魚鮮生刺身專門店

營業中

休息中

之前lunch都有食過呢間 但最近轉左menu 我就叫叫左個牛肉烏冬lunch set 包左前菜同味噌湯 伏到爆食到作嘔🥲個湯就偏咸入面有幾隻蜆 個前菜我估係海葡萄 唔知係唔新鮮定點 我食到想作嘔 一啲味道都冇 口感好差 咁我以為係我唔識因為我第一次食海葡萄🥲再試下個牛肉烏冬 心諗咁普通應該冇伏掛 錯哂勁咸 個烏冬小硬 啲昆布又好似未浸開咁好鬼死硬 又食到頂住個胃 最後見到有小強係牆爬行！衛生真係麻麻 嚇到想死 即刻埋單走人 所以個烏冬冇影到相🥲翻到公司個胃全日頂住 晚飯都冇食 仲要柯左一次勸大家尼食之前諗清楚🥲🥲🥲(但幫佢defense一句 佢舊menu lunch set係ok的)

🇯🇵🏮銅鑼灣登龍街抵食高質丼飯「魚鮮生刺身專門店 𝒀𝒖 𝑺𝒂𝒏」相信大家都好掛住日本🇯🇵，我都係！但唔緊要食住日本野止住癮先。一入到餐廳先係見到周邊層板放滿左店主鍾意figure 公仔，牆上貼滿左日文食材海報，再聽住入面既舊式日文流行曲，彷彿有一種日本街頭小店既感覺。我鍾意呢位「魚鮮生」🤵🏻‍♂️除左因為佢既食材新鮮、高質外，最重要係佢非常足料，價錢仲好大眾化。Lunch menu有多款魚生丼飯比大家選擇，同埋真係抵！今次食左個#油甘魚丼飯，一入口已經覺得好肥美飽滿，爽口得黎有適當的油脂感。再加埋中間既🥚，撈埋食真係一流。鍾意食日本野特別係壽司刺身既你，一定要試下#魚鮮生！📮銅鑼灣登龍街31-35號地下🕰Mon-Sun: 12:00-22:00📞25741238

第三次光顧，全因如此新鮮、油份多的三文魚腩只此一家若要問我，香港能在哪找到這味道，也只有此家了🌸山葵是現磨的，調味也很好吞拿魚有刁鑽部位選擇：鮪魚面頰、鮪魚腦天刁鑽部位的味道也不錯，大吞拿魚腩反而切得不太好：筋位太多、也有未切斷的部分（其中兩塊藕斷絲連），兩次試吃也是這般，估計不會再點了石垣貝鮮甜，不算彈牙但易咬，日本馬糞海膽是真馬糞海膽（看亂亂的擺盤就知道了），全部鮮甜，口感柔軟似忌廉，即使顏色較暗的部位也沒有苦味/腥味油甘魚彈牙，但並非最新鮮🌸炸雞翼、雞軟骨外脆內軟，也有大量蛋黃醬提供🌸鵝肝煎得非常脆，而且外脆內軟左口魚邊燒得一般，不太香口，也並非最新鮮🌸店內環境跟日本非常相似🌸最後老闆送了我們即製的魚白湯，煮得很好，但蔥花太多，而且個人覺得魚湯本身味道清淡，還是搭配豆腐以把味道集中，會更美味🌸人均840hkd

☆ 魚鮮生刺身專門店銅鑼灣登龍街31-35號地下✦ 海膽拖羅和牛卷好食！夾嘅！海膽同toro本身已經無死，和牛好嫩滑，成舊野好似唔洗點咬就呑到落口咁，正！(〃ω〃)✦ 西京燒銀鱈魚肉質滑溜，味道適中，但魚皮唔脆。✦ 鮪面頰肉自選左一d壽司食，其中鮪面頰肉係香港比較少地方食到嘅，日本好多地方都會係煎黎食，食落會好似好軟熟嘅牛肉。✦ 炸軟殼蟹手卷✦ 芝麻雞翼✦ 芝士年糕以上3樣就正常發揮。餐廳食物整體都係不錯，但係侍應質素就有好大進步空間，第一 我唔理解點解要好似有意咁唔比set menu我，到我發現有其他食客食緊set先比我，第二 朋友係對面位置遞電話電話比我睇，某侍應居然伸頭黎睇，實在都幾無禮貌。(๑•ૅㅁ•๑)PS：我坐上層。

