風車

營業中

休息中

因為喺大圍附近返工，所以經常都會喺附近食飯,近排同事都鍾意去呢度食,除咗價錢合理,食物方面都係做得幾好呢間西餐廳裝修得好光猛整潔，而且座位與座位之間嘅空間預留好足夠，坐得多比較舒服，餐廳中間有一盞大吊燈望落去都幾有情調今日就選擇食午餐，68元，性價比好高，跟個湯，加一個特色飲品就加$12忌廉蘑菇湯蘑菇湯入口非常綿滑而且仲有好香濃嘅忌廉味，加埋蘑菇粒更加有口感又香又滑 正西檸雞意粉 西檸雞炸到非常香脆，炸到金黃色，雞件皮酥脆而雞肉仲係好嫩滑，加上個汁酸酸甜甜，特別開胃而且啲意粉亦都煮到啱啱好，火候控制得好好唔會太硬，有少少大牙，有嚼勁墨西哥辣肉醬豬扒飯呢個墨西哥辣肉醬做得好出色，醬汁酸酸辣辣但有蕃茄嘅甜味，又開胃味道又好，豬扒份量有好多，而且肉質非常嫩滑，入口香濃多汁，配埋啲墨西哥辣肉醬，令到豬扒麵更加突出，口感同味道都好有層次荔枝梳打 荔枝味道好清香，而且飲落去好清爽，加上有啲荔枝肉，成杯梳打都好香整體來講食個晏都係幾十蚊，食物嘅份量都好多性價比好高有時同啲同事收工都會過嚟坐吓，因為佢呢度有Cocktail飲，有生啤，三幾個同事有時喺度傾偈，都係唔錯嘅選擇如果喺大圍附近想搵嘢食試吓呢間

同朋友行開大圍經過呢個餐廳, 環境唔錯, 有梳化位可以同朋友傾計坐得耐D, 又唔太貴就入左去。我地叫左 4 個 lunch set, around $60~$100, 素菜千層面, 水牛城雞球, 日式照燒雞扒脆豬, 同醬燒豬扒土耳其三文治。每樣上台都大大份, 賣相好靚, 素菜千層面 D cheese 岩岩整起熱焫焫, 可以拉絲,  真係食到我地 lam lam 脷 =P朋友大推: 醬燒豬扒土耳其三文治,  因為唔單止好大份, 有 2件豬扒, 豬扒仲好多汁好入味,  配埋芝士其他醬料夾埋一齊放落口, 真係好滿足, 好耐無食過咁大咁足料既三文治包!! 抵食!! 免費跟餐有沙律/餐湯, 或加 $15 就有龍蝦湯, 我地試左都OK, 幾濃味, 餐飲有咖啡/茶/水果茶,  我地試左水果茶, 加錢試玫瑰 Latte, Cappuccino. 個人非常喜歡 : 玫瑰 Latte, 好有玫瑰味, 唔係淨係得個樣/甜, 飲落好舒服。4個人賣單都係200幾蚊!! 好抵! 另外, 餐廰有大電視適合睇波飲啤酒, 氣氛應該唔錯。

自從屯馬線開通後，到大圍變得好方便，今次簡左呢間bar & restaurant食晚飯。呢到離地鐵站大約6分鐘路程，都容易搵到。 餐廳用上大型水晶燈，有氣派得黎又有情調。我地兩個人人食得唔多，只係叫左3樣野食。芝士肉醬墨西哥脆片香濃芝士肉醬配上墨西哥脆片，入口滿滿芝士味，咸淡適中，估唔到咁夾😋，用黎送酒都幾合適，不過因為我呢排要戒酒精，無得飲返杯有d可惜😣意大利帕爾馬火腿薄餅🍕薄餅邊烤得很脆，而且薄底係我鐘意既薄底pizza,帕爾馬火腿配上鮮蕃茄同芝士，芝士份量十足，口感一流🤤波士頓龍蝦意大利粉🍝呢個意粉好好食，有半隻龍蝦，都幾大隻，用芝士焗，一上碟已經聞到濃濃的香味，切開意外發現仲有蟹子添😳，蝦頭有肥美既蝦膏，意粉煮得岩岩好，唔會太淋又唔會太硬，每一條意粉都沾滿濃濃的龍蝦汁味，仲落左菇同竹筍一齊炒，好好食，食唔停口😋

