養心殿台式養生鍋 (已結業)

I had really high expectations of this restaurant because of the popularity on the social media. So recently, I paid a visit to see what the fuss was about. I was SO disappointed.First, the hotpot sets were super pricey. $190 for just a hotpot soup stock???!!! And $330 for a plate of sliced beef fillets?!!!!!!!!!!!! And I still haven't showed you the exhaustive list of other meats and vegetables that we ordered on top of that.Then, we're SO upset about the quality of the sliced beef fillets. Nam

父親節正日來食個early hotpot. 事關七點前埋單離座，有五折。五折好抵食🧘‍♀️今次係第三次來開餐湯底，足料，絕對係回頭既原因湯好味😋雙湯底只收差價，不另計錢。最愛是養心鍋，湯好飲喜歡有半隻烏雞和半個魚頭今次拼了台式麻辣鍋鴨血好滑，湯底另送一份鴨血鹽酥雞，香脆，但肉不多蝦丸彈牙，魚皮鮫正常羊肉，不錯的，可點！梅花豬肉片好味！難得火鍋有肉味🤗芝麻湯丸打邊爐食落不會覺得怪反之，湯丸皮不會穿，不會漏餡😆幾好食！潮州魚旦，日本山藥，冰菜好新鮮整體十分滿意！味道好！留意，半價時段只收現金⭕️進店前量度體溫 ⭕️提供酒精搓手液 ⭕️全店職員戴上口罩 ⭕️座位間有距離感

第一次食呢間台式火鍋🍲，對比起其他火鍋店，其實佢嘅價錢都唔算係好平，但經過荃灣就諗住同屋企人入去試吓。我哋叫左過鴛鴦湯底，分別係美人鍋同養生鍋，兩個湯底都好濃好入味，推薦👍🏻👍🏻配料方面，佢哋有提供好多選擇，試左唔同配料，我覺得佢哋個手工丸類拼盤同雜錦蔬菜盤又抵又好食😋佢哋嘅牛同海鮮都好新鮮，值得再叫🤣

早排見佢做折，緊係拿拿臨去試下喇，入到去環境好舒服，又唔會趕人走，服務態度一流，時不而遲馬上睇下食咩先，火鍋最緊要當然係個湯底，咁我地就叫左個藥膳烏雞湯底，好足料呀，藥材同雞都好多，個湯仲好入味好濃，真係食到唔停，我嗌左響鈴好大份仲要係岩岩炸起好新鮮，肥牛正薄切好味無得輸，仲有好多我唔係到講太多，我建意大家真係要黎食下 因為真係好正非常值得推介，你試完就知👍🏻👍🏻👍🏻

以前好鍾意食佢地，由旺角，尖沙咀到荃灣，食左一餐後一試難忘，美人窩，酸菜窩，點知佢地執下執下得返荃灣，叫左個酸菜白肉窩，無酸味，無乜味，最恐怖既係，碟肉點煮都係紅色，蕃茄係黑食，唔知佢雪左幾耐？疫情期間，最關心既當然係衛生，但佢由台面，筆醬個一個位，地下都痴立立，好耐無拖地咁！最驚係碗碟，好在佢比左個兜你洗，自己洗左3次加埋酒精紙抹左勁多次先敢食！污糟到勁多油，仲有野食！唯一暫時ok 既係，裡面既人都仲幾好態度既，但係整體同以前無得比，唉，曾經既飯堂變成今日咁😦

呢到雖然出夠養生鍋, 可惜我就只食過佢既麻辣鍋.麻辣鍋會加送鴨血, 吸哂D湯既日月精華, 口感又彈彈地咁, 好好味.呢到既牛肉我自己食過就覺得普通.不過佢D自製丸類同餃子就比較有水準, 夠彈夠爽夠新鮮.

養心殿去過好多次，亦去過好幾間分店，試完之後始終覺得荃灣店係最好食，材料最新鮮。見呢排都靜靜地，咪約朋友去食晚餐，訂左位9點30，點知去到先同你講11點15cut單，11點45清場，12點關門，，，，都唔緊要，我地照食，但係發現味道已經唔同晒，麻辣叫中辣都一啲味都無，以前跟一份鴨血係用麻辣湯浸住，而家係好似滾水浸住，見到都唔多想食，啤酒款式由5，6種減到得返2種，員工服務差左好多，好多食物都話賣晒，11點已經同你講廚房收喇，有無野叫，你話無喇，佢即刻幫你清晒枱面既野，11點30已經話就唻關門，要你走喇，，基本上，所有野都差左好多，埋單仲要差不多2000，真係唔會再去食。

