風流居酒屋 (已結業)

我去完旅遊回來，好耐無和同事一起聊心八卦，去選擇一間日本餐廳聊天嘩，環境這麼美觀，日本氣氛帶上，我心情很好，餐廳播一首音樂是我喜歡：男兒當入樽坐得以舒服，我吃午飯時間比較早，餐廳到1點就坐滿人，門口也有客人排隊，不要理先點兩個套餐先上好香的麵豉湯再上兩個小缽和沙律，清清口和醒一醒胃好貼心豚肉扒炸得酥脆可口，外皮咬一口，脆卜卜聲音由口腔繞到耳腔，味道環繞在口裡，肉質嫩滑，不太溶是磨成糊狀，不太硬是一口咬下去，爽口帶滑，好吃大腳印出十款壽司，肥美魚肉，肉嫩鮮甜每款壽司都是季節性壽司，只有冬天才食到這款魚，老闆好貼心為大家選擇美好食材十款壽司精心製作，魚來自日本空運返港，用這價錢食，超級抵食多樣化午餐下次再食鰻魚飯

今日嚟到銅鑼灣辦事，原來永光中心上面滿滿都係食肆，咁我哋就點指兵兵，點咗呢間風流居酒屋，一來見店名幾得意，二來想食日本嘢。裝修格局真係好有日本居酒屋feel, 環境寧靜，卡位亦夠寬敞，可以坐喺度慢慢歎個lunch。午市時間有各式各樣嘅套餐選擇魚生、壽司、天婦羅、熟食樣樣齊，咩口味都兼顧到。前菜有日式沙律、南蠻漬銀鱈魚腩同味噌湯。和式沙律汁中加了点点芥末，口感非常清新。味噌湯内加了洋葱絲同紅蘿蔔絲，令口感更豐富。特別喜歡其中嘅精選銀鱈魚腩以特別嘅南蠻漬炮製，外皮烤得有点脆，內裡魚肉幼滑鮮嫩，異常滋味。隨之是網燒安格斯牛小排 ($148) 上場，賣相不俗。烤成五成熟嘅牛小排，肉質鬆軟，牛味濃郁，並有秘製牛排汁、炸蒜片、芥末同特上岩鹽等不同配搭選擇，啖啖不同滋味。蒲燒鰻魚丼 ($168)，呢個係廚師今日特別推介嘅名古屋鰻魚三食，有別於坊間一款單調食法，廚師教我們先將鰻魚飯分成四份。初食：原味燒汁。二食：可配芝蔴、芥末、薑蓉、葱等四款不同醬料，試出意想不到嘅新滋味。三食：茶漬飯食法，碗內先加入柚子皮同紫蘇葉，然後再加入茶漬同飯素。呢款與别不同嘅食法，打破傳統嘅單調滋味，絕對值得一試。至於第四份

周日假期想靜靜地享受一頓日式午餐。呢度嘅燈光偏暗，細細地播放住日文動漫歌曲。午市套餐都算多元化，瞬間已經諗好食咩？附送開胃前菜及沙律菜。套餐包括飲品。巨峰提子梳打及熱柚子茶！味道同外面無異！ 值得一讚是唔算太甜。蒲燒鰻魚丼 $128呢個鰻魚丼有兩種食法。鰻魚係射燈底下照得閃閃發光，因為塗上蒲燒汁。鰻魚有半條份量，底下舖滿蛋絲。鰻魚食落厚肉，外皮Q彈，連蛋絲白飯一齊食好滿足。剩番3分1，就可以試第二種食法：茶漬飯!食剩嘅白飯加上飯素, 再淋上柴魚香嘅清湯變成泡飯嘅食法，多左一份濕潤清甜口感，別有一番滋味。網燒安格斯牛小排配特上岩鹽 $148配埋清甜洋蔥野菜湯。牛小排色澤鮮明粉嫩，剛好最完美嘅5成熟。可選擇沾上岩鹽或配酸梅汁食用。個人比較偏好前者，牛肉本身肉味已經非常濃郁，所以沾上一點點岩鹽味道已經很出。將白飯一同放入口中，油脂滲滿白飯充滿油香美味，超滿足。以呢個價錢，算超值高質享受！

