風車

營業中

休息中

The lobster bisque and the spaghetti is a bit salty. Other elements of the meal such as the pork chop sandwich and fries were decent. Coffee was a bit too sweet too. Overall, the meal was unsatisfactory but okay for its price (but still a bit too overpriced for its quality). The environment and decor was okay and hygiene is moderate as well. Overall, wouldn’t recommend coming here if you want to eat a good, well-rounded meal.

難得放假，同媽咪去大圍買嘢就喺附近搵間餐廳食。下午茶時間嚟到，點左兩個午餐。見網上啲人介紹食意式豬扒包，所以嗌咗一個豬扒包配薯條，媽媽好鍾意食魚，所以嗌咗一個魚嘅意粉。晏晝午餐會跟湯或者沙律同埋嘢飲。湯同沙律嘅份量都好大。沙律淋上咗黑醋，好開胃。是日例湯就係蘑菇湯，都係好大碗，蘑菇味都好濃郁。豬扒包個調味唔錯，醬汁加埋蔬菜好清新。如果豬扒厚啲嘅話口感會更好。好可惜嘅係豬扒包個麵包唔脆，如果脆啲嘅話一定更加好食。至於芥末魚意粉，魚煎得幾脆，意粉係蒜蓉意粉。仲加咗啲蔬菜，幾健康。整體還好。

大圍多隱世餐廳，之前黎開大圍見到依間餐廳已經有興趣想食，今日難得約左住係附近嘅朋友，專程過黎一試。餐廳環境好有情調，高樓底加大水晶燈。稍暗嘅環境，好適合同親朋密友慢慢食飯飲酒傾下計。我同朋友兩個人叫左三款菜式。頭盤鴨胸沙律份量好足，鴨胸夠厚又惹味，沙律菜配上黑醋足夠開胃。主菜我地叫左德國腸大蝦pizza同紐西蘭肉眼扒。pizza係我鍾意嘅簿批，配上鮮蕃茄醬同芝士，同埋份量十足嘅德國腸同大蝦，口感豐富。值得一讚係佢啲蝦全部都好肥美彈牙，食得出用料新鮮。我自己特別鍾意佢個鮮蕃茄醬，開胃唔膩口，我一個女仔連續食左三塊都唔會覺得漏。稍為美中不足嘅係個pizza火喉稍重，個餅邊會食到有少少焦味。紐西蘭肉眼扒肥美大件，肉質鮮嫩多汁，每咬一啖就會伴隨住濃郁嘅牛味，好味到食唔停口。伴碟嘅菠蘿超級甜。再配埋薯角一齊食真係大滿足。餐廳食物有一定水平，環境有情調，坐得舒服，地點又方便。有機會會再黎幫襯。

之前成日經過呢間餐廳都係夜晚，好多人食，初初以為佢只係一間酒吧，完全唔知原來佢有得食lunch，直到有一日中午經過認真望下門口嘅餐牌，見到餐廳上嘅嘢食幾吸引，已經決定要搵日去試下。見今日都係約左fd係大圍呢頭，所以就話不如一齊去試下啦，叫左2個set，有頭盤沙律，餐湯，仲有餐飲。入去個環境都幾唔錯，靜靜地，好岩我哋呢啲想有個地方食下嘢同朋友傾偈為主。我哋叫左個士多啤梨醬豬柳，流心芝士牛肉漢堡。個炸豬柳配上個士多啤梨醬，成個感覺好清新，食落都無咁滯。另外仲跟左個意粉。而個位流心芝士牛肉漢堡，好有驚喜係入面竟然係藍芝士，呢種芝士味道比較重，唔係個個人接受到，朋友就對呢種芝士一般，但整體感覺都幾好。

