香河越南餐廳 (已結業)

香河越南餐廳 (銅鑼灣)公司附近有間食越南菜既老字號餐廳，聽聞有30多年歷史😮，今日同同事去試下先～1 人套餐 $75 （凍飲加$3）牛肉河粉牛肉份量算多，但牛肉偏熟，並非生牛肉。湯底比較清，另上青檸檬和辣椒🌶️，可以自行放在河粉裏，加了青檸汁會清新一點～春卷半份春卷夠熱，餡料有木耳絲、肉碎等，另外配了生菜🥬可以夾埋一齊食，味道正常，春卷夠脆凍青檸蜜這杯飲品比較失望，青檸蜜沒有青檸，但有青檸味，不過味道偏甜整體食物美味指數：6/10 （10分滿分）*需加一服務費地址：銅鑼灣波斯富街89號

呢間越南菜，真係只此一家豬扒撈檬，唔好講無香茅味，豬扒都無豬扒味，切到好似肉片咁薄，份量又超細D檬粉先至經典，用茶餐廳嘅米粉店員話係由越南入口的乾檬粉喎⋯⋯今時今日咁嘅食物質素仲可以生存到，真係恭喜你呀⋯⋯

銅鑼灣一個變化好多的地方，有着大型購物中心，街鋪也由以往的小店轉移到其他高消費的店舖，「香河」仍屹立於波斯富街，歷史悠久，今天就去懷舊一番。讀書時代經常光顧，好一段時間冇來，入到舖頭有熟悉的感覺，彷彿是舊的裝修沒什麼改變。因為二人餐的份量比較多，我們都叫了一人餐，即小食的份量減半。生牛肉河粉是越南餐廳的重點，這個湯底有着清甜的牛肉味道，薄薄的牛肉片給滾湯弄至半熟，牛肉帶點點肥，嫩滑有嚼口，配魚露紅辣椒粒特別惹味，河粉的份量不太多剛剛好。越式粉卷有一件，粉皮晶凝通透，餡料豐富，有着很香的香菇味。春卷半條配生菜，熱辣辣脆卜卜，用生菜包裏著，好吸引。他們好像沒有加入新的元素，保持傳統，或者這就是他們生存之道，留住客人。

尋日要去銅鑼灣做啲嘢，好攰，經過呢間舖，就入去食少少嘢，抖一抖。差不多六點鐘入到去，見到有茶餐，問下老闆係咪仲有茶餐，好悔氣地話：'畀埋你啦'，一碗粉55蚊，送嘢飲。跟住又喺咁話仲有啲套餐，多一個小食........ 75蚊。結果叫咗一個套餐，生牛河，加個蒸粉包，加一杯柚子蜜。先嚟嘅粉包，半份，夠熱，軟熟，餡料夠香，唔錯。再來，生牛肉河粉，未食都知奶嘢，第一湯唔熱，暖暖哋，湯頭冇牛味，有少少甜；牛肉又鞋又冇味，失敗！柚子蜜，淡而無味。服務差，鞋口鞋面，晦氣。肯定冇下次🙅

呢間越南餐廳由細食到大今日黎重溫一下兒時既味道味道完全無變過 仲係好好味二人套餐有 春卷 蒸粉卷 兩碗生/熟牛肉河 兩杯熱飲春卷啱啱炸起熱辣辣 好脆 用生菜包住 唔洗驚太熱春卷入面好足料☺️蒸粉卷係其他越南餐廳好少見入面有肉碎木兒等材料 上面有蔥油同炸蒜夾埋一齊食超正生牛肉河 湯底好好味 牛肉好大塊最後碗湯差唔多飲曬🙈另外仲加左個香茅豬肉片蝦片呢個又係其他越南餐廳好少見的從個賣相就知好好味☺️香茅豬肉片加 蔥 炸蒜 一片粉皮 加埋脆脆既蝦片味道同口感都好豐富 好滿足

每次行過cwb都見到佢知佢都好耐年資，諗住比次機會點知真係伏到爆！呢碗牛河係我食過最伏的！湯，淡到一個點，係無味完全同水係相差無幾個小食春卷，都有2條的不過呢個餐要價$75，佢仲要加一！真係唔會再比機會佢

這間舖頭，食咗三拾幾年。由驚喜🤤，變驚訝🙄，再變驚嚇😳！主打生牛肉河，牛肉唔得😒，蒜蓉雞翼炸到，似食樹木🪵又硬又乾！仲要係個老闆推介😕 話超級多人鐘意食🤨 我用氣炸鍋，整得好食過佢🙄我估計係返炸！食完立即！係立即喉嚨痛😡😡😡比咗幾次機會佢，今次真係冇得傾❌❌❌！

香河這家在銅鑼灣屹立了三十多年的越南餐廳, 除了是我接觸越南菜的門欖外, 也是以前學生時代的拍拖勝地呢! 幾年前說業主要收回店舖, 到現在店家依然健在, 也許是因為經濟原故, 沒有其他店家承接就是, 這對於它也是許多是件好事.來到這裡就係是要吃香茅豬扒檬粉以及Pho, 前者豬扒的香茅味自然, 是天然香茅而非人工香茅粉, 配上鹹香的魚露就是舒服的味道, 只是豬扒煎得有點乾, 和濕潤的檬粉比較就有點核突. 後者的價錢維持五十多元, 以餐廳來說也夠商宜, 湯底味道柔和清甜, 生牛肉比較薄身, 不能放湯太久否則就會老掉. 河粉晶瑩通透, 不會糊掉或黏在一起. 味道多年如一日, 週邊的店舖除了涼茶舖外其他也是消失了, 這也顯得其難能可貴.