銅鑼灣新開居酒屋，朋友喜愛日本菜，特意帶我一起去吃。位置：餐廳位置很便利，時代廣場附近，很好找。環境：裝潢光亮乾淨，正宗居酒屋風格，座位寬敞舒適，仲有行李籃提供，好貼心員工友善熱情，會主動推薦每日新鮮限定菜色，我們三人點了好幾樣菜色：鮪魚大盛：大鮪魚腩入口即化的鮮美口感，一流，而且刺身份量十足，推薦指數風流壽司盛合：裡面包含當日限定魚生，一上菜第一時間品嚐金目鯛魚生壽司，師傅加入少許柚子醬汁，不但帶出魚生鮮味，爽滑魚肉同時有清新的口感，超正 當然其他魚生壽司都是同樣的鮮美魚湯：這個湯鮮甜好味，用每日限定鮮魚煲成，大大塊魚肉在湯裡，而且仲好嫩滑入味，無魚骨慢煮南非鮑魚天婦羅：鮑魚經過慢煮再炸，外脆的表皮加內裡嫩滑鮑魚肉口感滋味一流紐西蘭帆立貝：當日空運到港限定海鮮，加入蒜粒蒸煮鮮甜爽滑燒芝士年糕：我係芝士愛好者，這個年糕燒得剛好Q糯的咬感配合熱騰騰的芝士，必點菜之一整體來說：每道菜都吃得很開心滿足，服務周到，環境乾淨舒適，回頭指數

假日拎手機去整，又要經過銅鑼灣，所以又係係銅鑼灣搵食既時候。登龍街地鋪已經好多選擇，不過大部份經已食過。今次就揀左係永光中心入面既風流居酒屋。居酒屋內環境都唔錯幾有日式風味。今次同男友分別每人揀左個LUNCH SET而店員話鰻魚飯三吃LUNCH 時間可以做到特價198所以就點左一份啦。鰻魚飯三吃鰻魚三食係香港其實並不常見。大概將佢分為3食的話分別係1.就咁食或點上芥末/鹽食;2.鰻魚同飯一齊入口;3.最後就係用鰻魚茶漬飯食啦。本身鰻魚份量都算多，而且夠哂肥美，可以足夠比食客試到唔同食法。因為鰻魚上會有鰻魚燒汁，就咁食落下都好夠味。另外加入芥末食落去反而效果唔錯更加帶出鰻魚味同口感。不過3種食法入面，茶漬飯係最好食!茶湯入面甜中帶少少鹹，配合飯食起上黎十分惹味呀~~カルビの網焼網燒牛小排牛小排SIZE好適中，色澤都幾好睇，可以見到中間雖然紅，但已經熟透。證明師傅把握時間非常準確，可以鎖住肉汁。再點上旁邊岩鹽同芥末將味道提昇。另外點了2杯梳打中和返2份熱食既油膩。白桃活乳酸梳打巨峰活乳酸梳打

永光中心日式料理餐廳林立，鍾意食日本菜的朋友或於銅鑼灣一帶上班的朋友，相信都會食過6樓呢間風流居酒屋。出電梯迎面素色系裝潢，和風恬靜感重。牆壁貼上日系畫；頂上繫上一連串旗子。燈光通透柔和，頗為舒服。午餐MENU一共6款，有鰻魚飯、吉列豬、海鮮天婦羅、魚、西京燒同埋牛排。花款各異，簡單直接，唔怕選擇困難。每個餐都配有小菜、沙律和味噌湯及飲品一杯。點了較為少見又特別的西京銀鱈魚($138)，和店鋪推介的浦燒鰻魚丼($128)，跟杯熱柚子茶同埋巨峰活乳酸梳打。待著的時候，發現這個鼓油瓶都幾靚，檯面設計也花了心思，麻質面，與牆身呼應，同一格調。前菜沙律和小食都到啦，開開胃先。主菜西京銀鱈魚，燒得光澤，肉身厚軟。筷子輕推銀雪魚，魚片便完整地分開。魚身入味甘甜香滑，啖啖蜜糖味特別討我歡心，簡單的配上日本米，已經足夠。一飯一餸一湯，間斷飲下味噌湯，食下湯中金菇，直接的滋味可口。另一主菜都上了。浦燒鰻魚丼，份量十足！而且重有享受三部曲添。第一，先嚐嚐浦燒鰻魚的原汁原味，肉質肥美，十分惹味。第二，可配上左邊三款的組合，增添鰻魚多樣味道。三款入面，我鍾意芝麻跟wasabi組合，減低鰻魚重膩感之餘，仲提高一

