食鮮辣滷車仔麵

營業中

休息中

我鍾意食車仔麵，因為無論湯底，配料，麵類都可以自己配搭，所以最緊要配料選擇一定要夠多上環嘅食鮮辣滷車仔麵就啱晒因為佢配料超級多款，有成42款另外仲有埋多款串燒同海鮮我外賣左四餸車仔麵都只係$50一啲都唔貴，加兩蚊就可以再加多個餸！湯底係秘製嘅滷水汁，入口香濃，唔鍾意芫荽嘅朋友仔可選走蔥走芫荽自製拳頭👊🏻母，我都係第一次食，彈牙有口感，滷水雞翼同滷水豬紅都非常之入味，雞翼不太肥，肉質啱啱好，都好滑鍾意食辣嘅朋友仔記得一定要加招牌秘製辣醬非常惹味🌶另外叫左一個三餸車仔麵X燒烤$88食咗串燒：蜜糖燒台灣腸，蜜糖燒頂級墨魚丸，秘製燒長豆卜豆卜好香口，台灣腸同墨魚丸，外脆彈牙車仔麵再配埋燒烤串燒，配搭非常之好！

多謝無能嘅正苦搞到我哋啲星斗市民，落住滂沱大雨都只可以買個外賣濕滴滴拎返屋企。路過見到這間車仔麵價錢幾抵，而且主動分湯又送熱飲，雪中送炭的感覺。四餸車仔麵加兩蚊送多一餸，選了滷水金錢肚、滷水牛展、咖喱魚蛋和春卷，再另外加一款店家自製拳頭母，是用豬肉混合撈在一起變成一粒大丸，幾多汁惹味。而滷水汁亦是很香，配搭油麵一流，好抵食。另外一碗麵有滷水豬腩、滷水雞翼、咖喱豆卜、台灣墨魚丸和加兩蚊有多一餸要紫菜。小辣其實不是太辣，喜歡吃辣應該揀大辣！另外還有串燒吃！選了兩串秘製燒長豆卜，中間有汁，不會完全乾爭爭，用來調味的醬汁又甜又鹹，好味道，一嚿嚿食唔停口！希望下次有機會可以堂食串燒！

小窩薯粉🍲妹妹比較鍾意食薯粉，對於揀餸又有選擇困難症😂咁啱呢個薯粉已經有埋餸喺裏面，係有妹妹最鍾意嘅豬大腸，自製韭菜餃同埋豆卜🥰咁就啱晒啲揀餸揀好耐嘅人😂😂😂滷水豬大腸滷得夠入味👍🏻👍🏻👍🏻自家製韭菜餃大大粒，韭菜味勁香😋豆卜比起一般街市見到嘅大粒😂自選車仔麵見咗四個餸都係$50👍🏻滷水雞翼👍🏻夠香夠入味而且肉唔會太鞋魚皮蝦餃食到有蝦肉喺裏面都未試過食車仔麵有得叫台灣腸所以好開心😂另外叫咗個自製拳頭母，真係有拳頭咁大😂😂食落去有貢條嘅味道，唔會死實實幾爽口，好食👍🏻等緊外賣嘅時候，老闆送左個自製瓜脯俾我哋🤩返到屋企一打開，成間屋都係超香醃過嘅瓜脯味，未食都已經流晒口水

香港人最愛車仔麵，而且要求愈來愈高，最重要是好食：湯底濃郁、食材新鮮和選擇要多，辣醬尤其不可馬虎。今日在上環試了一間新開的車仔麵，基本上合符條件。入門口是廚房和一排二人枱，以為會好擠迫，但再行入後面原來有兩級樓梯，可以進入店鋪的後座，有大枱和向後街的闊大門面，空氣流通，難怪除了車仔麵還有燒烤和串燒供應。配料有42種選擇，夠晒誇張，我選了5餸，特別想試下它的滷水配料和自製配料，因為聽老闆說，滷水和辣醬都是他自製的。朋友唔想諗，直接點了個八寶麵。5餸：滷水鵝腸、滷水雞腳、自製拳頭母、自製韭菜餃和咖哩豆卜，配米線、滷水汁，小辣。（$52）在車仔麵店可以吃到滷水鵝腸是第一次，鵝腸爽口甘香。另外拳頭母又係第一次食，由豬瘦肉和豬肉筋製成，彈牙有鮮味，很好食。咖哩豆卜也和坊間的不同，有點似是豆卜和魚腐合體，本身索曬咖哩味，也很好吃。湯底方面雖然加了滷汁，但不鹹，仍然嚐到湯底的清甜，而辣醬也不錯，夠香不嗆。8寶：自製牛筋丸、金錢肚、豬大腸、雞翼尖、蘿蔔、豬紅、咖哩魚蛋和生菜，配河粉、滷水汁，小辣，送熱飲。（$67）其中自製牛筋丸超級好味，一口咬下去會爆汁，有牛味又不嚡，推薦。

