香港老飯店

營業中

休息中

家人喜歡吃中菜，於是這晚與家人來到尖沙咀的香港老飯店吃個晚飯。餐廳很大，設於樓上雅座，裝修豪華新淨，環境讓人很舒服。店員服務態度很好，殷勤好客，很主動招呼我們。松子黃魚海鮮類選了賣相吸引的松子黃魚，亦是開胃醒神的一道菜。黃魚的鎅花分明，橙紅的甜酸茨汁做得剛好，酸甜適口，魚肉外脆裡嫩，色澤金黃。南翔小籠包一上桌就令人垂涎三尺，皮薄餡靚，小籠包外皮夠薄，肉饀鬆化富肉汁，水準依然，令人欲罷不能。脆皮上雞(半隻)雞皮香脆，雞肉香嫩，口感豐富，但雞味不算重，若配上燒汁會更佳，能吊出雞肉的鮮味，味道更加突出。揚州炒飯這裡的炒飯炒得粒粒分明，每粒米顏色都偏黃，飯和蛋分得較明顯。蔥粒、蛋、蝦仁和叉燒都切成小方，口感更佳。難得與家人吃晚飯，不論食物、環境、服務質素都很正面，對這頓晚飯都很滿意。

上OpenRice尋找食上海菜的好地方，見到香港老飯店標榜少鹽少糖的賣點，所以二話不說就選了這間飯店幫襯，一於出街都要食得健康啲。未點餸已有兩碟小食跟上，酸菜開胃，鹹花生脆口。餐前點了核桃燻蛋，核桃鬆脆，燻蛋蛋白雖呈淡啡色，但食落煙熏味重，流心！跟著我們點了幾款食上海菜的代表菜式，有蟹粉小籠包、砂鍋醃篤鮮湯、松子黃魚、火腿津白等。小籠包不但juicy, 而且溢出淡淡的蟹膏香味，值得比讚。砂鍋醃篤鮮湯則鮮甜可口，餸料豐富，有鹹肉、竹筍、白菜、百頁結...松子黃魚不失為一道經典菜式，既睇得又香口醒胃。火腿津白更不用說，是我的至愛，淋甜的津白掛着有奶香的獻汁，既健康又美味。甜品方面食了芝麻湯圓和高力豆沙。湯圓大大粒，芝麻餡很香，不太甜。高力豆沙大細適中，外層蛋白鬆軟，內層蓮蓉香甜，如果加多一片香蕉就更加好味。整體覺得食物質素達標，分量亦算大碟，價錢合理，難怪平日的晚上都有八九成的客人！

每月生日飯局🥯鴛鴦銀絲卷-食到一絲絲嘅包，夠脆夠軟🥬金銀蛋莧菜-不過不失🥬干貝津白-入味爽脆🥯生煎包-個包底要夠脆先好味，佢夠晒正🥟小籠包-肉汁好均勻，平時唔食皮頂位，都食埋。証明皮薄餡靚！🍖紅燒元碲-肉地炆得夠淋，但唔會話散開晒，又夠味，抵讚🍜擔擔麵-辣辣地，野味🍜雞肉燴麵-小朋友食就啱晒，夠淋又入味🦆片皮鴨（一味兩食）-我家小孩最愛吃皮，夠脆身，肉又好味，包住個皮黎食，無得輸！另一食係肉鬆包生菜（忘記影相），真係冇投訴！最後係壽包+莎翁作總結-食到好飽都要食埋個莎翁佢，掂！為獨係上左2味菜之後，就停左上菜，估計佢忘記左我地呢枱😿總括味道各樣都唔錯！唔會中伏！

