香港老飯店

營業中

休息中

一般與朋友聚會，西餐必然是我的首選，但今次突然想試試正宗上海菜。於是，我們一行三人決定到位於上環的「香港老飯店」。「香港老飯店」是一間主打上海菜的中菜館，不但保留懷舊風格，提供正宗上海菜式，而且菜式亦同時迎合我們香港人的口味。餐牌內的菜式選擇很多，有選擇困難的友人本打算直接點選套餐的。最後，我們被附圖的推薦菜式吸引，所以放棄了套餐，選擇了單叫。我們叫了棒棒雞($128)、南翔小籠包($140/10隻)、蔥爆牛肉($120)、乾扁四季豆($108)、醬燒茄子($108)、揚州炒飯($120)及高麗豆沙($60/4個)。棒棒雞 $128即雞絲粉皮，這裡的粉皮比一般吃到的爽滑，望落晶瑩剔透，口感不錯。南翔小籠包 $140/10隻小籠包皮薄餡靚，肉汁多，而且鮮甜美味。蔥爆牛肉 $120很有鑊氣，肉質嫩滑，夠入味。乾扁四季豆$108，醬燒茄子 $108，揚州炒飯 $120四季豆及茄子一上菜便香味撲鼻，令人胃口大開。這兩道菜配揚州炒飯真的是不二之選。高麗豆沙 $60/4個值得推介！看到外表並不大吸引，但原來內裡的豆沙餡不少，而且十分幼滑，甜度適當。十分美味的甜品。不得不提，其實餐牌上是10個的價錢

今晚和好友們去上環品嚐中菜， 點左幾碟鎮店佳餚哈哈。這道前菜很考功夫，最愛溏心蛋的我必點燻蛋！蛋黃香滑，煙燻味道唔會過份濃烈，核桃夠脆身。滿有好評的松子黃魚，果然名不虛傳，整條魚已經起了骨，把魚肉切好、煮得像花開一樣美觀，魚肉很嫩滑，醬汁也調得恰到好處！之後小籠包 一籠有10隻起依然挺身，因為入面充滿湯汁所以每次夾都小心翼翼，好彩小籠包皮薄但唔易穿，相信肉餡係用新鮮豬肉，軟滑而且有肉鮮味！最後有樟茶大鴨，半隻份量多，價錢相宜，皮脆肉滑，咬落卜卜脆，不帶油膩，鴨肉無膻味，帶有淡淡樟茶香氣，咬落煙韌有嚼勁。

近期食得最多一定是上海菜，今晚和男友到期待已久的 食晚飯。九龍和香港區各有分店，我們就選了位於上環 。 上星期剛品嚐過令我讚不絕口的 ，今晚就試下老上海菜的實力。 還保留著舊式中式酒樓裝潢， 經過樓梯後便到飯店大廳， 大廳內的一邊仍然掛著紅色絲絨布大窗簾，就算連一桌一椅也沿用舊式的。 沒有堂皇華麗的裝潢， 這裡正正是撲實無華的 。正如男友所說:  這裡是賣點是經驗老到的廚師實力。 我覺得 老上海菜和新派菜各有捧埸客。 餐牌內的菜式相當多，睇到我們眼花撩亂， 最後決定選點心類為主。 核桃燻蛋$60微微的煙燻色滲入鴨蛋表面， 香氣也是點到即止， 陼黃色的蛋黃呈配半流心， 蛋香味濃 。 炸後的核桃，封上蜜糖和灑上大量白芝麻更添香口， 脆卜卜令人食到停唔到口。 以前炸核桃通常是上海菜的小食，現在地位提升了用來襯托燻蛋，也不足為過，此終也是手工小食。花雕醉雞$128花雕酒香味獨特，酒精濃度太高，絕非人人可以接受，所以用來進入饌最好不過。 以花雕浸雞，當大廚處理得好時， 雞肉夠滑之餘，酒香同時亦保持得濃郁。 雖然這碟花雕醉雞大部份是雞胸肉，但一點也不鞋口，雞肉仍有彈性，雞皮鮮黃漲卜卜。酒色清亮，

