風流居酒屋 (已結業)

香港人當日本係家鄉一樣，一有時間或放假都回鄉去。大部分人都喜愛到日本shopping 或者尋找美食。我當然無例外啦。的確日本的傳統和堅持令食物都保持水準，令人愛不惜口。有時在香港都想尋找這新鮮味道，但食店質素總有參差，就要看你是否幸運喇。今日行經登龍街見呢間新開的居酒屋，一於挑戰下。午餐都幾多選擇，我和朋友分別選了，角切魚生飯：碗上鋪滿一層色彩繽紛的魚生，買相已經很吸引，店員分別介紹魚生種類，話說大部分魚生都係飛機進口新鮮貨色。魚生非常新鮮，魚子還用醬油餣過，厨師用料絕不小家，大塊大塊的海胆也加進飯裡呢，海胆鮮甜，唔會有腥味。朋友選的美國安格斯小牛排，要了5成熟，上枱已經切成片狀，肉呈現漂亮的粉紅色，外面燒得香脆，入面還有肉汁，加少少粉紅鹽調味已經充夠，伴碟的翠玉瓜也是亮點之一，瓜上面的醬汁味道非常好，朋友都讚不絕口。飲品點了巨峰和白桃梳打，不是罐裝貨色，是用上日本果汁加梳打，自家調製，味道剛好。小店用心也細心，值得再嚟。

放假中午約咗朋友，去銅鑼灣行街。行街前當然醫下肚啦！聽朋友介紹附近有一間新開的日式餐廳，質素不錯。入到餐廳見到有好多日本主題的擺設，還有牆上貼很多日文菜牌，日本氣氛濃厚的。見到餐牌上的海膽丼超吸引，所以我叫了午市定食-原版海膽。店員俾前菜時好細心，為我哋介紹，原來今次嘅湯係用左蝦去煮的。前菜有沙律同埋海葡萄。我飲一口湯，嘩😱好有驚喜！湯好甜，再問店員原來是用咗牡丹蝦去煲的。廚師會按照那天的材料那種新鮮而去採用，所以會不一樣，真是很驚喜。😍👍🏻👍🏻👍🏻之後到主菜有一版海膽，我好快就將海膽包住紫菜同飯一齊食，海膽都算新鮮，軟軟的，這樣包着紫菜我會忍不住吃多了很多飯。溫馨提示，啲飯要攪勻佢先至包海膽會好味啲，如果唔係會覺得好鹹。或者可以就咁紫菜包海膽，超好味。

朋友介紹銅鑼灣一間居酒屋, 個名叫風流居酒屋。咁特別的名稱，放假中午要同男朋友試一試先。店員話餐廳源於大圍，而家在銅鑼灣開分店。星期六的午飯時間，有set lunch, 好多選擇。而且可以輕輕鬆鬆食個靚lunch。每個set lunch 都有前菜及味噌湯，前菜每天都有不同，由廚師精心炮製，今次是味噌煮紅蘿白蓮藕，脆口新鮮，再來一碗味噌湯，熱騰騰，先暖暖胃，而且味道恰好。角切魚生飯，魚生排滿了飯上面，賣相吸引，最搶眼的莫過於海膽，但也不要少看其他魚類，三文魚，油甘魚，𩶘魚等等新鮮啖啖肉，不會因為是角切而有筋。我最欣賞還有火炙三文魚吞拿魚粒，半熟的感覺撈飯食好好味。男朋友就叫了3+1 午餐，呢個3+1午餐讓人心多多。餃子飽滿，內裏有肉汁，外皮香脆。咖哩飯香濃，少少辣，是日本容易入口的一種，不知不覺會吃了一碗飯。最後炸雞，雞肉嫩滑，炸粉很薄。銅鑼灣美食雲集，小店從大圍開展到銅鑼灣，必須有一定的實力，這間餐廳熟食及魚生水準甚佳，有機會要再來風流一下。

