養心殿台式養生鍋 (已結業)

晚上正價時段一行 8 人在沒有任何折扣下，店員稱只收現金結帳，回家後見openrice 有post 每晚 8:30 前離位一律 7 折 , 7 折時段只收現金， 那為何店員稱優惠時段只收現金？ 從未試過那麼大食市只收現金 !食物質數一般中嘅一般，食物種類超小， 嚟得食嘅都係想試個湯底有幾好食，有幾特別。。。。 麻辣/養生鴛鴦湯底味度如水般清淡， 沒有麻沒有辣味， 養生湯底還好，起馬有小許人參味，完全不是網上所講嘅好評， 是我們8 人要求太高嗎 ? 真心，這火鍋店不值得一試。

冷氣機水打邊爐！我坐既位上面冷氣機滴水，一開始已叫店員抹左清理，之後情況持續，要求店員幫我換位，個場有至少四張空枱，但佢話出面個支客帶著位話吾凖，我之後親自出去同個支客好有禮貎要求佢換位，佢話只可叫人抹個冷氣囗，因為其他枱之後^可能^有人坐同有d已book左。我同個支客提意，我只食多一個小時就交枱可吾可以？佢用港女常用口語帶著不肖一顧既語氣話《有位實比你格，滳水既抹左咪算，吾得咪坐過d囉》，我非常佩服呢啲咁嘅人都可做支客，呢間野都老闆應該用吾少投資開左吾少分店，但都吾介意請你，好野！我忍同最多以後吾黎！但最忍吾住係，埋單走人時，有兩張枱係空無一人！

上星期約個好耐冇見嘅朋友食飯🤔，諗住帶佢食好野。佢提出話想食打邊爐，咁我梗係suggest 近期最愛嘅養心殿啦。😋見到佢係咁開分店，好受大家歡迎，咁都唔係冇原因嘅，坦白講，佢食物質素，湯底同環境都算高質。👍🏼好開心原來佢尖沙咀都開左，😍好就腳。好在有book 到位，如果唔係要等到9:30pm 先入得。😎入到去裝修都好統一，同其他分店一樣，有木造嘅屏風，每張枱嘅距離都夠，燈光柔和。👍🏼⭐️今次揀左養生鍋同酸菜白肉鍋湯底先講湯底，佢其中一個賣點就係每一個湯底都有好多湯料同配料。⭐️養生鍋❤️佢有好多藥材，好有人參味。所以佢個湯係飲得落，仲幾正添。👍🏼⭐️酸菜白肉鍋湯底呢個湯有好多好多配料，我最鐘意係佢個QQ寬條麵，先唔講佢個麵同湯底有幾合拍，佢個QQ麵由頭開始放左落去滾，所以好林好好食。😋本身佢個酸味唔算好濃，所以我就加左佢隨湯底附上嘅酸菜落去，自己調個酸度。👍🏼⭐️涮鍋小羔羊⭐️即炸脆響鈴-熱辣辣，又脆又好味❤️⭐️千層凍豆腐⭐️黑雲耳⭐️紫淮山麵-佢都幾好味，淮山味唔會好出，但吸左湯底味道👍🏼⭐️水餃加雲吞⭐️俾完錢佢仲送左甜品俾我地食。記得之前我去食係俾糖水，呢一次佢就俾雪糕，充滿驚喜。😍

停不了的火鍋之夜，今晚來到棉登徑的養心殿台式養生鍋。吃過他們的旺角店，印象非常良好，所以今晚再次相約朋友，來到他們的尖沙咀店！走兩層樓梯就來到位於地庫的店舖，內裏裝修古色古香，很配合他們的店名──養心殿，清代皇帝生活起居之處。坐下不久，我們便開始選湯底、點食物了！美人鍋+養生鍋：他們既然以養生鍋作招牌，我們又怎能不試試呢？加上上次吃過的美人鍋，就成了今晚的鴛鴦鍋配搭。由於湯底味道已經很濃郁，他們沒有主動提供其他蘸料，但如果你仍覺得不足夠，他們有一個自助蘸料區，客人可以自行取用需要的蘸料及蘸汁，貼心而且環保！至於湯底用料可說是滋補十足，美人鍋：有桃膠、烏雞、杞子、南棗；養生鍋：人參、黨參、老雞、鴨血。一言括之，就是補身養心！手切牛肉：他們的牛肉份量可說是剛剛好，太大份只怕吃不完，浪費了！至於味道方面，牛肉肉質嫩滑沒有渣，蘸着湯汁來吃，滋味無窮！豆腐：又是豆腐，嘻！這磚豆腐豆味濃郁，吸滿湯汁精華，真的不可不吃！唐生菜：沒有油墨菜，我們要了唐生菜代替。菜葉爽脆鮮甜，吃火鍋的好配搭！水餃拼韭菜餃：餃子大大隻的，餡料十足。味道亦充足，尤其欣賞韭菜餃味濃，愛吃韭菜的人士記得點來試試！芝士牛肉丸：牛