好耐都無出街堂食，是日同HONEY去開上環買野，早點在六點禁堂食之前食飯，見到哩間食鮮辣滷車仔麵 ，HONEY都話想食車仔麵 ，就決定食車仔麵 一入到去，位置唔多，除左車仔麵，另外都有不同款式的串燒，老闆熱心地介紹食物，仲同我地說想有間好像日本拉麵屋加串燒的餐廳，可以邊食車仔麵，再食兩串串燒，哩個想法都真的唔錯，同老公點左兩碗拉麵，另外都點左兩串串燒食，油麵-滷水豬耳，滷水豬紅，自製拳頭母，牛筋丸，咖喱魚旦米粉-滷水金錢肚，滷水豬腩，滷水豆腐，自製九菜餃，春卷另外我地點左四餸，老細因為疫情關係，加餸都系2蚊，真的令車仔麵多左不同的選擇，豆漿跟餐加9蚊一支，車仔麵加豆漿真的不少得的油麵-滷水豬耳，滷水豬紅，自製拳頭母，牛筋丸，咖喱魚旦最特別的系佢地的自製拳頭母(豬肉)真的好好食，好有彈性，另外魚旦系陳皮魚旦，好懷念，另外滷水豬耳，滷水豬紅都唔錯，牛筋丸不過不失米粉-滷水金錢肚，滷水豬腩，滷水豆腐，自製九菜餃，春卷滷水金錢肚同滷水豬腩都入味，同埋滷水豬腩夠淋又唔會好肥，滷水豆腐又比較少有在車仔麵出現，滑滑地都唔錯，自製九菜餃同埋春卷都唔錯，佢地的餸食得出都唔系HEA做的串燒: 豆卜，台灣腸

食鮮辣滷車仔麵地址：上環皇后大道西288號地舖長期無飯家庭, 疫情下DINNER 以前會出街食, 而家就轉曬外賣啦。咁外賣追求要快同便宜為主, 平民小點等大眾化食物。店叫車仔麵, 原來除了港人由細食到大架車仔麵, 仲有串燒添,串燒款好吸引。$50 有4個餸，我剔左咖哩豆卜，滷水雞翼、豆腐同自家製拳頭母（腸仔）同韭菜餃。滷水夠入味我喜歡。自製架小辣湯惹味得來又唔會辣到蓋過曬餸架味。第二碗食豪d, $67 8寶麵帶足8個餸，豬紅，蘿蔔，金錢肚，豬大腸，雞翼尖，咖哩魚旦，牛筋丸，生菜。金錢肚同大腸腍身中帶嚼勁，內藏洗得乾淨無怪味。額外叫多份菜，呢排菜貴小食外賣湯同麵分開，唔怕沉腍多餸揀架車仔麵，難得仲有自家製辣醬同菜脯，大大碗好食。

位於上環皇后大道西的「食鮮辣滷車仔麵」，係一間供應多款自家製配料的車仔麵店。餐牌上有多款精選推介套餐，也有秘製麻辣薯粉，晚市時段更有地道港式串燒，選擇豐富自選車仔麵我揀咗五款餸：滷水豆腐、紫菜、自家製拳頭母、自製牛筋丸、韭菜餃🥟配米粉🍜招牌秘製辣醬都係餐廳自家製的，可以選大辣、中辣、小辣、BB辣，香辣惹味，不容錯過牛筋丸自家製的牛筋丸，口感彈牙，牛味濃郁拳頭母係晉江深滬的一道以豬肉為原料，廣受歡迎的閩南風味小吃～用豬瘦肉及豬肉筋製成，頗具嚼勁，味道鮮美！韭菜餃同樣係餐廳自家製的，皮薄餡靚八寶麵豬大腸、金錢肚、雞翼尖、咖喱魚蛋、蘿蔔、豬紅、自製牛筋丸、生菜🥬豬大腸新鮮又肥美，雞翼尖同金錢肚都好鮮味！咖喱魚蛋同豬皮充滿港式風味，正呀！