香港老飯店

營業中

休息中

媽媽好喜歡食上海菜, 尤其鍾意去北角舊居附近嘅香港老飯店, 差不多每個月都要去食返餐。不過自從幾年前餐廳搬遷之後, 我地就要趁大時大節先會去食。趁老婆約左朋友,  今日就做返日孝順仔, 同兩老三人行去搬左去中環嘅香港老飯店嘆返餐。😁由於今日唔駛OT, 我地6點半已經到餐廳, 當時客人未多, 不過7點之後就開始多人。餐廳裝修雅致, 光潔明亮, 而且座位較一般中式餐廳寬敞, 感覺舒適。除左主餐牌之外,  另有多款廚師推介同時令推介選擇, 不過媽媽鍾情香港老飯店嘅上海菜, 所以今日都係同平時一樣點左烤雙方, 小籠包, 炒鱔糊同賽螃蟹, 再加上一款廚師推介嘅砂鍋鮑魚仔海參, 3個人應該好夠食。😙蜜味烤雙方 $108香港老飯店嘅烤雙方做得特別好, 火腿肉香味濃, 而且唔會過咸, 以鬆軟包身夾住, 配上蜜糖, 非常惹味。😋蟹粉小籠包 $128蟹粉小籠包一籠有4隻, 小籠包皮薄, 肉汁豐富, 加上濃郁蟹粉鮮甜味, 比一般小籠包美味好多。😍清炒鱔糊 $168媽媽最愛嘅炒鱔糊魚肉嫩滑唔會太肥, 醬汁香濃, 最抵讚係無加入芽菜等配料, 啖啖鱔肉, 份量十足。👍砂鍋鮑魚仔海參 $688呢款廚師推介嘅砂鍋鮑魚

冬至將至，因為要就齊屋企人，所以提早做節，屋企人想食上海菜，所以，今次揀左老牌上海菜-香港老飯店（ 中環分店）南翔小籠包小籠包皮薄煙靭，豬肉幼嫰多汁，配埋黑醋薑絲一齊食，味道更鮮花雕醉雞雞肉肉質雪白，唔肥，食落酒味香濃蘿蔔絲豆腐側魚湯魚湯呈現奶白色，湯十鮮甜又有魚香，令人回味蝦仁豆苖蝦仁雖然細細粒，咬落爽口彈牙，豆苖新鮮、十分幼嫩干煎小黃魚小黃魚表面煎得微燶，好香，特別魚肚位置，脆卜卜，好惹味，魚肉肉質雪白、滑溜，大家好快清哂呢餐大家都好滿足，要讃下呢間分店店員服務比其他分店好，店員細心地幫我們換蝶及換熱茶

夜晚和親戚慶祝生日，所以特別前往飯店進飯。小食：每兩人一碟，每20蚊一碟。砂碗雲吞雞(半份)：雞肉很鮮嫩又不鞋身，湯底不是味精湯底，而是味道充滿左金華火腿既濃郁味。雲吞細細粒，入面為豬肉啊！脆蜇頭：個人喜歡食爽口既小食，依度既海蜇頭好爽口，份量比出面餐廳為多。我喜歡點上酸汁令味道更突出。南翔小籠：十隻小籠包足以四人食用，小籠包包皮不乾身又不厚，但能完完全全包住湯汁和鮮豬肉！豬肉鮮味，滲出大量肉汁，非常推介比大家食用的首選！擔擔麵：價錢便宜，雖然只是一人份量，但湯底不馬乎！擔擔麵麵質彈牙，配合肉碎令擔擔麵不會太單調，花生醬湯底不稀不結。高麗豆沙：入面既豆沙份量適中，甜味足夠。和家人們也喜歡食用，作為飯後甜點不錯的選擇！

