影片
開飯介紹
「魚事者」猶如一位魚品魔術師，為傳統魚品注入嶄新元素、以創新手法製作出多元化的魚品輕食。
繼續閱讀
獎項殊榮
米芝蓮必比登推介 (2023-2024)
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
*截單時間: 21:00
以上資料只供參考, 請與餐廳確認詳情
-
網上訂座服務暫停
相關文章
係北角見到有間拎過米芝蓮推介嘅小店「魚事者」。望個餐牌價錢唔貴，心思思入去試，點知有意外收穫！試咗幾款招牌，樣樣都玩味十足：炸魚冇薯條配松露醬 ($30)：米芝蓮推介果然有道理！用魚條代替薯條好特別，炸得外脆內軟，咬落仲有少少肉汁，松露醬落得夠多，濃香得嚟唔會蓋過魚味。記得趁熱食，小心燙口。扮墨西哥魚皮 ($35)：呢個創意滿分！用脆口魚皮代替粟米片，上面鋪滿芝士同配料，點埋牛油果醬，真係幾有食緊墨西哥Nachos嘅感覺。魚皮炸得乾身唔油膩，不過芝士量真係多，我個人覺得有啲膩，芝士控應該會鍾意。蝦頭油炸蝦球魚麵撈 ($72)：另一款米芝蓮主菜！蝦球炸得爽彈，配沙律醬幾夾。魚麵口感好得意，煙韌有咬口，撈埋炸香嘅櫻花蝦一齊食，鹹香惹味。蒜油香雞翼魚麵撈 ($68)：雞翼四大隻，炸得皮脆蒜香味濃，不過油份偏重，食到最尾有啲滯。魚麵同上款一樣咁有特色。魚湯翡翠苗 ($18)：魚湯味唔算突出，但勝在份量多，翡翠苗夠嫩冇渣，清清哋平衡返啲炸物。總結： 以米芝蓮小店嚟講，定價真係幾親民（尤其小食！）。最推介 $30嘅「炸魚冇薯條」，創意同味道兼備；「蝦球魚麵撈」 都值得試，魚麵口感特別。環境係普通小店格局，但食物有心思，行開北角想試啲新派魚料理，不妨入去一試。
繼續閱讀
今次試咗三款創意魚料理 真係估佢唔到🤯 炸魚無薯條🍟平時食開啲薯條係粉粉地然後外表脆身😋但係今次佢搵魚肉同魚漿去整呢個薯條🤣食落去個口感變左好煙韌☺️對於女士黎講仲好似健康啲同罪惡感少啲😈可以配埋醬更一流👻扮墨西哥魚皮🇲🇽魚皮炸到超脆口🤭食落配埋啲醬料🤤仲有啲似食緊taco chips咁 真係好鬼夾👍 最驚喜係「fishotto魚米粒粒」扮意大利飯🍲 用魚肉打成米粒size 口感超得意 咬落去彈牙又creamy🧀 仲有濃濃芝士香 完全呃到人係risotto😈 但其實低卡又健康💪 啱晒想減肥又忍唔住口嘅我🤣 菜式都好有創意🎨 將普通魚肉變出國際風味🌍 價錢都合理 百零蚊有交易💰 唯一挑剔係份量偏細 男仔可能唔夠飽🙈
繼續閱讀
早前聽聞呢間專門食魚嘅舖頭，食物都唔使lun骨，就過嚟朝聖。下午茶時段冇乜人，可以自己揀位坐。店員喺我一坐低就擺低咗一細兜疑似xo醬，同埋碗仔翅俾我試味（免費的）。我揀咗炸魚無薯條（跟雙子醬，即係明太子同魚籽）同埋三餸魚麵（羅定魚腐，卜卜蜆同墨魚春卷配白雪雪魚湯底）。個炸魚無薯條，外形真係好似薯條，唔知真係畀佢呃到。我覺得佢切得比較細條，中間好似食唔到魚肉嘅質感，如果改為粗薯條嘅粗度可能會食到多啲魚味，而家我覺得有啲似台灣嘅甜不辣。食到一半覺得𡁻到好攰，可能佢加左啲粉漿令啲魚肉易定型無咁易散所致。至於個雙子醬，我就食唔到明太子應有嘅辣味，間中先食到幾粒大啲嘅蟹子就多啲口感。到個三餸魚湯魚麵，佢聲稱係白雪雪魚湯，但係並唔是我想像中嘅奶白色魚湯，係比較清色，口感都相對較薄，唔夠濃厚。至於啲餸方面，啲卜卜蜆都算唔少，上面有幾粒調左味嘅炸蒜，都食得出鮮味嘅。魚腐墨魚春卷就冇乜特別，不過春卷就係現炸卜卜脆。最特別係佢個魚麵（而且好慷慨，好大碗），佢個樣好似米線，但食落就煙煙韌韌，唔係魚蛋鋪啲魚麵咁，係麵條狀嘅魚蛋杯凍奶茶我叫咗多奶，佢就真係畀到我想要嘅比例我，但係我話少冰其實啲冰一啲都唔少。一個女仔應該食唔曬我嗌嗰食物，最後我打包咗一大半碗魚麵最後講吓啲唔使錢嘅碗仔翅（雖然得一啖），佢好足料，有肉絲，木耳，仲好入味，不過可能太足料，佢有啲“杰”。最後埋單時佢畀咗一張下次可以當五蚊用嘅coupon。
繼續閱讀
「魚事者」鋪面唔算大，典型港式小店格局，乾淨企理。但座位略窄，lunch hour可能要搭枱。 今次試咗自由點三餸麵，麵質彈牙，由魚肉打成，十分特別。而湯底我揀咗白雪雪魚湯，第一啖鮮甜，飲到尾有少少魚既甘香，無腥味。第一個餸要咗紫菜，浸魚湯後超夾！吸湯力強！第二個餸要咗黃金魚餅，外層小小硬，但咬開有流心芝士醬，類似芝士頭腐。第三個餸要咗雞扒，外層皮十分脆，肉質十分嫩滑，但份量有啲少。個人認為翻食指數高！推薦魚湯，魚控必試！
繼續閱讀
之前喺銅鑼灣食過覺得都幾好食幾特別，原來天后都有喎，又可以成為我嘅午餐新寵了😂😂😋今日食啲比較特別嘅嘢，係店家推薦嘅「蝦頭油炸蝦球魚撈麵」。🐟一路以嚟食魚麵都係以湯麵嘅形式去食，但係呢度就用咗少少西式嘅方法去烹調，食落口好似一個西式嘅意粉咁樣。🦐雖然呢個菜式係以蝦為主，但係食落口，我覺得蝦嘅鮮味唔算好重，反而成碟係用個醬汁去調味。啲魚麵一如以往的爽口彈牙，不過我自己都係比較鍾意食返平時嘅湯麵多啲。
繼續閱讀