魚一壽司 (教育路)

營業中

休息中

準備打八號風球 見到平時排隊排到食唔到既魚一壽司難得有位即刻同朋友一齊去食!我地一共有5個人所以叫左好多唔同壽司同熟食!首先講下刺身同壽司先三文魚同帶子刺身非常鮮甜三文魚仲要係厚切, 一d都唔薄阿食落去非常新鮮! 好食同行既2位朋友都怕食吞拿魚刺身為左令佢地容易接受d 我地就叫左吞拿魚蓉軍艦仲有北寄貝沙律軍艦、海膽魷魚軍艦同埋另外我地仲叫左馬刀貝壽司火炙三文魚壽司 希靈魚壽司火龍卷 仲有芝士饅魚卷想講吞拿魚蓉一d都唔腥, 有埋蔥勁好食但最好食既係佢地既焦糖鵝肝壽司咬落去有一層薄薄既焦糖 所以脆卜卜但又有鵝肝既香味忍唔住要encore阿!!熟食方便我地叫雞軟骨 芝士年糕 魚乾 同埋三文魚腩想講三文魚腩真係好出色好食! 魚皮好脆!我一個人食左好多舊阿埋單5人總數1444$食到咁飽咁滿足! 人均300$唔洗絕對抵食!下次一定會再幫襯!

💰259（堂食連加一）壽司(梅)🍱$78Lunch set，有湯有沙律有茶碗蒸再加10件壽司，老實講都幾抵👍🏻不過！茶碗蒸黎到既時候好水，完全係未熟，bug都bug唔到🥲所以我哋放埋左一邊。有個職員收碟個時見到即刻話換個比我地。換完之後個質地終於正常返👌🏻成個餐味道都不過不失。鱈魚乾$28脆卜卜，幾好食😋不過份量比較少，但可以試吓😙火龍卷$78呢個卷個價錢同一個午市套餐一樣，所以都唔係平🫡其實就係炸蝦卷既加大版，不過係好食嘅😋個蝦炸得又脆又熱🔥所以都值得試～焦糖鵝肝壽司（1件）🍣$38單點黎講係貴，所以更加要試吓值唔值呢個價錢！因為👦🏻唔鍾意食鵝肝所以佢冇叫，👧🏻食完之後覺得好有驚喜！焦糖既甜同鵝肝少少咸，加埋一齊好好食，入口即化既感覺🤤❤️必試！火炙壽司（2件）$14都係單點壽司，味道一般，不過不失～👧🏻之前已經想試呢間，特登入元朗試。去到環境衞生都好一般，張枱有D好似指甲碎😵🤢仲要豉油碟有頭髮，👧🏻咁注重餐廳整潔既多少有d唔滿意。幸好食物質素合格，如果住元朗附近推介黎食，但好似我哋2個咁特登去就唔使啦～✨評分✨食物：6/10環境：5/10衛生：2/10服務：6/10回頭率：4/10

第一次同朋友黎元朗食lunch，係經另一個朋友介紹呢間所以先黎食，點知食完大家真係清腸胃啦入到去店員安排我地坐係近樓梯嘅位，冷氣冇乜，天氣又熱，我地坐係度都汗流浹背手機落完單，個茶碗蒸好快就到咗（呢個茶碗蒸係幾好食嘅，要讚）我地2個都係叫魚生飯，不過係唔同款嘅個餐明明係包個沙律同麵豉湯，但我地食完個飯，呢2樣配菜都冇到，問咗個店員佢好似發完夢咁，終於俾咗呢2樣嘢黎（但唔係應該要一早俾嘅咩？食完飯先食好奇怪囉）重點黎啦食完飯番去，我地2個都不約而同咁肚痛（明明我地2個都係食唔同嘅魚生飯），我係肚痾，去咗2次廁所，而朋友係陰陰痛，結果最後都係頂唔住要去廁所放低幾両我地都係度諗，係咪就係個魚生飯出事？天氣咁熱都可能有機會。。。