今日舅父生日，因為舅父好想食上海野，聽朋友話有間上海酒樓好出名，仲食好好食，所以去試下佢。店內裝裝十分懷舊，店員服務十足。老字號，裝修依然新淨。Menu 上菜式多姿多彩，令我好難落手去點菜。好彩Menu 有佢地推介菜式相睇下，令我容易揀d 我點左 醉乳鴿 核桃燻蛋 雞蓉粟米羹 紅燒元蹄 賽螃蟹 紅豆鍋餅頭盤核桃燻蛋，蛋黃又香又滑，核桃又糖又脆口 ，仲帶有少少煙燻👍🏻👍🏻👍🏻👍🏻👍🏻醉乳鴿花雕酒味香濃，肉質嫩口😍😍外面比較少搵到有得食賽螃蟹🦀 蛋白口感鬆軟，蟹肉好多又夠鮮糖，不錯不錯👍🏻雞蓉粟米羹，勝在粟米夠清甜，食落去幾清新主菜紅燒元蹄，我對這道菜期望很高，果然冇令我失望，皮同肉都軟滑同好入味，有入口即溶的感覺。芡汁好濃郁，攞嚟送飯一流，但意議有3-4人才好叫，因為份量都幾大同好飽肚。紅豆窩餅糖度適中，外皮又香口又夠脆，必點糖品之一🥰🥰🥰

今天爸爸生日，喜歡食上海菜的爸爸，就帶咗佢去一間正宗的上海菜館，款式多食物質素好。餐牌上有好多上海小食，甜品及不同菜式👍食上海菜點少得叫返一籠小籠包食，皮薄錎料多，肉質非常鮮甜。燻蛋-生熟度啱啱好，蛋黃晶凝通透，合桃甜甜地好爽口👍賽螃蟹-蛋白好滑，加入左帶子絲，味道好鮮甜好香，配飯一流👍👍👍醉鴿-乳鴿肉質一啲都唔鞋，肉質非常鮮嫩好淋好入味，加入左少少酒可以提升鴨的味道😋最後叫了一個雞蓉粟米羮，熱辣辣好開胃。

我和朋友很喜歡食上海菜，今晚來到有二十幾年歷史嘅香港老飯店食晚飯,這是我第一次光顧，感覺蠻新鮮。飯店門口已很有懷舊氣息，和店名及入面的裝修互相呼應。雖然是老店，但裝修不甚陳舊，而且地方頗為寛敞。蟹粉小籠包（$128）皮薄餡多，汁多，蟹膏惹味，令普通的一個小籠包昇華到另一個層次。醉鴿（$150）醉雞食得多，醉鴿比較少食,而且更健康。酒味香濃，鴿皮爽脆，肉質嫩口，沒有肥膏。烤雙方（$216）通常只有火腿夾包食，但這裏還有炸腐皮伴食，腐皮炸得很香脆，多了重口感，使這味烤雙方更有特色。砂鍋醃篤鮮湯（$188）湯名好特別，原來是出名的上海菜。第一次食，湯底雖然用鹹肉、豬骨和雞骨等熬製，但一點也不肥膩，湯內還有筍件、白菜和百頁扎等，是一道很有風味的菜式。松子黃魚（$238）食上海菜必點的代表菜式，不但賣相吸引，而且香口，再配以甜甜酸酸的醬汁，實在令人食到停不了口。火腿津白（$118）很多上海舖都會把津白切得比較幼，但這裏則比較大塊，食落更有口感。火腿鹹鹹香香為清淡的津白添上香味。酒釀丸子（$48）酒味香醇夾有淡淡桂花香，丸子軟淋，米渣又多。