港女嚷著要來這間人氣極高的火鍋店很久了，今天終於有機會。由於我兩老還未能訓練到港女吃辣，我們就點了一個「寧神養心鍋」做湯底。「寧神養心鍋」其實是 “川芎魚頭湯”  ...  川芎、白芷、天麻燉魚頭，是一個傳統的粵菜藥膳，有祛風活血之效，加上烏雞，所以“寧神養心”確是沒說錯，但湯內的藥材還是生的，魚頭炸過但沒熬過湯就放了進去（當然，如過熬過湯就會散開，不好看），雞當然是熟的，但應該沒有熬過湯很久，所以藥膳的作用有限，幸好號稱熬了四個小時的湯底味道還不錯，作為一個火鍋湯底，賣點、賣相還是很有看頭的。由於我們只有三個人，而鍋裡也有不少可以吃的東西，我們只點了幾個比較精緻的火鍋配料，但記住，吃其它東西前，先喝兩碗湯！這個「響鈴」值得推介，新鮮炸，侍應還未端到我們桌前，腐皮的香味已聞到了，大大塊的，很滿足。我們點了一個很特別的「豬天梯」，很脆，很滑，這類豬牛的特殊部位是「打邊爐」（廣式火鍋）的絕配，總好過哪些像吃「車仔麵」的Hea丸、蟹柳、芝士腸， “嘥錢嘥時間”，還浪費我胃裡的寶貴空間！這個「酒香白肉」是有少許酒味的五花腩，切的很薄，所以除了味道，口感也很不錯。「極尚雪花肥牛」也不錯，起碼不是

今日又到女仔聚會時間，當然我哋真係想搵一些有益點的火鍋啦，今次嘅朋友就介紹之前在佐敦一間養生鍋飯幾好食，而且荃灣都有分店，所以我哋今日就一行八人去試一試，今次因為我哋冇嗌海鮮同酒嘅原因再加早去優惠價，所以價錢方面每位$230，價錢都比心目中平。不過這裡就冷氣偏凍同待應比較少，難叫人嚟。我哋叫咗兩個湯底，麻辣湯底配酸菜肉火鍋，麻辣叫了小辣，但沒想到完全冇辣味，幸好都都幾香。酸菜肉就有點失望，因為酸菜肉就似滾水加少少酸菜的味道。另外一個係養生鍋美人鍋就有驚喜，冇諗過入邊有本質烏雞喺度，而且仲有好多中藥材，鮮甜得來味道十分好味。雞仲要係煲左好耐仲保持到嫩滑嘅味道，係有驚喜。配火鍋方面我哋叫咗兩款牛肉，手切同埋雪花，我哋異口同聲都覺得手切好味啲有口感，而且味道比較豐富，但係雪花肥牛亦都唔錯。響鈴新鮮整，所以一定十分之好食，驚喜唔太油都幾好味。哋叫咗唔同款嘅餃子同埋肉丸，味道就普通，冇乜特別。淮山同蔬菜我哋都叫咗放喺美人鍋入邊，甜甜地吸晒啲未十分之好食。如果每一個人都有like佢哋嘅Facebook，會有杯特飲，我哋就選擇咗要酸梅湯同埋杞子，酸梅湯味道都OK，杞子茶方面就味道偏淡，龍眼味都幾出，

生日好去處主角想試試個湯底（我地一於奉陪到底)！女士們：試個美人鍋！男士們：就試養生鍋！我地食左好多野呀...有鹽酥雞，炸午餐肉，手切牛肉，厚脂黑毛豬梅花肉，手工丸類拼盤，蟹籽墨魚滑，牛胸爽，鮮炸響鈴，自家製麻辣牛肉餃，自家製極品水餃，魚皮餃，有機玉米，稻庭烏龍麵，寬粉條!!食到好飽，個個都凸出肚腩咁離開haha!食物又新鮮，又足料，上菜又快，食物質素唔錯，服務態度好，連小朋友都岩食，仔仔飲左成碗湯，同我講下次要再黎!

去過幾間養心殿，服務員態度最差係呢間！8:25左右叫左埋單，服務員之後送上甜品（心諗有甜品咁好），諗住食埋甜品就快快走人，有位阿嬸服務員於8:33 很不禮貌地呼喝「你地夠鐘好快啲走！唔係我收番你地錢！」 真係嚇呆左，只係遲左幾分鐘，周圍都係空枱，無人排隊食，有需要講啲咁嚇人嘅說話趕客走嗎？然後下一分鐘再來另一位服務員提醒，真係留多一秒都唔得，咁趕就咪鬼送甜品啦！之前食過其他幾間分店嘅服務員都唔會咁樣趕客走，呢間真係好得人驚。食物方面一般，價錢7折左都覺得貴，正價更加唔需要考慮，而且服務態度咁差，唔會再考慮來了。

