馬家莊清真館 (已結業)

今次係第一次同朋友惠顧馬家庄牛肉館，往日舊機場係啟德時，經常到九龍城清真牛肉館食飯，好懷念當時九龍城的熱鬧！感覺兩家店鋪有點相似，但馬家庄店內的坐位比較坐得舒服，有卡位及圓枱選擇，星期五晚飯時段人多也不會太迫，但晚飯繁忙時段可能會搭枱。今天2人食飯，點了牛肉餅、蔥油餅、咖哩羊腩、南瓜豆沙鍋餅、涷檸茶。牛肉餅新鮮熱辣送上餐桌，一口咬下去肉汁醬爆牛肉鮮嫩，肉汁牛肉配上薄而脆口的外皮，食完一口也不夠喉，食到停唔到口 蔥油餅香脆而不肥膩，散發著香蔥味，再配上咖哩汁，簡直一絕美食咖哩羊腩炆得入味，咖哩汁辣道適中，羊腩淋滑配上薯仔咖哩汁送飯一流南瓜豆沙鍋餅外脆內軟，豆沙配上南瓜又不會太甜，飯後甜品一流~食咗咁多美味的食物，嚟杯凍檸茶，消一消滯一樂也 馬家庄與清真牛肉館真的各有千秋，大家不妨一試，馬家庄飯市也其門如市

經常在太子經過，都會看到這間清真館，在大陸就試食過一次，不知道在香港的味道是如何。今日專誠在這間店試味，叫了一碗牛腩麵和一個牛肉餡餅和一杯凍豆漿。牛腩是幾好味，但跟坊間的牛腩沒有太大分別，湯也不錯，不過吃得出加了味精，所以牛腩麵都沒有特別地方。最驚喜是牛肉餡餅🥧，是絕望會爆汁，一不小心穿了個皮，汁水立刻流出來，所以一吃就儘快吃完，而且要小心弄髒自己。豆漿有一陣豆青味，感覺到是店自己磨出來，但豆青味有點濃，所以感到怪怪的🤨

呢日又到食lunch的時間,行著行著就從太子行到差唔多到深水埗,見到呢間:馬家莊清真館,門口圖文並茂咁話自己係蔡瀾最常去的160間餐廳之一。就試試佢。佢有唔同午餐套餐。價錢由來已$40-$60不等。而我叫嘅咖哩羊腩飯就係最貴的, $60。咖哩羊腩飯 ($60)因為我個人都幾喜歡食羊。我覺得如果整得好食,咖哩羊絕對會比咖哩牛好食。所以我見到呢度有咖哩羊腩飯, 就叫左來試。咖哩汁幾香濃,好有層次,食得出係由好多種唔同香料整,唔係hea野來。除左羊腩, 個咖哩入面仲有薯仔,薯仔煮得剛好, 唔會林到爛晒溶晒, good!羊腩夠林夠入味!唔會鞋。另外仲送杯餐飲。我見佢牛肉/羊肉餡餅都好出名,下次可以再來試下。

如果冇記錯應該有十幾年冇來食， 印象好糢糊，睇到西瓜總理讚賞牛肉餅和咖哩角，就決定再嚐試，再回味！！5點20分入到去見到幾枱都係南亞裔人仕光顧，坐低侍應阿姐話午餐就來完快叫，其實想食晚餐叫餸食，最後叫左兩個午餐，咖喱羊腩飯，回窩牛肉飯，回教唔食豬肉，雞肉餅，牛肉餅，食物質素： 咖喱羊腩個咖喱辣左d好多辣椒油 ,但好香，羊腩好淋夠膻，正呀，回窩肉一般水準， 雞肉餅第一口爆汁，味道唔係好濃，可以食多幾個，牛肉餅味道濃郁，正呀，總括來說，牛肉餅正，清爽可以食雞肉餅，下次叫餸食飯！！！

九龍城長大，清真牛肉館就食過好多次，搬左黎太子幾年，今次都係第一次試呢間馬家莊，12月22日今晚冬至，坐滿人，等位15分鐘...因為我本身唔食羊，同老公兩個人，叫左牛肉餅、蔥油餅、咖哩牛腩、揚州炒飯、咸檸七、咸檸樂，埋單$308，呢度單價計比九龍城貴少少，但係碟咖喱應該差不多大一倍。比較兩間食物，味道係似的，但總括嚟講，我比較喜歡馬家莊，因為食物味道冇咁鹹，而且冇咁多油，九龍城個牛肉餅裡面滿滿是油呢...欣賞佢個蔥油餅，香、脆、薄、熱辣辣，正！咖哩牛腩大大碟，好味，唯一不足之處係個汁稀左D，掛汁掛得唔理想，廿但味道係好味的！揚州炒飯就一般，個牛肉碎唔多夾...牛肉餅無九龍城咁多油...馬家莊既最大分別就係要收加一

