香港寧波同鄉會

營業中

休息中

前幾日team lunch, 老細請食飯, 一行9人,其中二人係鬼佬.部長suggest:cold dish: 醉雞,餚肉,素鵝,海蜇. 醉雞好香酒味,雞肉好滑, 餚肉都唔錯. 海蜇麻麻地,整到一pat pat 咁.熱炒: 黃金蝦, wah, 一上碟見到成堆黃色o既野圍住d 蝦,仲以為係南瓜茸,原來係咸蛋王茸. 食落好野味, 不過d 蝦over cooked! 油爆沙鎚魚(加埋西芹炒), 呢個有驚喜, 沙鎚魚好嫰滑, 無骨, 成碟清晒! 醬汁排骨甜多d, 砂鍋冿白, 豆板莧茱, 雪菜肉絲炒年糕等等, 味道都ok! 點心有家常餅, 其實好似蔥油餅咁, 脆脆地, 好香口, 老細問係咪chinese pizza!小籠包好後先上, 太家都食都幾飽下, 心想都食唔晒. 但係一上枱熱辣辣,細細粒, 皮薄, 肉汁多,簡直係水準之作!!甜品高力豆沙軟棉棉, 不過油左d.整體都唔錯~ 不過下午時份好口喝,唔知係咪味精多呢.

沙鍋雲吞雞同埋高力豆沙,其他小菜都唔錯,物有所值!

今日是舊公司最後一日運作，由明天開始就過檔新公司。雖然合作開的同事仍是那一些，但合作形式已經與現時的大為不同。無論如何，今天也是值得記念的日子，夜晚就齊齊出去食飯。今次不由我說，就由最年青的同事話事，估唔到佢女仔人家竟然喜歡吃元蹄，真係共事幾年都唔知。某同事又記得呢度的椒鹽元蹄好正，所以就來了這裡吃。呢度新裝修過，地方好過以前好多，起碼光猛同整潔D。晚市人客一點都不少，好似係滿座，好在我們早訂位，如果不是真的是一位難求。菜牌同以前一般，價錢亦好似無貴到。我們五個人，叫了三拼冷盤，分別是醉雞、海蜇及肴肉，椒鹽元蹄、賽螃蟹、樟茶鴨半隻、砂窩津白、鍋貼及家常餅。三拼冷盤份量不少，醉雞非正統的做法，是雞還雞，酒還酒，食時才將雞點酒，食味好一般；海蜇伴麻油還可以，可惜的是沒有海蜇頭；肴肉味道夠，三拼冷盤以造一味挽回多少分數；總括來說，比起好的菜館如老上海、雪園等，未算是高水準。椒鹽元蹄一大碟上，大乂隻元蹄聳立碟中，幾壯觀，旁邊以大量的炸川椒葉伴碟，賣相唔錯。侍應用剪刀熟手的將元蹄分成小塊，元蹄表面看炸得乾乾的，但吃落是充滿肉汁。尤其連著邊位吃，有軟骨有肥肉有廋肉，有椒鹽香亦滋味無比。始終這個元蹄

因為有朋友食過話唔錯, 所以聖誕前和朋友黎食. 呢度裝修都ok, 最初以為樓上鋪會冇乜人, 但原來熟客都唔少, Service幾好. 一定要食蔥油家常餅, 正到痺. 頭盤我們選了三併, 醉雞, 燻魚和芥蘭頭, 另外砂鍋什錦都唔錯. 侍應介紹一味芹菜磨菇炒獅子魚都好正. 我地十二人連前菜共叫了十一個菜每人平均約$150, 都唔算貴, 不過有些菜則略為肥膩(如炒年糕), 可能寧波菜都比較偏油吧! 這裏與之間不算迫, 故也很舒服, 如果一群朋友食飯這裏也是不錯的選擇.

今天和同事去吃午飯, 點了蛋王蝦, 家常餅等. 蛋王蝦味道十分好: 蛋王味濃郁, 與蝦味配合得天衣無縫. 家常餅味道亦佳.不過, 價錢頗貴呢(例如$160蛋王蝦)!

