都漏餸 錢就照收 餸就係唔比仲要外賣紙冇寫電話 幾經辛苦上網搵到個電話 打過去聽綠音話星期六話冇辦公？岩岩先買完話冇辦公？根本追索無門！！影響體驗！最後又要我親身落去講我落去買完上到黎發現冇餸冇電話打逼我自己落去換M記漏野都會派人補上黎啦更何況人地有人聽我電話！！

在大圍踩完單車，大圍友話有間10幾年嘅老字號專食車仔麵，所以就帶咗我去食。車仔麵來講選擇都唔算少，腸粉，即炸系列，小食都有，所以都幾多選擇，而且性價比奇高，幾十蚊就食到超飽👍🏻👍🏻👍🏻👍🏻⭐️瑞士留心蛋必食，做得好好，流心剛剛好！⭐️加上咖哩汁，麵吸收曬D汁，好正😋分量好大，大大碗👍🏻⭐️炸魚皮➡️好新鮮，好脆⭐️豬頸肉爽口入味⭐️滷水三寶好入味，特別係魷魚，超好食加上芥辣醬，同滷水汁配合得天衣無縫，好惹味！車仔麵最好的地方就是豐儉由人，而且選擇好多，幾十蚊就可以食到咁飽，已經好少見咁平車仔麵👍🏻而且食品質素都好高！難怪可以做咗10幾年，成為街坊的最愛❤️👍🏻

假日在大圍的一家老字號吃車仔麵, 原來餐廳已經是十多年的老店, 我猜想這裏主要也是做街坊生意的。 裏面的店員很好客, 很有禮貌。餐牌上以車仔麵為主, 配料有很多款供選擇 , 店主推薦瑞士雞翼和糖心蛋。既然是店主推薦到的, 當然要試一試啦!溏心蛋的蛋黃是半熟的, 有驚喜。蛋白很嫩滑, 沒想到一間小型車仔麵店造的溏心蛋也做得那麼好吃。瑞士雞翼幾惹味, 雞肉幾淋嫩。另外, 我也點了一杯凍豆漿來喝。凍豆漿很好喝, 有香濃的豆味, 甜度剛剛好。由於我真的很口渴, 所以不用五分鐘, 就已經喝完一大杯。

今日係大圍有野做，為趕時間，去附近食個車仔麵…我點嘅係貢丸、魚肉春捲、炸魚皮 + 腩汁配河粉 - 腩汁真係一pat芡汁咁樣放咗喺碗麵上面，貢丸得兩粒，魚肉春卷得1條，仲要係好暗啞嘅色水，我期待嘅炸魚皮好韌，完全…唔好食。朋友點嘅係咖哩魚蛋、牛腩同埋仲有一樣唔記得咗係咩，配油麵 - 咖哩汁都係一pat芡汁咁樣放係碗麵上面，可能係特色，魚蛋算多，有5粒，牛腩肉就好似三件。小店應該係家庭式經營，做街坊生意，食物賣相真係麻麻，味道都係麻麻，可能只勝在叫3餸面有杯豆漿送。

下午跟朋友路經大圍，口癢癢想吃車仔麵，見下午茶時間比較少人，不需要等位於是就衝入去試一試。坐下後點餐要剔點菜紙，小店來說菜式選擇也算不少，連粉腸都有><很多東西都想吃，但只有兩個人，十分苦惱揀咩食。可能大多做街坊生意，價錢都算平民，35蚊有三餸+飲品門口牆身全是餐牌，要花些眼力才行。看走了眼可能就錯過了很多美食。聽街坊說咖喱辣汁好惹味，於是挑戰特辣咖喱肥牛撈粗，再另加魚蛋及雲吞。咖喱辣汁真係好香濃，有兒時街邊咖喱魚蛋辣醬，那種回億的味道，不過這個撈麵偏辣，不能看輕它的辣度。程度大約是譚仔中辣，嗜辣者必點!!!幸好有點豆漿解解辣。另外是朋友點的車仔麵::豬頸肉+蘿白+魚皮餃粗麵(加腩汁)喝一口湯底，偏濃郁但不鹹，感覺沒有味精。粗麵也彈牙滑溜。吃了一塊秘製豬頸肉，不知甚麼醬汁醃製，炆得很入味，肉質爽脆但又軟糯，咬下去D油脂及肉汁在口腔內盪漾，有種濃濃的邪惡感。必點即炸魷魚鬚!!!!上枱時熱騰騰，咬下去皮很薄但香脆，魷魚面頭有椒鹽香而且多汁，而且都很大條，忍唔住食多好多。香口野真是忍不住口。另外都叫了一個皮蛋，份量不算多，麻辣香氣後勁較強，入口幾秒才散發在口腔中。給這間車仔麵