和家人去吃...第一次去...安排的座位感覺坐的很逼..坐的不舒服 環境在地庫一般 音樂放太大聲。叫了養生鍋 來到給了鴛鴦鍋的鍋子有2邊（明明不是叫鴛鴦鍋）養生鍋廣告裡面有雞 來到裡面一塊雞塊都沒有（單湯底收費$188 ）感覺被騙了 叫了其他食物6個人沒叫很多東西 埋單$1800 人均$300 沒什麼特別 收費不是貴但也不便宜..服務人員不夠很難叫過來。不推薦。 走出門口 對面那家窩心窩$688 2位有海鮮已經比它好吃，所以不會有下次。 純粹個人體驗供參考。

K Buffett 就試得多，K Hot Pot 真係第一次！呢個根本就係一間K房，放個爐喺中間烚吓烚吓真係幾過癮！我哋叫咗個麻辣併美人鍋！麻辣鍋（可免費追加鴨血壹份）配以多種香料及藥材，加入鴨血及凍豆腐，充滿地道台式口味而不膩！美人鍋用桃膠（含豐富膠原蛋白）、原隻烏雞（滋陰、補虛勞）杞子、南棗及金華火腿老火肴制，是女仕養顏至寶！火鍋料中我最喜愛的便是翠絲水蓮，香港很難吃到這種蔬菜，只須灼八秒左右就可以食用，爽口美味！這裡的食物價錢偏貴，自𢹂酒水要兩百元一枝，k房最底消費四百元一位形同虛設，基本上只點一些普通的食材就已經過了

秋風起，三蛇肥，小時父母會帶我們去蛇宴吃蛇羹、臘味煲仔飯。說實在，不太喜歡蛇，除了煲仔飯外，現在跟朋友必吃的一定是火鍋！雞煲、麻辣火鍋對父母來說太刺激，但這間養生鍋真是老少咸宜，秋天進補都可以食得美味！好味到得兩個人都要食😜而且好味到得兩個人都要食😜對女性來說補健特別重要，尤其是生理期後😌我們選了寧神養心鍋內有川芎、白芷、天麻、當歸等藥材，加豬肉、配以鮮魚和烏煲成，湯底材料十足，而且味道濃郁又甜，所以還沒吃火鍋料前必先喝過一兩碗啊！而火鍋料也不容忽視，強烈建議要點以下幾款：1. 巨型響鈴：每隻有手掌大小，響鈴有多好吃你懂的！爽脆響鈴滲了湯汁，更是驚喜☺️2. 手工丸類拼盤：每款2件，共12粒，有鵝肝墨魚丸、芝士牛肉丸、墨魚丸、黑松露蝦丸、梅菜豬肉丸和蝦丸，每件都彈牙新鮮鵝肝墨魚丸是邪惡但必吃之選，而黑松露蝦丸帶淡淡黑松露香，頗有驚喜，梅菜豬肉丸有愛家常菜感覺，一份拼盤可試齊全部，特別適合兩人享用！3. 白玉蘿蔔：吃火鍋絕不能沒有它！滲透湯頭的蘿蔔真是極品！4. 雪花一口肥牛粒：雪花脂層分佈均勻，有牛肉味，不比肥牛片遜色5. 粉條：同樣是配湯吃必試，可惜這晚太飽沒能吃到啊！還沒試齊所有湯底