還記得好幾年前去了上海Exchange半年，小籠包、生煎包...不盡勝數。回到香港後都很少機會能吃到地道的滬菜。這天朋友生日，我提議了這間香港老飯店。飯店走高檔中菜路線，甫步上樓看見拿了很多獎，空間也超級大。坐下點餐時也稍微掙扎了會兒，太多選擇都不知道吃哪樣好，最後決定每人點款自己喜歡的，省得掙扎。先來涼菜，核桃燻蛋（$60）|花雕醉雞（$128）|鎮江肴肉（$128）。核桃仁份量頗多，每顆都用焦糖裹著，並撒上芝麻。單單就這樣吃核桃略嫌比較甜，但用一瓣核桃就著雞蛋，用流心蛋黃中和核桃的甜味，有點像吃流沙奶黃包中的流沙那種味道。花雕醉雞.該是用了上好花雕，而且酒量一點都不吝嗇，皆因酒味濃到骨髓裡，入口是濃郁酒味，而雞肉在甘甘酒味中帶有獨特甜味。鎮江肴肉，老實說口感有點像我家貓吃的罐頭，但味道不錯，啫喱果凍中帶有肉絲鹹香味，我相信如果拿這個配熱騰騰的白飯肯定很好吃，因為白飯的熱力會把啫喱融化成湯汁。再來的砂鍋腌篤鮮湯（$188）是上海人常做的湯品，主要是鹹肉燉鮮豬肉的湯底，搭配爽脆的筍、軟綿綿的豆腐結、新鮮的蔬菜，交織成這一道奶白色的溫湯，有菜有肉，果真是一碗鮮湯。吃完淡的要吃重口味的了！

一班女仔聚會未必次次都去Café打卡，今次選了有番咁上下歷史嘅香港老飯店，全因有朋友好想食正宗上海菜大廳寬敞，裝修有懷舊感但並不殘舊。侍應有禮貌又熱心，主動向我們介紹菜式。小食兩小碟，花生香口，醃菜爽脆但對我來說不夠酸。最愛溏心蛋的我必點燻蛋！蛋黃香滑，煙燻味道唔會過份濃烈，核桃夠脆身。醉雞雖然係前菜，但份量好大，酒味非常濃郁，雞肉嫩滑而且入味，雞皮爽口唔肥膩抵讚。朋友一見餐牌有醃篤鮮湯已經話必點，細問先知醃篤鮮湯是經典上海菜，先用雞骨加豬骨及醃肉熬湯，再加入當季的竹筍及百頁結、青江菜等配菜。湯熬成乳白色，味道濃厚，新鮮竹筍爽口無渣，配合醃肉的咸香令人超回味！再講一講原來用砂鍋盛湯都有學問，因為熱湯更顯鮮味，而砂鍋起到保溫作用蟹粉炒年糕夠足料，可以見到一粒粒橙紅色的蟹膏。年糕煙韌，大白菜清甜，加上蟹膏一齊煮十分鮮甜！雖然價錢偏貴，但食材同份量都絕對唔Hea。小籠包一籠十只蒸起依然挺身，因為入面充滿湯汁所以每次夾都小心翼翼，好彩小籠包皮薄但唔易穿，相信肉餡係用新鮮豬肉，軟滑而且有肉鮮味！本來想點高力豆沙做甜品但又怕太飽，所以揀左酒釀丸子，丸子煙煙韌韌，糖水帶淡淡桂花香但唔會過甜，食完都唔

一家大小愛吃好西，今次特意挑選左香港懷舊老店食上海野。香港老飯店在尖沙嘴地段，樓下有代客泊車。餐館環境闊落、枱與枱之間隔開幾遠下，所以唔會嘈。叫咗上海菜必食嘅小籠包，果然係水準之作，小籠包皮厚度適中，肉質鮮嫩，能鎖住中間嘅肉汁。特別一讚嘅係醉豬手，酒香味濃，豬手好入味，豬手皮爽滑！非常出色。另一道菜色都好美味，鮑魚腩肉鍋，兩者配合天作之合，腩肉的脂肪令鮑魚炆得更滑。佢個甜品更係必食之選，高力豆沙做得出色嘅店唔多，我哋食到要Encore!

