養心殿台式養生鍋 (已結業)

天氣突然轉涼，耿係要打返個邊爐暖暖胃.一於試下養心殿，反正之前都未試過.揀左尖沙嘴分店，有d特別，開向地下室.8點好旺場，等左10分鐘.宜家做緊promote，8點半前離場，7折.真係幾抵.選左美人鍋湯底，都幾足料，成隻烏雞擺落去煲.配埋黨蔘，龍眼肉，淮山，桃膠.一睇就知道滋補.藥材味唔算重，甜甜地幾好飲.第一次用尼d湯底打邊爐，體驗唔錯.蔬菜盤菜全部新鮮翠綠，而且都係沙律菜，香菇吸收曬d湯味，而且夠厚，高質.日本淮山價錢真係幾貴88，得幾塊.但貴得有道理，爽脆清甜，d黏液食落，好舒服唔係普通貨色可以比較.QQ麵係薯粉，非常Q彈，撈埋湯食口感幾得意.而且低卡路里，好健康黑松露蝦丸蝦水餃黑松露味超重，以為自己生咬緊黑松露，蝦丸彈牙，蝦肉新鮮.水餃超大隻，裡面d豬肉蝦都好爽口彈牙，而且皮薄.羊肉肉質好滑，瘦得黎有小小脂肪.帶小小羊騷味，入口即溶.最後仲有響鈴炸得金黃，吸收埋d湯，味道唔錯.

星期三晚都會在九龍區食好西，今日天氣清涼，最適合就是打邊爐，在社交網站見到朋友說今個月已是第四餐火鍋，都是光顧養心殿，讚口不絕，不得不試！約了尖沙咀棉登徑分店八點鐘，店內都坐滿人，等了約十分鐘，點餐紙上有六款湯窩，每一款都很特別，最後決定酸菜白肉鍋，鍋底內有大白菜🥬、豬王花腩、QQ寬條麵，酸香醒胃，果然無點錯👍🏽。酸菜白肉鍋 $128鵝肝墨魚丸(半份) $48 - 非常特別，第一次試自家製極品水餃 $42 - 足料皮薄霜降肉眼肥牛 $178 - 雪花紋平均即炸脆響鈴 $68 - 滾一秒就夠了台灣鮮豆皮 $38 - 原本想叫炸豆皮，可惜售罄老油條 $58 - 夠特別，必叫厚脂黑毛梅花豬 $118 - 肉質鮮嫩海鮮拼盤 $138/位（海蝦、帶子、九孔）- 海鮮新鮮總評：超高水準手，值得值得！

由尖沙咀港鐵出，轉落一條街到呢間台式火鍋，由人多大街行到較静內街，再落地下一層又回到熱鬧， 真係柳暗花明……！店內燈光環境好有古色古香味道， 別具特色。 侍應招呼周到，效率迅速。今次一行三人， 點菜份量要適量，以不浪費為原則。揀選鴛鴦鍋底，美人鍋及養生鍋， 手切肥牛， 餃子拼盤 ，墨魚丸，蝦丸， 白蘿蔔， 雜錦蔬菜盤及稻庭烏冬。美人鍋及養生鍋， 鍋底材料已經很豐富。 一個鍋底有兩種享受， 只係一個價錢， 真抵食！我特別喜歡吃牛肉 ， 嫩滑易入口， 就算烚得耐咗依然鬆軟， 有牛肉味。雜錦蔬菜盆， 最鬼馬係條粟米芯， 估佢唔到收埋咗， 蔬菜好新鮮。蝦丸及墨魚丸， 粒粒彈牙，好好食！餃子拼盤， 六款口味任君選擇！白蘿蔔清甜稻庭烏冬好有幼滑 ！原來八點半前結帳有7折， 抵好多播！ 臨走先見到添！ 要揀定時間， 快d再黎幫襯先！

相約朋友去尖沙咀行街，一行四人朋友突然話想食火鍋，記得附近有一間門口設計頗有特色的火鍋店,之後就上咗去試試！餐廳環境好有古村特色，光線柔和，好舒服！選擇了我最鍾意嘅麻辣鍋，同埋唔少得嘅美人鍋！湯底來了，服務員先叫我們品嚐一下湯嘅味道，湯料十足👍🏻的美人湯，內裏有一啲藥材再加上半隻嘅烏雞，好入味，又濃郁，最重要裡面加放養顏嘅桃膠，味道鮮甜滋補，食後皮膚滑滑，怪不得叫美人鍋啦！另一邊就係麻辣湯底，我今次叫嘅係小辣，豆腐同埋鴨血都係一流嘅，同我喺台灣食嘅差唔多👍🏻手切牛肉$338食火鍋怎可能沒有牛肉架！一見到有個皇冠的圖案印在餐牌上就知一定要叫😅，脂肪分佈均勻，只需烚一烚，入口即溶軟滑，美味無比😋！萵筍＄48萵筍新鮮幼嫩，一D都唔老，我就喜歡爽口，烚一烚食落好脆口!👍🏻即炸脆響鈴－＄68而家好少地方有了，我一見到即炸呢兩個字就急不及待即刻叫，真係好香口👍🏻，上檯的時候還暖暖的，必叫推介！杞子菊花圓肉露＄68勺好滋潤的明目清熱解毒，甜度適中，菊花味濃！不錯！