今晚約左兩個識左好耐的朋友食飯吹水，呢間台式火鍋店最近好紅，又不斷開分店，所以想黎試下！寫住養生又養心咁！入到門口，寫住只收現金，而我地身上都唔夠cash，同埋呢度食飯唔係平，我地預每人都400幾蚊，所以都要落地鐵站ATM先再過黎，希望店主快d整返接受visa MasterCard!先揀湯底，我地揀左雙拼！一邊養生鍋一邊美人鍋！美人鍋係有桃膠架！好足料！可以先飲左一碗湯先再落野食，味精唔重，而養生鍋有人參，唔錯唔錯！最重要唔夠湯果時，佢會幫你加湯而唔係水！響鈴係必點，擺落湯度吸曬湯的精華！好好食！手打丸我就覺得梅菜豬肉丸好好食，出面好少有，梅菜味好濃！蔬菜拼盤我覺得少左d，但朋友愛吃秋葵，所以點左墨魚滑彈牙，但其實同出面果d無乜分別！炸午餐肉，本身都鍾意食午餐肉，新鮮炸起真係好食！凍豆腐都係至愛，吸曬湯味！好香好好食！餃子拼盤，無乜特別，但友人好愛羊肉又真係唔錯，夠酥！同埋一擺落去等一陣就食得！好味手切肥牛係呢度最貴的食材，脂肪分佈平均，唔會過肥，都幾淋！我覺得唔錯架！整體黎講，價錢係就貴左d，但間唔中黎食係ok ge!

8:30放工臨時約朋友去食飯，就出咗去尖沙咀搵嘢食，然後諗起呢一間好出名嘅養生火鍋，去到先知夜晚九點半之後可以有八折優惠，所以就等到九點半先入座😆😆入座之前就坐喺度睇Menu，然後大約等左半小時後就到我哋入座，環境好有feel，我哋一坐低就即刻點嘢食，大約5分鐘左右就已經上咗個養生鍋，連埋配菜一齊上，我哋就叫咗兩個唔同湯底嘅，一個係美人鍋，令一款係買麻辣鍋，一開蓋就即刻試飲美人鍋嘅湯底，好有藥材味，好足料🤤🤤🤤本人比較喜愛藥膳湯底，所以勁鐘意美人鍋！😽😽麻辣鍋嘅鴨血要浸耐少少，食出嚟嘅味道會更出色👍🏻👍🏻👍🏻另外都叫咗手切牛肉同埋鴨舌，鴨舌嘅味道勁入味可以再encore😆😆😆

今日同朋友喺尖沙咀附近搵嘢食，早前聽朋友講養心殿打邊爐唔錯，於是提早book咗位喺尖沙咀養心殿食。 外面裝修好有特色，入邊裝修就好中式，有紅紅嘅燈籠，同好有中國特色嘅屏風去分隔開唔同枱，枱同枱之間都有距離，坐得幾舒服。 我哋叫咗個養生鍋，另外叫咗極上雪花肥牛，之後叫咗蟹子墨魚滑，什錦蔬菜盤，洞庭烏龍麵，同闊條麵。 過咗一陣所有材料同埋個鍋都到咗，啲嘢食嚟得好快。 個湯底入面有好多材料，入邊有人參，杞子，有豆腐，入面仲有豬紅同埋幾款唔同嘅藥材，個湯底有藥材味，同埋有啲肉味，味道唔錯。 極上雪花肥牛，味道不錯，牛肉好新鮮，另外蟹子墨魚滑都好好味。

今晚10:00pm入座，第一次黎食嗌左$168養心鍋/麻辣鍋雙拼及其他食物食品普通，唔算好好食，有好多其他既邊爐差唔多價錢但好食好多（eg酒鍋，火煱)埋單時，好彩有check單習慣，員工無入七折，我相信每日每晚咁多枱9:30後入座，好難唔記得要㩒7折掛？令我好懷疑尼間分店收銀係博人唔check單。另外，我明明係叫左$168養’心’鍋+麻辣鍋雙拼，但佢收我$188，問返員工原來佢黎錯左個$188既養’生’鍋+麻辣鍋俾我。因為我第一次食養心殿，所以我根本唔知佢黎錯左，員工話可能入單入錯左，不過你食左喇唔好意思。20蚊我亦都唔想追究，算數。但兩件事加埋不得不令我覺得尼間分店既員工好古惑，搵地方想收多人錢咁。今次係我第一次幫襯，亦都會係我最後一次幫襯。體驗太差