喺附近上完堂，咁啱本身想去嗰間餐廳滿座，行吓行吓就見到呢一間望落好傳統嘅餐廳😂見到呢間餐廳嘅裝潢，我哋估應該都開咗好多年，好有香港六七十年代茶餐廳嘅感覺☕️.雖然餐廳用咗好多中式嘅餐具，仲有茶添，但係其實佢係一間古色古香嘅越式餐廳👻價錢來講我自己覺得偏貴，一碗普通河粉連飲品都要平均70幾蚊🙈生牛肉河粉 ($55)我哋幾個窮學生一人嗌一碗生牛肉河粉，味道不過不失，比平時嘅越式河粉味道更淡，上菜時暖暖地唔夠熱，有啲可惜😓

見就腳入黎食，未叫都覺得貴！樣樣野 60起跳仲要加一...都算湯底冇味 豬扒又乾又小份！食落都唔飽！唔會再有下次！可以地鋪租金貴啦！但呢個價 出面可以食到好多足料又好味既越南河粉先囉

偶然行過銅鑼灣，見到呢間老字號既越南餐廳，一早聽過佢既名號，今日終有機會一試，只係叫左一碗香茅豬扒湯河，結論只覺得味道不錯，不過不失，但價錢就稍貴。湯河湯底味道濃郁，但不會有過多味精既感覺，入口相當唔錯。河粉亦有嚼勁，加上蔥花，整體湯河味道好食，但份量不多。豬扒有香茅味，入口肉質軟腍，亦有咬勁，算得上幾好食，但份量不大，切開只有五小塊，如圖所見。另外有配料青檸一小塊及數粒辣椒。配料新鮮，辣椒對我來講算辣，我平日不常食辣，配料放入湯中，辣味、酸味和鮮味恰好。食物質素我認為不錯，但價錢略貴，一碗湯河60蚊，埋單再加一，共66蚊，飲品另計。份量上亦不多，如果你想食飽，絕非首選，在份量及價錢上對比其他茶餐廳，略嫌貴少少，但味道不俗。

懷舊越南餐廳，好多好多年前已經來食！跟過入去懷舊下望下一枱一椅就知歷史悠久早上11點幾來到，有兩枱客我地兩個人，食少少野一個一人餐，一個小食一人餐 $75有一碗粉面，半份小食和飲品牛肉河味道ok, 清清地！另有雞絲可選半份粉皮粉皮熱辣辣！皮不厚，不裂，也不硬！餡料豐富，好吃！單點香茅雞翼6隻 $65香口，可以的。凍菊花蜜，加$3加一後埋單$157。⭕️全店職員戴上口罩 ⭕️進店前量度體溫 ⭕️提供酒精搓手液

與老友一起到銅鑼灣完成工作坊已9:30pm。肚餓極了！便到了附近一間越菜餐廳吃晚餐。我們各自選了一人套餐！十分抵食！$75包一碗湯粉丶小吃和飲品。太太選了扎內湯河和春卷，而我就選擇了雞絲湯河和越式粉卷。端上來時熱騰騰的，扎肉爽口彈牙，配上青檸汁丶紅辣椒粒，再加上香純的魚露，河粉軟硬適中有𡁻口，美味！雞絲嫩口入味，在加入魚露丶青檸汁和紅辣椒粒的湯中，竟沒有蓋過雞的鮮嫩，平淡中的不平凡，滿足！很欣賞越式粉卷，粉卷皮煙韌度恰到好處，給這小吃加了分！雖然春卷炸得金黃鬆脆，但味道一般，這是美中不足之處！店員服務不錯，友善親切！

以為屹立不倒的老牌食店有信心保證，沒想過會是如此差。下午六時，入到去我們是第一枱客人。坐著的幾名店員沒有打招呼，我們自行坐下後，他們才站走來，對自己說了句「好，開始啦」。餐牌比想像中乾淨，不是被揭了一萬次的餐牌。當然價錢也不是多年沒改的價，絕對跟得上通脹，都幾貴。生牛肉河，落單後兩三分鐘便上枱，令人驚訝「有冇咁快呀？」理性分析，湯一早煮好，河粉快熟，生牛肉預先切好，又真的不用多久。舌頭告訴我，煮得太久。牛肉切得少少厚，夾起一大舊，有點嚡，零肉味，奇差。河粉正常，不太腍，可以接受。湯底見到一圈圈油光，猜是熬肉時熬出油，怎料淡而無味。一。點。味。道。也。沒。有。全碗最重味，是生洋蔥和後加的辣椒。豬肉蝦片，拿起放入口，竟然咬不開。用力咬著它，左右搖動，豬肉碎都掉下來。終於咬開了，手剛才按得大力，滿手油光，狼狽。猶豫了一會，決定向店員反映。他用手按了一下蝦片，然後說給我們換一碟。再來一碟，蝦片是脆的。明明見到豬肉，卻只吃到肉鬆味，但味道都算可以。豬肉濱海，烤豬肉沒有絲毫的燒烤香，失望至極。唯一慶幸的是，乾乾的豬肉有咬口，不是用添加劑弄得超腍那種。低處未算低，從未吃過這麼韌的濱海，乾得誇張。樣子

經過這餐廳很多次，一直覺得門面不吸引，沒有內進嘗試，但由於附近的餐廳要等位，所以和友人決定一試。價位方面：一個湯河（加一後）$68，湯河套餐- 一個湯河+春卷和飲品（加一後）$88。價錢談不上十分便宜，但是湯底、麵質和我點的豬扒比想像中更佳，加上「越南河基金野三寶」-魚露、青檸和辣椒基本配料，味道更提升，肥仔波覺得可以一次過食五碗呀！〰️〰️〰️〰️〰️〰️〰️〰️〰️〰️〰️〰️〰️〰️肥仔波指數：3.5/5分