養生糊甜品專門店 (已結業)

冇得出國，酒店大劈價，所以weekend都book左間酒店住返晚玩下。酒店附近見倒哩間糖水店好平，糖水大部份$20有交易，最貴都係$23，仲要幾足料，所以就買返去酒店慢慢嘆。糖水鋪地方唔大，只有幾個堂食位，主要都係做外賣生意。薑汁芝麻湯丸($20) - 湯丸有五大粒，湯丸皮唔會太厚可以接受，入面係芝麻餡，薑味亦夠重，$20有五大粒湯丸真係冇得輸！香芋椰汁喳咋($20) - 椰汁味夠香，好足料，食完都幾飽肚。蓮子百合紅豆沙($20) - 紅豆煲得夠腍，食倒陳皮香味，味道唔錯。海帶綠豆沙($20) - 綠豆沙好清甜，我揀左凍食，清清涼涼好啱而家悶熱嘅天氣食。總結，糖水$20/碗哩個價喺香港已經好難搵倒，仲要好足料冇將貨就價，非常抵食。

琴日同老婆出去左炮山台朋友家食飯，一落樓老婆大人就建議食糖水，Oh my god .... 女人真的有兩個胃，咁難得老婆大人提出，一於捨命陪君子。 記得朋友之前提過附近有間新開養生糊甜品鋪，D糊香滑足料，炮山台mtr 行過去都係約5分鐘，都ok 啊！養生糊甜品鋪鋪頭細細，坐位不太多，因為疫情問題，所以我地決定外賣拎走。蛋白杏仁露 $23女士最愛的養顏蛋白杏仁露，杏仁氣味清香，蛋白嫩滑，吃下不太甜，好滋潤。薑汁芝麻湯圓 $20 湯圓夠大粒、外皮夠透薄又夠煙韌，熱熱的薑汁，辛辣味恰到好處。

聽朋友講炮台山新開左一間中式糖水店，晏晝經過嚟試試先😊離遠已經望到一個非常醒目嘅糖水餐牌💁🏻‍♀️屋企人同我都非常鍾意食中式糖水，所以買咗三款唔同既糖水嘅返去試試老闆娘非常親切可人，好快手就準備咗三碗糖水外賣😊薑汁芝麻湯圓（$20）加$4芋圓 和$4蓮子薑汁糖水辣度適中，容易入口，芝麻湯圓大大粒，軟綿綿，配上口感煙銀又香軟嘅芋圓和粒粒蓮子，超好味呢～ 三款糖水中，最鍾意呢碗糖水❤️桑寄生蓮子蛋茶（ $20 ）桑寄生味道重，老闆娘落足料去煲👍🏻👍🏻好欣賞糖水唔會太甜，唔易肥😝 除咗有蛋之外，糖水中還有很多蓮子，女仔經期後食，補血一流😆腰果合桃露（ $20 ）腰果合桃露唔係好多中式糖水舖都有得賣，難得見到，即刻order一碗返去試試, 腰果合桃露味道非常濃郁，唔係好水流流個d, 非常滋補，食完馬上覺得補腰補腎🤣🤣下次經過再嚟試埋其他糖水先🤣🤣

好耐冇食傳統中式糖水喇！老闆兩夫婦以前喺北角開店，糖水出名真材實料，但可惜因為健康關係結業。而家喺炮台山依邊重新開舖，當然要支持下啦！小店有十多款糖水供應，有啲更加有凍熱選擇，店家好細心每款糖水都有介紹食材功效，等你可以揀一款最適合嘅。黎到當然要試下招牌芝麻糊啦！黑白芝麻由人手炒香再用石磨磨製，芝麻味香濃離遠都聞到，入口順滑，係街坊推介必食嘅。夏日炎炎絕對需要飲碗綠豆沙清熱解毒！海帶綠豆沙好足料，啖啖都有起沙嘅綠豆同爽口嘅海帶，食落唔會好甜，感覺都健康啲。

$23 一碗合桃露/蛋白杏仁茶，足料，心機之作，久違了的一種老味道，超值。2個人三碗，再加一個綠豆沙，都不為多因為三樣都高水準。估唔到，一間橫街小店有咁高水準。老板娘話自己炒完再磨，好有heart.呢啲先係香港糖水應有味道。

住左天后酒店兩晚，發現一間細細間 中式糖水店-養心糊 ，堂食大約有十個位 。 最後選擇外賣。後來發現是以前北角書局街 嘅”王記” 不過地點有少少吊腳，路口亦放有 二拉架廣告 。外賣一碗 芝麻糊 ，一碗旦白杏仁露+芋圓 。好好食，真材實料，食得岀係生磨，芋圓煙煙un un (有三色) , 整體又唔太甜，價錢亦不貴。👍👍👍質素保持有水準 第二晚再Encore 芝麻糊，合桃糊，都係好好食。 外賣仲要不用加錢 .有質素嘅小店，真係要支持一下！