好多年前去過﹐雖然當時年紀小﹐不過仍記得果道既酒釀丸子同雲吞雞非常好食﹗之後去過好多地方食酒釀丸子都覺得好唔掂﹐同呢到既簡直無得比﹗不過始終係幾年前既事...唔知宜家仲係咪一樣正﹖

星期六o個晚去食﹐三個人嗌左幾樣o野﹐有蜜汁脆膳﹐雜錦砂碢﹐一碗擔擔麵﹐仲有蛋黃炒蝦﹐埋單差o吾多五百蚊。我個人覺得都幾貴﹐其實食呢間都係因為睇左呢到D食評先去試﹐嗌左四樣o野﹐唯一最o吾好係蜜汁脆膳﹐D膳有D腥腥o地﹐又炸到脆lock lock﹐食落o吾似膳﹐跟住其他三樣算過得去﹐蛋黃炒蝦﹐第一口好好味﹐越食越漏﹐最好係擔擔麵﹐暫時食過係最好呢間﹐剩係擔擔麵咋!最後係雜錦砂碢﹐湯味都o吾錯。但想講環境好o吾掂﹐比起中國芳差好遠﹐但價錢一定差o吾多﹐D伙記態度囂張﹐似做開熟客生意多﹐去到仲見到好多上海人食飯﹐而我o地本身又係上海人﹐但成餐無講過一句上海話﹐點知D伙記咁串﹐以為我地o吾識叫﹐我諗我都係試過就算﹐再去都好微﹐無咩好感﹐咁樣o既價錢﹐我寧願揀彷膳同埋中國芳la,地方又o吾係就腳。

老闆介紹先識去,教我地食蜜味脆鱔真係脆卜卜又好味煙薰蛋好鬼過癮擔擔麵湯濃麵滑,以家出邊D湯都冇咁濃咁好味蒸小籠包皮薄涵靚桂花酒鑲丸子清清地又有D酒的香味埋單又唔係好貴.

雖然環境麻麻, 服務一般, 但食物味道不俗, 又有特色小食, 例如臭豆腐, 炸湯圓(一定要試!), 不失為中環吃午飯的其中一個好地方.

係唔係正宗寧波菜就唔知，但食物普遍有水準。值得推薦的是年糕炒蟹和紅燒元蹄。前者用上海年糕炒，風味十足。紅燒元蹄外表較為乾身，似煲完湯的湯渣，不甚吸引。但原來裏面充滿肉汁，與乾脆的外皮一起吃真的無得頂！與其他有茨汁的元蹄比較又另有一番風味。但個甜點酒釀丸子就麻麻地，無酒香又好鬼淡。因為食物份量不小同較「漏」，建議最少有４個人至好去食。

絕對同意小王子殿下同各位食家0既意見,呢度0既咸蛋黃蟹同蝦都真係好香好好食,我個人鍾意蝦多D,因為食起0黎冇0甘煩.脆鱔OK啦,略嫌個汁蓋過0左鱔本身鮮味,其實呢道菜可以做得更好.醉轉彎唔錯,入味有酒香.烤夫好正宗,味夠濃.小籠包同菜肉包合格有餘,但好似舊時好食D...聽聞呢度D酒釀丸子几好食,但0黎親都冇,唔知事實上仲有冇整呢?