For me, I didn’t go to Tai Wai for a long time. And I need to make this good chance to meet my friend and eat in a good restaurant. Therefore, I search in openrice and see Windmill Restaurant & Bar. Okay, let’s go. We order Smoked Duck Breast with Italian Green Salad, German Sausage and Prawns Pizza, Black Truffle Spaghetti with Baked Portobello & Cheese. The salad is seasoned with black vinegar and olive oil, which is refreshing and simple, while the smoked duck breast is delicious. The pizza b

今日專登入嚟大圍食呢間朋友推介嘅西餐廳。入到去見到盞好大嘅水晶燈，相當有情調，坐得都算舒服。Menu上面都算幾多選擇，我哋叫咗一個前菜、一個Pizza同埋一個意粉。前菜我點左個意式田園沙律配煙燻鴨胸，鴨胸整得好林唔鞋口，同出面食開現成嗰啲好唔同。我朋友點左個Parma ham pizza 🍕 呢個pizza個crust 焗到好脆好香口，Parma ham同芝士非常夾！食落又唔會覺得好鹹，份量兩個人食剛剛好。最後意粉我哋叫咗芝士黑松露意粉🍝，出面好多西餐廳嘅意粉都煮得唔好，一係煮得好林一係就未煮熟，依度嘅意粉烹調嘅時間剛剛好，軟硬度適中彈牙，而且十分足料。兩個人試唔到太多野，下次再嚟一定要試下其他菜式

襯weekend得閒去左好少去ge大圍行下兼食下野。呢間餐廳比較隱蔽，附近有人踩單車，踩到攰過黎食下野，抖下再踩下都唔錯。呢度有酒飲，仲有波睇添。餐廳仲有大吊燈，增加少少華麗感。我同男友黎食lunch所以就無飲酒，叫左兩個lunch set share黎食。咖喱豬牛肋條配薯菜$78 lunch set有餐湯同沙律同飲品跟，落左單好快就上餐湯同沙律，沙律份量好多，沙律菜亦新鮮，配埋沙律醋食非常開胃。牛肋條份量都唔少，我地share黎食都可以每人食3條左右，薯角就略為炸得唔夠時間，但我個人口味就鍾意佢無落太多鹽，唔會好咸，健康啲。蔥油脆豬扒餐$68 豬扒份量同牛肋條一樣都唔少，炸衣唔會好厚。餐飲(特飲加$12) 免費餐飲有咖啡，茶，連水果茶都可以揀。我地就各自加左$12要荔枝梳打同cappuccino。總括而言，呢度ge野食味道同份量都同價錢成正比，lunch仲要無加一，lunch set仲要包左湯，沙律，主菜同野飲，我就覺得屬於抵食之選。

之前在網上看到大圍有一間性價比高的餐廳，叫「風車」，咁啱今日朋友約在大圍交收，那麼就當然順便一齊去試吓和吹下水啦😙風車位於大圍積存街，是一間餐廳酒吧，店內環境帶歐陸風情和高格調，店內中間有一大水晶燈，環境舒適，如果晚上，應該更有情調😝午餐有多款選擇，亦有多款漢堡餐可供選擇，價格由$68起；有餐湯或沙律，主菜和餐飲！是日餐湯南瓜湯，味濃且會飲到南瓜蓉，增加口感，不錯。BBQ 芝士雞扒薯菜，薯菜份量不少，有薯角，翠肉瓜，野菌等。雞扒先煎後再加上芝士焗，味香濃，雞扒肉質鮮嫩多汁。日式燒汁一口牛跟意大利粉，一口牛肉質鮮嫩有牛味，且份量不少😙跟洋蔥野菌燒汁一起炒，味香濃👍🏻意粉軟硬適中，配燒汁一起食巧巧味。荔枝水果茶（熱），清清地，不太甜！和玫瑰咖啡（凍），啖啖玫瑰味，又幾好味

