魂 (已結業)

Ordered two bowls of ramen (one green soup base, one basic pork soup base), a plate of pan-fried dumplings and a small bowl of edamame. Ramen (both flavours):  Soup base flavours were average, soup base texture were very thick and it felt like we were having Italian creamy pasta instead of Japanese noodles in soup, each bowl came with only ONE slice of paper-thin pork....... a very disappointing ramen experience!Dumplings and Edamane:  The usual fare that you find at Japanese restaurants, nothin

平時喺香港少食拉麵，因為覺得個麵質無日本咁正。不過今次行過附近買野，經過見到有咁多燈籠，坐左幾多人，就勇敢一試。拉麵唔多選擇，我估係貴精不貴多掛。點左「琥珀伴麵、青龍拉麵」同啲小食。麵有得揀硬度。我地揀左硬。黎到啱啱好！有𡁻口，彈牙我估如果揀中，食食下啲湯會浸到淋左。「青龍拉麵」好有趣呀。青色。有少少波菜味。味道好清新！「琥珀伴麵」原來係麻醬撈麵。一向鍾意麻醬，所以覺得好香好正。仲試左炸雞、餃子，炸粉好脆唔厚欣賞！

之前一路食開銅鑼灣嗰間魂，原來太子有一間，今日順路去嗰邊試下有無分別，呢間魂座位多啲，仲可以用ipad落單，拉麵選擇無乜分別，只係多左小食揀！我地兩個人分別叫左魂同太極，麵可以揀曲麵直麵同軟硬度。我特別鐘意食太極因爲有蟹膏，加入個豬骨湯到令到啖啖都有蟹膏嘅鮮味，好正！叉燒肥瘦適中，口感軟淋，味玉都煮得岩岩好入味！麵都幾掛湯，亦好彈牙，份量幾多，食完一碗夠曬飽！唯一不足嘅係碗麵明明岩岩望著佢煮起，但係上菜嘅時候已經唔夠熱。

和朋友在人满为患摩肩擦踵的朗豪坊逛街到精疲力尽，查到太子有魂就赶快跑来试，店面很好找，小巧精致的和风装饰很nice,没有一般香港餐厅的拥挤。店员也很亲切~我叫了魂拉面，朋友叫了火魂，还有一杯梅子雪碧😈这杯其实喝起来和正常雪碧也没差，最后得知要把梅子捣碎哈哈哈哈~我的魂拉面是这样的👆，面的份量其实蛮少（刚好减肥）明太子蛋味道不错，但是叉烧有些腻了，汤底有些过于咸。这个是朋友的火魂拉面👆，比我多一点玉米粒，结果得知她想吃海带（还想和我换哼~）总的来说，店面装修还有员工都很好，但是拉面本身味道就不太惊艳，希望以后味道可以淡一些哈~

隱藏於太子西洋菜街的拉麵屋 魂，100多元的自選拉麵套餐連替玉，整體來說也很不錯。燒雞扒：必選的配菜，雖然製作需時，肉質香甜可口。由於是自選套餐，特別選擇了叉燒、玉子、和海蝦，配菜的味道非常可口，清湯比預期之中更淸，濃味多一點就好。軟拉麵的質感也很不錯，一份替玉原來等於另外一碗拉麵，份量大少是指定的。由於外面維修，少一點眼力也不能看到餐廳的門口，唯有店員掛了燈籠在外面，才能看到。整體來說，感覺很不錯。店員的服務態度很友善，也很樂意解釋拉麵及配菜的製作過程和份量安排。這樣的配搭，一共$120左右，兩父子吃得飽飽，非常OK啦。

試咗個太極魂，既係墨魚汁配豬骨濃湯拉麵。配料有蟹膏，金萡，叉燒，紫菜同半隻蛋。首先講吓好野，基本配料蛋同紫菜都包埋，唔使加錢，個湯好濃好傑，可能係我見過最濃既湯底，麵量都足，起碼食完係飽肚的。彈就係舊叉燒，得一少塊，好似有啲少，另外我唔知係咪墨魚汁太多，覺得好似掩蓋咗豬骨味，大家都知墨魚汁基本上係冇味的，所以食落好係好淡咁。服務都尚算不錯，環境都幾好，以拉麵店唻講算闊落，食物中規中規，經過可以試吓，但就未必特登去食了。