冷氣機水打邊爐！我坐既位上面冷氣機滴水，一開始已叫店員抹左清理，之後情況持續，要求店員幫我換位，個場有至少四張空枱，但佢話出面個支客帶著位話吾凖，我之後親自出去同個支客好有禮貎要求佢換位，佢話只可叫人抹個冷氣囗，因為其他枱之後^可能^有人坐同有d已book左。我同個支客提意，我只食多一個小時就交枱可吾可以？佢用港女常用口語帶著不肖一顧既語氣話《有位實比你格，滳水既抹左咪算，吾得咪坐過d囉》，我非常佩服呢啲咁嘅人都可做支客，呢間野都老闆應該用吾少投資開左吾少分店，但都吾介意請你，好野！我忍同最多以後吾黎！但最忍吾住係，埋單走人時，有兩張枱係空無一人。

自從係台灣食完台式火鍋之後對佢地既火鍋一直念念不忘咁岩 今日同一班朋友聚會就相約佢地去以台式火鍋主打既養心殿打個邊爐 解下相思之苦由於我地1行12人 朋友一早book左檯 佢地留左間房俾我地 最低消費好似係3000蚊佢間房有d古怪 係正門口 個個客人落樓梯就會衝入黎到最尾我地忍唔住未齊人已將大門緊閉 所以加餐加湯都有d麻煩 要禁鐘仔 但侍應黎到都地老天荒 呢點餐廳需要改一改進入正題喇我地分別叫左一個麻辣鍋少辣同一個美人鍋兩個都好好食 而麻辣鍋仲可以免費加一次鴨血係同台灣無限任加無得比架喇不過都好過無啦！鴨血都好正 無臭味！佢地既牛肉都好出色 勁有牛味 佢同時都提供好多聲稱係台灣直送既食材例如 水連！好好食😋😋雖然佢既價錢真係唔平 但質素的確幾高 不時黎過下台式火鍋癮都係唔錯既選擇！

成日行過都無試 所以琴晚去試下啦 都要等左20分鐘先有位。 睇個menu都似樣嘅 所以等下啦 費時行去老鍋啦 等嘅時候google下養心殿睇下有咩好食。哦~原來老闆娘自己都話以前得老鍋一間台式火鍋 所以佢同朋友開間做。我再google先發現原來同台灣嗰間無關係嘅，仲見到台灣人黎香港食，話台灣嘅原全吾係甘嘅質數，叫我地香港人去試下喎~~終於坐低，叫左麻辣中辣+酸菜白肉鍋 其他都係牛啊豬啊餃子啊丸lee d 標準邊爐野食個湯底黎到，點解甘少料嘅，起碼少老鍋一半。少都算啦，飲左啖湯，無味嘅！！！！！ 係兩邊鍋都無味！！唉~~~ 中伏間野仲要過晒晚餐時間都甘多人，諗住吾會太差，點知🙈🙈🙈 我好想幫老鍋派卡片 尖沙咀大擺好食過lee度，港式嘅和牛薈，新派嘅酒鍋，遠D嘅高流灣都好正啦lee度好生意真係一個謎🤔🤔🤔下個禮拜要去翻老鍋彌補下心靈嘅創傷😆😆😆

來到門口, 比預定的早了半小時到, 想碰著運氣能否提早進場. 結果是仍要等到訂枱的8:30, 這裡的客人明顯比其他區的養心殿更多. 比起其他分店, 這裡好像燈火較通明, 雖然滿場皆滿人. 但座位間並不狹窄. 整潔枱面. 好久沒見這位朋友, 先喝一杯啤酒慶祝一下. 這裡有日本啤酒Sapporo, 泡的比例也控制得很好. 之前去過其他分店的養生鍋, 但試的湯底只有美人及養生鍋. 朋友建議說這次不如試試這款有鮮魚的寧神養心鍋. 上枱的湯底除了裡頭有足足一隻鮮雞外, 連有很大件的魚頭, 有點出乎意料. 湯底的味道感覺比另外兩款更加鮮甜. 鴨血的口感比豬紅更有咬口. 而且不像低質素的豬血一咬便散. 口感細嫩爽滑, 久煮不硬. 這裡的鴨肉跟各款湯底都很配合, 而且價格才$88, 份量又足. 肉質嫩滑的鴨片肉汁豐富. 雲吞屬水準之作, 裡頭的蝦很大隻, 入口彈牙. 更好吃的是麻辣牛肉餃,  結實的口感以及帶麻辣的味道, 說起來口感更像是牛丸. 水蓮是台灣進口的食材. 把水蓮剪一半放進湯稍灼一會, 入口爽脆非常. 紫淮山麵並非處處皆有, 雖已吃得8,9分飽, 但仍忍不住要點來吃. 麵質彈牙爽口, 配上

