食得喜小廚

營業中

休息中

同朋友慶祝生日，有朋友介紹呢度，話呢度可以訂枱，又可以book房，好食唔貴幾抵玩，即管去試吓！其實小弟個人係幾鍾意呢啲小店，草根得嚟幾企理，算係坐得幾舒服嘅地道小店，招呼都唔錯。我哋十幾人有大有細，都食咗唔少嘢，最正係個鹵水拼盤，個醉鵝肝同埋牛脷，夠入味，口感一流！今餐飯有兩個驚喜：驚喜一：生炒牛肉飯呢個炒飯本來係為小朋友而叫嘅，結果俾班大人掃晒，連平時唔好澱粉質嘅朋友都讚，結果係再叫多碟！驚喜二：凍央朋友飲酒我唔飲，隨便叫杯凍嘢飲，竟然俾我飲到杯茶記少有嘅上乘之選，茶啡味道同甜度平衡得非常之好，我係會為咗杯凍央再返嚟～XD見隔離枱嘅美極煎大蝦好香好大隻，下次嚟要試吓～😋

當然唔係因為得手撕雞好食啦其他都唔錯唔錯 但係想表揚一下手撕雞呢個係一隻雞既份量 當上枱嘅時候，我哋見到嘩咁大碟 已經有啲震驚😂😂芝麻味 麻油味 啱啱好嘅海蜇 當然唔少得芫荽🌿隻雞非常滑 唔會覺得好難咬 啲肉好嫩第一眼真心覺得個底係配菜 點知係滿滿的雞肉啊 唔會好似出面個啲店咁 下面塞啲椰菜或者係其他係底(扮到好大碟咁)我比滿分💯介紹埋其他菜式比大家!! 雖然冇影相🤣🤣但全部都大大份 價錢合理我同啲朋友都好大食 但全部人都好飽 特別要講下蜜糖薯仔牛柳粒 肉唔會好難咬 薯仔，雖然唔係出面食嗰種 好趣嗰種 相反佢煮得好琳 幾鍾意呢個質感 比起出面嗰啲有少少唔同 但係好好食 OpenRice仲可以訂枱，勁方便！

話說前排同朋友試左晚市堂食既蛋角煲、乾炒牛河同金銀蛋娃娃菜，已經非常驚喜，當時已經諗：我咁懶，如果屋企人幫我買外賣番屋企食都咁正就好lu屋企人去到已經係茶市，話餐廳仍然客似雲來，睇黎真係好野黎wo見餐牌有醉雞，嘩！又係技巧野！一於試試醉雞米線啦～外賣拎到番屋企就十五分鐘內啦，餐廳好細心咁本身幫手分左湯，番到屋企個湯又熱辣辣，米線彈牙唔會爛，重重重點係醉雞～ 酒香撲鼻，肉質嫩滑唔會老，同埋唔會得個咸字，推！

話說朋友介紹我呢間食得喜吃飯, 起初沒抱太大期望, 以為係一般的小菜餐廳。 但吃過他們的醉鵝肝, 簡直令我眼前一亮, 入口溶化帶些少酒味又不太濃烈, 並不是一般沙肝的口感, 香滑軟綿綿。另外醉乳鴿皮脆又薄, 沒有脂肪, 肉厚帶有肉汁。還有一味炸蚵仔和干煎馬友(似一夜干) , 非常香口鬆化,蚵仔外脆內軟, 你會一粒追住一粒吃。 乾煎馬友我覺得比較過了火, 但吃落也覺得魚皮香脆,有魚肉的軟綿。還有還有加上美極雞軟骨超正, 美極香氣撲鼻令人難免叫啤酒小姐再來一雙🍻🍺。當然我會再叫返我朋友再去啤一啤試吓佢哋嘅椒鹽雞翼尖

呢度好多送酒的絕配食物，我地8個人食咗滷水大拼盤，醉乳鴿，美極雞軟骨，台式炸蚵墨魚餅，鹹鮮煎馬友，又夾又好食。乳鴿及炸蚵仔更加係香港小見的好味道，直頭係因為掛住佢地，我哋要一再回頭的菜式。雖然大排檔式經營，不過地方闊落，好多枱，又有幾間vip房，可以book定位，唔會限時限刻，最啱一班人食中菜飲啤酒。啤酒牌子選擇亦夠多，一定會再去。最最最重要係，門口可以泊車，視線範圍望到，上次有天文台，好有安全感

好好食呀，墨魚餅有墨魚味，通菜有通菜味，黃金蝦好脆，好好食，蠔餅好有鮮味，好頂好好食，有大自然嘅味道，豬肚湯有家的味道，好好飲，價錢平靚正，服務非常好，人非常友善