#深水埗 既 #馬家莊清真館 話係蔡瀾食堂之一（不過蔡生食咁多野，好多都係佢食堂🤣）午餐時間1點幾黎都差不多滿座叫左#招牌菜 #大餅羊肉卷 $52🌯用蔥油餅包住羊肉、蔥同甜醬要讚下個蔥油餅，又薄又脆，仲唔油！攞完對手都無乜油！但係羊肉差少少..夠林但羊味唔出，唔夠香口美味指數：6/10#咖哩羊腩 $60（配飯）呢個🐑唔錯👏🏿羊腩炆到好林同入味，羊肉同骨一夾就分開😍咖哩好辣😂😂但係好惹味，食到流鼻水都要食😂美味指數：8/10#京蔥羊肉餃 $40/6粒🥟呢個價錢其實偏貴，即叫即煮，要等一陣😳咬開有汁流出👍🏿個汁係甜既，唔係唔夾既🤔🤔京蔥量唔多，羊肉好林、無筋但係同樣羊肉味唔夠😞美味指數：4/10

第一次食清真菜，男朋友仲話係帶我食放題，去到睇menu第一版又真係無價錢，差啲又俾佢扼左🤷因為第一次黎到，都係男朋友發板比較穩陣。我地叫左牛肉餅，大餅羊肉卷，京蔥羊肉水餃同埋咖喱羊腩飯。大餅卷係得獎菜式，卷皮，羊肉同埋帶酸既醬料味道好夾，咬落既口感好豐富，第一次食都覺得鍾意。牛肉餅，我同男朋友都覺得比大餅卷更值得攞獎，好在男朋友之前openrice過，知道肉汁非常多，所以切既時候都分外小心，果然一切，肉汁流到成個碟都係。食既時侯都係充滿肉汁，香香既肉味，yumyumyum。咖喱羊腩飯雖然我唔食咖喱，但係男朋友都夾左兩舊羊腩俾我試下，咖喱唔太辣，而肉質林而不老。

很想試試這清真食店的食物. 奈何常常經過都只得個望字. 因為這店在兩個巴士站之中, 地鐡亦是. 於是總是緣慳一面.今天剛好到附近購物, 決定留肚光顧. 下午三點半, 內裡人客不多, 只有四五位, 侍者指示到一卡位, 坐下也覺得幾濶落, 舒服.拿起菜單慢慢看, 有中文, 有英文, 當然沒有豬肉供應, 一心想試試這裡的咖哩, 當下正想要一份咖哩牛腩飯, 五十六大元. 突然又想: 不如看看有否下午茶餐, 結果真的有, 於是選擇了咖哩牛腩撈麵 (聲明是減量的, 正合我意, 因為不想吃太多) 有咖啡送, 只需四十六大元, 冷飲加三元.咖啡先上, 用金屬杯盛著, 保溫性能強. 很燙咀. 但味道欠佳.十分鐘後麵就到, 哂士都算迷你, 不過也無甚麼大想頭. 特價嘛.麵不是廣東麵, 是白色的上海麵, 用咖哩汁混和, 味道不錯, 不鹹, 不油, 淋而滑, 有很多煮溶了的洋葱, 很香. 不過洋葱有渣.主角的牛腩是淨瘦的, 只有四件, 郤不黏牙, 是在咖哩汁炆的, 不似一些店, 咖哩汁是臨時加入的, 做成所有食料都不入味, 以方便製作, 而不顧食味.這店的價碼不算便宜, 但風味不俗, 不會常常來, 因為不就脚

好幾年冇食過馬家莊了。剛好在下午茶時段去深水埗經過，兼且羊癮大發下，便食番個羊肉卷同羊肉餡餅爽吓。馬家莊應該和九龍城的清真牛肉館有親戚關係吧，否則食物和味道也不會這麼相似。不過食牛肉餅的話，我一定往清真牛肉館，相反羊肉餅就一定是馬家莊，但其實是心理作用居多，兩者烹調牛羊的真正分野並不大。下午茶餐要了一個京葱羊肉餡餅跟凍檸茶。餡餅樣子同清真牛肉館的名物牛肉餅如出一轍，只是餡由牛變羊也。吃時要小心件衫，因為整個餡餅已充滿肉汁，大口咬的話會勁爆汁。建議在頂咬個小洞先吸汁，可保安全。羊肉以這個做法基本上羶味大減，加上肉餡含有京葱，令香氣大增，適合平時唔太敢吃羊的朋友，加上餅皮煎得香脆，絕對是冇得輸之作。唔夠喉，叫多個大餅羊肉卷。厚度剛好的葱油餅皮内包著羊肉片，卷內又加了甜麵醬，肉沾上麵醬後變得甜甜地但好好味。值得一提的是這個羊肉卷羶味會相對較強，但絕對只是微羶。不過，愛吃羊肉的人就是愛那股羊羶味，完全不羶的羊肉其實沒有個性，所以這個羊肉卷更得我心。其實這店子的咖哩羊肉也不錯，但今天太飽了，留待下次再吃吧。