好耐都無食西餐喇！今晚同老豆撐台腳，佢一向都係大圍搵食，帶咗我去呢間有得食飯又飲嘢嘅餐廳。適逢奧運，有特大電視睇住直播，真係好興奮🤩由於阿爸揸車，所以我都陪佢唔飲酒。但係已經諗定下一次要happy hour🍻今次就試咗鑊仔一口牛$99 炒得好香，夠鑊氣。醬汁酸酸地，都好開胃。肉質本身都好林，冇乜筋👍🏻Parma Ham Pizza $159呢個不敗之選，鍾意佢餅底夠薄，芝士夠哂份量，呀爸一口氣食哂大半個😂芝士大網菇黑松露意粉$179呢個真係最令我滿意，因為佢個蘑菇鎖得住啲菇汁，保存本身嘅鮮味，加上佢嘅芝士夠多，好似熔岩咁流出黎，啖啖滿足🥰黑松露味好香～ 意粉都好彈牙，好有𡁻勁❤️而且服務態度都好好，下次會再嚟食😋

今晚約咗老公喺大圍二人世界撐枱腳，搵到這間《風車》，一入就見到大水晶吊燈，吸睛之餘更不失浪漫，幸好今天我都有悉心打扮襯襯個環境二人餐menu都算抵食，但今餐想試出名的鵝肝及pizza，決定食得豪點香煎鵝肝多士色香味都有，成半寸厚厚的鵝肝油而不膩，夾著水蜜桃及脆多士，不枉我為它放棄二人優惠餐。食pizza我鍾情海鮮，所以選擇了大蝦薄餅，真的滿滿鮮蝦，仲有大肉腸，雖然少了海鮮有點失望，但脆皮大肉腸卻有點驚喜的好味。老公喺menu見到有羊食，叫了羊柳，我不太習慣西餐羊的羊騷味，老公卻食到津津有味，話煎得香口不油。今餐7xx元有蝦有羊有鵝肝，加上洗手間乾淨企理，有大電視睇住東奧直播，服務亦算周到，都算大圍隱世美食勁推之一。老公話下次要約幾位老友來換杯睇足球。

收咗工知道一個好開心嘅消息就係香港終於得到首面嘅金牌！咁開心嘅事 梗係食好嘢慶祝吓啦位於大圍嘅風車 性價比高 嘢食好食—鴨胸沙律（$89）沙律其實同平時食開嘅差唔多但欣賞餐廳細心嘅地方在於鴨胸去咗皮對於女士黎講 食得方便之餘又唔怕肥兩個人一人幾啖好快清晒—肉眼扒（$199）叫左5成熟 牛扒都夠肉味最特別係配菠蘿而呢個菠蘿並唔係平時普通菠蘿咁表面上加咗一層焦糖 令到成個菠蘿食上去更加甜一啖牛扒再加一啖菠蘿 未到出奇地夾再配上類似薯粒 翠玉瓜 唔錯—火腿Pizza （$159）呢個Pizza份量唔算大兩個人食啱啱好火腿係用Parma ham平時好驚會好鹹 好彩呢個Parma ham 唔會味道啱啱好—最開心嘅係餐廳設有大電視可以同其他食客一齊睇頒獎典禮慶祝全場一齊為香港人歡呼嘅感覺真係好好令成餐飯更加難忘

為咗迎接又一個忙碌嘅星期，週末夜晚真係要好好咁慰勞自己😤於是就去咗大圍同好朋友食咗呢間人氣小店風車。朋友話之前都有幾次想嚟食dinner，但成日都多人要排隊，好在今次有我小食神坐鎮，好快就有得食🥳🐖西班牙脆皮乳豬配彩椒汁（$219）啲乳豬煎得好香脆，而且睇得出兩面都烹煮得好均勻，肉質自然都會keep得好，夠嫩夠juicy。配埋啲彩椒汁會食到停唔到口😋配料唔係一般薯條而係薯角，感覺又再高級啲開心啲😚🐠珍寶海鮮脆棒（$159）所以成日話唔好以貌取人就係咁解，就咁睇樣可能你會以為入面只係一堆粉，或者頂多加啲蟹柳之類炸出嚟嘅嘢，原來佢係一份非常有內涵嘅食物！👏🏼就咁叫幾啖已經食到好多蝦、魷魚、菜等等，而且炸完都唔會太油膩，餡料好多充實到爆😻🦆意式田園沙律配煙燻鴨胸（$89）啲鴨胸好嫩滑，沙律菜加埋黑醋酸甜度調和得好平衡，健康得嚟又好食，做開胃菜一流🤤整體嚟講食物質素真係幾正，而且環境非常有情調，地理位置近地鐵站但又唔會太多人流，稍微有返嚟隱世feel，好適合消遣😽 ———————————————#風車風車 (大圍)大圍積存街50號葵偉樓地舖