之前同屋企人食過，連媽咪都讚湯底一流，之後就帶朋友再試，哈哈！連湯都飲埋。今日就見到原來尖沙咀都有分店，一於放工就同同事，再食🤩！門面設計都幾有特式！🤦🏻‍♀️重以為人流晤多，原來是在地庫，一行落去超多人！鋪內很大，全是坐滿客人，格局好似中國風，坐位舒適！喜歡飲湯的人，一定要叫美人鍋，藥材連原隻烏雞加桃膠，補身之餘亦美顔！麻辣湯底，辣度有分大，中，小，我選了小辣，辣度剛剛好，辣得有層次，而鴨血當然亦是主角，滑滑溜，絕配😋一煮滾，一邊有湯飲，一邊打邊爐，好多桃膠含豐富膠原蛋白，要飲多幾碗先！選擇都好多，而且好多都是手打，即製因為想食多D款式，所以每樣叫半份👍🏻蝦丸-＄40，爽口彈牙！🦐梅菜豬肉丸-＄36，好似食緊蒸肉餅的口感，好特別！極品水餃-$42/鮮蝦雲吞-$42，自家製果然材料充足！有甘靚的湯底，當然唔少得響鈴，即炸卜卜脆，上檯的時候，仍是熱辣辣的，放下三秒，即食

養心殿 台式養生窩第一次嚟到養心殿，無論環境、佈局、食物質素、服務都令我大開眼界。終於明白，點解養心殿如何收復一眾嘴刁食客的心。先講湯底，麻辣鍋底係必食，香而不辛、辣而不刺鼻。係我食過最惹味的火鍋湯底，湯底足料桂圓殼、乾椒，加上鴨血，唔食實係唔好話自己嘅過養心殿！講起鴨血，我係台灣試過鴨血火鍋，相比之下，養心殿嘅鴨血令我印象比較深刻。其一，因為鴨血的爽脆係我喺台灣未試過。其二，因為鴨血同麻辣湯底相呼應，一咬鴨血麻香的湯底即係直滲喉嚨。再講個鴛鴦湯底的另一邊，半隻雞加上中藥材，一句講哂，加竹笙浸落去，成個湯底嘅濃郁精華盡情爆發！又鮮甜、雞味重！當中嘅半隻烏雞令你難以置信你是正在吃火鍋而不是飲緊燉湯！講完最精華果部分，講返生料。最值得一試要數一口肥牛粒，牛脂均勻，入口彈牙，一口的大小食落口感比一片更實在、豐富，肉味更為濃郁！不過我就係喜歡生料擺落麻辣，因為辣味更能帶出牛的鮮甜呢！另一推介就係鵝肝墨魚丸，我覺得生料都可以搞到咁有創意，實在係火鍋店的誠意之作！當既，我同幾位朋友有試芝士牛丸，此兩款丸都真正手打，墨魚丸同牛丸嘅涵都好香，唔係敗絮其中架！多左重口味之餘亦豐富左火鍋丸類俾人嘅印象！令

約左個朋友食飯好耐，今日就終於得閒啦，老友過黎尖沙咀接我收工，咁就係尖沙咀食啦，唸食咩唸左好耐，好啦！就決定去養心殿啦，有質素嘅打邊爐我地兩個都超愛！咁落到去之後，地方都好大，都坐滿晒人，咁坐低左之後就拿拿聲點左個鍋先，再點埋d火鍋料之後就出去個自助醬料吧度混醬啦！好啦！鍋到啦！我地兩個麻甩仔就竟然點左個美人鍋，因為我地就係貪佢果隻原隻烏雞呀！滾起左之後，我地就即刻試啖湯先啦，啖湯真係好清甜，好香雞同藥味，而且重帶左點甜，甜味我相信係來自桃膠同埋杞子。跟住就食個雞肉啦，佢係足一隻雞，雞肉非常滑，佢唔會好似煲湯果d雞肉咁鞋口，真係非常滋陰呀！到火鍋料足場啦，由於我地得兩個人關係，所以都唔係點好多菜，都係以精為主，避免浪費。第一個係細嘅手切牛肉，牛肉望落去非常新鲜，肉紋就非常靚，而且厚度就非常適中，放落湯度唔洗好耐就起得啦，食落口非常之香牛味，而且感覺上入口即溶，絕對係超級推介。跟住就係半份鵝肝墨魚丸同埋半份自家製水蓮餃，其實佢d丸都幾特別，有個叫做黑松露蝦丸，有個就叫做梅菜豬肉丸，我都未試過，本來想一次過叫個拼盤呀！不過得兩個人就算啦，最後都係叫左個鵝肝墨魚丸，墨魚丸出面都好正常，而咬開