今日難得一家人收早我就想試一啲特別嘅食物，諗起中環有一間百年老寺號嘅上海老飯店食上海菜嘅好好彩嗰日係平日唔使點等位就有得入去食一坐低我哋帶咗啲錢財，有醉雞，雞絲粉皮，我仲有海蜇，之後主菜我哋就整咗糖醋魚上海特色炒飯，一個老火湯，蔡螃蟹，砂鍋鹹肉菜心，小籠包八隻，我個人最鍾意就係個蔡螃蟹，因為份量好多足夠三個人食，而小籠包蒸得啱啱好味道好出色口感亦都唔錯，如果老火湯亦都好足料有煙肉，有菜有鹹蛋，如果炒飯亦都好有鑊氣好適合一家四口去食，而前菜方面醉雞都好夠酒味，雞絲粉皮雞嘅份量都好多而佢哋嘅服務質素都好好會為你講解每一道菜嘅名稱，下次一定會再同朋友去。

今日約咗朋友去咗香港老飯店, 食我最鐘意嘅中餐😋。一行四人先點個核桃燻蛋同醉鴿子食住先，再慢慢睇下叫咩食。合桃燻蛋 - 中間流出金黃色蛋黃，將合桃放入蛋中間夾住食，一次過食到蛋味同合桃甜味，yummy 😋。烤雙方 - 將蜜汁火腿跟炸腐皮夾在軟軟的包內，一食已經停唔到口，鍾意火腿無乜肥肉，但入口都冇話乾到咬唔到，而蜜汁唔係個超甜，而腐皮夠脆，整體滿分🤩干煎小黃魚 - 平時只愛魚肉唔愛骨嘅我，今日都夾完再夾，只因又香又脆，D骨仲好易起出。回鍋肉 - 夠惹味，肉同菜比例四比六，啱啱好😋其餘嘅菜式夠鑊氣又正宗，睇黎好快會再黎多次😁

#小秘書 今日又約咗朋友食好嘢，朋友想食中餐，之前聽過介紹話香港老飯店值得一試，於是上星期已book定枱。朋友未到先叫個核桃燻蛋同醉鴿子食住等，燻蛋金黃色流心黃，😋超好味。醉鴿子酒味香唔太濃。烤雙方，麵包㚒係蜜汁火腿同炸豆腐皮，三重口感，一食已經愛上😍而主菜干煎小黃魚，煎得非常香，外脆內軟，啖啖肉。清炒蝦仁夠爽脆，清淡之選，加少少醋一齊食，味道仲有D似賽螃蟹👍#小秘書 加三個朋友，點咗三個前菜、五個主食同甜品，食得咁豐富$1500有找。

一餐好好食的晚餐，食物種類10分多，適合一家大細男女老友嚟家庭聚會。我最喜歡就是前菜，海蜇頭，酸瓜，醉雞，都好好食好開胃，跟住當然就係主菜啦。叫咗炸魚，甜酸醬真係好好味，炸得好香口，我差唔多食咗半條，送飯簡直係一流。個湯亦都值得介紹，入邊有酸肉，菜，個湯好清好入味，爸爸都話好好飲。媽咪最鍾意食粉絲，十分乾身，連埋啲雞一齊食非常好味。最後有叫甜品，芝麻湯圓都不錯。下次會再嚟，因為想試吓其他嘢食例如炸饅頭，雲吞雞，木耳，下次再多啲人嚟就可以叫晒所有嘢啦哈哈

今天與家人到中環的香港老飯店吃晚餐，這裡聞名京滬菜。飯店座落在地牢，由地面往下行，再進入飯廳，已感受到傳統上海老飯店的風味。餐牌食物琳琅滿目，種類繁多，大家你一言我一語，最後先點選了翅群雲吞為首選。剛坐下來，店員便放下兩碟開胃小食。翅群雲吞（ 12隻）以金華火腿烹調的湯底充滿着鹹香味，翅群份量不少，配上飽滿的菜肉雲吞，美味可口。無錫脆鱔喜歡脆口食物的朋友必讚，因入口香脆鬆化，醬料甜甜的，非常滋味。松鼠黃魚這道菜是必選的，整條黃魚炸至外脆內軟，店員還禮貌地幫我們切開魚肉。肉質嫩滑，淋上酸甜醬汁，美味之餘層次感一流。鮑片海參鮑片和海參炆至軟腍，非常入味，鮑片大片鋪面，底下全是放滿圓潤厚身的海參，咬落有口感。

