餃掂手工餃子雲吞專門店

我吾係第一次幫襯“餃掂”，我住九龍，一直幫襯太子店，店裡有一位惡主管，每次去她都批評人員工及顧客，她令環境嘈吵。但琴日我要去港島做事，6點多經過銅鑼灣“餃掂”，進入店舖，員工笑面迎人，禮貌友善，點了一份韮菜湯水餃，自行攞些酸蘿蔔，水餃足量好味，食物質素有讚無彈，我有機會去港島，一定再幫襯。

尋日收工收得夜，普通餐廳都已經收得七七八八 ，好彩附近仲有呢間餃子店開住，即刻入去食返餐填飽個肚。呢度嘅餃子都係每日手工新鮮爆炸，仲可以透過櫥窗望住店員逐粒逐粒咁樣包。呢間餃子皮薄餡靚，食得出店主嘅用心。至尊松茸豬肉餃嘅松茸將咁矜貴嘅食材包入餃子入邊唔使講都知一定好食，仲有辣同唔辣嘅松露醬配搭。雙拼煎餃嘅雲耳椰菜豬肉餃配搭上雲耳爽口彈牙，仲有椰菜嘅鮮甜，口感豐富。韭菜豬肉餃嘅韭菜好細嫩，韭菜味超級濃肉，好食。仲嗌咗香菇雞肉餃，香菇超級厚肉，雞肉餡相對豬肉餡會比較硬身，但肉汁依舊飽滿。而且好鍾意呢度嘅狀元九鼎湯，材料包括咗粉葛，鯪魚，鯽魚等等各種材料，講真放工返屋企都唔會有時間煲湯，而且無添加味精，好感動喺出面都可以飲得出家嘅味道。出面熱辣辣最啱飲返杯自製山楂雪梨水，好適合咁炎熱嘅夏天降暑潤肺。

今次食既餃子都非常有驚喜，分別係龍鳳松茸雙湯餃和香煎軟心芝士餃🧡龍鳳松茸雙湯餃：我叫咗最少的八隻，湯餃會配上一碗湯，即係佢地既狀元九鼎湯，餃子飽滿皮薄，全部餃子係佢哋自己人手包制，加入新鮮既食材，香濃的豬肉味，滾得唔會過熟以致餃子皮爛晒，呢個真心大推！香煎軟心芝士餃：亦都係叫咗佢哋最少嘅八隻，煎餃需要等較長少少嘅時間，餃子入邊有豬肉、粟米粒、以及芝士，加上香脆既餃子皮，所有食材都好夾，配上香辣黑木耳一齊食，味道好似昇華左一樣

上次黎呢度食都還好，今次都係叫左同一隻蛋，點知pat醬少得可憐。叫呀姐加多少少，佢態度差到不得了，不斷同其他人講我，又話每個人落啲醬既份量唔同。而家係你地要純一份量，唔係個客負責任！基本上加左醬都冇咩分別

今晚去左銅鑼灣呢間餃掂食晚餐，我同朋友都是第一次食，都覺得好食又抵食。我同朋友兩人點左一份香煎軟心芝士餃，壽喜燒牛肉湯餃連湯，雲吞麵，竹昇米線，蜂蜜檸檬意米水，同可口可樂。食到勁飽，全部都原汁原味，新鮮又冇味精，好好食，有家的味道。先講香煎軟心芝士餃，真係即叫即整，煎得好香脆，入口有豬肉粟米同芝士，很香濃芝士味，好食。另外壽喜燒牛肉湯餃都好特別，啖啖肉，大大隻，有另外一碗湯，可以一齊食，而我就跟米線食，所以碗湯就咁飲，都好好食，像老火湯，好食又好飲。雲吞麵仲抵食，一共有12粒雲吞嘅雲吞麵啊，先52元，平時一x麵都只係三粒，正啊，有12粒食得好爽，又吾會很咸，感覺健康。飲品蜂蜜檸檬意米水都好飲，有熱有凍，揀左凍，夏天飲很適合啊，舒服。整體很滿意，很有小店人情味的感覺，食品健康冇味精，價錢合理，會再光顧。