同三個朋友下午搵野食 成日聽人講養心殿下晏係半價 所以就一齊去左尖沙咀試 點知一去到先發現原來得尖沙咀鋪係七折 無半價 不過都到門口就照食 每人食左三百幾蚊 都幾貴 叫左美人鍋 有成隻烏雞 幾好食幾滑 叫左兩碟牛 雞 豬 叫左丸果d 無叫海鮮 所以都算幾貴 半價可能好d

又到10月，天氣開始涼又是時候打邊爐了，於是10月之星嘅慶祝活動就是打邊爐。10月之星其中一聲很想試試養生殿，而每一位朋友都被養生殿這個名是吸引住了，再看一下食評，發現是台灣料理，台灣人向來十分養生，於是愛靚的我們當然要試試。因為訂座的時間是7:30 ，時間尚早，入座的人不太多，於是能夠好好欣賞店舖內的裝修；這已是很有台灣特色的，進入時看見四周也有幾個燈籠好像台灣的夜市，然後再下去就是食店了，食店裏頭以台灣的什麼鍋什麼喎啲間隔有點不同，他採用了很多呼古代特色的枱燈及屏風，彷彿置身於古代一樣十分有特色。安排好位置後，我們急忙點餐，一看見美人鍋三個字，就二話不說要點這個了；內裏有脁膠、南棗、烏雞，豐富的養分全部都對皮膚十分之好，整湯都是滿滿的骨膠原。之後我們陸續點了首設肥牛、老油條、遠慮、雜菜……不夠食材就到了，至於湯底是十分大煲的很足料，要等若干時間才滾，於是我們急忙試一試美人湯，味道果然濃郁鮮甜補氣補血，朋友們也讚不絕口，而每樣食材再者湯煮過之後，也變得鮮美無比，而老油條方面，我建議可以比魚皮擺九一點，那般吹姑娘的感覺十好吃，二首次肥牛方面也很大塊每一塊也有手掌那麼大，吃完是10分滿足

近來越嚟越多人話食過養心殿，朋友推介即管去睇吓佢咩料。Book咗尖沙咀分店，原來正正就係經典Why Club舊址。入到去餐廳，發現同一般火鍋格局已經唔同，走古代風格。不過食嘢裝潢都係其次，食材先最重要，睇睇湯底同餐單，無論食材定湯底都特別。選了麻辣拼美人鍋。湯底非常足料，美人鍋湯底非常好飲，隻原隻烏雞d肉都可以食。由於得兩丁友關係，丸類拼盤每樣兩粒剛好。每粒材料都好獨特（詳情見上面餐單六款丸類），非坊間一般火鍋店能食到。打邊爐牛肉一定係重點，雪花肥牛，牛肉味濃。食麻辣嘅 油炸鬼一定要試，效果比響鈴好，重點係浸完都仲脆！仲有必食推介，麻辣牛肉餃同寬粉條。海鮮方面，由於人少，只點了蟶子，但極新鮮，$48/隻 價錢合理。總結：始終一分錢一分貨，如果求食平DD，為咗果腹充飢，唔會推薦你嚟。但對於追求食物質素嘅朋友，非試不可，食完一定會再返嚟食。埋單兩條友食咗大概8舊幾，但絕對物超所值。

同朋友係養心殿食過差唔多7-8次，一路都係因為7折幾抵食而去，每次都係食到八點半前離座全單7折。點知，岩岩6點幾去尖沙咀分店食，兩個人去佢話要8點正交枱先有7折（但明明成個牌企係到寫住8點半），唔知點解佢私自轉左，不過都算。到我地埋單個陣先發覺佢又一次私自轉左計法，我地食完計返全單7折應該係425，誰不知佢而家個計法係茶芥每位20但無7折，加一唔計7折，埋單變左508，計完姐係只不過82折！比起我以前一路幫襯既全單7折差好遠囉⋯⋯