影片
更多
2011-08-10
198 瀏覽
一直都想試「香港潮州商會會員俱樂部」這間潮州舖，但由於只限會員制度，身邊又無網絡，遲遲未試到。 機緣巧合下可以同朋友試到，太好喇!所有菜餚都係從網上「開飯」精心選出來，每個人頭$440，其實貴咗一d。 佢係商業大廈上面，有古色古香嘅設計，一層只有4張大枱，有板間隔開，好有私隱。食肆提倡: 以客為本，真心迎貴賓，不加味精，不加色素!手撕凍烏頭 – 魚肉鮮嫩，魚肉黃油香，起肉又容易入口，正!檸檬燉鴨湯 – 清甜帶有少少酸，非常開胃，鴨肉亦好嫩滑唔肥膩，好好味道!普寧豆腐伴蝦棗芋卷 – 豆腐無味但炸得香口；蟹棗蟹肉足炸得夠火喉；芋卷亦做得唔錯!滷水鵝伴鵝肝 – 滷水汁略為偏淡，返而啱我口味。 滷水豆腐入味，鵝肉有少少乾身，鵝肝肥美。蠔仔烙 – 比較油膩，蠔仔份量比較少，可以唔食!家鄉糯米蟹 – 蟹新鮮多肉，好香好香； 糯米吸咗蟹香亦非常入味，超正!芝麻魚鰾 – 份量足，魚鰾炆得好入味，芝麻醬汁煮得好香，唯獨食到一半嘅時候，汁液已經凝固，失色不少。方魚咸肉炒芥蘭 – 芥蘭有d硬，味道可以，略為油咗d!糖醋麵 – 麵唔係做到兩面黃，只得一面脆口，麵身炸得軟硬恰當。五仁酥伴紅豆糕 - 紅豆糕勝在唔
所有菜餚都係從網上「開飯」精心選出來，每個人頭$440，其實貴咗一d。 佢係商業大廈上面，有古色古香嘅設計，一層只有4張大枱，有板間隔開，好有私隱。
食肆提倡: 以客為本，真心迎貴賓，不加味精，不加色素!
手撕凍烏頭 – 魚肉鮮嫩，魚肉黃油香，起肉又容易入口，正!
檸檬燉鴨湯 – 清甜帶有少少酸，非常開胃，鴨肉亦好嫩滑唔肥膩，好好味道!
普寧豆腐伴蝦棗芋卷 – 豆腐無味但炸得香口；蟹棗蟹肉足炸得夠火喉；芋卷亦做得唔錯!
滷水鵝伴鵝肝 – 滷水汁略為偏淡，返而啱我口味。 滷水豆腐入味，鵝肉有少少乾身，鵝肝肥美。
蠔仔烙 – 比較油膩，蠔仔份量比較少，可以唔食!
家鄉糯米蟹 – 蟹新鮮多肉，好香好香； 糯米吸咗蟹香亦非常入味，超正!
芝麻魚鰾 – 份量足，魚鰾炆得好入味，芝麻醬汁煮得好香，唯獨食到一半嘅時候，汁液已經凝固，失色不少。
方魚咸肉炒芥蘭 – 芥蘭有d硬，味道可以，略為油咗d!
糖醋麵 – 麵唔係做到兩面黃，只得一面脆口，麵身炸得軟硬恰當。
五仁酥伴紅豆糕 - 紅豆糕勝在唔甜；五仁酥香脆鬆化，唔錯!
銀杏芋泥 - 芋泥蓉芋香蓉滑，好軟軟但好漏。
木瓜配檸檬汁 – 第一次咁食，我覺得怪怪味道咁!
潮州粥、咸菜 – 普通正常味道。
工夫茶 – 可以。
總括來說，整體無論係食物或者服務、環境都幾好，舒服滿意!
張貼