平時真係貪方便有外賣服務先叫，D野味道真係普通，但都可以接受，不過D服務態度真係差，最過份我平時只會叫一麵加個幾個餸，但佢每次都吾同價錢，問送外賣個個佢又話吾知叫我問返個老闆，以後都吾會幫襯

這裡曾是我常常來吃的lunch ，因為真的超平超抵食 ，而味道有十分之好味!! 這次叫了河粉加底，雞翼，雞翼尖，芝士腸，酸菜。雞翼和雞翼尖醃得很夠鹵水味，連雞肉入面也有! 芝士腸有芝士味。而我最喜歡，就是它的酸菜和漢堡扒，可惜這次漢堡扒賣完了。它的酸菜十分酸，而不是很鹹的那一隻。漢堡扒會配上燒汁，燒汁十分濃味很好吃。環境上，不會坐得太逼。不過櫈是圓形的櫈，坐得耐腰會有點累。員工的態度也很友善，會耐心解答問題。這間店真的超讚!! 入大圍必食!!

講明先 我講大話就天打雷劈 不得好死我今日去顯徑工作，見依間車仔麵就腳 就入左去食麵款8蚊 每樣餸7蚊 都係正常價錢 諗住應該冇死我叫左 幼麵 + 牛腩 +雞腎+豬腸幼麵煮到化開晒 林到好似隔野公仔麵咁牛腩超細 面積同男人手指公指甲咁大 仲要好薄 仲只得3片仔 食落冇牛味 咩味都冇雞腎 得3片仔 硬到爆 ( 唔係爽口 ) 成陣雪藏味 豬腸 又係得勁少 加冇味下次一定唔會食依間野

現時，有好多新派的車仔麵店，無論麵底、湯汁、配料選擇少，份量更加少上少，貴價又唔飽; ' (往往不及傳統的車仔麵店。可惜，傳統車仔麵店食一間，少一間。而顯徑車仔麵，我由中學食到依家出尼做野，味道依舊。配料選擇仲愈尼愈多！性價比相當高：份量多多、一大碗，係中學生都可以負擔嘅價錢。平有平食，兩至三送，$2x-30，都夠飽肚。我個人有強迫症，唔止求飽，仲求大滿足所以次次都會叫四至五送, 都係$3x-4x!!識食一定要叫辣汁+腩汁！(如果你好似我咁，喜歡咩都撈汁、飲湯的話，食到咁上下可以舉手要求加汁，唔使怕羞）：豬頸肉        ：可謂店家秘制，我未曾係外面食過咁甜又入味既豬頸肉！炸魷魚鬚  ：脆扑扑，皮脆得尼唔係成舊粉咁！ 其他配料推介：牛柏葉、魚皮餃、雞翼、雞腎、咖哩牛筋、豬紅除咗有得食車仔麵之外，仲有小點心、粥品、碗仔翅等。推介大家：金牌雞粥、碗仔翅。衛生尚可， 店員都好和藹可親，加汁加湯唔會黑面，又會主動同客人傾談， 人情味濃！不足之處：位置唔就腳！往時細個返學都仲會經過，依家出尼做野，屋企又唔近，真係三-四個月先專登入食一次。