今晚妁左好友去北角晚飯，食完之後經過見到有間中式甜品，養生糊甜品專門店排哂長龍，小店運作模式，一於支持下～甜品款式唔算多，以養生為主，岩哂女士們!店舖標明所出品既糊都係人手炒香，再放入石磨細磨再慢煮而成。日日新鮮唔留隔夜，仲調成低糖，欣賞小店既用心同堅持!香芋椰汁西米露入口香甜美味，充滿椰香，西米Q彈，香芋口感滑順，絕對係經典既港式糖水。桑寄生蓮子蛋茶益肝腎又能緩經痛既女士恩物，飲落有桑寄生獨特既甘口味道，入口清甜順滑唔會有苦澀味。海帶綠豆沙食落好足料，綠豆食落起哂沙，順喉清香，啖啖綿滑，清熱利水、解暑除煩熱一流!木瓜雪耳露賣相精緻，滋潤有益，味甘性平，清甜滑爽，正~

依日放工去開天后朋友屋企睇波，我哋就買齊嘢食上去開餐😆。除咗正餐外，我哋仲買埋糖水添，咁就唔洗等踢到半場先落街買。朋友話蜆殼街有間新開嘅中式糖水舖，就一於試下。除咗正街嘅老字號外，中式糖水舖真係買少見少呢。舖仔細細，似由一家人經營，堂食嘅位置不多，多數人都係買外賣，就好似我哋咁😚。糖水價錢好平，一碗平均都只係$20-$22，今時今日邊到搵👍？糖水有成十數款揀，款款都係經典，各有功效😊。糖水舖係用一個個鐵兜裝住啲糖水，全部都係熱辣辣滾住，無得輸，真係好有經典嘅感覺😜。我哋要咗三碗Share食，分甘同味😋。蛋白杏仁露($23/熱)，食材功效包括平氣止咳同養顏，但孕期不宜。杏仁茶好香，夠哂濃味，而且同蛋白好夾🥚，食落又夠滑。桑寄生蓮子蛋茶($20/熱)，食材功效包括安神、益肝腎同緩經痛。依個同我食開嘅唔太同🙈，藥材味比較濃厚，所以較苦澀，有啲似涼茶，哈哈。不過口味因人而異嘅～。木瓜雪耳露($20/熱)，食材功效包括滋陰潤肺同益脾胃。哇呢碗糖水嘅雪耳多到一個點😍，正，好滋補，而且仲有紅棗添，好啱女仔。總括嚟講，平平地想食碗中式糖水嘅話，呢到絕對係一個好選擇😎，味道都唔錯啊！

媽說清胎毒要吃芝麻糊。她每星期都去買芝麻糊給我吃。吃了好幾間，佐敦那家算是最好吃。見到養生糊的介紹，立即起程去試。有不同選擇。我就不用想了。堂食時，店外很多人買外賣，很多人想買腰果糊，但店員說今天的腰果糊未準備好。合桃和芝麻都很受歡迎。坐在店內，吃到全身出汗。明明見到旁邊的紙巾被風吹到飄飄下，才坐了那個位，但完全感受不到冷氣。芝麻糊冒出白煙，熱呼呼的。吃了一口，有黑芝麻的甘香，很好吃。稠度亦好，入口實在，絕不是沖粉的貨色。可惜，我實在太熱，邊吃邊出汗，只好不斷地攪拌，吃到最後被我攪到稀了。對味道非常滿意，甚至覺得比佐敦的更好吃。再來的話，還是外賣回家，開著冷氣吃，才能好好享受。

那晚在北角吃完晚飯，慢慢散步回家，男友提意食碗糖水先， 我當時讚成， 因為甜品可以令我覺得整天更完滿。 記得朋友介紹過一間叫 甜品專門店] 的糖水店，而且就在附近，行左5 分鐘就搵到了。 原來小店以外類為主， 堂食只有很小量位子，而且無乜冷氣有點熱， 不過一場來到就最好堂食， 速戰速決。 小店是一家人經營，有老有嫩一家人齊心工作，加分 。但好可惜當晚未到七到合桃糊和腰果糊已經賣光，真是一糊難求。 因為這裡的糊類都是自家細磨， 識食的街坊一早知道好野唔等人，所以就早吃早享受了。 不過我還有另一款心水推介 $23看到雪白的 就會聯想到食得多杏仁露皮膚就會漸漸地變得更雪白，我相當並非夢想而是真的。 因為杏仁含有維生素E和其他抗氧化；不飽和脂肪酸等，對皮膚很有好處，亦同時可美白皮膚。自家磨的杏仁糊口感有點點起沙， 蛋 白和杏仁糊已完全融合，超順滑；杏仁香氣突出， 一吃就知真材實料， 而且又不會很甜， 吃多一碗也不嫌多。 凍腐竹薏米蛋$20薏米口感煙靭，腐竹煲到全溶化，口感如豆乳般棉密， 入口清甜， 作為夏天的消暑甜品相當好， 可以解暑又可能養生， 雞蛋亦好大隻， 食完真心飽肚。 意猶未盡，