今晚約咗好耐無見既朋友係中環飯聚, 既想無限時又可以試下新野，於是就嚟咗呢間『老飯店』雖然話個名有個老字, 但啲陳設一啲都唔老, 仲好新淨企理, 啲員工都好好服務因為食量唔大既關係, 只係叫兩餸一個甜品砂鍋雲吞雞只係叫左半份, 但感覺好似同平時係其他上海菜舖頭食既份量咁上下大細咁, 起碼有8粒雲吞, 仲要唔係迷你版喎入埋有好多菜加埋啲雞, 味道好清甜, 無乜油浮面, 啲湯我地都差唔多清晒咁滯仲叫左個九黃炒鱔煳, 本來就唔想叫, 但朋友話好耐無食想試下, 我就勉為其難順下佢意啦無唸過竟然有驚喜喎, 啲鱔無乜細軟骨, 啲汁味道啱啱好, 唔會太咸, 試過有間好出名既食呢啲上海菜既老飯店哇醬汁杰到就嚟變一舊舊咁, 呢度啲汁調較得恰到好處, 啲鱔入晒味, 咬落爽口彈牙, 正丫食到咁上下, 女仔就梗係想個飯局有個完美既句號—甜品啦叫左個高麗豆沙, 大大隻熱辣辣, 又唔係太甜, 啲紅豆好多丫, 啖啖紅豆香甜, 好滑丫, 一碟四個, 夠我地食餘呢餐飯食得好滿足丫

雖然在上環上班，但一直都沒有留意這間在地庫的菜館，今日就嚐一嚐這間隱世飯店。本人最愛茄子，見到醬燒茄子就急不及待落單了。最怕茄子炒得不夠腍，這個不但炒得軟，亦夠惹味。接著的樟茶鴨亦肉多骨少，而且皮脆，愛吃皮的朋友一定喜歡。再來是砂碢黑椒粉絲雞煲，大家必定要吃粉絲，吸收了雞的味道，十分推介。最後多點一籠小籠包，亦有驚喜，是即叫即蒸，本來已經等得不奈煩，但正當招手叫侍應，包就來了。小籠包要襯熱食，入面多汁，肉夠鮮甜，美食真是需要等待的。今次美食行真滿足。

叫得香港老飯店 菜式非常有舊日風味 食過返尋味清炒鱔糊 $168說得上清炒味道唔會過於鹹鱔肉分量都幾多 而且吸晒醬汁既味道 相當美味食落鮮味有口感 火腿津白 $118金華火腿又香又好味令到平凡既津白都變得不平凡而且湯汁非常好飲清而不油 非常出色揚州炒飯 $120炒飯炒得非常乾身而且好香呢個炒飯既精粹就係有菜有肉材料豐富加入左今晚火腿粒 份外惹味豆沙鍋餅 $150最後當然要以甜品作結啦上海最出名嘅豆沙鍋餅豆沙餡清甜無比 配上香脆既鍋餅實在係太好食了

屋企人一直鍾意食傳統中國菜食香港老飯店主打上海菜餚款式多而且餐廳環境非常有格調服務亦都呵護備至令人食得非常開心松子黃魚 $238一到非常華麗既上海名菜松子魚肉鮮嫩 食落外脆內軟而且醬汁酸酸甜甜非常開胃齋睇埋相已經令人垂涎三尺脆皮上雞 半隻 $238雖然係半隻但係其實份量十足脆皮雞真係做到皮脆肉嫩雞肉咬落有肉汁 味道亦都好突出葱爆羊肉 $148秋冬就最啱食羊肉 又補又滋味師傅以香蔥去爆香羊肉再配以香濃既醬汁 真係白飯都送多幾碗南翔小籠包 $140 10隻性價比十足既上海美點皮薄餡靚 一咬落去超多湯汁而且裏面既肉調味得宜 實在令人回味

因為有朋友公司在附近，老飯店時時都會去，老字號上海菜水準有保證，店舖在地庫比較靜，傾嘢都合適。今年大閘蟹豐收依然當造，見到玻璃廚窗內尚有很多貨，看來幾生猛大隻。立下決定先點兩款蟹粉菜，蟹粒炒年糕與蟹粉小籠包都做得好，最重要是蟹粉唔腥，新鮮方可以。想起回味烤雙方，麵皮包著鹹火腿與蜜糖衝擊口感豐美，附上陒片多一層層次更是非常好。今日特別餓，追加大千雞球跟白飯，唔算好辣味道濃郁的雞球實在惹味，吃完9分飽大滿足。