放工同朋友行開銅鑼灣，諗下食咩好見到呢間餃子店，好吸引喎🤩🤩 講到明不加味精，全天然！岩哂我呢啲崇尚自然，健康嘅人同朋友叫咗三份餃子，松茸餃子勁香勁鮮甜，連埋個湯真係好好味！！雲耳椰菜餃亦都好清新，有屋企嘅味道！芝士粟米餃，呢個煎餃煎得好惹味，香噴噴！一流呀🤩叫多咗碟龍鳳蛋，整得好出色呀，流心㗎！勁想叫多一碟😍檸檬薏米水都合乎預期，係唔錯嘅一餐！Overall 黎講，呢度啲嘢食中上水平，而且平日夜晚都唔算多人，同朋友黎食嘢傾吓偈係非常舒服㗎姐姐又唔會趕我哋走，服務仲好好添同埋呢度門面好乾淨，同平時街坊舖餃子店好唔同，係食得好舒服㗎！

今次我哋嚟到呢間餐廳試佢哋嘅幾款招牌，請問佢哋無論湯餃定煎餃到十分出色，食完之後果然覺得真係有啲令人驚喜。首先介紹嘅係至尊松茸豬肉湯餃，呢碗大碗嘅湯餃真係唔簡單，用上松茸切碎，和新鮮豬肉碎攪拌，味道鮮甜濃郁，咬落嫩滑多汁，每一啖都充滿豬肉嘅香氣同松茸嘅特別香味，湯餃皮薄餡靚，湯底鮮甜，晒鍾意飲湯嘅朋友。🍲第二道菜係香煎軟心芝士煎餃，總共有10隻，煎得金黃色嘅外皮香脆，內裏嘅芝士煮到半溶狀態，咬落去流心芝士即時溢出，濃郁嘅芝士味同餃子皮嘅脆皮真係絕配，保持到最好嘅口感，真係令人一試愛上。🧀然後就係蜜餞雞翼，呢個份量真係好夠兩三個人分享。雞翼煮得香甜入味，外皮略帶蜜糖嘅香甜，雞肉嫩滑多汁，蜜餞嘅甜味同雞翼嘅鹹香味完美結合。🍗最後我哋試咗佢哋嘅自家制山楂雪梨水，呢支飲品真係好清新。山楂嘅酸味同雪梨嘅清甜完美融合，飲落去好解渴，亦都有助消化。每一口都感受到天然嘅果香味，冇任何人工香精嘅感覺，真係好健康。🍐

一向都好鍾意食餃子，好開心試到餃掂，真係幾掂，以後又多個選擇韭菜豬肉餃($46/7隻) - 皮薄餡足，啖啖都係滿滿嘅韭菜同豬肉，湯餃係跟狀元九鼎湯，係煲得好清嘅葛湯，隔晒渣所以飲落好順落，感覺好健康香煎軟心芝士餃($58/7隻) - 煎到金黃啱啱好，賣相好靚，好吸引，餡係包到好實嘅芝士同粟米豬肉，好飽滿，好滿足黃金原味皮蛋($30) - 皮蛋本身好味，簡單調味加啲青蔥已經好好食上湯松茸時蔬($35) - 菜心好靚，洗得好乾淨，上面仲擺咗杞子同松茸，新鮮健康蜜餞雞翼($33/5隻) - 雞翼好入味，甜甜地好開胃山楂雪梨水、蜂蜜檸檬薏米水(各$20) - 兩杯都係健康之選，甜度啱啱好，山楂雪梨同薏米味都好濃，又有滿滿嘅薏米，兩杯都好飲鋪面乾淨、座位闊落，個人幾鍾意木枱同有墊嘅木凳同卡位，夠實淨坐得好舒服餐牌提供嘅選擇好多，照顧素食人士嘅餃都有，款式極多，仲有各種小食、麵類同唔同嘅飲品，價位經濟，好值得嚟試

