香葉越式料理 (已結業)

難得MM兄返港處理私務，當然要約埋專兄及惡男來個Ma Luck Lunch。本以為這裡一位難求，先派惡男來拿位，誰不知到我來時，還有位。三位分別要了牛柳粒紅飯、手撕雞飯及香茅豬扒飯，餘下的選擇不多，唯有走穩陣路線，要了一客炆牛尾。分吃大家的菜色，普遍味道是不差。紅飯有淡淡的茄味，不錯，坊間很多的紅飯都是得個顏色，味道欠奉的。牛柳粒有咬口，勝在老老實實，沒有用上化學品去招呼過；手撕雞是刀切而非全手撕的，雞肉嫩滑，交足功課。不過只配上一碟普通白飯，如果可以配一碟簡單的雞汁飯，已不錯；雪藏豬扒用上香茅汁去醃，味道不錯，不過已對一切實實的雪藏豬扒失興趣；炆牛尾炆得軟腍入味，濃濃的汁底，下飯正好，果然夠穩打隴紮。跟MM兄一樣，也選了滴漏咖啡。個人而言，幾香濃，下了練奶更甜美。問咖啡大師的意見，他客氣的說：「還可以」。埋單每人70蚊，作為一餐碟頭飯午餐，不便宜，但食物味道不錯，一試無妨。

睇到食評話檬要好食,我一定要試啦... 無要我失望,湯底好鮮, 如果可以再濃dd就好啦... 而且配料都好夠!! 另外手撕雞都係我推介, 個醬汁好好, 而且雞好滑...

16 July 2007 (Mon) - 晚飯同堂妹黎食晚飯，諗住清清地食河粉，因為大家都唔想食熱氣嘢，一人叫咗個粉餐，要其他嘢飲要再加錢，都冇所謂，可以飲咸柑桔嘛！再額外叫咗碟油菜走油，同一碟小食炸鯪魚球！食物一般，我叫既海鮮金邊粉麻麻地，粉就幾好，但海鮮類別就唔太OK，有一隻過熟既蝦，兩隻我唔太食既青口，兩粒我哋都有叫既鯪魚球，同數舊蟹柳，講真，咁樣既海鮮料，我真係覺得麻麻！油菜黎到，OK因為真係冇油，但係啲菜既梅，應該就爛；然後係嗰碟六粒既鯪魚球，附送既居然唔係蜆介，而係沙嗲醬，真係麻麻，有啲失望～～最後黎咗一人一碗勁杰既綠荳沙，又係麻麻．．．冇肚痛都算偷笑！

再次跟太座嚟開餐...上次食過檬曉後印象不錯，覺得係繼樂師後另一間比較似樣嘅越南菜館。今次再嚟當然要試吓第二D嘢...天氣熱，唔想食得咁heavy，食碗粉再加個牙車快就啱啱好...牙車快雞絲及椰絲嘅份量夠，魚露味濃，配合得天衣無縫，諗諗吓，好似自文苑街老趙舊舖之後都冇食過咁嘅水準嘅牙車快...特式全牛河粉入面有牛肉、牛展、牛丸、牛栢葉，啱晒各位牛魔王。喝一口湯，湯清味濃，雖然配料味道普通，但呢一口湯已將勝負分出...臨走時見好多人等位，回想起當初嚟食嗰陣嘅門庭冷落嘅情景，真有天淵之別...甚欣慰^_^

是日食lunch 試咗呢間, 因為之前有朋友推介.見個個都話檬要好味, 就試下啦. 湯係幾有海鮮味, 但蕃茄味又唔太夠, 如果多點更合我口味. 材料係幾多, 青口, 小蜆仔, 炸魚旦, 蟹蚶, 蟹柳, 蕃茄. 友人點了生熟牛肉河, 一到見牛肉不是全熟, 也感該不俗. 友人說湯底幾好. 整體真係唔錯, 但$55一個set, 加多杯飲品和甜品. 感覺上是較貴, 至少相較於其他越南餐廳吧!

I tried this restaurant after seeing the postings on the website. The dishes are good and the price is resonable. I highly recommend people to check this place out.

昨晚3人來,試:1)小春卷-因本人遲來,友人先行叫住頂肚,所以無食到,又無見到-據說有6件,食完幾飽2)檬要-據說是由越南話繹出來-是海鮮檬粉,個湯底好橙紅色,友人擔心會好辣,其實1d辣味都無,反而鮮甜無比,好蟹味-伴隨的海鮮料有蟹身+蟹箝,魚肉球,蟹柳,大蝦(聽說質素唔錯),芽菜-整體好好味,想淨encore個湯3)大春卷豬頸肉濱海-有小春卷可選,但waitress見我們叫過小春卷,所以建議試大春卷-用大片生菜葉包住春卷,豬頸肉同"舊"類似白色竹笙1齊食,尚可4)燒香茅豬扒飯-豬扒好夠味,而且唔乾,不錯5)雜菜煲-選清湯(另可選雞湯)-有好多種菜,西蘭花,娃娃菜,小白菜,金菇,粉絲....-濕濕地,易入口,奉行2+3政策

每次去一些之前未去過的越南菜館,一定會先吃其生牛河,這個是小弟之其中一個指標,如果連生牛河也不行的話,其他菜式,印象分已打折扣.位於昔日潮流之地百利商場外面路口的"香葉",又是那些由佐敦文乜街文物街出身的"老店".名氣也不少.下午茶時段一個客也沒有,生牛河這個時段賣$25,送一杯汽水.牛河上到桌時,牛肉還未被湯底灼到全熟,對我這個愛吃半生熟牛的人,也是一個喜訊.吃落牛肉嫩滑,沒有渣,有肉味.湯底清甜,河粉幼身滑如脂.整體水準不錯.正當意蘆退下火線一段日子,仍然未能成功尋找到出色的越南菜館,還是找個時間,來個晚市一試虛實.