今日老公生日，帶佢食好西😋之前睇fb梁祖堯有介紹過呢間《魚一壽司》，知一定多人去食，所以專程早D入到元朗唔洗等位🤭睇到花多眼亂，最終都order左好多野食😆1. 本鮪丼 $148 2. 活赤貝（2件）壽司 $48 3. 油甘魚壽司 $154. 日本深海池魚王壽司 $185. 地•金目綢壽司 $366. 牛肉他他壽司 $107. 日本甲紋鱿魚壽司2件 $258. 蝦壽司三點盛 $789. 沙甸魚壽司 $2210. 火炙左口魚邊 $1611. 明太子雞翼2隻 $3212. 燒汁墨魚筒（原隻）$9813. 蟹肉蟹膏軍艦2件 $25 14. 牛油果軟殼蟹卷（4件）$4515. 雞皮串 $1216. 牛舌串 $28 刺身真係好新鮮，好鮮甜，值得推介！ 反而D熟食就麻麻地，唯一大讚嘅熟食係明太子雞翼，外皮金黃香脆，滿滿嘅明太子塞滿隻雞翼，多汁鮮嫩，充滿明太子香味！下次要再黎encore!!

今日好期待去食，雖然安排左個近廁所位附近，但都想try 下，因為阿祖介紹過。但極度失望！環境－般，壽司吧啲師傅又唔戴口罩不停同對方吹水！真係一啲都唔衛生叫左好多款壽司，三文魚最差仲衰過爭鮮！魷魚壽司乾爭爭🙄北寄貝壽司又乾又唔新鮮🙄個芒果蟹籽沙律，一d都唔fresh 兼冇沙律醬🫠焦糖鵝肝壽司個甜味同個鵝肝一d 都唔夾！芝士焗生蠔，嗰pay芝華士大過隻蠔兼冇未！真係完全都唔知食咗啲乜野，真係冇下次😤

#搞串個pantry 呢間壽司小店樓高兩層，裝修簡單，偏向日式家庭料理風🎎。今次就散嗌左一啲壽司🍱，🔴魚一焦糖鵝肝壽司($38)、 🔵赤海蝦壽司($18)、🟢火炙三文魚壽司($9)、🟤芝士蟹籽軍艦兩件($18)、🟡軟殼蟹卷四件($38)、🟣三文魚腩壽司($15)、🟠火炙左口魚邊壽司($16)、⚫️火炙大拖羅壽司($38)、⚪️龍蝦沙律軍艦兩件($18)、⭕️辣味三文魚軍艦兩件($18)、🔘汁燒章魚丸($30)、🔴和牛串($56)。所有嘢食嚟講，高度推介焦糖鵝肝壽司🔥！！雖然鵝肝唔算太厚，但係外層焦糖燒到脆脆地，食落口，鵝肝入口即溶🤤，油脂感立即充滿成個口，真係唔錯💕！另外，其他嘅壽司就不過不失，食落嘅感覺都唔差，但就冇乜特別😋。而汁燒章魚丸、和牛串，口感同味道都非常普通。章魚丸如果外皮可以再脆口啲會更好😙，而和牛串食落口有啲偏硬。建議大家嚟到可以專攻壽司類🤩！！

7點半左右去魚一，去到發現原來有GuluApp訂位，下次可以網上預約。唔洗排隊等好耐，2人坐位等左2個枱號就入得，上二樓雅座，身體高嘅小心撞頭因為樓底偏矮。用餐時間話一個半鐘。＄68有2杯啤酒，都算抵飲，全晚每人各飲3杯。＄88鯛魚白子，可能依家唔係當做季節，白子一般般，好在有魚子搭夠。蔥吞拿魚腩軍艦兩件＄25，吞拿魚可以，但啲壽司飯就唔太好味。另外Wasabi無味的😅嚟魚一嘅目的就係要食🐟中拖羅＄108三切＆大拖羅＄128三切🐟 厚切且入口即溶，好味嘅魚油口感 ＄268刺身六點盛併埋一齊個賣想即刻靚曬，可惜六點盛嘅刺身無聽講嘅咁美味🤐由其係赤貝🥲叫左串雞皮＄12，唔熱又唔脆，失望！本來encore返大拖羅，點知友人老花點錯咗＄128 灸燒即大拖羅3切，燒過完全唔係果回事，成口魚油，還是喜歡刺身的吞拿魚。最後叫＄58燒三文魚頭鮫，等咗起碼半個鐘，坐到個人好凍因為坐喺近冷氣機位。問侍應跟一下係咪漏單，轉頭就上枱，呢個魚頭唔錯因為係熱嘅😆有機會返嚟再食拖羅，希望下次其他食物會進步啦