幾年前第一次同另一半約會就係去餃掂，當時仲係得兩三間店，而家舊地重遊估唔到水準依舊 ，仲好似多左食物選擇 。而家差唔多有10幾款餃子口味，我哋兩個一致推薦芝士餃同埋芫荽餃。識叫一定要煎芝之餃，果種煙靭餃子皮煎得金黃香脆又可以拉絲，完全可以媲美芝心批唔係講笑 。另外芫荽控必叫芫荽豬肉餃，龍鳳松茸餃都係勁好食，喜歡食松露嘅人必叫 。🥟🥟🥟多咗小食可以揀麻辣皮蛋或者蜜餞雞翼，價錢唔貴仲可以食埋菜🥬 大滿足，好有回憶—————-𝙒𝙚 𝙤𝙧𝙙𝙚𝙧𝙚𝙙:香煎軟心芝士餃*煎餃 ⁶⁹芫茜豬肉餃 湯 ⁶²四川涼麵 小辣 ³¹蜜餞雞翼（大） ³³上湯松茸時蔬 ³⁵蜂蜜檸檬薏米水（杯）熱 ²⁰—————————————————𖠿𖥣 餃掂手工餃子雲吞專門店 (銅鑼灣)〒 銅鑼灣景隆街19號地舖—————————————————⠀⠀⠀⠀⠀⠀⠀⠀⠀#hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #foodstagram_

想食餃子就會諗起有幾多分店嘅餃掂，又多口味又好食😀.餃子今次試咗至尊松茸湯餃，同粟米同元貝煎餃子。松茸餃一食落口就有陣濃郁嘅松茸香味，鐘意食菇嘅必試，配上一個微辣松茸醬，同清甜粉葛魚湯，又健康又好吃。煎餃好脆，粟米香甜，元貝鮮味，每粒餃子都皮薄餡靚，仲有辣辣菜脯同醋一齊食。另外食咗涼皮同雞翼，雞翼個汁甜甜地好入味，涼皮最啱夏天食，口感很好又夠凍，微辣嘅汁仲有花生碎。飲品推薦試下山楂雪梨，夏天飲真係好開胃，酸酸甜甜。

食咗銅鑼灣呢間都比較出名，好多分店嘅餃子店🙌🏻至尊松茸豬肉餃真係深深吸引咗我😍餃子皮薄餡多，每一口都飽含豬肉嘅鮮味同埋松茸濃郁嘅香氣，味道超級鮮美！😋😋非常好食 推介煎餃～雲耳椰菜豬肉餃呢一款就比較清新😮清香嘅椰菜同雲耳嘅脆口感🥰同樣都係揀咗煎餃，不過其實佢都有湯飲嘅選擇，之前食過一樣吸引👍🏻龍鳳蛋最鍾意食呢啲糖心蛋😍價錢都幾抵檸檬蜂蜜薏米水食煎餃都有少少熱氣🤣所以就要飲番杯薏米水清涼解渴，又唔會太甜😙餃子店嘅每樣菜色都好用心烹調，味道濃厚，令人回味無窮。價錢仲要抵食😎鍾意食餃子嘅你一定唔可以錯過🫶🏻

看似平平無其的餃子店，詁吾到原來隻隻都係人手包，仲要餡料種類多，質素亦高，非常好食。<至尊松茸豬肉餃>餃子煎得好香，薄薄嘅餃子皮，包住厚厚嘅豬肉餡料，咬落去帶有肉汁，而且仲有淡淡嘅松茸香味。<香煎軟心芝士餃>呢個香煎軟心芝士餃，一咬落去隻餃子到，入面嘅芝士就好似熔岩咁流出嚟，豐富嘅豬肉同埋流心芝士餡料，味道帶芝士濃香，惹味好食！！～<四川涼皮>呢個涼皮嘅質地非常之爽滑，入口爽軟，而且帶有四川嘅麻辣風味，麻辣味道容易接受。<雲吞麵>呢個雲吞麵入面有勁多雲吞，總共有成12隻，份量非常之多，絲滑嘅雲吞皮包住豬肉餡料，非常好食。<山楂雪梨水>山楂雪梨水，感覺非常清潤，入口微甜，又潤又好飲。呢度嘅煎餃仲配有<狀元九鼎湯>，呢個湯真係精彩，用上勁多滋補嘅材料來製成，有鯪魚、排骨、鰂魚、粉葛、赤小豆、扁豆、陳皮、蜜棗來煲成，絕對係真材實料嘅靚湯。