今日我去咗一間叫「食得喜」嘅大排檔，佢哋嘅菜色真係好多好豐富，我就嗌咗椒鹽鮮魷、腐乳通菜、胡椒豬肚湯、黃金蝦同埋蠔餅。我嚟到依到同大家分享下我嘅食評啦！椒鹽鮮魷先黎，佢個鮮魷好新鮮，好夠咬勁，而且啲椒鹽味都好啱，好好食。加埋啲青檸薄荷汁，食落清爽解膩嘅感覺更加出色。總括黎講，呢道椒鹽鮮魷真係好推薦架啦！腐乳通菜就煮得好入味，啲通菜爽脆好好食，再加埋啲腐乳更加香濃美味。不過可能啲腐乳味啲人唔鍾意，要適應下先啦。胡椒豬肚湯就好清香，豬肚煮得好腍，再加啲胡椒調味，味道更加豐富。如果你鍾意飲湯嘅話，不妨試下呢道胡椒豬肚湯。黃金蝦就好鮮甜，油炸嘅外皮酥脆，好啱啲黃金嘅名字。不過如果你唔鍾意油炸嘅嘢，可能會感覺啱啱好啱啱好油咁。最後就係蠔餅啦，個蠔肉好新鮮，餅皮煎得好酥脆，係一個好好食嘅小食。如果你黎到呢間大排檔嘅話，不妨嚟一份蠔餅當作點心啦。總括黎講，「食得喜」嘅菜色好豐富，味道都幾好，如果你鍾意大排檔嘅風格嘅話，一定要試下呢間店啦。不過要留意啲價錢有啲貴，建議大家可以多嗌啲菜一齊分享，咁樣就可以試多啲美食啦。

今日一班同學仔打完波，見都係食晚飯嘅時間，就決定落荃灣黎呢間食得喜小廚叫幾個送一齊食飯吹水。幾經思索，我地十個人決定叫9個送一齊食，叫左10碗飯。鹵水拼盤份量幾大，鵝肝特別出色，推介。啫啫雞煲好入味，推介。椒鹽豆腐個人覺得味道有小小淡，但好在份量夠大，推介！薯仔牛柳粒必叫，好入味，好好食！個人覺得薯仔仲好食過牛柳粒😂炸蠔餅份量超級大，適合好多人一齊圍檯食飯叫，大推！生炒骨個人覺得肉稍稍肥左啲，但好在入味，味道甜酸適中，都唔錯😂椒鹽九肚魚係必叫嘅！外脆內軟，鹹度適中，魚香四溢，出色！👍👍👍人均消費百零蚊，咁多送黎講，算抵食！鍾意大排檔嘅朋友仔一定要黎試下：）

之前食咗好幾次，特別係特別節日時都有係度同屋企人一齊食，出餐都幾快，店員都幾nice，嘢食唔錯。有時人多，大概十幾人都仲有枱可以一次過一枱，好方便唔使分開坐，仲可以book枱👍👍有機會會再同friend去食，真心推

係客家人都知，蛋角/卷算係功夫菜，有次比我發現食得喜小廚餐廳竟然有呢味餸，好驚喜，上菜發現仲要輕輕煎到金黃色啦，顏色已經好好睇，仲要熱辣辣香噴噴，而且啖啖肉好過癮，我覺得仲要好食過屋企人整既（希望佢睇唔到啦)，以後真係唔好辛苦屋企人喇另外，我地仲嗌左一份乾炒牛河 同 金銀蛋上湯娃娃菜，都係好好味的！全部野上菜都係熱辣辣，色香味俱全，仲要唔洗等好耐，埋單都係平民價，呢個水準真係一d都唔貴，我一定會再幫襯

星期五晚7點入座 好彩仲未話好多人約左同屋企人食晚餐 所以預先book左檯6個人食飯比左張8人檯 坐得舒服好多食得喜由前幾年開始食 每逢慶祝或者假日都會同家人、朋友黎幫襯因為啲小菜真係夠晒鑊氣 價錢又合理今餐叫左蠔餅 超大份😍蜜椒薯仔牛柳粒好食😋依家佢地仲開埋IG(SAKTAKHEI_RESTAURANT)老闆仲話以後除左打電話黎都可以透過IG book檯如果係荃灣食晚餐，食得喜真係一個好選擇今晚藍妹light仲要買二送一 可以邊食小菜邊啤一啤

12.03.2023 因每次經過, 都有很多人幫襯, 今天來試吓啦, 点了苦瓜班腩飯, 但太咸了......和下午茶的干沙牛河, 食了幾舊牛肉, 好"un" ........難食, 加上河粉有鑊燶.....便叫女待應來, 她話幫你反應比廚房知, 再冇下文了, 她便離開了, 再叫回過來, 我直接告知她, 這个取消吧!!  

有個句講個句，唔怕得罪講句叫左三份下午茶既瑞士汁雞脾沙律三份既雞脾都係又老又柴瑞士汁唔入味都算但真係好難食大部分時間都係咬緊擦膠Feel份沙律都算係正常水平，可以接受

兩個人晚餐食過路德圍果邊果d打冷又貴又唔掂曱甴通地走 （暫時我未見到呢間有）所以就黎荃豐入面呢間叫左乳鴿一隻，金菇肥牛煲同豬手嘩！真係飽到上喉嚨頂😂▫️乳鴿 即炸起 脆皮我每次黎都會叫既🤤▫️金菇肥牛明顯係d粉絲浸到發哂份量好多，好似食極都食唔完咁味道適中牛肉都多 但半肥瘦咁▫️豬手等左25分鐘等到我地本身想cancel皮好脆，不過就偏肥，皮下肥膏偏多呢隻好漏😅▫️埋單見到「餃子屋」個老闆坐係收銀唔通。。。。。

屋企人生日所以去咗食呢一間嘅晚市！叫咗一個菜 點知佢一嚟到就已經俾佢吸引住！佢個擺盤好特別！唔似一般嘅菜式🤣識落都非常唔錯，呢一個送飯一流！仲有個凍嘅滷味！四個人食啱啱好！抵食又大碟👍🏽