今日反正遲收工，順便去屋企附近食少少野，平時有買下takeaway，但dine in都係第一次，「風車」係一間酒吧餐廳，係呢個未被開發嘅大圍區中，呢類型餐廳都幾少，平時愈夜好似愈多人黎飲野。意式田園沙律配煙熏鴨胸（$89）：沙律以黑醋橄欖油調味，清爽簡單，而煙鴨胸都熏得幾入味。意大利Parma Ham Pizza（$159）：薄餅底夠薄脆香口，加入蕃茄醬、芝士及Parma Ham，配搭唔錯，芝士香，份量都唔少，Parma Ham鹹度適中，成個薄餅食落又唔會太膩，每人三塊岩岩好。波士頓龍蝦意大利粉（$179）：芝士焗波士頓龍蝦，龍蝦肉質尚可，但欠缺肉汁，但芝士幾香幾惹味。意粉以龍蝦忌廉汁燴煮，夠creamy，汁都夠濃。以下係餐牌資料：售$398嘅二人套餐都幾抵食，純粹係無Pizza，但有肉眼扒、餐湯、甜品及咖啡茶。

隨着屯馬線開通而家去大圍越嚟越方便今日同朋友去試咗呢間西餐廳上網見到好多人推介原來佢係一間又有嘢食又有酒飲嘅餐廳足球旺季嘅時候仲可以睇波餐廳環境唔算好光，氣氛唔錯今次同朋友分別食咗三款食物同叫左2款cocktail試咗Parma Ham Salad Parma Ham 有四大片沙律菜配黑醋幾開胃另外叫咗佢嘅德國腸大蝦薄餅🍕成個薄餅鋪滿德國腸同大蝦好香芝士味❤️❤️仲叫咗佢嘅龍蝦意粉好大隻龍蝦配有蘆筍洋蔥等Cocktail分別係1️⃣Blue Hawaii🥥2️⃣Melon Sour🍈我朋友話 no alcohol no life 🤣🤣個人幾鍾意melon sour 🍈🍈幾易入口我朋友就鍾意Blue Hawaii 話好香coconut milk🥥🥛

假期既最後一日，去左馬鞍山踩單車，由馬鞍山踩到去大圍，就係大圍附近搵野食。朋友推介下，就去左呢間餐廳到食既夜晚。呢間係一間restaurant & bar既餐廳，仲可以飲酒同睇波，暗暗既燈光，真係同朋友黎傾下計食下野都幾chill幾有氣氛。我地點左一個前菜同兩個主菜，分別有意粉、薄餅同埋沙律。🌟意式田園沙律配煙燻鴨胸 $89鴨胸都有成五片咁多，沙律菜份量都唔少，沙律係用黑醋作為汁，食完真係好開胃🌟龍蝦意粉 $179重頭戲黎了，龍蝦好大隻，入面有好多蝦肉，外殼仲好新鮮，食完真係有個種好幸福既感覺，意粉仲有蘑菇同洋蔥做配料，意粉爽口彈牙，真係好好味。🌟德國腸及大蝦薄餅 $159薄餅底薄身但好香脆，薄餅上有濃厚芝士，可以做到拉絲效果，因為係即叫即整，所以仲好熱好香，德國腸係厚切，所以食落去每一啖都好有咀嚼感，仲有濃濃既蕃茄味。

大圍油站果條街唔係淨係得酒吧，仲有間酒吧風格嘅餐廳！餐廳環境都幾舒服，兩大部電視，加埋外國音樂，再加個掛滿酒杯嘅水吧，感覺上真係好似去bar咁。今次嗌咗個沙律同兩個主食，本身仲驚唔夠喉想加份小食，點知份量都幾足夠。前菜就簡左個鴨胸沙律，鴨胸肉嫩滑唔難咬，醬汁份量同味道都剛剛好，唔想簡鹹味重嘅沙律嘅話，依個好適合作開胃菜。主菜方面就簡左一個意粉同一個薄餅。波士頓龍蝦意粉 -- 送到嚟嘅貌相同menu一樣樣 好吸引，龍蝦上面充滿芝士，仲意外地好輕鬆咁就拆到肉岀嚟，食落一啲都唔嚡。意粉醬汁其實幾惹味～如果有多啲汁就正啦！仲有個ParmaHam Pizza -- 大約有六塊左右，兩個人share 就差不多，聞落都幾香，一塊Pizza 一塊Ham，同薄餅蕃茄醬好夾～ 美中不足就係個餅皮唔夠脆身