平日太繁忙, 想起很久沒跟長輩外出晚飯了 長輩喜愛京滬菜, 今次預早在位於中環的「香港老飯店」訂座, 希望給她一個驚喜。傳統的中式雅緻飯店。食物選項真的很多, 唯長輩食量不大, 那我們就精選一些她喜愛的食物吧。 無錫脆鱔 : 鬆脆香酥, 掛上甜甜, 又微帶咸味的芡汁, 非常可口 松子黃魚 : 整條黃魚外皮炸得非常鬆脆, 內裏魚肉卻仍滑而不亁, 皮脆肉嫩, 做得非常好。 而酸甜汁味道也恰到好處。 我們各人都讚口不絶。 群翅雲吞 : 以窩呈上, 店員細心分在碗上奉上。 湯底以金華火腿熬煮, 入口滿是鹹香味。 群翅也不少呢, 還有飽滿的菜肉雲吞, 足夠六人份量。 超值 鮑片海參 : 大大片的鮑片炆得腍兼入味, 厚身海參煮得剛好, 不會過腍。 各人皆滿意這頓晚飯, 還說定下次要再來試試其他餸菜呢

山長水遠陪老媽去中環一間歷史悠久的香港老飯店吃飯；原因是她經常懷念曾經吃過的少鹽少糖經典菜式。交通十分方便，在上環地鐵站E3出口，附近的一座南豐大廈地庫。 裝橫帶有高級私房菜感覺，另設有幾間可供親朋戚友歡聚的房間，走廊牆壁上掛著多幅香港早期的面貌，充滿懷舊氣氛。芝麻核桃燻蛋是其中一款出名小食前菜，伴有一撮鬆化香脆核桃，燻蛋香燻味濃郁，糖心滑流，入口即融。干煎小黃魚平凡中見不平凡，用秘製香料醃過，底面穿上金黃炸衣，皮脆肉嫩，香脆可口。紅燒元蹄是老媽至愛，滑溜外皮，油香甘腴，伴有腍嫩小白菜可平衡膩滯感。精製而成的紅燒雞絲翅，質感濃稠，嚼勁十足，一試難忘。難怪老媽念念不忘此店的傳統經典菜餚。

今晚去慶祝兒童節，想帶爸爸媽媽吃一頓好的晚餐，謝謝他們給我一個美好的童年。這次選了一家老字號的，質素怎麼也有保證吧。香港老飯店，它在尖沙咀也有分店，這次來中環這家，很近地鐵。整體真的很不錯，爸媽很滿意，點了不少菜，挑幾個最喜歡的來寫。店員推介這個前菜核桃燻蛋兩隻60雞蛋弄得剛好，是糖心的狀態。入口有淡淡煙燻，挺不錯。干煎小黃魚98媽媽選的，她喜歡食魚，到了桌上，好似沒什麼特別，但他們都說很好食，醃得剛好，煎得那個香味出來了。紅燒元蹄310爸爸選了這個，說在家自己弄不了。是非常大的一個，傻眼了。肉跟皮也燉的非常的透徼，味道不會過咸，入口很滿足。非常值得點。紅燒雞絲翅238原盅雞炖翅328這兩個是我叫給他們食的。當然自己也都嚐嚐。兩個也非常足料，很多翅在裏面，每口都是滿滿的。大家比較喜歡雞炖翅，更清更甜。蟹粉湯包四隻280樟茶大鴨半隻198這道菜也是它們家招牌。我們都很喜歡，淡淡的煙燻味，帶出鴨肉香，皮也脆口。 埋單兩千元不到，值了！

我都幾鍾意食上海菜。 傳統嘅上海菜比較多油㗎，但係而家我要求嘅就係少油得哩香口好食。味道: 上海菜最喜歡的是松子魚，好像花一樣，除了美觀，吃時一塊一塊，較易上汁，另外炸時較快熟，可使魚肉保持嫩口及鎖汁，今次這個做得好。另外熏蛋裏伴碟的合桃是亮點，香脆，外面芝麻夠多。熏鴨肉嫩，連胸肉都嫩而多汁，鴨寶不會有異味。環境: 檯嘅擺位較迫。服務: 尚可接受。衛生: 碗碟都算乾淨。抵食: 分量非常充足，價錢係成正比有凸，超值!非常出色的上海菜。