係忙碌工作之中都不忘要放鬆一下。同同事們係附近做完野，就梗係姊妹淘下啦～難得大家都係識飲識食之一，就一齊去食好野啦！風流居酒屋🏮一入到間居酒屋就好想飲番幾杯🍶環境好地道呀～一間日式餐廳除左以食物正宗吸引客人外，環境都超重要，可令人留下深刻印象。風流居酒屋，食物味道同環境都一流，性價比超超高。前菜- 沙律、海葡萄、牡丹蝦麵鼓湯香港少有的日本料理，每天都以最新鮮的材料煮麵鼓湯，店員話今日師傳揀左牡丹蝦。嘩！真係唔講得少，非常鮮甜仲有沖繩特產嘅海葡萄，正，有抗氧化、美容作用架～女仔真係要食多D！原版海胆丼 $180成版赤海胆，一上枱就引來尖叫，賣相已經爆吸引濃濃海水味，鮮甜，口感豐富～忍唔住齋食左好多啖海胆～實在美味用紫菜包住或者加埋飯一齊食，完全係唔同感覺架！必食推介～～刺身定食五點$188每款刺身都超肥美～～是日最愛係火炙金目鯛壽司定食12件～$168拖羅、蝦🦐、三文魚、劍魚、吞拿魚、池魚、鯛魚等等，全部海鮮都非常新鮮呢個抵食咼！環境、食物都一流，性價比非常高。呢個價錢實在超值

銅鑼灣每逢中午食飯都勁多人，同事發現左間新嘅日本餐廳，我哋兩個都勁鍾意食刺身，所以決定黎試。好好彩中午一點鐘上到嚟仲有位，佢有三種中午menu，一個係刺身定食，另兩個就係一啲熟食嘅午市套餐，我哋當然係試咗刺身嗰個😆中午來講lunch set款式都幾多。午市定食有跟小鉢，沙律，味噌湯。小鉢幾好食，係蘿蔔加牛柳粒。味噌湯有d奇怪...變左羅宋湯，個味有d特別角切魚生飯呢度嘅魚生飯都幾有誠意，非常足料！而且魚生款式都好多唔似出面嗰啲通常得好少款，呢碗入邊有好多款下，但本身以為有海膽，所以有少少失望。入面仲有飯素，更加好食。魚生真係好新鮮！唔會乾身，有甘香。壽司定食12件賣相好靚，款式多，一次過試晒咁多隻魚生。同事都話魚生好新鮮！配合飯嘅份量啱啱好，唔錯！同事知我鍾意食海膽所以讓左比我食，鮮甜，好好食呀，份量仲要超多總括來講，啲魚生真係好新鮮，份量都多，定食好豐富。而且環境都幾好，唔使迫，可以靜靜地傾計，坐得舒服。下次可以試吓啲熟食定食，性價比好似唔錯。

I had a late work shift so met boyfriend for lunch at 風流居酒屋 (English name: Furyu Izakaya) so we can have Japanese before I headed for work.Like many restaurants in Circle Tower, they usually open at night and are izakayas but during the day, they offer very good value for money lunch sets.The layout of this restaurant is very simple. Spacious tables and chairs with a bar on one end.Lunch time they have a lunch set menu. Menu is in Chinese and mostly English. All sets include a salad, miso soup a

我同友人係瘋狂shopping前，聽說有間日本餐廳料理係銅鑼灣新開左分店,所以上黎食番個lunch先，我地上到去店員剛剛好開舖，店員安排左卡位比我地坐，比左個set lunch menu我地睇同好窩心咁幫我地倒左2杯熱茶，因本人熱愛食海膽，所以我就揀左原版海膽丼套餐，而友人就揀左鰻魚飯丼套餐，套餐有個前菜沙律，小鉢同味噌湯，我地仲加左$8叫多杯凍蜜桃🍑及巨峰活乳酸梳打。餐廳裝潢真係好似置身係日本🇯🇵既居酒屋🏮咁，飲左杯熱茶暖一暖個胃先！等左一陣前菜送上，有新鮮既沙律🥗菜同小鉢，東風螺仔點左個醬汁酸酸辣辣咁好開胃😊，主菜登場啦，有我至愛既海膽丼，成版海膽鋪係面，口水已經流晒出黎🤤，食左一啖海膽簡直係溶化係口，完全唔腥，好有鮮味咁配上熱辣辣既日本飯，好幸福既感覺啊！到再品嚐友人個鰻魚飯，都好正呀！鰻魚好鮮甜，肉又厚，冇乜魚骨，好似食緊魚扒既感覺！唔知係咪太肚餓，我同友人好快就食晒！😋😋😋！之後飲埋配味噌湯，略微咸左DD，不過整體上都唔錯！幸福滿足既午餐！😌++++++++++++++++++如果大家喜歡💕我寫既食評，麻煩比個❤️我，我會寫更多更好既食評比大家！😊