放工7點已經見到有人排隊買，見到價錢都幾抵，啲糖水睇落又好養生咁，就買咗兩碗黎試🤣 ⭐️合桃腰果糊 ($23)依家出邊越來越少見有腰果糊😍 同合桃糊勁夾！個腰果味好出，就咁食都好好食😋不過我又貪心想試埋合桃糊，點知味道好match👏🏻蛋白杏仁露 ($23)呢個最加分嘅位係佢有蛋白碎係入面，有咬口真係點綴咗成碗糖水😂本來諗住佢會好重杏仁味，但食落係一啲都唔重！兩碗糖水都冇伏，平平哋值得再黎食👍🏻

收工係天后食飯 食飽飯見到有間糖水舖都幾多人幫襯 就去試下先-係一間傳統中式糖水舖可以堂食 都好多人買外賣返去食😌食得出用心製作 真材實料 價錢亦好相宜 街坊價 好貼心嘅一點餐牌上會例出各種糖水嘅食材功效 客人可以揀返自己想要功效令人食得更放心💕而且可以加配配料 每款+ $4特別係有芋圓蓮子🤩🤩-我地叫左香芋椰汁西米露$20可加花奶🥰口感更香滑香芋夠溶😋同椰汁味混合極香濃🤤連埋西米露一齊食😍啖啖都好滿足薑汁芝蔴湯圓$20薑汁味唔會太濃😍剛剛好芝蔴湯圓好大粒🤤仲要五大粒咬開湯圓🥰芝蔴都好多好香腐竹薏米蛋糖水$20腐竹味香濃😋薏米適量甜度剛好❤️大大隻熟蛋😍好好食呀🥰🥰🥰

在北角吃過飯後，口癢癢想吃點甜的，打算到天后那邊吃甜品，一於上網搜尋甜品店吧，找到這家新開的中式糖水店，原來是一家重新開業的中式糖水店。還記得以前曾經在書局街吃過一次，總是排隊，很多人光顧，但之後再到訪時小店已經不在了，真可惜。怎知原來店主再在這邊開了一家小店；售賣的也是傳統的中式類別，如芝麻糊、合桃露、綠豆沙等，沒有花巧，但卻是別有用心的自家出品，自家炒製的米糊、自家搓製的湯丸，自家磨成漿的湯水。雖然款式也是不多，但樣樣都是真材實料，價錢只是二十元左右，性價比很高。這次來遲一步，糖水經已售罄，只有木瓜雪耳露。既然一場來到，來碗冰涼的回家吃。木瓜、雪耳、蓮子、百合等食材都是滋潤潤喉，材料比糖水還要多，加添紅棗天然的甜味，甜度迎合香港人的口味；雪耳帶糊口感覺，每一口都是滿滿的材料。下次一定要吃他們的芝麻糊，最令我念念不忘的一款甜品！

中式糖水永遠是最好的，心血來潮好想食碗香噴噴既即磨糖水🤩點知點知，未到九點🥺得番薑汁芝麻湯圓同埋一碗既椰汁西米露😂點解呀😞店內仲要好旺場，排隊人數又好多，最後唯有外賣左三碗薑汁芝麻湯圓同埋一碗既和香芋椰汁西米露番屋企食啦😅😅🎈薑汁芝麻湯圓大大粒🤪每碗有五粒，湯圓皮好薄，曬唒煙韌，好足料既餡，媽咪好鐘意，因為咬落去芝麻餡勁多，簡直滿瀉😋薑湯湯底好夠薑味，辣辣地既感覺好驅風😚🎈香芋椰汁西米露，有芋頭香味又有香濃椰汁味， 西米好有咬口，芋頭入口即溶，濃濃既芋頭香氣加上椰奶滑順的口感，好食🤪

After finishing my dinner, i was still not full thus thinking of having some dessert before heading home. While walking along the street, I saw alot of people standing outside this stall, waiting for take away. Curious to take a look, I decided to satisfy my craving here. 養生糊甜品專門店 was located at Shell Street, few minutes walk from Fortress Hill MTR.They catered mainly for take-away, though they have few seatings inside. They sold traditional desserts such as tang yuan, sesame paste and almond pa