之前食，鴨血就無限加，之後再食就最多加一次，除非like 佢facebook🤢仲要員工好似唔多願加比你，得好耐先再出現幫你加，最後我地都係加左一次！有七折優惠找數要找現金，個條款宣傳單張都搵唔到，唔會再去，再加幫佢宣傳！（半價優惠先至有寫明用現金找數！）本來價錢都唔係特別平，食品質素一樣每況愈下！

由於一鍋堂太多人，冇訂位至少等2～3個鐘，4人決定上養心殿食，平日聽到好好人話養心殿ok養心殿ok，又話高質藥膳湯底，今日我真係大開眼界，咩係ok服務差，ok食物質素低，又貴又吾值。坐低全場得個幾枱客，其他位置全部冇人坐，想問佢可吾可以換有得“埃“嘅櫈，點知佢話每張枱最多兩張，個下我真係下左出嚟，大佬丫！規矩死嘅人係生嘅，又冇人坐，成夜晚8點繁忙食飯時間咁多吉枱係度明顯冇booking啦，真係比鬼坐咩！食物：除左個麻辣鍋係有點味之外，其他野我真係吾知自己係咪去左街市大排檔食飯，美人鍋，除左飲到有少少准山味之外，我淨係飲到味精！300幾蚊一碟牛，你話份量少，吾緊要！最緊要係你要好食先得㗎，咁嘅質素同街市買滑牛有咩分別丫養心殿老闆？？叫丸，我真係覺得自己食緊街市凍肉舖個d急凍丸，喂餐廳老細見點丫？收我呢個價，最低限度手打肉丸啦下話？？？ 叫響鈴，嘩，係丫，嚟到大大碌咁，好似好勁咁，但係未落湯浸已經吾係脆吾係硬，更加吾洗諗快速浸湯，入口，益嘅，放啖油入口，叫鍋“順“，一般吾係太差，但都係個句，價位108都食到嘅野，你收我呢個價？你冇錢交租都吾好咁搞人丫，今次生日飯，我真心真心好失望，好想叫救

今次喺OpenRice訂位只要七點前離座就有五折優惠，所以book咗lunch Time時間去食，人流唔算好多，侍應都會間唔中收下碟同加下湯。湯底叫咗個美人鍋，有成隻烏雞，聽講女士好好，肉質都幾滑，湯底夠濃未，仲有啲杞子、桃膠等等，一開始當湯咁飲，之後先打邊爐。之後我點左雪花牛、豬肉九，肉質都幾新鮮，唔會話好肥，份量都夠我哋食。食完肉之後當然唔少得食瓜菜啦，冬瓜配火鍋冇諗過會咁夾到，冬瓜吸晒湯底，所以好入味。黑松露肉丸都幾特別，夠濃味又夠大粒；鮮蝦水餃好足料，口感幾彈牙。最後叫咗炸午餐肉、響鈴，都幾脆口，純粹貪口痕先會叫🤣🤣

屋企人生日，諗住近近地喺荃灣搵一間打邊爐，聽朋友介紹話呢間好唔錯，所以就決定一試。喺樓下排隊等電梯已經排左差唔多有半個鐘，可能因為係食飯時間，一上到去超！級！多！人！本身條走廊好窄，Reception位置亦坐滿晒人，所以我哋等位都唔知企喺邊度好。等左差唔多成個鐘終於安排入座，入面裝修其實都OK，座位亦都唔算太窄，終於可以坐低休息下。屋企人唔食辣所以叫咗一個唔辣嘅湯底，烚野之前飲下碗湯先⋯⋯ 可惜冇乜味，豆腐朔晒啲湯、Suppose應該好有味，但係我食到嘅連豆腐味都冇⋯⋯ 認真有啲失望⋯⋯之後都嗌咗一啲平時喺出邊好似好少食到嘅嘢，例如山藥、萵筍、雲耳、新鮮竹笙，當然仲有佢哋話自家炸嘅響鈴，同埋其他例牌嘅肉同菇，但係好老實講，除咗萵筍之外，其他認真普普通通，重點係份量仲好細⋯⋯ 而聲稱新鮮嘅竹笙，上到枱已經林晒，我食過第二間新鮮嘅竹笙絕對唔係咁嘅樣⋯⋯ 最嬲嘅係，佢哋係入咗嘅時候冇同我地講唔收信用卡。呢一餐食咗二千幾蚊，你唔收信用卡？你又唔係啲好平嘅任食火鍋，收呢個價錢唔收信用卡？請屋企人食生日飯，又唔好意思叫屋企人幫手臭棋埋單，好，我唯有搭返電梯落樓下行去對面100米開外嘅恒生去撳錢，之