見到網上面對呢間餐廳好多好評，冇細心睇吓佢到底有幾多劣評就走咗去幫襯人氣No.1係$168拖羅丼，$168拖羅丼屬於正常價錢，但佢達唔到應有既質素另外叫咗一個比較特別嘅吉列鰻魚丼，但係我覺得圖文不符囉Menu上係咁樣事實上係咁樣，哪來的變咖哩飯，但店員話係咁樣喎反正我食完之後就覺得都係傳統嘅鰻魚丼最好食，炸鰻魚配咖喱汁唔係好搭，佢另外俾咗個梅子醬我，配搭一齊既味道直頭係怪浪費左一個美好既星期六午餐，下次我會睇清楚劣評再揀餐廳，唔俾好評暪騙

不嬲冇寫評習慣，但今次真係忍唔住😠呢間餐廳真係我食過最差嘅日本餐廳。去之前睇到D劣評都驚驚地，但有咁多好評即管就去試吓，點知真係中伏😖 魚生做主打，亦係咁推介你叫魚生set，但D魚生完全唔新鮮，咁其實已經夠差😑，但你估唔到嘅係佢連壽司D飯都唔掂，真係冇食過咁軟嘅飯做壽司！最緊要係價錢其實一D都唔平😒同樣價錢喺銅鑼灣真係好多更好嘢選擇。講真如果飯都煲唔好，其他食物我諗都唔駛多作評論……..可以想像得到完全唔明點解有咁多好評🧐

【鮮活赤珍味丼】 HKD268.【三重蟹丼】 HKD188.【海膽拖羅和牛卷】 HKD148.【西京燒銀雪魚】 HKD138.一間同樣位於登龍街🏮嘅食店🍴，相對唔顯眼，好多時都會聚焦左係隔離舖，行過都冇留意。實情係一間刺身丼飯店🍣，款式頗多。我地試左幾中兩款，分別係鮮活赤珍味丼同三重蟹丼。前者有海膽、生蠔🦪、赤貝同元貝，款款有啲，包你滿足。後者則有蟹肉🦀、鵝肝同海膽。除左丼飯🍚，海膽拖羅和牛卷隻合三種夠曬邪惡嘅美食於一身。有海膽同拖羅嘅鮮甜，又有和牛嘅軟熟，層次豐富。.📍魚鮮生刺身專門店銅鑼灣登龍街31-35號地下🚇銅鑼灣站B出口 步行約3分鐘🕑星期一至日 12:00-22:00

冇諗過喺銅鑼灣以呢個價錢就食到咁嘅質素嘅嘢食，我地叫咗吉列豬扒手拉烏冬同吉列鰻魚手拉烏冬，個炸漿好薄，又好脆，好味！手拉烏冬煙韌，食得出真係人手拉，性價比之選！

登龍街真係好多正野食‼️😋 前排同媽咪試咗呢間日本餐廳🇯🇵牛油果蟹肉沙律（$68）蟹肉份量好多🤩牛油果生熟度啱啱好🥑配埋秘製醬汁超開胃！特上刺身拼盤（二人前 $188）深海池魚鮮甜爽口😋三文魚腩入口充滿魚油香，超肥美呀🤩赤蝦好大隻，食落好彈牙😋海膽質感未到入口即溶，但都幾creamy，甘味比較突出～極上壽司定食（$388）比較印象深刻嘅係拖羅、左口魚同帶子🤤👍 拖羅油脂豐富，入口即溶🥳左口魚邊用火槍略略燒過後油香四溢☺️ 帶子大粒又鮮甜😋不過小編覺得都係散叫開心啲