這間剛轉手的日本居酒屋，門外還未轉招牌，午市主要以定食為主，$120起。晚市全部都是散叫，海鮮新鮮，全以時令貨為主。全部套餐包麵豉湯及小食，麵豉湯味道較外面的鮮甜；酒煮螺肉爽口。咖哩豬軟骨+安格斯牛肉烏冬+卷物6件汁㵍豬軟骨至腍，再淋上咖哩汁，豬軟骨入口溶化，軟骨位置質感似牛筋，骨膠原豐富帶點粘性，咖哩汁有點辛辣，送飯一流。烏冬爽滑，牛肉薄切且腍，鰹魚湯底鮮甜。火炙三文魚卷物一口一件，三文魚表面略燒，中間帶刺身狀，肉質鮮甜有油脂，卷物裏面的紫菜青瓜爽脆。鹽燒時令海魚+咖哩飯+日式餃子黃花魚即叫即劏，十分新鮮，燒至外皮乾身，裏面肉質雪白且嫩滑，不過比較多骨，但十分鮮甜。自家製咖哩飯比外面的日式咖喱多一分辣味，而且不會太甜，較為惹味。餃子不會炸得太乾，裏面餡料豐富，肉多過菜。

黎到銅鑼灣緊係去永光中心搵食啦～係A出口行幾分鐘就到登龍街見到六樓有新野個名同大圍食過果間居酒屋一樣就試試佢！！一上到去環境好適合傾計飲野枱與枱之間又唔會太埋我叫既係師傅發板食物質素好好～～最鍾意係白子刺身同元貝天婦羅天婦羅唔會過火白子果個汁又提到鮮味刺身亦食得出唔係cheap野係飛機貨～～大滿足💞💞汁煮魚鮫超好送飯唔會過咸～～傾傾下，原來師傅係鮨文度過黎既唔怪得咁好食啦～～～而且老闆原來同大圍果間同一個老闆佢頂左原本果間喬屋既手順便開分店～加油💪🏻努力💪🏻

一星期有一日Lunch會係銅鑼灣食眾裡尋他千百度終於搵到間可以食完再食既餐廳～風流居酒屋之前係大圍食過，係區內既名聲都唔錯，連住區外既都會專登揸車去食～原來佢地悄悄地係銅鑼灣開左分店～～對於由新界區搬左去港島區既我黎講，真心興奮～～～今日同兩位朋友上到黎，叫左三份set lunch～ 選擇都多～午餐附送沙律, 小鉢, 味噌湯小鉢真心有heart同好食！題外話，佢地個熱茶都好好飲～話說回來～主食來了！！！角切魚生飯海之行$180碗上魚生滿滿～影相個陣都流口水而飯底經過師傳特別調製，唔係一般白飯！超超超特別！大家黎一定要黎試試！因為我落order時曾特別Mention少飯～師傳行過都有問候下我食唔食得晒～好唔好食～佢地真係好有心！刺身十分新鮮，特別係海膽，一D都唔腥（呢樣好緊要）！而且刺身份量好多～食極都仲有既感覺～有三文魚、赤身拖羅、海膽、深海池魚、三文魚籽等～十分高質～咁多魚生，值回票價啊！！！溫泉卵牛丼$68有別於一後牛肉飯～呢個牛肉係燒出黎，會乾身少少，但就多一點香氣～至於半熟溫泉卵～打係燒好既牛肉上面，就令到牛肉口感滑溜D～份量真多～男性朋友表示好飽！親子丼 $62親子丼就是雞與