搵大圍有咩食個陣，見到呢間西餐評語唔錯，二人餐好似幾抵咁，去試吓先。係openrice訂咗座1830，去到只有一枱客，冇乜人，食到走都冇乜人，唔洗等位。叫咗個二人餐，有前菜、餐湯、一個扒、一個意粉、甜品、餐飲，都算豐富。前菜鴨胸沙律平時唔太喜歡食鴨胸，但呢個唔錯，鴨胸肉唔臭，唔大煙味，肉質嫩，唔鞋，唔乾沙律就一般，用黑醋餐湯南瓜湯正常，算濃味龍蝦意大利粉個龍蝦幾大隻，肉嫩又彈牙不過意粉就一般，比較乾同硬，唔夠汁牛扒配薯條薯條好粗身，內有好多薯仔，熱辣辣好味牛扒都算嫩，只有少許筋，牛肉味都濃叫左5成最後有7成熟左右不過都唔錯單點咗個清酒蜆配蒜蓉包d蜆冇沙，肉彈牙，唔霉個汁幾好味，好多汁蒜蓉包好脆好香蒜蓉甜品芝士蛋糕好香芝士，唔錯，唔會太甜餐飲水果茶桃茶、青蘋果茶但睇落一樣😂飲落係唔同嫁，好香茶味，有d甜總結環境ok，店員有禮食物不錯，價錢適中二人餐豐富但份量略少，有d唔太飽

今日同媽咪撐枱腳☺️ 咁就當然係佢話想食咩就食咩啦😌 今次佢話想食西餐 咁我就揀左呢間起大圍既 風車啦～～ 火車站行7-8分鐘左右 都幾易搵 入到去店員好有禮貌👍🏻 同媽咪一人叫左一個lunch set😌有頭盤、main同埋set drink 頭盤係可以揀田園沙律或者是日餐湯咁我哋就揀咗各一 而今日嘅餐湯係蘑菇湯🍄 🥗田園沙律 正常味道 份量都唔會話好少🍄蘑菇湯 好香食得出 有打爛到啲蘑菇放左落去 又唔會好漏 🥪醬燒雞扒土耳其三文治 $76好好食😋 包入面係有芝士蕃茄生菜同埋豬扒 豬扒煎得乾身又唔會話好硬咬唔開果隻 個醬又好味 麵包煙煙韌韌 加埋一齊好夾好好味 大推👍🏻仲配左啲粗薯條同沙律 都唔驚唔夠飽😌 🍓士多啤梨脆香雞球 $64呢個係媽咪話想試下 我本身仲心諗士多啤梨醬禁怪😂 點知又幾夾個味都幾新鮮 都不錯呀😍 仲可以揀配意粉/飯/薯菜 咁媽咪就揀左意粉同埋佢既雞炸得黎又唔會好厚炸粉 同埋真係脆身唔會好油 讚呀👍🏻 另外跟餐有2杯野飲凍咖啡凍cappuccino +$10 正常味道唔會太甜👍🏻 整體來講 lunch set呢個價錢食到呢個質素都算幾抵 仲要服務態度好好 環境舒服

今日到大圍探朋友順道食個晚飯，朋友介紹這間西餐廳不錯，我們就入去試下。入到店內餐廳環境氣氛不錯，座位都很舒服😌香煎鵝肝配焦糖蘋果鵝肝都較為厚身，煎得香口油脂豐富多汁，加上焦糖蘋果可中和油膩感配搭很好👍日式蝦肉野菜天婦羅🍤上枱時熱辣辣，炸得脆卜卜香脆可口，天婦羅餡料有洋蔥、蘿蔔絲及蝦肉，食落口感一流。西班牙式燒春雞原隻燒春雞燒得外皮香口，雞肉嫩滑咬落多汁，烹調時間、溫度及調味掌握得很好👍不用沾上任何醬汁，已經好好味😋