　　成日都聽到人讚呢間「寧波旅港同鄉會」，今次終於搵到人同我去食。各人都推介「鹹蛋黃炒蟹」，但我比較鐘意食蝦，貪佢多肉容易食，「鹹蛋黃炒蝦」果然正(圖)，味濃o既鹹蛋黃同味淡蝦出奇地夾，唔會好似想像中鹹，反而鹹蛋黃香氣久久不散，不過真係幾滯，一隻起兩隻止，少食多滋味。　　將D 鱔切絲，再炸到脆卜卜，成條蟲咁，再加一個甜甜地o既蜜糖汁，就成為「蜜味脆鱔」，咬落脆卜卜，唔講都唔知係鱔o黎，係頭盤不錯的選擇。另一個頭盤「三寶烤夫」亦唔錯，烤夫好似係麵筋咁上下o既o野，煮o既時候索晒D 汁，大家都想像到點入味法。　　「沙窩雲吞雞」係每檯必叫o既菜式，味道唔太特出，但大大窩咁，係大伙兒o既必然選擇。而「擔擔麵」又出奇地好食，濃濃o既湯底，在座有人認為頗辣，但我覺得一般，佢勝在辣之餘仲可以食到濃烈o既麻醬味，加上麵條雖然被杰杰地o既麵底中浸住，但入口唔會一「pat pat」，依然有咬口，值得一試。　　可惜是晚太夜，乜甜品都無晒，加上「休漁期」，食唔到炸鳳尾魚，一於下次去過……大家去之前一定要訂位，事關星期四夜晚都好鬼多人。

首先講明,呢間野唔係會員都去..絕對唔似果間咩"蘇浙同鄉會"咁..一定要有個會員帶入去先食得.,..相比之下,寧波同鄉會平易近人好多好多..<br>想食就要早幾日book位,位有限但係想食寧波野的人無限.一早打去book定位實無衰,玩即慶蝕底係你自己..<br>我地一圍人..叫左:<br>> 泠盤類: 蜜味脆鱔、鎮江肴肉和素鵝,煙薰蛋<br>> 主菜: 清炒河蝦仁、蛋王蟹、賽螃蟹、獅子頭、炒豆苗、東菇扒小棠菜、沙鍋雲吞雞<br>> 點心: 豆沙鍋餅、蒸小籠包、桂花酒鑲丸子<br>> 真係唔識點講..因為樣樣都好有水準,個脆鱔真係好脆,煙燻蛋好好味..蛋黃介乎生同熟之間..口感好正呢~~仲有個蛋黃蟹不可不叫!!我覺得同東寶小館有得比!!但係對女仔黎講可能會"漏"左d..<br>消費指數唔係好高每人兩舊~比起某些連鎖酒家囉條隔夜龍蝦就收你$10一兩果d好得多..<br>若果有朋自遠方來的話..帶佢去寧波啦~<br>

朋友推薦, 果然正! 冷盤好< 超> 水準, 特別係鹵肉及鳳尾魚, 細佬真係未食過咁好, 非一般館子, 如< 一? 香> <? 江春> 的貨色. 好地度! 清炒蝦仁非常爽口, 用的是河蝦, 但完全不覺, 好有食海蝦的感受, 廚藝肯定超班. 服務好有親切感, 全部都係鄉里, 連我呢個為食廣東肥佬都要講句◤頂瓜瓜◢, 價錢並不便宜, 不似其它同鄉會館, 這處係大酒店價錢, 六星級水準, 物有所值, 抵!

呢間食店唔算大, 所以想食好野就要數天前訂位, 服務員大多數都係上海人, 地o 的口音大多數唔係好正, 有時要比多o 的耐性同地溝通, 呢度係正宗o 既寧波/ 上海菜, 千尋o 既飲食推介有”咸蛋黃炒蟹”同埋”清炒蝦球”, 我o 個次就係晏晝去食, 雖然食蟹應該係晚上食感覺會好o 的, 但係當你見到碟蟹係你面前出現o 既時候, 你就唔會理係早定晚, 個口同隻手已經失控, 個o 的咸蛋黃唔駛咬, 又唔駛o 趙, 入口即溶, 咸蛋唔太咸,o 的蟹肉完全吸晒咸蛋o 的味, 一試就回味無窮, 另外”清炒蝦球”亦係佳作,o 的蝦晶瑩剔透, 爽口之餘又不油不膩, 如果兩個人去, 再加個楊春麵或者銀絲卷就夠, 每個人都係佰多蚊, 千尋就覺得值回票價。