突然間好想食車仔麵... 就去好耐無幫襯過顯徑車仔麵... （平時真係好少會突然間只想食車仔麵）XD一入門口... 連個車仔麵幾錢個牌都未望到... 阿姐就已經問我要咩麵咩餸... 效率同舊時一樣咁快...鹵水雞亦每次都必食... 今次食... 都係鹵得好淋好入味~ 牛筋都同腸都算唔錯... 3 餸 1 麵 28$ 加腩汁再加少少辣椒油一齊食正好多~

車仔麵成日都有得食 但好食既就唔係咁多有部分店舖望住個餐牌竟然想揀3個送都有困難但係顯徑車仔麵就唔會有呢個苦惱 有時仲會心多多想揀多幾款餸雞翼,豬皮,蘿蔔,腸仔,咖喱魚蛋,丸仔餃類果d 基本野就當然水準之內無難道啦但最正竟然有炸魷魚鬚 齋,豬扒,回鍋肉,牛柏葉,炸豆腐,豆卜,枝竹等 就連菜都有幾款揀, 對愛食菜既我非常滿意 一至五仲有凍飲送 30幾蚊抵食另外碗仔翅又係另一推介

呢間車仔麵係我中學時期既最愛，因為佢夠平，又好味，所以就算而家出左黎做野，我都間唔中特登去食佢既環境同普通舊式茶餐廳無太大分別，坐位係圓登，但係我既角度都無所謂，因為我唔係食佢環境，野食好食就得呢碗係魚肉 蘿白 牛腩 湯粉 魚肉 真係有肉既鮮味同埋係有咬口蘿白 好甜好入味牛腩 唔痴牙，但唔夠林呢碗係 魚肉 豬頸肉 冬菇 米線豬頸肉係有調味過，好爽口入口冬菇 炆都好入味 爽口單點 豬紅我覺得豬紅係最keep到水準，最好味，出面好多時都係一夾就散，但佢係唔會散而且無怪味，加上調味既辣牛腩汁真係食極都唔厭今次黎發現原來假期唔包野飲，野飲要散叫，但總括黎講都好抵食

琴晚冇時間食野就落左樓下是但揀間野食。咁就食車仔面啦又多餸又飽肚。黎到顯徑車仔面識食一定係食炸魷魚鬚，未浸落湯就脆脆地，浸左落湯雖然唔脆但係食落口都唔會好嘔心 因為只係好似多左增皮姐～D姐姐既態度都唔差  效率都高～

其實這車仔麵可算是童年回憶、小時在球場邊小販時以常常幫襯、味道永留在心中、當轉進店舖時在現在光仔記的位置、那時食物種類比現在小、但美味非常、最後轉到現在的位置、味道以下降、但相比同村內還算好。今日又去到呢間車仔麵食野、食由細到大都叫既魚蛋、豬紅、雞翼尖、油麵、辣汁方面因味道以下降所以轉為麻辣汁。我朋友就叫左一個炸醬麵。我地好快咁食完就走、我地講起小時同現在相比味道差左好多。先講我既感覺、魚蛋點解可以淋到一d口感都冇、我真係好想問下點可以做到、教下我得唔得！豬紅就都係咁好食、雞尖就爽到呢、好似冇熟過咁、麵就同平時一樣啦、麻辣汁就幾好味。我朋友就只係講左一句、永遠回憶先係最好。我好多囗咁問佢點解啦、佢答我炸醬麵出左一年幾、佢到呢到只會食炸醬麵、因為佢話呢食物類型多左好多同時差左好多、所以一出炸醬麵之後就只食炸醬麵最主要原因就係唔洗諗、同時話幾有新意、大家所知炸醬麵係用生麵做低、呢到係公仔麵做低咁關回憶咩事呢？佢好快同直接咁答我、炸醬麵既炸醬變左炒肉碎勞麵變左半湯麵、咁既野我重次次來都係食佢、咁唔係返來食回憶係咩呀！！！咁點解呢？原來個炸醬麵既公仔麵留低太多水所以炸醬既醬汁比水搞到變左湯所以