由第一次食，食到今年已經係第六年個湯依然係好好飲🥹啲餃子依然係好好味🥹喺呢度食餃子，我一定會嗌湯餃😎個九鼎狀元湯真係冇得輸飲足咁多年都仲係咁好味，勁真材實料😌個湯你飲得出佢冇乜落鹽如果重口味嘅人，可以自己落少少但係我覺得唔落鹽都已經好好飲，更加飲得出食材嘅味道😋😋😋今次叫咗兩款餃子 豪一豪佢一款係龍鳳松茸餃一款入面已經有兩個口味入面有黑松露同埋白松露黑松露味超香兩個口味入面我比較鍾意黑松露！第二款係芫荽豬肉餃作為芫荽愛好者食餃子點可以冇芫荽？真係勁好食 芫荽味唔會過多啱啱好配埋個菜脯辣椒醬真係冇得輸🥹就算叫普通菜心上面都會有松茸同埋杞子啲杞子都幾甜 松茸嘅份量唔係好多 但都有松茸嘅香味 不過淨係食菜心嘅話就冇杞子同埋松茸味一定要夾住一齊食 如果可以入味啲就更好最後仲有一杯檸檬薏米水食到勁飽😂😂😂食到超級滿足

朋友講呢間連鎖嘅餃子都幾好食，作為餃子控嘅我當然唔可以錯過啦🥰餃子有分湯餃同煎餃，佢湯餃似乎係配一個特別熬製嘅老火湯，有粉葛同埋各種嘅魚類，似乎好似屋企煲既湯咁🙊首先要講吓佢餃子嘅配菜，係一個酸嘅白蘿蔔，白蘿蔔非常爽脆，我喺餃子未上枱之前已經食咗一碟😂我哋兩個人叫咗個龍鳳松茸湯餃，因為出邊好少見黑松露同白松露用來做餃子。上枱嘅時候湯係分開另上，個湯嘅感覺係冇味精，感覺到落咗好多材料去煲，即使同啲餃子分開飲都完全冇問題。黑松露餃子咬開之後明顯見到有黑松露醬喺底，整體黑松露嘅感覺都好出。白松露就食到有好多菇喺入邊，而啲菇係有咬口，令到隻餃子唔會得豬肉既口感。除此之外，叫咗個元貝豬肉煎餃子，雖然佢寫話有元貝芹菜同埋金菇，但係我完全食唔到金菇嘅感覺😂反而元貝既味道幾出，仲有時會食到一粒粒細細粒嘅元貝，完全冇偷工減料😆可能因為係煎餃子嘅關係會比湯餃子油。另外仲叫咗個四川涼皮，我本身好鍾意食雞絲粉皮，所以麻辣嘅涼皮非常適合我，整體感覺嘢都值得再encore🥰仲有嗌咗山楂雪梨同蜂蜜薏米水，兩種飲品都唔會太甜，個人鍾意山楂雪梨酸酸地開胃，而朋友就嗌咗支裝嘅蜂蜜薏米，飲唔晒可以拎走~

I recently had the pleasure of dining at Nom Nom dumpling restaurant, and I must say, it was an exquisite culinary adventure. The moment I walked in, the inviting aroma of freshly cooked delicacies instantly whet my appetite. From the moment I sat down, I knew I was in for a treat.Panfried cheese dumplings:To start off, I decided to try the panfried cheese dumplings, and I must say, they were a revelation. The dumplings struck a perfect balance, with just the right amount of cheese that wasn't o