今日放假約埋幾個同事到海洋公園玩左一日，好幾開心 返到中環大家建議食埋晚飯先返家，有同事話去過附近嘅食上海菜，好唔錯，質素好，制作精美收費絕對合理！值得一試！ 講到咁吸引，於是決定齊齊去食！ 飯店喺地庫，懷舊風格。落到去又唔覺焗促，光猛整齊，員工專業，招呼好，感覺都幾舒服！一般小菜屬中上價，中環區差不多喇，最緊要係好味啫！菜式都好多款揀，有啲仲係矜貴嘅菜式。先叫啲小食，侍應推介哩個前菜俾我哋，核桃燻蛋(隻) 60元啲蛋好嫩滑，蛋黃好香有煙燻味，芝蔴合桃又甜又香口！燻魚 118元醬汁夠入味，甜口，烤雙方 (件) 54元片包夾住件閃令令嘅密汁火腿好潤澤，入口好脆！原來底下仲有塊炸左嘅腐皮，真係唔錯！口感好好！五香牛肉 (例) 118元冷盆，滷水入味，哩個肉比較硬左啲。小籠包十隻 140元 皮薄餡靚！有肉嘅鮮味！松子黃魚 238元魚皮好脆，啲汁調配得好惹味，連卜卜脆嘅魚頭都食曬！真係唔錯嘅上海菜，好滿意！同事冇介紹錯！

''香港老飯店"給我的感覺是既富有上海情懷，又有懷舊氣息更有種高雅氣質。 飯店設在中環南豐大厦地庫內從外表看似高級會所…… 今晚因工作剛好在這區，與朋友一起來嘗一下這裡的上海味道。有廂房很適合聚會和商務宴客，菜式很多選擇，小菜，包點，甜品以至高級菜式如;燕窩，鮑，翅，肚……等菜式都有。一般小菜也很多款，也有些是廣東菜式。這個小食非常吸引，見每枱食客都點上，侍應也推介於是也試試！核桃燻蛋 $ 30 x2 / 隻嫩滑流心蛋入口有股煙煄香味，配上又香又酥脆的芝麻合桃口感滋味！這個燻魚比一般做的較濕潤多汁，魚身較淋，醬汁夠蜜味！$ 118烤雙方$ 54 / 件令人喝采的烤雙方一試難忘！暖暖的包夾着滋潤的蜜汁火腿甘香甜美，最顯心思的是下層還夾着一片炸得鬆脆有豆香的腐皮，爲軟綿，甘香增添多一重脆脆的口感！無懈可擊！松鼠黃魚 $ 238賣相精美！份量十足，魚身炸得鬆脆，配上酸甜醬汁非常惹味！配白飯一流！韮黃炒鱔糊 $ 168鱔爽，韮黃脆，最後配上生蒜茸上枱，令菜式添上蒜香！賽螃蟹 $ 108白如雪的蛋白加中央一隻淡黃色蛋黃，口感滑滑，又是一個出色的地道菜！南翔小籠包 $ 140皮薄，餡鮮

之前阿爸話生日飯想食上海野,諗住請佢去間正宗既上海菜館食返餐好既! 上網做下research, 都知道香港老飯店係最歷史悠久,咁就一于去食呢間啦! yeah!去中環店食,夠晒grand!食得上海野,前菜又點少得呢! 先叫左兩樣：核桃薰蛋 - 原來薰蛋係用d木黎煙薰喎,聞起上來好香,隻糖心蛋食落外脆內甜!不過最特別既係蜜餞既核桃,好脆口,甜甜地咁,配埋薰蛋食又香又好食!花鵰醉雞 - 上海野必點!醉雞好大隻,係我鐘意既味道! 不過酒味好濃,我媽媽就覺得濃左d,但對我就剛剛好啦! 花鵰味濃, 雞肉好嫩滑又新鮮,好食到停唔到口啊!食完冷盤,就想食返d暖野,見到有蟹粉小籠包喎,阿爸飛佛,一定要叫啦!雖則小籠包唔係好大隻,但皮薄餡靚,唔會容易夾穿,包頂有好多摺,果然好花功夫啊! 不過最精粹既入面超多蟹粉,咬左一啖堅爆汁,配埋浙醋食,真係好香!食完小籠包,媽媽想叫個翅群雲吞! woo...翅喎,雖則係碎翅,但個湯真係好濃好香, 而且有菜擔,煲得好冧甜,雲吞皮好滑,菜肉雲吞好飽滿,好好食,而且成個湯有用金華火腿,所以湯底好甘香,老媽子果然識叫啊下!松子黃魚 - 今晚既主菜黎啦....黃魚炸到鬆化,店員