香港寧波同鄉會

營業中

休息中

Lunch time勁旺場，訂了幾次，今次終於有位。擔擔麵-湯底雖濃，但沒有花生味、辣味亦欠奉。而麵亦煮得唔夠透徹，黐埋一舊舊。糖醋排骨-肉地好諗、沒有肉味，同事還覺得有種雪味。糖醋汁味道偏甜，酸味較少。賽螃蟹-第一次食有蘑菇及毛豆的賽螃蟹，而且亦沒有一隻生蛋黃係面，可能怕有禽流感關係。小籠飽-好大隻，但極少湯汁。雪菜肉絲年榚、砂鍋津白及雪菜毛豆百葉，三款都是不過不失。午餐及晚餐都試過，不知是否師傅唔同，感覺上夜晚好食D及抵食D。

很久之前已經知道有這間食店，但一直也沒有試過，早幾晚有空，便約了朋友來這裏食。我們叫了清炒蝦仁、樟茶鴨、椒鹽元蹄、和咸肉百頁小溏菜。清炒蝦仁- 蝦好新鮮，又彈牙，質數很高，值得一試。樟茶鴨半隻- 好細碟，相信沒有半隻，最多得三分一隻，好在味道很好，唔會太肥，也是值得一試。椒鹽元蹄- 看到KC兄的食評，一心就是去食這個菜，雖然沒有細一點的size，但還是叫來試試；外皮好肥，但味道唔錯，但真係一件起、兩件止；內裏的肉就比較韌，雖然都好入味，但因太韌，大家也很快便停手了，真係有點可惜，唔知係唔係失手了。咸肉百頁小溏菜- 食了兩味比較肥的菜，再食這味清淡的菜，感覺又幾好喎，而且菜好新鮮，都幾好味。要提一提，這裏的啤酒好貴，$24一支，初初以為係大支庄的，但來到時才知係細支庄，有點唔多值。

This was such ripped-off experience. We were too silly to trust the waitress to recommend. She ordered far too much for three people. Food was good but we felt cheated !

(1/12/05)同事生日飯,七人來光顧。涼伴海浙─比上次夠味,很喜歡加左蔥,所以俾我掃晒。酸辣湯─多料,係辣少少,不過味道幾出色。糖醋排骨─好夠酸,應是豬排塊,沒有骨的。咬一啖,見到係點蛋槳炸,好香蛋味,very good。小籠包─失色點,肉汁唔多,皮亦厚左d。火腿津白─菜好鮮甜。賽膀蟹─沒有生雞蛋,有瑤柱,磨菇,紅蘿蔔,毛豆,整色整水,都是有心思o既。上海粗炒─雖然有一點點燋了,但我覺得炒得好入味噃!比平時上海菜館的,好食好多。其實o係中環唔飲茶既話,中式o野,一膨人,哩度真係好選擇黎架。service又好。樓下一樓有間"香港大學校友會"唔知好唔好食,食乜既呢。

近期曾到這裏試菜數次, 發覺水準真的很高, 價錢也十分合理. 今年外父的生日飯便選在這裏舉行, 十多人的宴會可以比平時品嘗更多不同菜式, 妙極.是晚吃了十多款菜式, 無論用料、烹調、味道, 沒有一款會令人失望. 清炒蝦仁質素很高, 用的蝦較小, 吃來更滋味. 酸辣湯味道溫和, 不會奪去食材的鮮味. 其它如素鵝、竹筍扒豆苗、腰果雞丁、乾煸四季豆、鱔糊、生煎飽等, 都是上乘之選. 席間第一個高潮是紅燒元蹄, 肥美的豬手配上香濃的醬汁, 加上一點嫩綠的白菜仔, 真是相得益彰. 樟茶鴨則是整晚最令人難忘的一味, 鴨看上去有點乾, 其實肉汁全都鎖在仍然鮮嫩的鴨肉內, 表皮的油脂好像全部消失了, 一點膩的感覺也沒有. 調味不太多, 鴨肉的鮮味加上煙薰的香味, 大家都吃個不亦樂乎.當然不能忘掉美味的蔥油家常餅, 個人意見, 餅上桌後略放涼一會更加美味. 很難準確形容家常餅的美味, 但我們其中一個人就幹掉了四片, 可想而知吧.