每次食完日本野都好口乾，太多野勁味精啦，同意健康一定唔好食，睇過我平時帶飯既飯盒，個個都話頂唔到，日日咁dry同齋，無法啦唔係天生麗質，要去周圍食，係要係唔外食情況下平衡一下又係行過無數次，想早d食又唔想食太多，一碗拉麵剛剛好，老實講選擇唔多，只有做4款拉麵(白，紅，黑，青)同小食， 小食本人學得唔吸引，真心話收費唔貴$20蚊一份平通豬骨湯(白)同蕃茄辣湯 (紅)留返下次試男友叫左 (黑) 係墨魚汁唔係黑蒜，上面有金泊蟹膏超香，味好濃係原先食材味道叫左 (青) 菠菜汁，感覺好清新，好健康，黑魚子都唔錯麵我地叫左通道硬度，比出面偏硬少少，可能選軟身會好點，$99/碗無加一，太子區算抵食，由太子行到返長沙灣都無口乾，諗唔到食咩可以再幫襯

先說環境吧，餐廳比較擁擠，人流客人挺多的，但我覺得還可以接受的。而食物方面呢, 種類都算多,有四款唔同種類既湯底,各有特色我第一次去"魂"食既時候係叫左太極拉麵,佢既湯底係黑色幾有趣,但係佢既味道係一般,如果係$99價錢嚟講,就貴左少少,我覺得呢個麵可以有待改善,但如果真係想試下拉麵既朋友仔可以試下。而且果度既員工態度幾好,有講有笑

魂的裝修設計令人好像置身於日本品嚐日式拉麵，有屋台式坐位，亦有一個一個獨立坐位，而設計擺設亦俱日式設計。這裏的餐牌是採用電子下單系統，店員好細心教導我們下單的方法。太極拉麵拉麵採用偏粗曲形的拉麵，拉麵爽滑亦掛湯。湯底是豬骨湯底加入墨魚汁，食落湯底有層次，感覺無味精。叉燒肥瘦適中，而叉燒上面是濃郁的金箔蟹膏，美味。流心蛋更是皮脆嫩滑。配上原片紫菜、木耳絲、青蔥及魚蛋片，是完美的組合。魂拉麵湯底是豬骨湯底，真的像餚製了很久，感覺無味精，食完無口乾感覺。除了湯底外，與太極拉麵的配料是一樣的。日式豚肉餃子餃子皮脆，肉餡豐富，配上餃子汁，美味。八爪魚波波炸得香脆，咬落很多八爪魚粒，正。日本梅子雪碧原來梅子配上雪碧是好夾。

好耐之前有食過魂嘅拉麵，今日突然想食返，發現原來搬左去太子。新舖環境大左好多，而且幾新幾乾淨🤔打開餐牌，見到多左好多選擇，有烏冬有小食，全部都幾抵有個鯖魚定食，$42，平時日本餐廳食開都50幾60，見佢幾抵決定試下真係幾好食，鯖魚好入味（比起出面甜少少），珍珠飯煮得啱啱好，食得好開胃😂可能平時中伏太多，難得食到平平地又好食嘅，覺得好開心！😂（佢仲有另一個雞扒定食，一樣價錢，下次試）跟返啲專業食評家嘅用詞，42$真係高性價比！加上位置幾方便，以後去開太子都會過尼食，下次試埋啲烏冬同小食😙

經過太子想揾d輕便嘅晚餐，同行朋友便想起魂嘅拉麵好正個湯底係超級好味秘製豬骨味，講到我口水都流埋，立即去試試先。一推門入去，已經坐滿客人，明嘅好味出品當然要等等。好彩見佢地出餐快，所以客人都唔使等太耐，眼見一碗又一碗熱騰騰嘅拉麵送到枱上，心諗食快D， 幾時到我呀！引C人🤣裝修雖然簡約，但充滿日本風情味。太極拉麵$99墨魚汁湯底叉燒，玉子 ，蟹子。蟹膏 ，金箔。當拉麵上枱時，試一啖湯底，果然真的超级好濃嘅豬骨味而不膩，麵質彈牙，义燒肉味香，玉子夠糖心，加上蟹膏配上金箔好華麗。青龍拉麵$99波菜汁配豬骨湯，綠色湯底飲落味道好清新，配料有义燒， 蟹棒 粟米 ，蘆筍 ，甜豆，感覺食材好健康。日本玄米抹茶$20超濃又香，店員話飲唔慣濃可以加水，但我覺得好正。桂圓薑母茶$20清甜的圆肉有少少薑味茶，好飲。用iPad 點單十分方便