午市時間，一入到間鋪個有一位濃妝女士（疑似經理）好唔想做我地生意咁既樣，黑口黑面。好唔情願咁招呼我地坐低點菜。講返食物....美人鍋係味精湯，不建議叫，麻辣鍋要叫中辣先會辣，叫少辣係完全冇辣味。餃子、手切牛都幾差下，其他大部份都有點是ok的，打邊爐都係最重要湯底！呢度成日都壞卡機碌唔到卡！請自備大量現金，同埋要有被黑口黑面既準備。講真食成3千幾蚊野，仲要被黑面，幾好食都唔會再黎啦！

養心殿的台式午餐我食過，連新開的台式養心麵我都食埋，那當然要試試他們主打的台式打邊爐吧。今次去了尖沙咀分店，門口的電燈招牌比其他分店更為搶眼，這分店設於地庫，經過昏暗的長樓梯，好有神秘感。入到店內，裝修同其他分店一樣古式古鄉，設有好多屏障，好有私人空間。有六款調味料可以自己任揀的。今晚選了一個鴛鴦鍋(麻辣鍋及酸菜白肉鍋)，選這兩個鍋便可以免費追加鴨血或酸菜白肉一份。麻辣鍋內有多種香料及藥材，我們只點了小辣，看似大辣的樣子，但食落真的不算很辣，很像譚仔的5小麻辣般，鍋內已配有鴨血及凍豆腐，鴨血是台灣的地道食物，好像豬紅般，而凍豆腐又名蜂巢豆腐，吸收滿滿的麻辣汁，十分惹味。而酸菜白肉鍋就用上醃制的大白菜，極品豬王花腩肉做湯底，湯底酸香醒胃，再配上QQ的宽粉條，宽粉條透明幼滑，份量亦不少，個人覺得宽粉條不而滾太久，否則太淋會不太好味。另外我們叫了小羔羊肉片，羊肉是我每次打邊爐必點項目，這裡的羊肉片肥瘦適中，有少少羊羶香味。墨魚丸，手打真的比較好食，比較彈牙。雖然鍋內已有千層凍豆腐，但太好味了，要再額外點。上次在養心麵食過來自台灣的翠絲水蓮很不錯，外間又比較少有，所以必點呀，這個水蓮很爽口脆綠

港人響飲食上愈來愈注重健康, 在家食飯當然會健康但出外食飯常常俾人印象都係唔多健康, 尤其係打邊爐今次為大家推介既係養生系列的打邊爐 打邊爐又點樣健康養生呢?答案就係在於湯底同食材的新鮮 美人鍋, 新鮮烏雞, 桃膠, 紅棗, 圓肉, 杞子等材料熬製的湯底烏雞滋陰, 桃膠滋潤, 紅棗圓肉加杞子可行氣活血對於女人黎講, 湯底配搭美顏真係一流!入口清而帶甜, 火鍋食材的味道更顯突出 另外, 喜歡食辣的你一定不能錯過麻辣湯底用左不同種類的辣椒熬製, 麻而香辣, 店內有名的湯底可以免費追加鴨血一份, 鴨血入口滑中帶爽, 麻辣令鴨血更惹味 除左湯底別出心思的配搭, 食物材料的新鮮都係餐廳客似雲來的原因手切牛肉, 色澤光鮮, 脂肪分布均勻, 入口肉味濃郁墨丸、牛丸都用手打而成, 入口彈牙, 配上鵝肝, 芝心等MIX & MATCH, 令手打丸更特別 新鮮竹笙個人覺得配任何湯底都非常搭配竹笙吸收了湯的精華, 入口可嘗盡湯汁的味美, 口感卻帶爽脆, 令人更叫一絕

今日黎到哩間火鍋店，雖然訂左位，但太多人，都等左一陣先入到座一入到去，聞到好大陣藥材味，我地叫左美人鍋同埋養心鍋相拼，鍋底好足料，美人鍋有半隻烏雞，養生鍋就比較重藥材味因為得兩個人，唔敢叫咁多叫左芝心牛肉丸同埋韮菜餃，餃子皮太厚，餡料足，重韮菜味，牛丸都好新鮮，芝士好爆漿然後叫左碟牛肉，牛肉好薄好軟，好易入口現時仲有facebook打卡優惠，送飲品年糕係上海年糕，好薄好易熟，好香軟，又索味我地仲叫左午餐肉，午餐肉超厚切，而且炸過，外脆內軟，另外響鈴都好味，好索湯最後叫左個雜菇，咩都有，都好夾個湯底