今日經過大圍油站附近， 試咗一間西餐廳， 不論環境及食物都幾有水準， 而且價錢都算合理。門口見到有好多不同菜色嘅menu， 裏面嘅環境及燈光都幾舒服， 樓底相當之高，而且有水晶燈及大電視， 枱與枱之間都十分闊落。我們點了一個二人套餐，頭盤係香煎阿拉斯加蟹肉餅， 蟹肉味道都好突出，而且份量都算大。蕃茄湯都幾好飲， 酸酸甜甜，都幾醒胃。主菜嗌了紐西蘭肉眼扒配焦糖菠蘿， 牛扒煎得剛剛好，出面起曬格仔有少少炭香味道， 裏面肉汁鎖住， 入口好有肉味。大大件嘅焦糖菠蘿，同牛扒味道好夾。另一款主菜係西班牙式燒原隻春雞， 雖然外皮唔算十分之脆， 但係肉質嫩滑，入口十分 juicy。甜品係藍莓芝士蛋糕， 微微芝士味， 蛋糕唔算太甜都幾好食。

早嗰排喺大圍經過這間餐廳，感覺都唔錯 ，裏面嘅擺設氣氛都幾好feel，我朋友就建議入去試下。由於係閒日，而且六點零鐘，裏面都唔算太多人，一坐低就睇下個menu ，種類真係選擇很多， 有啲花多眼亂！呢度嘅 latte 都幾有水準沙律菜夠新鮮，同沙律醬嘅味道十分夾，煙燻鴨胸，肥瘦適中，鴨胸上有微微嘅煙燻味，鴨胸入口柔軟 一啲都唔韌。絕對係開胃前菜。上枱賣相已經十分吸引， 呢間西餐唔講真係不知道係大圍嘅小店 ， 擺碟十分講究，好似去咗高級西餐廳一樣！除咗第一眼見到脆脆嘅乳豬外皮，中間嘅乳豬肉更加可以分出幾個層次，一層一層嘅bb乳豬，食得出廚師嘅心機同埋火候。除咗皮脆肉嫩之外，入口肉汁更加十分豐富。這個絕對係必食推介波士頓龍蝦意粉份量十足，夠哂二個人食有餘，龍蝦肉結實爽口，仲有好多龍蝦膏，入口好有嚼勁。這客意粉有有半隻波士頓龍蝦，龍蝦醬汁味道香濃，真係幾啱我口味 。要讚一讚係意粉 ，煮得煙韌得嚟，軟硬程度適中。有驚喜！

風車👻星期六晏晝去開大圍想食burger個陣比我見到依間西餐廳午餐望落幾抵食就過咗黎試下啦🤣.🔅流心藍芝士牛肉漢堡 HKD 76原來佢個blue cheese係包咗係個牛肉入面變咗一個牛肉漢堡球😆每啖都有濃濃既blue cheese鍾意cheese既應該都會幾開心包都烘得夠脆幾好食唔錯🥰🥰🔅焗豬扒飯 HKD 70佢係兩塊大豬扒仲要有好多芝士係面🤩啲飯都仲要係炒飯底蕃茄酸酸甜甜咁作為午餐都very good跟餐仲要有埋湯沙律同野飲依個價錢都好抵食呀.整體黎講：坐得舒服 大件抵食😚.🎈 風車 (大圍)大圍積存街50號葵偉樓地舖

約大同食飯，記得之前食過呢間西餐廳環境幾好feel所以番check，門口有個精美酒架好吸睛，一入去有個超大電視，啱曬成班朋友黎睇波飲酒，但我同朋友今晚就簡單放鬆下，晚市都幾乎坐滿，我地叫左個2人套餐，主菜嗌左紐西蘭肉眼扒配焦糖菠蘿5成熟，燒汁好好味，肉眼扒夠稔，一啲都唔韌，好易切開，仲可以無限fill汁，我揀左個波士頓龍蝦意粉，有好creamy既龍蝦汁意粉味道濃郁，龍蝦有好多蝦膏超級滿足！前菜鴨胸沙律，酸酸甜甜醒胃，鴨胸份量都好多，是日餐湯有蘑菇湯，好重蘑菇味，仲有最正龍蝦湯，好香既龍蝦味，甜度恰好，推介大家可以加錢試下，真係好飲，飲品我揀左熱荔枝茶，暖胃得黎又消油膩，朋友叫既凍蜜桃茶都話好好飲😋😋