細細個經常向電視聽到香港老飯店個名尼次終於有機會同朋友試下.飯店門面設計典雅得而不失貴氣，但感覺又好親民.招牌中國風味道濃重.雖然係香港，都有小小唐人街風味.門口有很多獎牌，還有各種獲獎菜推薦.雞包刺還有時魚.以及創辦人的故事.穿過一段樓梯，上到樓上餐廳.不算超級大，但桌凳都很精緻.雖然歷史悠久但專修一點都不殘舊.晚上是有4人套餐 6人套餐之類的.但我們兩個人就決定散點.松鼠王魚不能錯過.還有乾扁四季豆賽螃蟹小籠包最後甜品高麗沙包.一眼看上去菜品價格不便宜，但看到出品就覺得值回票價.餐廳員工看上去都是上年紀的人，但手腳一點都不慢，帶位上菜下單開茶位清脆利落.什麼叫做姜是老的辣.在老飯店老員工來服務.就是水準的體現.10分鐘不夠，小籠包便上桌.晶瑩剔透，看賣相已經知道是上菜.小籠包一定要趁熱吃.皮超薄，頭一隻還不小心就挫穿了.牙都基本不用力咬，皮就穿了.接著感受到的是清甜的湯汁，一口咬下去肉也是甜的.點醋再試，味道又昇華了.水準比什麼小籠包專門店高很多.一絕.絕對是我吃過的最好吃的小籠包.賽螃蟹說實話我第一次吃這個菜蛋白的口感跟順德的炒牛奶不一樣，比較實淨.中間有乾瑤柱吊味，海鮮味做底味

香港老飯店既裝潢好有舊式氣派，復古味十足，對於年輕人黎講既懷舊又新鮮！ 松子黃魚貌相非常吸引，條魚炸完再淋上甜酸汁，食落肉質一D都唔鬆散，個汁酸酸地好開胃。 賽旁蟹蛋白好滑，撈埋生蛋黃，加d醋，每一啖都夾雜住絲絲蟹肉，可以用滋味黎形容。 干煸四季豆一上菜有陣香味飄出黎，好有鑊氣，四季豆干身入味。 南翔小籠飽皮薄多汁，肉味濃郁，好juicy，趁熱食最好味！ 高麗豆沙最後黎到必食甜品，蛋味好重，好好食，入面既豆沙唔會過甜，係上海菜入面我最喜愛既甜品！ 整體黎講餐飯好滿意！食物方面有特色得黎岩口味，價錢合理，大時大節或者同朋友慶祝生日都岩食。

今日突然好想食中式食物, 好自然想起了上海菜, 夠曬中國。餐廳環境亦都好懷舊, 有舊香港味道。煙燻蛋 好重煙燻的香味, 但本身隻蛋沒有太多味道,較淡。合桃表現有一層甜甜的糖衣, 再加芝麻, 顯得更加香脆, 無油益味, 真係食到停唔到口。上海菜當然不忘小龍包, 今次點了蟹粉小龍包, 咬開就感到很多的湯汁, 最緊要皮夠簿又包得住湯汁。吃到又看到的蟹粉,肉不鬆散。松子魚, 魚夠大條而且完全無骨, 味道就偏酸, 炸粉不重, 吃起來很脆口, 連埋伴碟的炸米粉一齊食, 剛剛好。賽螃蟹,蛋白加左蟹肉 同乾瑤柱煮成, 有實在的鮮的味道,上枱再伴入醋 同蛋黃, 配合甜醋的味道簡直是絕配。臭豆腐粒,皮很脆, 仍然保留到完整的豆腐肉.可惜唔夠臭。 照顧很周到, 隨臭豆腐必需要的甜醬但和不辣XO醬, 不夠完美。這裡感覺雖然懷舊一點, 但地址方便,坐位與其他座位寬敞,就算我們一班後生仔聚會都很適合。