有一段時間沒有吃上海菜，今晚專程來到上環的香港老飯店吃地道的上海菜！飯店在一幢商業大廈的地庫，沿着樓梯而下，發現飯店的佈置典雅，空間不算大，但餐桌疏落有致，有足夠的空間，不錯！在等候友人到來的同時，我便細心研究他們的餐牌！菜色種類繁多，選擇有點困難，幸好友人及時到達，大家一起商量，很快決定了吃甚麼。核桃燻蛋：這是冷盤，所以是凍食的。被煙燻過的雞蛋，外面啡啡的，內裏白白的，半熟的蛋黃晶瑩發光，煞是好看，光是賣相已經滿分。吃進口裏，煙燻味淡淡的，沒有喧賓奪主，佔據你整個口腔，主角仍是雞蛋，配合蜜餞了的核桃，為這頓晚餐開展了一個很好的序幕！烤雙方：在不同的上海菜館吃過這道菜，水準參差。今晚這件雙方卻是驚喜萬分。夾餅鬆軟，火腿甘香，烤方鬆脆，蘸上蜜汁，滋味無窮，真想再吃多次呢！干燒明蝦球：這道菜的味道很有趣，蝦球大大隻的，彈牙爽脆，干燒後配以醬汁，醬汁微辣中帶着酸酸的味道，十分有趣！冬菇豆苗：豆苗是時令蔬菜，所以特別新鮮多汁；冬菇軟冧入味，一直都是我們愛吃的食物，好味！蟹粉湯包：想吃小籠包，但在下單時被推介吃蟹粉湯包，真的沒有介紹錯，湯包比小籠包要大，湯汁濃郁而且充滿蟹粉的香味，放進口裏滿滿是

一家人提早做冬至，當然中菜是不二之選。尤其上海菜是我一家最鐘意。亞囝揀了中環的香港老飯店，果然識食之人。有歷史有水準的一間懷舊上海菜店。燻蛋是一道老幼咸宜的菜式。色澤好光亮，蛋黃呈現半凝固，入口充滿著濃郁的煙香味，滋味尤佳。亞囝對肉類情有獨鍾，點了一道紅燒元蹄，過時過節最有氣氛的菜餚。亮麗皮滑有如豆腐，丁點膩感都無。燜煮得肉質鬆化，絕不粗嚡，的確誘惑難忍，隨即要了碗白飯伴吃，一流。鹵香瓜蒸王魚又一道另人滿足的菜式。魚質細膩，味道鮮美，入口即化。採用了鹵香瓜蒸煮，鹵香瓜的鹹味帶出了王魚的鮮味更突出。簡單清新的杏仁豆腐作為完美一餐的總結，今年的冬至飯又是圓滿幸福的一年。

我在中環返工, 同事話 香港老飯店 食物好質素,  我都好想試吓, 於是今日放工約咗朋友去吃晚飯.  門面設計好特別.飯店餐廳在地庫, 入門已見有時令的大閘蟹和美酒櫃.香港老飯店 招牌出自中國新美術家劉海栗老先生手筆, 餐廳內的掛畫,  有香港舊日的足跡.  具欣賞價值. 大堂典雅, 座位多,  設有多間 VIP 房.安排坐位後, 熱茶及開胃前菜送到, 有腌紅白蘿蔔,酸酸甜甜 好開胃.餐牌內, 食物豐富, 大家細心睇, 部長也落力推介.  點菜冇難度.首先到是冷盤, 烤麩.煙韌度適中,  醬汁帶 少甜,  夠入味, 入口好軟綿. 燻流心蛋  伴芝麻合桃, 一道具特式的前菜, 金黃色的蛋帶流心狀, 色澤亮麗,  帶煙燻味, 做得好好.烤雙方感覺是好好的菜式, 金華火腿, 炸腐皮, 及一籠熱熱夾包一齊送來.侍應細心替我們把包, 夾入金華火腿及炸腐皮.  火腿肉質酥糯, 味道美.炸腐皮脆口, 夾包棉滑, 蜜汁醬帶酸甜酸味,  口感有層次.  好食 !!火腿津白金華火腿, 甘香肉質優,  津白嫩滑清甜, 因火腿帶點鹹味, 所以用奶油味茨汁,  連同金華火腿一齊食, 好配合.松子黃魚賣相擺碟佳.