嚟到太子附近上堂，去一去出名多嘢食嘅西洋菜北街搵食。見到有間拉麵好似幾地道，入去試下拉麵選擇唔多，見到相有款係綠色湯底幾新奇喎，試一試佢，另外都追加咗一份餃子。都等咗好一陣子，終於上餃子炸到好硬食落亦無咩特別，而且都幾細粒，廿幾蚊真係唔係好抵。食完再等多陣，主角嚟喇呷一口湯底先，無平時豚骨湯嘅膩感，仲有點清新，可以飲多幾啖（我平時食拉麵只飲到一兩啖，因為太膩）最頂有一小堆蟹肉同魚子，係好鮮味嘅，不過就比較少。食完呢啖精華，其他配料就顯得非常平凡，薄到無得再薄嘅叉燒一片，蟹柳棒，粟米，完全生嘅甜豆同一條蘆筍真係唔值呢口價囉。無錯個湯底係唔錯，有豚骨湯嘅厚度但亦有蔬菜嘅清新，可惜啲料實在太普通，索價$99 亦有點太過。

話說呢排真係好鍾意食拉麵，特登走去搵下有冇啲咩嘢嘅拉麵店係好食，跟住有日放工就見到呢一間嘅評價都唔錯，就走來試一試。見到餐牌裏面有呢一個青色湯底嘅拉麵就好奇想試一試，因為未見過有青色湯底嘅拉麵，心諗會唔會係一個伏嚟嘅呢！🤔於是就點左呢個青龍拉麵＄99，買相好簡單，加咗蘆筍蟹柳同埋魚子喺裏面，之後同老闆傾開原來蘆筍係代表蜻蜓，魚子係代表蜻蜓嘅蛋，其實係一幅圖畫來，係日本傳統嘅構思嚟， 真係唔講唔知。講返個面先，望落真係好普通除咗個湯底顏色特別之外，不過但係如果真係咁普通點解會有咁多人讚嘅咩，所以我就特登黎試一試。當你到先至知呢個拉麵要六點後先供應，但係我同老闆講話我特登國內去食呢個拉麵所以佢特登叫人煮咗個湯底俾我，因為佢話個湯底係每日新鮮整要拗到六點先好味，所以今早唔會買住，但係佢好好人特登整俾我。呢個湯底真係好特別有好香濃嘅豬骨味亦都有菠菜味喺裏面，好清新而且唔會好heavy,個拉麵亦都好爽口彈牙，其他嘅配料亦都好新鮮，叉燒亦都係，個湯真係非常之好飲我飲咗好多，同埋本身原來老闆喺銅鑼灣開舖但係加咗租所以來左太子，所以都好耐歷史。整體來講呢個拉麵非常之好食跟住叫咗呢個日本梅子雪碧＄18，

一行入店我覺得好親切，老闆娘嘅語氣我感覺到佢嘅真誠同對每個客人嘅熱誠。一坐低，用專用嘅pad做電子餐牌睇落小食同拉麵款式唔多，拉麵只有4款，係唔識揀嘅情況下老闆娘就解釋比我地聽4款拉麵嘅分別。青龍拉麵係有蟹肉魚子做小小點綴，舊叉燒雖然一般，但個湯真係一讚，豬骨濃湯加左啲波菜汁所以綠綠地色，我點嘅係濃湯但出泥個感覺唔會好似一般濃湯拉麵咁油膩，麵冇鹼水味，糖心蛋做得岩岩好重有少少流出泥，我建議將麵放係匙上面再加啖湯食！小食就係日式豚肉煎餃子同烤日本味淋魚干餃子外脆內軟 魚干新鮮即烤 好正梅子雪碧，梅味唔太出加雪碧都幾清爽又開胃。

不撓不屈，一食入魂是對好標語，雖然不至於好食到連魂魄都被吸引，但吃得出這裏的麵全是用心去做的，幾年來貫徹始終，縱使由銅鑼灣搬到九龍，水準依然。現在的舖相比以前寬敞，舊店的鋼板擺設亦搬了過來。順應科技，這兒點菜可以用掌上電腦，慳紙又決手。供應四款麵，全部用豚骨高熬而成作膽，湯頭肉香味濃，無添加的就是魂，加辣的是火龍，刻意變奏之兩款是太極及青龍。我們點了最特別的兩款拉麵及另外兩款小吃。太極拉麵墨魚汁配豚骨湯，叉燒、玉子、溫泉蛋、蟹膏與金箔的配搭，設計得細心，效果理想，口感豐腴，蟹羔配金箔，矜貴美味，湯頭有點黏，感覺膠原豐富。青龍拉麵袐製菠菜汁配豚骨湯，蟹肉、魚子醬、叉燒、玉子、魚蛋與粟米粒，非常豐富，口感有層次。八爪魚波波波波球裏面藏有八爪魚粒，口感有對比，味道好，稱職的小吃。烤日本味淋魚乾烤得滋味，魚乾富嚼勁，味道討好，蘸少許沙律醬，不必多，可令味道昇華。少有的不收加一，服務態度卻出奇殷勤。