元朗人氣食店，經常排長龍。今天比較晚到，大概9點到幸運仍然可以入座。和風裝修，座位較狹窄。手機qr code下單，時間所限，也吃得很急。前菜蟹籽沙律意外地挺大份的，沒關係～由於蔬菜冷盤不會太飽，可以慢慢吃，清爽清爽。炸物明太子雞翼把明太子釀進去骨雞翼裡，看出雞翼脹卜卜、裡面餡料沒有馬虎。適合我這種在外不喜歡吮骨頭的懶人了。壽司牛肉他他/火炙左口魚邊/馬刀貝壽司/帶子/火炙三文魚 etc幾乎一次上齊壽司類，很是豐盛。魚生新鮮，萬分好吃海哲也很爽脆，一直捨不得吃完。可能冷盤比較不會飽？所以後來再追加其他軍艦卷物 倒是追加這份露荀牛肉卷的牛肉比較韌，牛肉他他壽司那種牛比較軟較好吃。還有沒拍到照的雞泡魚乾也超好吃，易咬，不會乾硬。整體都很滿意，沒有伏。遺憾來得太夜海膽都售罄，希望下次有機會早點來啦。

喺開業之時，我哋試過買外賣返屋企食，當時覺得不怎麼樣，所以就冇再去食啦。然後睇住佢愈嚟愈多人食，有一間舖變兩間舖。到最近有朋友問我嚟元朗有咩日本菜推介，呢間係我其中一間推介俾佢哋，因為多人食，但我自己就好耐冇食過，而佢哋最後揀咗呢間，就俾咗個機會再去試吓。結果，等好嘢真係要時間，同朋友食呢次真係同我第一次食差好遠，無論刺身、壽司同熱食都好食，材料新鮮，份量充足。於是我哋再去食，今次唔食外賣，食堂食，揀咗食午餐。我哋叫咗兩個刺身丼，一個係魚一極上丼$148、另一個係京蔥拖羅蓉丼$58。魚一極上丼有8款食材，包括三文魚、蝦、吞拿魚、拖羅蓉、海膽、帶子和油甘魚。京蔥拖羅丼顧名思義係京蔥加拖羅蓉，份量滿滿，仲要有幾塊紫菜跟。刺身嘅嘢最緊要係新鮮，佢哋交到功課。飯係日本米，仲要有醋香味，份量仲要好多，我哋兩個人剩係食得晒其中一碗，下次叫一定要叫少飯，以免浪費。平日午餐唔使加一，假日就要加一，平日放假嘅福利，哈哈。

我係鵝肝控想食鵝肝壽都要花啲苦功因為吾係間間壽司店都有鵝肝壽司魚一🫶🏻就有終於俾我搵到間有鵝肝手卷食好正大大舊鵝肝咬落勁香鵝油味好正 連食三舊就一餐大滿足🤤😌

平時行過見到依間日本餐廳好多人係門口等位，諗住今日lunch試一試，叫左個set lunch 壽司梅同另外散叫左兩款壽司。壽司梅$78成set壽司總共有10件，都算抵食，有三文魚，油甘魚，鱆紅魚，日本魷魚，甘蝦，帶子，加洲卷等依d食落都好正常，但唔覺得特別新鮮，食到赤魚時仲覺得d肉有d散，唔知係本身係咁定有問題，仲有d壽司飯真係麻麻，飯既口感有d偏硬同散。set仲包左味噌湯同茶碗蒸。味噌湯係落左d三文魚骨煮。芥辣八爪魚$15蟹籽沙律腐皮船壽司$10食落都係正常，無咩特別

