馬哥孛羅咖啡廳

馬哥孛羅咖啡廳☕，下午茶自助餐🙈吾甘心試伏記，之前上網睇過食評，都知一般，不過因為積分到期要換，原本可揀港威同E間，港威已試過，所以都book左，而家太易book嘅自助餐真係多數吾好食🙊行咗一圈都同預期嘅一樣冇乜特別嘢好食。刺身有三文魚吞拿魚同一隻唔知乜魚，攞咗返嚟之後發覺真係好難食🙈，唔新鮮有筋同有冰，熱盤方面有啲炆牛肉燉火腿。味道一般，小朋友最開心係有薯條同麥樂雞腸仔😜飲品係有三種果汁同埋檸茶任飲。甜品算係比較多，但亦唔係特別好味，叫做過得去，我都係食咗甜品冇乜點食其他嘢。感覺呢間野係冇乜誠意做自助餐🤔同埋冇乜心做嘅😔因為好多野食都係凍嘅🙁係講緊熱盤嘅野食都係凍嘅。唔知大家仲記唔記得之前去牛陣任食H仔頭雪糕，但個雪櫃凍到完全不唔到雪糕嘅回憶。我現場見有個女仔系負責不雪糕嘅。佢用盡全力都要兩分鐘先不到一球雪糕，真係戥佢辛苦🙃，我都唔好意思要多球🙊，因為後邊仲好多人排隊。座位方面我覺得係分隔得比較好嘅，枱同枱之間嘅距離足夠😊。員工執枱算勤快👍。整體感覺係如果畀錢黎食就真係唔會喇，正價7折都要240左右，呢個價錢選擇已經可以好多了。希望之后做返好少少，因為啲員工都叫做勤力，我感覺佢哋都著

今次呢個自助早餐係staycation嘅其中一部分。事緣我前一日check-in嘅時候已經講咗係朝頭早09:00至10:00食早餐，但當我九點準時去到餐廳嘅時候竟然話無位要係出面等本身餐廳外面空間唔係好大，唔適宜太多人等位，但當時最少有20多人聚集係外面等。最後經理安排咗其中十幾人去隔離 gateway食，我哋再等咗大概20分鐘先入到去食不過入面嘅嘢食係幾多選擇，基本嘅都有，最好食係個炒蛋同煙肉，甚至連壽司都有不過我唔係幾敢食因為望落唔係好新鮮。

真係好難食，已經冇抱希望入去食，但估唔到呢間野嘅招牌同甜品都可以做得咁差，以後都唔會夠膽去酒店食自助餐。我諗成間酒店最滿意嘅係Häagen-Dazs雪糕。附上招牌意粉相片一張。

好耐之前嚟過食自助餐， 嗰時印象好似比較舊 ， 唔知係咪翻新咗， 今次來覺得好新淨食物方面， 種類唔算太多， 自助餐應該有嘅嘢佢都有， 熱食芝士沙律， 味道都幾好， 唔會話放得好耐， 添餸嘅速度都好快， 但食物唔算好驚喜不過不失環境方面都坐得舒服， 因為限聚關係所以同人坐嘅距離都好開， 服務員態度都唔錯， 如果呢個價錢來講， 性價比都算高

首先要讚下服務態度唔錯，飲品選擇多，好似放題咁，因為朋友生日都好願意幫手影相。但係食物款式唔多，可以話係少....生蠔要等佢一次次咁出...唔係咁好...，仲要冇限一次摞幾多，可能一直冇人摞就咁擺喺度，唔係好衛生...，應該冇下次

長者55歳減50元縲及海鲜正甜品好好味豆腐花好好味沙律好味刺身魚生魚片好好味羊扒超好好味食足2小時超正招待很好，大家真的叫好友來一同享受美食！願你們食得開心D。

久違了的自助餐午餐， 心情當然有點興奮 ，食物質素算可以，但略嫌款式較少，飲品全部自取， 服務很好 ，冷盤有長腳蟹，蝦，青口，刺身有三款， 兩款魚加八爪魚 ，另外燒牛肉，而羊扒則欠羊騷味， 兩款燉湯自行加上鹽 ，味道可以， 龍蝦意粉 ，只有一小件龍蝦，還有東南亞粉麵例如喇沙， 擔擔麵等，印度咖哩亦不錯，在openrice有優惠，為朋友特訂了生日旦糕碟，都是非常一般，在甜品區最一件小旦糕，放在普通小餐碟上，加一個生日名牌，建議花多點心思在碟上，為客人製造驚喜！

Tea buffet, 款式認真講，唔多。龍蝦仔同埋蟹腳，叫做下午茶有，質素認真麻麻，必需記住，海鮮唔係tea buffet重點。最鐘意食甜品，甜品區理應係重點。可惜甜品款少之又少，蛋糕款唔多，$300蚊嘅價錢，竟然無即煎Pancake檔口，雪糕Haagen Daze係任食，不過無得自己不糖果粉(呢D係基本野)，甜品區都咁，唔係太對得住Marco Polo個名