又約了幾位"麻甩飯腳" 於尖沙咀午餐. 其實各人對尖沙咀的食肆已頗為熟悉, 要找一間大家都有興趣而又未去過的餐廳, 越來越難, 結果臨出門前才選擇了地點較為偏僻的香葉越南餐廳.午市主要賣套餐, 都是四十五十元左右, 以地點及環境計, 價錢合理. 而且餐飲加錢還可以改換其它特式飲品, 有彈性的選擇, 絕對是好的.4個人, 每人一款飯餐, 選擇了:香茅豬扒飯- 有香茅味, 肉質尚可, 沒有過度的鬆肉處理,只是因為烤過所略嫌乾了一點點, 但已算不錯.手撕雞飯- 感覺似切幼了的海南雞? 怎看也看不出是手撕的, 配上醬汁味道還可以.燴牛尾飯- 我個人覺得最出食色的一道, 醬汁略帶香甜而濃淡剛好, 牛尾炆得入味,伴白飯真是一流. 但此味只適合一或二人分享,因牛尾分量不多(骨大), 人多可能會不夠分. 牛柳粒紅飯- 牛柳粒味道好, 肉質亦不錯,但有點筋, 要扣少少分; 紅飯味道不錯,但兩者同吃感覺比較乾,建議可問店員取黑椒汁或燒汁伴飯用. 總括來說, 食物水準不錯, 服務亦無甚麼要挑剔的地方, 值得給一個笑面. 但因地點離我工作的地方太遠, 午市未必會再來, 但試試晚市, 機會是有的.

自從樂師執咗之後，好耐冇食過似樣嘅越南菜嘞...太太之前似乎對呢度有D偏見。我就覺得前身係佐敦八文樓西貢餐廳嘅呢度，絕對唔會差得去邊...琴日去百利攞相，呢度就係百利旁邊，因利乘便嚟開餐la..果然不出小弟所料，有相當水準...蟹肉三色蛋飯--- 查實唔止有蟹肉煎蛋，仲有香茅豬扒及一枝串燒蝦添。蟹肉煎蛋味道鹹鹹香香，真材實料，加入少許肉碎更添口感；豬扒就煎得比較乾，香茅味亦不夠濃，唔多得；蝦冇試，不過望落就幾好，起碼燒得燶燶哋，咬落應該幾香口...檬曉--- 差唔多係小弟去到越南菜館(如果佢哋有嘅話)必點嘅菜。料足，有青口、蜆仔、蝦、蟹、炸魚蛋等等，蕃茄味濃，反而蝦醬味不夠。都唔緊要la，有咁多嘅料，湯已鮮甜到不得了。食到最尾，用D飲剩嘅湯再撈落D食剩嘅飯入面，一樂也..^_^法式牛柳粒--- 加入黑椒粒，惹味；牛肉弄得相當juicy，冇經鬆肉粉洗禮下牛肉十分淰，食得相當愜意...美中不足係魚露較稀，唔入味，跟老趙嘅相差甚遠...太太食完後即時改觀，話要俾個笑臉佢...同意...

尖東是一個奇怪的地方明明有好多野食但令人提得起興趣又不行貨的食肆卻少之又少這間尖東邊陲的越南野總算沒有失望星期六九時許剛好只剩一張檯咖喱腩飯咖喱開胃但不太辣筋腩比例適中即使到咁夜仍不會過韌炸春卷豬頸肉濱海第一次食濱海配件太多有多少唔知點做包完又包都唔多成功不過春卷夠料豬頸肉燒得夠香加上一杯熱紅棗蜜中和熱氣服務滿分待應人手不多但總在適當時候做適當的事加水俾碗仔之類都勁爽手而且禮貌周周對比電視中勁歌優秀選那煩爆的某主持感覺很清新

>那天,我們二人共要了一個檬要,一個咖喱香茅豬排飯及一客豬頸肉......>先說檬要,可說份量不少,放在檬粉上的海鮮(當然不是什麼貴價東西)蓋滿了整個碗面,而且湯底味道別......>至於豬頸肉,味道及口感不俗......>而咖喱香茅豬排飯則沒有什麼特別,不過不失吧......>是日二人共點了以上食物及兩杯飲品(凍檸樂及熱檸茶),共128元,以晚餐來說亦算便宜......

同老婆取完婚紗相，到百利做油畫框後，已經差不多10點，好餓之下去了呢間食。1. 咖哩牛腩濛- 咖哩好香，牛腩又稔，好驚喜。2. 檬要- 其實係海鮮檬，個湯好香茄汁味，又大碗，值得一試。

set lunch 要了檬要(即係海鮮湯檬), 個湯底係好味蝦湯, 海鮮亦覆蓋成碗咁滯, 個人認為非常抵食; 加錢轉了青檸梳打做餐飲, 比較奇怪既係佢地用普通黃檸檬, 唔係青檸, 所以少了香味...

呢間野鋪頭細細,一到lunch 就好多人係門口等,學生set lunch 包多個小食,12:45 pm 前埋單有折,目的係想謄番d位出黎比附近上班一族set lunch $30幾-$50幾都有, 呢到既牛湯濃味得黎清,冇乜油,配河粉檬粉都好. 春卷幾脆,味道亦佳, 仲有個乜野三色蛋飯,d蛋都幾得意,有隻蝦跟同有件豬扒,肚餓食呢個就飽晒不過呢到跟午餐飲野好多都要加錢, 仲要唔係加得小,係得汽水熱檸水個d唔洗. 而跟餐既甜品則十分麻麻,每次都係d 比較杰既野, 味道亦不太討好如果想食得舒服d, 建議下午茶時間黎