香港老飯店屹立多年仍然保持水準，可以説得上寶刀未老！今晚中環宴客當然不會太過馬虎，嚟間名牌飯店一定另客人滿腹而歸。黃魚羮 （$218）天氣驟冷，先來一鍋黃魚羹暖暖胃。湯羮通常會用太多漿粉水，但嚟一鍋完全沒有，濃稠度恰到好處。一粒粒黃魚非常嫰滑香甜，其他配料豐富，充滿口感。南翔小籠包 （$140）嚟上海菜館唔食小籠包一定會後悔啊！上海菜代表作之一嘛！熱辣辣，湯汁滿溢，肉汁飽滿。唯一皮稍為厚了一點。紅燒元蹄 （$310）元蹄肥美，賣相吸引。炆煮得好腍，肉夠入味嫩滑，元蹄皮嚼落完全沒有肥膩感覺，果然是名菜之一。三絲乾絲 （$120）食過了元蹄的濃味，來一碟素雅的菜餚。密密的切絲，刀功之作。這碟傳統小菜，清淡異常，中和了膩感。高麗豆沙 （$60）甜品高麗豆沙在京式菜中可謂表表者。一個個渾圓金黃的小雪球，內有滿滿的紅豆餡，軟綿綿，入口不油不膩，討人歡心。今晚客人食得開心，老板又滿意，我嚟個小小秘書仔應該今年加薪有望了....哈哈！

放工老弟在上環，相約去吃晚飯才回家。來到了香港老飯店，因為之前lunch和同事吃過一次，頗地道，所以encore一下。它的位置不算顯眼，在南豐中心的地庫，如果商場不是有個招牌，其實很難發現。晚市時間，很熱鬧，看得出大部份食客也是老顧客，因為侍應姐姐都知道客人的飲食喜好，就像老朋友。坐下想了很久終於有決定，因為小菜選擇頗多，讓人十五十六。我們點了 核桃燻蛋從來沒吃過，很喜歡那沾滿芝麻而膽口的核桃，甜甜鬆脆，蛋是流心的。橙黃的蛋和核桃是如此搭配。 樟茶乳鴿也是第一次食，乳鴿細細隻但肉甚厚，鴿味也濃。一旁放著幾件麵包仔，甜甜地，伴鴿肉食，可減輕單食之咸味！ 大閘蟹當的季節，我們也點了籠蟹粉小籠包！新鮮蒸起的熱騰騰，名副其實的皮薄多汁。入面的蟹粉也清晰可見！ 清蒸黃花魚清甜，雖然多骨，但鮮味十足，簡單用薑葱蒸已經好好食。侍應姐姐仲好貼心問，使唔使幫我地起肉！ 奶油津白清甜得黎帶金華火腿香，沒有很多配料，簡單又好味。 2個人5個餸，簡簡單單又一餐。飯後仲叫了個酒釀丸子，好足料，甜甜地潤一潤。 這裏是老派飯店，侍應普遍都上了年紀。服務態度超級好，啲姐姐好熱情，食物質素又平穩，值得黎幫襯！

香港老飯店呢個名細個都聽過下，雖然未到耳熟能詳。加上佢個廣告結尾會用一句上海話講出香港老飯店個名，但係總有少少印象。難得係中環附近收工，拉埋朋友去一試呢間開業有廿五年既飯店。地點位於永安對面，岩哂行完永安既朋友～加上中環一入夜真係冇啖好食，所以呢間算係夜深人靜既地方一個比較好選擇～去到後見到環境相當清雅，傳統中式酒家裝潢。加上人數唔太多，侍應姐姐已安排我同我朋友去一個四人檯，好細心！同朋友商量左一陣，好快就決定醫肚方案。核桃燻蛋　平凡既雞蛋經過廚師巧妙手藝轉身一變成糖心蛋，再加以燻木燻過既蛋白，味道蛋味十足，聞上去有淡淡煙燻木味；核桃乾身脆口，帶有少甜，看似平凡，實不平凡小食。無錫脆鱔　又名梁溪脆鱔，錫傳統名菜；鱔本身都幾麻煩既食材，先去皮，再去骨，再切條，走油，可見相當費工。上菜後眼見脆鱔以寶塔形，證明舊菜承傳絕對成功。鱔肉味道鹹帶甜，脆口，薑絲舖面混合食到更有多重味道感受。小籠包　經典之作；皮薄，肉嫩，多汁，不足以形容如此美味；摺數係傳統十八摺黃金摺數，師傅手勢老練，粒粒小籠包大小如一。夾起時唔會穿底，更見到湯汁在皮底下味道肉湯味足夠，鮮鹹味，大家一定要一試！炸臭豆腐粒　湖南有名的