星期日 同男朋友拍拖好想食日本野去開銅鑼灣 所以去左登龍街永光中心一入去呢度好有日本感覺 我揀左要重鰻 - 浦燒鰻魚飯呢個SET 首先係好靚 除左一盒鰻魚飯旁邊仲有香葉 柚皮 芥末 薑葱等非常細心地仲有壼茶 可以做茶漬飯鰻魚肥美 加埋個好味燒汁 食落仲好嫩滑飯粒煮得香軟 加入蛋皮同燒汁落個飯度一口鰻魚一口飯 簡真係天作之合當淨返一半飯 可以將啲飯放入碗內加上茶湯同香葉 再配上少少芥未即刻好似叫左另一款野食咁 增加左新鮮感另外男朋友叫左另外一個野食係網燒牛小排定食淨係塊木皮都好加分 配上大概4-5成熟安格斯牛小排再配埋特上岩鹽醬汁 突出左個牛肉味而家牛肉中間仲係粉紅色 入口香濃 又嫩旁邊仲有炸蒜片同烤蔬菜配上白飯 特別好味

今日同同事一齊去食日本野知道登龍街過邊一直都有好多日本餐廳，但都未試過！同事食過風流居酒屋話好高質所以今日就去一嘗味道。門口挂住是日推介。居酒屋的環境很雅致，很有日式的感覺。後面擺放了很多不同種類的日式清酒！而且還有Bar 枱！！！可以一路食，一路欣賞師傅的手藝。餐廳的午餐選擇非常多，淨係lunch set 已經有3款餐牌！最后和同事叫左兩個不同類型的Lunch set！！！我的Lunch set是$120蚊，然後可以揀3種不同的食物。我叫了，溫泉玉子牛肉+手握壽司4件+餃子。隨set 還附送小食，沙律和麵豉湯。溫泉玉子牛肉：分量都唔細，可以叫店員加飯！溫泉玉子牛肉口感嫩滑及色澤鮮明，溫泉蛋連同牛肉一起攪拌令到口感更豐富，十分出色。手握壽司4件：本以爲lunch set 的壽司只是普普通通的玉子/蝦壽司擺了，誰知道居然是時令的魚類壽司！！！分別有依佐木，深海池魚，金目鯛等！！！每一件都甘腴盈肥美而且魚香鮮甜，肉質柔軟肥美甘甜。每件壽司裏面已經有wasabi！同係日本食的壽司製作方法是一樣的。日式餃子：餃子皮軟硬適中而且煎得很脆！肉餡鮮嫩多汁，連醬都唔使點味道和去日本吃的餃子無差朋友叫了

之前已經講過，居酒屋係一個偉大嘅存在。今日陪媽咪黎到銅鑼灣shopping，行街前梗要醫下肚先！黎左登龍街嘅風流居酒屋，發現lunch set抵得黎，質素仲物超所值，所以一定要打篇食評介紹下。我毫不猶豫地叫左壽司定食12件，上到枱果然沒令我失望！😍12隻壽司款款不同，除左指定嘅海膽軍艦、蝦同拖羅壽司外，其餘都係超新鮮時令貨，冇因爲lunch set平啲而比hea貨！好開心☺️☺️先食海膽同三文魚籽軍艦。想讚塊紫菜好脆身，而壽司餡就好新鮮，每啖海膽都係鮮甜，而三文魚籽就爆哂汁咁，係味覺一大享受！另外估唔到食set都有甘目鯛同拖羅，食落油脂豐腴，口感豐富，超值！媽咪唔想食壽司，所以叫左個豚肉生薑燒。豚肉份量好多，整得好惹味。雖然隻溫泉蛋冇流心效果，但食落蛋味香濃，撈埋啲豚肉亦令口感更富層次。跟餐仲有個細叉燒拉麵同小食，3樣野只係$120，媽咪都係咁話好抵😂