是舊同學的聚會，連太座也要出動。既要幫人洗塵，同一時間幫另外一人餞行。一行十二人，在中環要找有水準的中菜，實在是易如反掌，隨口也可說出幾個選擇。在云云選擇中，走的那個選了這裡，因為佢鍾意食元蹄，咁就佢話事。十四人，坐滿了一張大檯。在這裡也是同樓下校友會一樣，不用看菜單都可以點菜的了。冷盤要了三個雙併，分別是馬蘭頭併海哲、肴肉併醉雞及脆鱔併薦魚。熱盤五個，分別是糖醋排骨、樟茶鴨、椒鹽元蹄、年糕炒蟹及奶油津白。點心當然是例牌的小籠包、窩貼、生煎包及必叫的~家常餅。冷盤方面，不算很差，是一貫水準。如醉雞仍是酒味太重，最好吃的要算是脆鱔，幾香甜，脆脆地，雖然吃不要任何黃鱔的味道，但作為下酒小吃，也是相當不錯的；熱盤方面，仍舊是椒鹽元蹄﹝如圖示﹞最掂，這裡的椒鹽元蹄，乾身，沒有坊間的元蹄蓋著一層可怖的茨汁。外層乾脆，裡面仍保持濕潤，個人而言，覺得幾美味。可惜元蹄不夠肥美，肥肉跟廋肉比例只2比8，至少做到4比6 才吃得過癮！伴碟有大量的炸川椒葉，吃落香口，帶著其獨特的點點苦味，加上下了點糖去炒，有點甜甜的，一大堆川椒葉給我掃了一大半。要餞行的朋友也盛讚這個元蹄好味，仍然是來這裡的主要原因之一；其他

星期四晚一家人尼食飯～七點就已經full哂，好彩有訂位～叫左：三拼（有醉雞，燻魚，烤夫）、半隻樟茶鴨、雪菜肉絲炒年糕、砂窩津白同家常餅～三拼份量都唔少，醉雞好滑，燻魚同烤夫几好，好夠味～樟茶鴨麻麻，好乾身，好似炸鴨咁，仲要係凍ge添～雪菜肉絲炒年糕好大碟，d年糕好好味，但好多油～砂窩津白只係一般～家常餅d蔥同芝麻好香，又脆又唔油，正～！至於服務都几好，個waitress同我地都有講有笑～價錢又唔貴，好抵食～！

(20/9/05)全dept來食飯, 之前已來過一次。覺得好食, 地方又舒服, 又唔煙, 咪番兜o羅。七個人叫左十樣o野, 實在樣樣都想食o麻!涼拌海蜇─我鍾意佢有蔥粒, 不過今次整得淡d, 唔夠麻油味。雞絲粉皮, 太多花生醬。蔥爆牛肉─牛肉"喇"過,"林"晒失左牛肉味, 大蔥夠多, 香味搭夠。糖醋骨,一片片, 一點骨也沒有, 個汁相當好味。小籠包─不過不失。上海炒年糕─好大碟, 好多菜, 味道都ok。酸辣湯─中辣,好多料,味道濃。賽磅蟹─大紅蘿蔔, 蠶豆, 磨菇, 整色整水, 靚o羅!炸銀絲卷、炒四季豆, 只是一般。時常就是眼濶肚窄, 所以食淨好多o野呢!