我同老公今日放工黎大圍覓食，我地行經外面見到風車店內環境幾舒服咁，幾岩聊聊天聚會的，店內環境有歐陸風情，有一盞大水晶燈，店內燈風昏暗，幾有氣氛。座位舒適，今日我地兩個人去，坐四人座位。食物方面，鍾意食牛既我點會唔叫紐西蘭肉眼扒配焦糖菠蘿（$199），好juicy,法式寶雲酥配BB𩶘魚（$179）𩶘魚整得非常可口，意式田園沙律配煙燻鴨胸（$89），煙燻鴨胸真的非常幼嫩，不會感到‘鞋口’，兩碟主食配菜也有薯仔翠肉瓜炒菇，合共$467（全單加一服務費），埋單$514。擺盤幾精美，適合打卡。份量適中，食物質素同店內氣氛的性價比相當高，我認為除了店內環境舒適外，服務十分好，但氣氛同食物質素都十分適合同另一半慶祝生日/紀念日黎食

大圍美食多，西餐選擇卻唔算太多，風車係其中一個性價比相宜嘅地方。閒日去食下午茶，餐牌上有十幾款選擇，價錢唔貴更免加一🌟 醬燒豬扒土耳其三文治上菜時聞到好香牛油味，揭開塊包見到搽咗滿滿嘅香草牛油。三文治夾咗兩塊手心咁大嘅豬扒，都有1cm左右厚，鮮嫩多汁，燒烤醬甜甜地幾開胃而配菜嘅炸薯仔粒新鮮熱辣，咬開見到薯絲，份量仲好多！沙律菜都唔錯，不過相比起味道就較淡🌟 素菜千層麵一向好中意食千層麵軟綿綿夾住大量肉醬嘅口感，呢日想食清啲就叫咗素菜呢款。配菜同三文治嘅一樣，可能係所有餐都一樣。切開見到大大舊嘅翠玉瓜、蕃茄同埋芝士，幾清新。不過麵嘅部分只有上下各一層，同平時食開嘅千層麵有啲唔同，但都可以一試🌟 法式洋蔥湯🌟 凍水果茶同Cappuccino

我們突然想食西餐，在openrice見到在大圍有間叫風車的西餐廳，就想去試下。由大圍A出口行，都要行约8分鐘先到，途中經過一些小店，各具特色，下次會試下。入到店內，只有一枱客，好安靜的環境，地方乾淨，好有氣氛情調，是一個聊天的好地方。坐下不久，服務員给我們餐牌，選擇多，我們選了一個二人套餐，包括有頭盤、湯、主菜、飲品及甜品，要398元。頭盤是意式田園沙律配煙燻鴨胸，沙律醬有D酸，鸭胸不錯，尚算可以。是日例湯是番茄湯，沒番茄味，唔得。主菜有2碟，第一碟是纽西蘭肉眼扒配焦糖菠蘿，牛扒7成熟，有點硬，麻麻地，焦糖菠蘿不錯，表面脆脆的，甜甜的，再配上微酸的菠蘿，好吃及特別。我們選了水果茶，沒特色，沒水果味。甜品是芝士蛋糕，尚算可以。總體印象只是一般，有些失望。

喺大圍唔算好近火車站嘅位，都要行成10分鐘㗎！不過都好易搵👍🏼👍🏼Lunchtime 時間去都坐到幾滿咼，唔知係咪因為星期六，連Happy Hour都坐唒人係度飲酒添呀🤣入面嘅大燈好吸晴，成個感覺好high class!!!!坐咗空間感亦十足，都舒服👏🏼叫咗2個set lunch!一黎有個洋蔥湯，好足料😆由於想過個味刺激啲，就自己加咗好多黑椒🙈正！牛舌薯菜 $78有成6塊牛舌咁多㗎！而且一啲都唔騷好食，略略覺得咸咗小小，如果配飯同意粉，應該會好啲🥳不過佢啲牛舌高質😋豬扒包 $79好好食👍🏼👍🏼👍🏼非常之高質！！個麵包係烘過，熱辣辣脆卜卜，查咗牛油芝士，中間有蕃茄生菜，一次過有唒所有口感😘好正！！！仲有2塊豬扒一啲都唔un ，有小小肥肉，好食呀！！！我個人比較喜歡個豬扒包🤣🥳嘢飲方便我哋叫咗水果茶，應該係peach tea!!!少有餐廳有👏🏼😆下次會想夜晚黎食一次感受下個氣氛