魚一一直都係壽司界都好出名，出名CP值好高嘅日式餐廳，上次去咁啱撞正佢哋落場時間食唔到，今次早啲去終於食到仲唔使等位！最興奮嘅係魚一嘅分店將於2023年5月到達銅鑼灣！銅鑼灣！銅鑼灣！到時候港島九龍嘅朋友去魚一就方便好多。餐廳係用手機落單入到去掃一掃個QR code 就可以點餐。灸燒左口魚邊丼（醬油漬）魚油滿滿嘅灸燒左口魚邊丼🍱因為嗰日去到係食午餐Menu跟餐送咗個味噌湯，個味噌湯唔係溝味噌醬嗰種飲得出好足料，有三文魚🐟蘿蔔🥕同豆腐海帶喺入面。唔好睇碗飯細細碗咁，食落絕對夠飽，本來以為得幾片魚，夾吓夾吓先發現原來有兩層，餸到一碗飯。左口魚本身出咗名啲肉爽口彈牙，估唔到燒完之後會咁肥美，啲魚油迫晒出嚟入口即溶！喺市面上其實得好少日式餐廳有賣左口魚，有嘅都唔平，魚一呢個價錢食到咁高質素嘅灸燒左口魚邊丼，絕對值得encore！😋蔥吞拿魚腩軍艦（2件）入口即溶嘅粉紅色軍艦🍣呢個係我其中一個最鍾意食嘅壽司，去親每一間壽司店都係別叫嘅款式。呢個吞拿魚蓉軍艦絕對沒有令我失望！佢嘅紫菜好脆🐟吞拿魚蓉亦都好新鮮上枱嘅時候🍣仲係鮮粉紅色同埋凍凍地，魚蓉肥美入口即溶，配埋啲葱真係更上一層樓。之前食過一啲連鎖

我地兩個人去食，都幾多選擇，可以選set 餐，又可以選散叫，我地叫咗個海膽刺身半板，個海膽好新鮮，刺身有少少根，但都可以接受，啖啖肉，最抵食果個係壽司竹火灸，都有好多款壽司，唔駛諗叫啲咩壽司，就可以叫呢個壽司竹火灸，都幾好味，大拖羅好味，下次我會試下其他

魚一壽司呢間日本菜已經encore 咗好幾次，佢係區內一間出名性價比高，而且好有人氣嘅日本菜，每次經過都會見到有好多人排隊；前排經過元朗想食日本野，又想去食魚一啦~同類型搜尋︰#heyzoeat元朗 #heyzoeat日本菜軟殼蟹卷 (四件) HK$32每次食日本野都必嗌嘅軟殼蟹卷，咬落去外軟內脆，配埋粒粒蟹籽一齊食，口感好好，好食~火灸三文魚 (兩件) HK$18散叫咗兩款火灸壽司，火灸過嘅三文魚配埋沙律醬一齊食，香口好食~火灸左口魚 (兩件) HK$18另外一款係左口魚，火灸左口魚一直都係all-time favorite，微微燒過嘅左口魚更加有油香味魚一焦糖鵝肝壽司 HK$76呢個焦糖鵝肝壽司係佢地嘅 signature ，又係每次黎都會食；鵝肝味好香，上面仲有層薄薄嘅焦糖，咬落去外層脆脆地配埋鵝肝嘅texture一齊食，好意外咁出奇地夾~ 和風肥牛鍋 HK$58嗰日唔想食咁多生冷野，所以就叫咗個肥牛鍋黎食，本身係跟飯嘅，但感覺好似配烏冬夾啲就轉咗做烏冬啦；平時食呢啲鍋除咗放幾塊肉係上面，之後就會成碗係菜；但呢個鍋每樣都好平均，肥牛嘅份量都足夠，仲有娃娃菜、豆腐同金菇等其他配料，

去到元朗行街唔知食咩好，諗起呢間出名既壽司🍣於是就特登行過去。唔知今日係咪特別多人，去到既時候都幾多人排緊隊，等左大約15-20分鐘入座。呢間舖頭有上下兩層，面積唔算特別大，但都乾淨企理，坐得都算舒服 😌由於十分肚餓關係，於是就見到乜都叫啲，有三文魚壽司🍣大吞拿魚腩壽司🐟甜蝦壽司🦐帶子壽司🐚辣八爪魚壽司🐙….因為唔想諗又肚餓，亂叫都預左一定會有一款係中伏唔好食。但出奇地又ok，冇一款係難食，特別係🐟大呑拿魚腩壽司，做到入口即溶感覺，一試難忘。而🐙辣八爪魚壽司都十分新鮮，都係必食👍