上星期六，我同朋友門一生７人黎左呢度食野，佢地話呢個０既咸旦黃炒蚧好鬼正，食到停唔到口，，哈哈，我地懷住好高０既expectation去食，哈，果然冇失望!個蚧真係好好食，D旦黃好正，我地仲用黎甲麵包tim呀，真係成個月都要食麥皮黎吸胆固順喇，，，我地仲有叫個沙wor津白，亦都好正，D味幾濃，津白亦甜．糖醋排骨，有少少酸，不過好醒胃，肉好’林’仲有叫左個海’節’頭，好爽，正!!overall,每人食左差唔多$140，都ok啦，，^^P.S.　services,都唔差，幾好^^

我上禮拜提議去蘇浙吃飯﹐食友KC 反建議去寧波。寧波N年前去過﹐記憶冇晒﹐決定同媽咪來一次晚飯。我訂了位﹐來到只有兩檯客﹐佢地比張好細的泊牆二人檯我地﹐媽咪話要坐張大D來放野﹐佢地話要留番比人。算喇﹐唸住吃番D好野補數。叫了﹕小籠包($40) 、桂花干貝($75) 、醉雞($70) 、砂鍋什錦($85)。小籠包是傳統較為大隻的﹐一籠有八隻﹐皮身較厚﹐落的醃料頗多﹐所以我只吃了一隻﹐其餘由媽咪包銷。桂花干貝炒得幾乾身﹐唔會油淋淋﹐加埋韭黃好香口。醉雞好大碟﹐當然喇﹐要成70元﹐出面當前菜一般只收45元左右﹐酒味好夠﹐雞肉嫩滑﹐碟內留有好多酒﹐當然我從未試過整得好差的醉雞。砂鍋什錦﹐一般﹐湯唔算好甜﹐用料亦普通﹐只有蛋角、蘑菇、粉絲、菜等等。寧波稱得上是老牌字號﹐食物唔會差得去邊。但有一樣野要令我比個喊面佢﹐就係D蒼蠅飛來飛去﹐係一D細小像蚊滋那樣的東西﹐重要唔係一隻﹐係六、七隻企晒響我地食飯的牆上﹐見到就想嘔。所以你地話我食裝修都係咁話﹐點可以容忍有咁多蒼蠅響間餐廳度出現架﹗提外話一﹕結果兩張四人檯都係由後來的二人霸佔﹐後來冇訂位的人﹐比有訂位的人坐得重舒服﹗提外話二﹕隔離的一男一女只叫

I've been to quite a few Chinese restaurants serving Shanghai cuisine in the past 6 monthes and this one is the best among all, honestly. My firm held two events in this restaurant in Jan and Feb, and both gave me a nice experience. I'd say 9 out of 10 dishes are great here and the worst (not too bad actually) should be "siu lung bow." It just doesn't impress me...so...I put it in OK catagory. But trust me, other dishes are just delicious. I'm expecting to have a meal there in the near future!

請幾個幾個舊同事來吃晚飯，地點在附近幾間上樓食肆間選擇，但因為一味家常餅，大家就來了這裡。雖然不是旺日子，但這裡都不少人，大廳及貴賓房都差不多坐滿，一圍一圍的，似乎仍是吃開年飯的日子。九個人，都是叫了一向那幾味。冷盤要了海浙、醉雞、烤夫及馬蘭頭的四拼，脆鱔另叫一碟。主菜是年糕炒蟹、棷鹽元蹄是例牌，另加糖醋魚塊、奶油津白、樟茶鴨、酸辣湯、家常餅兩客、鍋貼及酒釀丸子。四併的冷盤以馬蘭頭最好，有其清幽又特別的味道，伴上麻油，不錯；醉雞仍是那個老樣子，今次仲要凍了一點，已經叫住但仍是要叫，吃完又話麻麻，真係話唔聽的；烤夫及海浙，一般水準；年糕炒蟹及椒鹽元蹄都是重量級菜色，年糕炒蟹單看樣子已經夠晒膩，但不膩又不算是好的年糕炒蟹。雖然汁茨打得厚，但年糕煙韌，蟹亦好肉，人多吃一人吃一點就剛好；椒鹽元蹄次次都叫，皮脆肉嫩又有肉汁，跟微微帶苦的炸薄荷葉齊吃，仍然有水準。元蹄好大隻，又係有番咁多人至好叫，如果唔係都幾難食得完；糖醋魚塊肉質麻麻，雖然仍然脆口，但個人覺得一般，一眾年青朋友就覺得好吃；酸辣湯不酸，所以亦帶不出辣勁，兩頭唔到岸，失手之作；樟茶鴨也是一般，太乾身亦油膩，伴碟的麵塊又凍又硬又厚，跟椒