近排好興staycation既緣故 我訂左位於尖沙咀既Marco Polo Hotel 零房價優惠 包左$1,200蚊餐飲消費額 用左黎食個lunch buffet一到餐廳門口 咁岩staff行開左 要等左5分鐘先有人行出黎接觸 量完體溫就去帶位 坐左係面向buffet枱位置拿拿聲出去拎野食 燒味 熱葷 壽司刺身 甜品 海鮮 基本上都係啲常見會有既款式第一款介紹既緊係海鮮 除左蟹腳 仲有青口 小龍蝦 翡翠螺 但最好味係淨係得蟹腳 每次一出就會比人掃哂 鮮甜美味 其次青口都唔錯 其他就食到有沙/冇味燒味有叉燒同燒鵝，2樣既肉都太硬 食左一次就冇再拎剌身方面 有三文魚 吞拿魚同八爪魚 吞拿魚見到有血水係碟到已經唔想拎 三文魚一出又係排哂長龍去拎 睇顏色就不算太新鮮 味道都冇咩味黎到冷盤 我自己覺得呢到既冷盤係幾好味 煙火腿 煙三文魚 各類芝士 只係其他顧客夾到有啲核突但味道好開胃熱葷就... 真係全部都係一般/可以話唔好味 除左串燒 燒牛肉同羊肉比較好 其他都冇再拎第二次 好多都係同一個死證：太硬另外仲有印度專區 係見到有個東南亞大廚去主理 但我就冇試到到燉湯 食完咁多野就想飲個湯暖下胃

只係抱住試吓嘅心態，好抵食嘅下午茶自助餐！環境真係唔係咁吸引，但係食物嘅種類每一樣都係我鍾意食嘅！價錢真係好抵！仲估唔到下午茶都有新鮮魚生、冷盤有小龍蝦、有翡翠螺、有蝦及青口！新鮮魚生方面吞拿魚都係比較優質，非常之好！仲有帶子壽司雖然係迷你版，但係勝在夠新鮮！小龍蝦真係好好味，我愛上咗佢！熱盤方面都非常多選擇，地方小小，但係樣樣野都齊。有即整湯麵嘅地方、有印度薄餅、咖哩、有燒豬髀、仲有我最鍾意嘅薑醋，豉油王炒麵⋯⋯我都食唔晒！甜品都非常之多，飽到捧住個肚！食唔晒亦都有新鮮豆腐花、仲有朱古力噴泉，最欣賞嘅亦都有好多選擇Häagen-Dazs雪糕🍦⋯⋯價錢而家疫情仲有支真係非常之抵食！仲有飲品係任飲！

全部嘢食都唔合水準，勁差，自問食盡全港九自助餐，今次呢間要專登打食評。勁難食 勁小野食，但服務ok 食物水準係比狗都唔想食，全部底價食物....最好食都係個炒飯....真係未咁後悔話食一間自助餐....呢間係超後悔....希望唔好再有人中招

從未試過係酒店食一餐咁失望嘅Buffet。19:20坐低，20:20就離開，望到d食物，根本無嘢另人有食慾。7折之後買單平均每人$440，咁嘅價錢去炒幾個熱辣辣嘅小炒仲有滋有味d

Prime location, easily accessible Highly competitive package including breakfast buffet. Food average quality and limited choices. Exceptional service. All staff were serving us with smiles, trying everything to accommodate our requests. There was an Indian corner before but now was removed. Self catering drinks are orange juice, grapefruit juice and apple juice.Overall, comfy and spacious seats. Not the best quality but yet l could enjoy the breakfast pleasantly with friends. Hope Cafe Marco wi

今次嘅早餐都幾抵食，係用八百幾蚊復一個海景房加下午茶連早餐，早餐質素幾高，侍應服務好好。喺出面拎咗炒蛋、煙三文魚、火腿腸仔，煙三文魚都幾新鮮，唔係好梅果一隻。點心要另外嗌嘅，蝦餃、燒賣都包得好好，叉燒包麵粉唔會好粗糙，個點心都幾高質可以再嗌。另外出面有好多水果可以選擇，包括西瓜、菠蘿、哈密瓜、蜜瓜，我覺得作為一間五星酒店真係交足功課。

第一次嚟呢度食真係哇咗一聲，印度嗰啲薄餅好似浸曬水淋曬，超級失敗，牛扒乾到阿媽都唔認得，蟹腳偏瘦，嘢食唔算好多。 自從疫情期間真係冇乜酒店有自助餐食，抵唔住口既我見到呢度竟然仲有自助餐食，咁冇辦法啦，但係嚟咗之後今次又係哇一聲，係驚喜，成間嘢唔多人，但係嘢食水準真係升級。牛扒少有地放到入口。羊架多汁蘇味啱啱好，連海鮮都冇問題，薄餅變返正常，所有嘢食嘅水平突然提高，可能真係冇乜人先整到高水準食物