黃氏力場今日去到深水埗搵食，朋友介紹話呢間啲餡餅好正，當然要入去試一試！環境10分坐得好舒服，但係裝飾簡單，有些茶餐廳的格局！但係估唔到啲食物有質素，當日我哋去食午飯，叫咗個嫩雞燴麵，味道清淡，麵條有彈性，清清地也不錯！另外超愛首選是咖喱羊肉飯，羊肉冇酥味，咖喱味好香濃，送飯一流，加上一啲蔥油餅啊，味道十分配合！重點推介是這裏饀餅，我叫咗一個雞肉以及一個牛肉味，我朋友食牛肉味，當然一如以往味道香濃又多汁。但係最估唔到嘅事都係雞咁都有好多汁，流了出來，好多又好味🤭🤭🤭，不過有啲貴，要$23一個！😜

睇到d食評就好想試試呢間野 食物overall都唔錯 不過可能我對個牛肉餅期望太高 反而無覺得超級無敵好食 個牛肉餅個皮係比其他店做得薄同脆 勁多牛肉汁 但係牛肉本身既味唔夠濃 醃料醬汁overpower 左 🐂肉餅= 6.5/10我最鍾意係個咖喱牛 好淋 好入味 咖喱有少少啦 但我幾鍾意 咖喱🐂= 8/10

朋友早前話想食馬家莊清真館，就揀了今天食，由于太衝忙，忘記影相留下美好回憶，所以大家只好靠我口述去帶领大家心领神會，服務員態度很不錯，介绍我們幾款食物，一是咖哩牛腩，見我們四個大隻佬就建議叫個大煲加薄撑點汁食，算無介绍錯，好味，牛腩有些是崩沙腩，吾un吾鞋，個汁就各人口味不同，算中中啦！再加每人一件爆汁牛肉餅，賣點係爆汁，肉味欠奉，呢餐不過不失啦，每人65蚊。

朋友心血來潮想吃牛肉包，本來想去九龍城最出名果間食的，但下大雨關係，就近近地試下深水埗這間。牛肉餅一定要叫，一開二，肉汁流晒出黎。味道很好，牛肉混了一些蔥，口感更好味，大家咬完第一口，已異口同聲說好吃過九龍城那間。又叫羊肉餅，但覺得牛肉餅好吃些。油豆腐粉絲湯就普普通通，味道沒有驚喜。見到隔離枱吃這麵，樣子很吸引，我們又叫雞肉炒麵，麵炸得很脆，醬汁好野味👍🏻又見人地叫這餸，我們又叫醬燒茄子，極之好味，外邊炸得脆口，內面軟身，重點係醬汁好好味👍🏻👍🏻👍🏻最後問店員有什麼餸菜介紹，她就推介蔥爆牛肉，另有薄餅跟上的，這道菜也不錯，但相比之前嘅餸，佢就失色少少了。這晚餐大家都食得好滿足，都話要帶家人再來食。

突然好掛住馬家莊的牛肉餅，晚上從大圍專程飛的出去食餅。牛肉餡餅，食過好多間，由廿幾年前在九龍城食(當年真的很出色)，直至近十年八年前，家人帶我去過雷生春附近的馬家莊試過後，便一直幫襯馬家莊。只有去年在九龍城食泰式素食，食極唔飽，才去幫襯九龍城另一間買牛肉餅。/ 馬家莊的牛肉餅從沒令我失望過，皮薄，肉多，肉汁多，每次上檯都是熱辣辣的。除了牛肉餅外，更叫了水餃，鍋貼，都是皮薄肉汁多，味道唔錯。另叫了孜然牛肉，孜然味重，但牛肉有點嚡。一個忘了甚麼炒飯，味道一流，但不能吃辣的食客需注意，這飯有點辣的。沙律蝦球，蝦球爽口彈牙，味道很好。整頓晚飯除孜然牛肉外，整體都十分滿意。

對九龍城的清真食品念念不忘, 今天人在太子,  一於一試馬家莊.決定以後只去九龍城了.第一, 酸辣湯, 不熱, 胡椒粉太多, 竹筍絲不是新鮮的, 整個湯沒有味道第二, 孜然牛肉, 叫了細碟, 但真的太少了, 有點震驚, 孜然味太重了, 欲蓋彌彰第三, 牛肉餅, 都竟然不熱, 肉又是沒有味道的, 不是不咸, 又是不新鮮的「死實味」三樣餸菜, 應該是最基本又最代表馬家莊的手藝吧, 可惜門外和食家蔡先生的合照已褪色, 褪色的不止相片, 再想想收費和水準, 還加一了, 可惜