冬至個日同自已屋企人做節，已早一個星期訂位，本來媽媽不太贊成，因為佢話d伙計又寸、招呼又麻麻，但今次去可能換過d伙計，d服務態度又幾好喎!先食冷盤，因為三拼唔可以併鴨舌同脆鱔，唯有散叫，再加碟燻魚。叫完之後發覺自己蠢左，因為三碟冷盤味道差唔多，而且都係味道好濃，食完之後已經覺得好溜。三種冷盤都唔差，最好係脆鱔，一上台卜卜脆外，就算擺了一般時間都係卜口的。湯係醃篤鮮，湯料太少，相比起小南國差好遠，但老豆讚d咸肉好味，而細妹又話煲湯排骨仍持好有味又鬆化。今次冇叫咕嚕肉，叫左糖醋排骨，排骨大大件肉質鬆化；不過糖醋汁就甜酸味唔夠；雪菜肉絲炒年榚，已預左係好多油，但年榚質地好煙韌，食過咁多間上海菜之中，這間做得較好，不過實在唔少油，所以最後都食剩。見好多人都贊蔥油餅，所以都叫左一客。其實究竟蔥油餅正宗係薄定厚?這間係薄的，一d都唔油，面層好香脆，內裏雖然係好多蔥，不過食落口一d蔥味都唔夠，而且較淡，或者之前食了太多濃味野關係。老豆還叫了碟清蛋炒飯，雖然係好簡單只有蛋同飯，但師傅炒得非常好，唔油好乾身，真係一粒一粒飯的又炒得香，老豆話再加d蔥花落去炒，就更加完美。最後食得太飽，其實最主要係好膩，淨

約咗四個同事食晏, 叫咗以下菜色:-京都骨(啖啖肉, 酸甜汁醒胃唔la喉) 肉絲炒飯(夠鑊氣, 炒得夠干身)羅漢腐皮卷(成個鐘頭後食埋最後個件, d腐皮都仲咁脆, 正!!) 銀絲卷(熱辣辣, 好軟熟)干煸四季豆(辣咗d)小籠包(普普通通)埋單四舊水, 值得一試!

尋晚同舊同事食飯，由於訂唔倒香港大學校友會，所以訂咗食友們介紹的寧波旅港同鄉會。七點幾嚟到，人唔多，地方都幾企理。由於唯一男丁要OT，我地三個女仔唔叫得太多野，當然更冇人附和我試椒鹽元蹄啦。當晚叫咗：素鵝、燻魚拼棒棒雞、蘿蔔絲鰂魚湯、魚香茄子﹝奇怪的選擇，不多每人都可以決定兩味餸，冇野講﹞、雪菜肉絲炒年糕、蔥油家常餅同高力豆沙。素鵝幾好食，南方整法係用油炸的，但唔會覺得油膩；燻魚味道只屬一般，棒棒雞則只有D粉皮好食，雞肉就嫌鞋咗D，醬料就OK咁啦，呢個拼盤唔係太理想；蘿蔔絲鰂魚湯唔係太有魚味，略腥，蘿蔔微微有D渣，唔掂；魚香茄子非常油，食落其實味道可以，不過就唔係太有「魚香」，只係食咗少少就冇人再染指；雪菜肉絲炒年糕非常好味，年糕炒得恰到好處，煙煙韌韌，雪菜唔會太鹹，大家都食不停口；蔥油家常餅係另一絕活，炸得香脆金黃而不見油膩，內餡好多蔥，味道一流，不過食落其實係幾油架，但實在太好味，我一個人都食咗三件﹝！﹞；最後係甜品高力豆沙，味道都合格，但係紅豆餡出手太重，破壞咗整體味道的平衡，而且蛋白外皮有少少油味，應該可以做得好D。整體嚟講，呢度的水準唔錯，但係要識得叫廚房擅長的餸菜。價錢不算