又是期待以久的星期六了，今天去了銅鑼灣吃日式午餐，這是朋友介紹的餐廳。兩點去到，接近落場時間所以客人不多，可以影一影餐廳的環境。午市套餐3+1 $120，配小鉢、沙律、味噌湯。選擇很多，我選了特上黑豚肉生薑燒、手握壽司4件及芝麻雞翼。特上黑豚肉生薑燒味道好，洋蔥甜甜易入口，黑豚肉不硬，沙律配了芝麻醬；手握壽司魚生新鮮，但飯也是太酸了；芝麻雞翼好脆口。角切魚生飯 $180，魚生飯特別之處是有多種不同嘅魚，而且份量都幾多，平時在香港好少機會在魚生飯裡面有咁多款，芥辣質地是一粒粒，似即磨的那一種不會太辣，不過略嫌飯加得太多調味。

今日Lunch同事話帶我食一間新開既居酒屋，仲book埋位，咁有誠意當然要試下!餐廳位於好多野食既登龍街永光中心，呢橦大廈亦有不少食肆，所以如果食完飯就需要等較耐既時間先有𨋢搭啦!餐廳唔算好大，佈置好有日本風格。餐廳還有房間可book，方便一班人食飯。午市定食亦有不少款式可以揀，而我就揀選我好耐冇食過既刺身飯!定食之前菜、沙律及味噌湯，前菜是牛蒡豬肉，好有日本的風味，跟日本街頭吃的味道一樣!沙律是配有和風醋的沙律菜，很醒胃。而味噌湯內有很滑的豆腐，味道不算太咸，唔錯!角切魚生飯，魚生飯當中的魚生相信是有時令魚，再加上吞拿魚、三文魚、三文魚籽，還有海膽，所有魚生都好新鮮，唔會食到有梅左的。冇諗過魚生飯都會有海膽食，而且很鮮甜。魚生切得都好厚身，加埋D飯一齊食，啖啖肉!而飯同魚生的比例應該係個碗既各一半!所以呢個飯食到我好飽好滿足!不過如果個飯冇落飯素會更佳。總括黎講，Lunch可以食到呢個咁優質既魚生飯真係好滿足，下次到我帶同事或者朋友黎試下!

去不了日本，也可以，到居酒屋，讓自己，沉醉於日本風情中。讓眼球與舌尖，去一次旅行…… 翻閱了餐牌好一會兒，才拿定主意。 她，只喝熱茶，小妹，則任性地，要了一杯白桃梳打。 午市套餐，均附送前菜小吃、沙律和味噌湯。 味噌湯，不知怎的，看其顏色與質感，再嗅一下，感覺像羅宋湯多點兒。吃一小口，果然是羅宋湯，且混入牛肉，小妹只好捨而不吃也﹗ 前菜小吃，是蘿蔔配牛柳粒。小妹，只能繼續忍口。 粟米、蕃茄、青瓜與沙律菜，配以芝麻醬的沙律菜，輕盈清爽。 壽司定食12件$168，有拖羅、蝦、劍魚、吞拿魚、池魚、鯛魚、海膽、蟹籽、魷魚等，質感、食味、油脂均不一也，彷如，形貌不一的十二金釵，各具特色。一次過，可以有十二種不同的味覺享受。 碩大爽脆爆汁鹹鮮的魚籽，捲著紫菜，伴以香粘具咬口的壽司飯，果然不同凡響。 金黃軟滑鮮美的海膽壽司，你又豈會不迷倒其裙下呢？ 蝦刺身壽司，甜美粘滑，美不勝收﹗ 西京銀鱈魚$138，以濃鮮鹹香西京汁烹調的銀鱈魚，魚皮煎至微焦香口不在話下，肉質入口細滑幼嫩無比，蘸上沙律醬同吃，再配以粒粒飽滿香糯的白飯，煞是好吃。只是，稍嫌醬汁未夠多，銀鱈魚份量也過少，不足以