今日收到朋友轉寄來的一篇文章，主題是「新廿四孝」我深受提醒，要多陪伴家中兩老，於是一家三口即刻約齊公公婆婆五人去食飯。點知公公話想食食上海菜，我即諗起尖沙嘴寶勒巷香港老飯店。之前同朋友嚟食過，大家都好滿意。今次由公公發板，等佢點菜。先叫咗一下小籠包，熱辣辣好多肉汁，但又唔會穿底！在試咗個脆炸臭豆腐，平時唔敢喺街度食，怕唔衛生，呢度一定信得過！臭豆腐細細粒，仲有埋甜醬同XO醬俾你點，仔仔第一次食臭豆腐都愛上！個砂鍋鮑魚仔紅燒肉正到一個點，鮑魚煮得入味又林滑，五花腩甘香可口！其他菜餚都贏得公公婆婆歡心，大舉食指！

今晚老公約左倆老去尖沙咀睇戲，我地睇8點半所以就約倆老食個早飯，之前我地去過中環分店食過覺得上海菜式岩倆老口味，今次就決定同佢地試下尖沙咀的香港老飯店。飯店裝潢好有復古風味，門口先有特大吊燈，店內的燈和中式璧畫及木器桌椅都充滿懷舊風格，倆老話好似回到惜日的大酒樓，感覺份外親切。由於我地6點半就到達，飯店內的食客不多，但到7點多已經坐了八成。飯店的餐牌有好多菜式選擇，真係花多眼亂，最後我地點了點心和幾道小菜。烤雙方(火腿腐衣麪包)4件我本身好鍾意食呢道菜，今次的出品真係好滿意，金華火腿不肥膩，入口鬆軟除了鹹香之外還有甜甜的蜜糖味，配上烤得香脆的腐衣，和軟腍的麪包一起吃口感一流。豆苗紅燒肉這個配撘好新鮮，紅燒肉燜得好入味軟腍，肥豬肉的皮都好滑，入口即化，豆苗可能不是當做所以不算幼嫩，但和紅燒肉同吃也能減輕罪惡感。蟹粉小籠包(四隻)蟹粉係老公摯愛，薄薄的皮包著滿滿的湯汁，入口還是燙口的，蟹粉的鹹香味非常突出，和鮮肉很夾，食完都想再encore。紅燒黃魚紅燒黃魚的味比較濃，魚的肉質綿軟，配菜有筍片和草菇，好岩媽咪口味。砂鍋芋艿燜雞塊砂鍋非常存熱，熱騰騰的香氣直撲入鼻。我十分欣賞香芋的質感，既綿

爸媽都非常鍾意食上海菜, 不過係香港食到正宗上海菜嘅食店並唔多, 香港老飯店係其中一間係香港開業多年都咁受歡迎嘅上海菜店。因為北角舊店非常近我地屋企, 所以我地以前經常去開餐, 就算近年香港店搬左去中環, 爸媽都仍然經常約我地去。今晚因為要等埋係尖沙咀攞證件嘅爸爸, 所以第一次約去尖沙咀嘅分店。我同媽媽兩個7點未夠已經到餐廳等細佬, 香港老飯店尖沙咀嘅店寶勒巷華寶大廈, 位置都幾方便, 餐廳裝修以木色為主, 一貫古式古香嘅風格, 而且地方都幾寬敞, 除左大堂之外仲設有多間包房。我地今日仲左點烤雙方, 小籠包呢d經典上海菜之外, 仲加左份店員推薦嘅蔥燒海參, 加埋媽媽最愛嘅黃魚同紅燒肉 , 三個人應該夠哂食。烤雙方 (火腿腐衣麵包)  $108香港老飯店嘅烤雙方小準非常高, 火腿味濃, 塗上香甜蜜汁, 加脆口腐衣, 口感同味道層次都好豐富。蟹粉小籠包 (四隻) $128每次去香港老飯店我地都會點蟹粉小籠包, 小籠包皮軟薄, 蟹粉豐腴, 入口多汁, 啖啖都食到蟹粉鮮味。蔥燒海參 $378我地第一次食呢個蔥燒海參, 海參同冬菇都非常厚身, 炆得超軟腍入味, 加上香蔥, 非常惹味。紅燒黃魚 $