星期六中午收工，約了同事去銅鑼灣登龍街食Lunch ，我們行到較多選擇的永光中心，就選了6樓的居酒屋入去坐底後服務員很有禮貌地給我們送上餐牌，但看了餐牌一陣我都選不到吃什麼，因為這裡午餐定食套餐，實在太多配搭和選擇了，這時候服務員就過來介紹，餐廳很多食材也是空運到港的，於是我就選了午餐定食 B 壽司定食十二件，因為餐牌註明了有七件時令季節魚，我同事就選了午市套餐3+1，服務員首先為我們送上前菜、沙律和味噌湯，今天的前菜是弄得非常入味的牛舌蘿白，而湯就是非常濃味的牛尾味噌湯很快賣相非常吸引的十二件壽司餐就送上我面前了，壽司真是每件都非常美味，輕輕燒了面層的左囗魚，豐富了的油脂加倍美味、海膽鮮甜可口、油甘魚和三文魚亦都相當鮮味，很快十二件就給我吃完了我同事點的3+1 套餐，是原條烤魚套餐，他說味道也不錯，我見他跟餐的刺身3點，也是相當厚切，下次也可以點來試一下，今天的午餐我們也相當滿意。

今日約咗位朋友行街同埋慶祝佢生日，因為依位朋友非常喜歡食日本料理，所以我搵餐廳時只攻日本餐廳，咁啱見到依間新開張名為風流居酒屋嘅日本餐廳，原來大圍都有分店，而且大圍分店非常有名氣，最近先開分店係銅鑼灣，雖然兩間店本人都未食過，但係壽星女話聽過朋友介紹，好想試吓，咁就一於揀佢啦！首先餐廳嘅座位都算鬆動，而且裝潢同日本居酒屋一樣偏向簡約，令人有種好舒服自在嘅感覺。午市套餐嘅選擇都好多，正當我心大心細之時，餐廳老闆就好細心地介紹餐牌嘅選擇，而且在對話間都透露出餐廳正在構思下個月嘅新菜式，當中仲有我哋都好喜歡食嘅壽喜燒，當我話今日朋友生日，老闆就話可以俾我哋預先試食依份安格斯牛肉壽喜燒。依樣就係我對居酒屋特別鍾情嘅其中一個原因，通常同老闆傾傾吓計都會有餐牌無又或者比較少機會食到嘅菜式可以試到。除咗安格斯牛肉壽喜燒，我哋再叫咗份角切魚生飯$180。套餐會有沙律、小鉢、熱湯。沙律新鮮清爽，而小鉢都好好味，係煮得好軟身又非常入味嘅牛肉粒同蘿蔔，熱湯係蕃茄牛肉湯，煲得非常濃味。角切魚生飯首先份量相當大份，而且除咗飯量多之外，魚生嘅份量都好多，完全蓋過經過特別調製嘅白飯。除咗有多種類嘅魚生，仲有三文魚籽

雖然天氣不似預期🌧🙊但難得同女友撐下枱腳依然保持好心情☺️適逢早前有朋友介紹呢間不錯吃😋還掂放飯時間就腳一於黎睇下間野有幾風流先🤪位於銅鑼灣既風流居酒屋🏮喺銅鑼灣站B出口經軒尼詩道行過黎亦好方便😆呢度環境暴走東瀛風路線🇯🇵😆周圍掛滿唔同日式風味既擺設同布簾之餘😆而周邊亦放滿各款日式酒類十足居酒屋風格😆🇯🇵卡位座位設計有空間感坐得幾舒服☺️讓客人置身於日本地道居酒屋既感覺⛩☺️午市套餐套餐有包沙律前菜同埋麵豉湯😆夠哂豐富☺️海之幸角切魚生飯滿滿既定食刺身飯以一流豐富既賣相上枱🤩有聚多款式既新鮮粒粒角切刺身之餘😋更有新鮮海膽以及三文魚籽襯托著😆🐟盡顯大廚精心工藝👨🏻‍🍳🙊令食客大有口福及眼福☺️食得又睇得😆📸午市3+1套餐呢個套餐俾食客風流地自由配搭🤪小肥揀左雞肉親子+咖哩飯+日式餃子🥟😆雞肉親子即係滑蛋煮雞肉🤪🐔滑炒蛋配合煮得滑嫩入味既雞肉😆灑上大量幼紫菜絲亦增添更多口感😋而微辣既咖哩汁以洋蔥絲慢火熬煮🍛🔥令咖哩汁更為鮮甜之餘🤤拌以白飯一齊食係絕佳配搭😆🍚灑上蔥花亦增添口感🤤而餃子內既豬肉餡亦夠入味Juicy😆配合厚度適中既餃子皮🥟形造出皮薄餡靚既口感🤪🥟