成日都經過呢間舖頭但一直都冇特別大既興趣去試下佢。直至早幾日睇到有文章介紹呢間舖頭既魚生係日本直送，咁就平平地試下佢個lunch先，好味既話就再黎食晚餐.12:35到舖頭，一如所料唔洗排隊（因為次次經過都冇見到人龍），店員熱情咁同我打招呼並安排我坐低。有保溫茶壺係枱面，自己斟茶好方便。決定叫個$168既拖羅丼。過左十分鐘左右拖羅丼就送到，其實就係三款既拖羅，一款係拖羅蓉，一款係拖羅剌身，最後一款係炙燒拖羅。個餐係包埋一個前菜同湯，前菜係卷蛋，正常味道。個湯反而有驚喜，佢係昆布蜆湯，我嗰碗有5隻蜆，個湯係清得黎有鮮味，唔同出面好多舖頭咁得個鹹字。食個丼喇，各款拖羅都好新鮮，個日本飯都好岩我口咪。埋單$168，價錢我覺得同一般位於銅鑼灣日本菜既lunch價錢差不多，但我覺得魚鮮生既質素比一般高.會再黎食晚餐同試埋其他lunch set！

銅鑼灣登龍街真係愈黎愈多野食，今次就試左魚鮮生，見佢menu既選擇唔似一般既壽司店咁得壽司刺身食，而且都有啲串燒炸物等等既熟食，選擇都幾豐富！當日就叫左個極上壽司定食，十件廚師發板既壽司，有海膽、吞拿魚腩、金目鯛等，雖然調味唔算多，但都新鮮肥美！三重蟹丼有蟹肉、海膽同鵝肝，鵝肝勁大件，蟹肉味濃，加埋海膽，令成個飯變得好豐富！另外試左隻日本蠔都幾creamy，而串燒既牛舌都幾爽口，雞軟骨串都值得一叫！熟食都非常唔錯！

窮遊香港-銅鑼灣低調高質日本餐廳 門面細細平時唔太起眼 第一次黎 原來入面都幾大 有2層 午市餐唔算貴 大概$70-90 有湯有小食 難怪午市爆場 都幾忙 （餐牌睇圖）.呢日點左d招牌試試⭐️牛肉日本手拉鳥冬$68先講講呢間手拉烏冬👍🏻真係幾彈牙滑溜配埋醬油蔥花湯底好夾牛肉半熟 肉質嫩滑 有小小油花小食係甜甜地既 蔥花玉子蛋 👍🏻海帶蜆湯 有4粒蜆 蜆肉新鮮冇沙 幾鮮甜.呢間刺身水準唔錯⭐️拖羅丼$168😋有火炙拖羅 刺身 同魚蓉 油香十足一次滿足三個願望 表面有蛋黃 撈勻拌飯.⭐️三文魚腩刺身（5片）👍🏻呢到三文魚腩仲肥過大拖羅 好評⭐️帶子刺身（6片）👍🏻新鮮 鮮甜 厚身.⭐️白咖哩黑豚肉眼配 手拉烏冬$88呢個白咖哩 都係呢間既招牌 汁量爆多係日式既咖哩口味 偏向清 味道帶甜😋保證每條都沾有大量咖哩 而且唔會食濟🥲但今日吉列黑豚肉眼炸乾左 算幾薄身 唔多講.⭐️吉列宮島鰻魚試完上面吉列豬 諗住炸野會失水準點知吉列鰻魚 又係好好食👍🏻外層好酥脆 超厚身 入口陣陣魚油香吉列鰻魚喺香港唔算多 值得一試.飲品點左 汽水 同 巨鋒提子乳酸.#hkfunfoodrecord窮遊香港#hkfunfoo

相信係我過去三年內食過最難食既餐廳，沒有之一🍽鮮活赤珍味丼 (1/5) 💰268門口睇餐牌個陣店員極推呢款，話好抵食見到張相又有成半板海膽又有生蠔，呢個價錢咁上下啦，就試下相中有半板，黎到幾塊手指尾甲size，夾起仲要散埋明既，圖片只供參考嘛，但都完全圖文不符啊嘛？生蠔好大隻，但真係，我人生第一次食到難食到要即場吐番出黎既食物真係廿幾歲人第一次，十萬級腥臭，仲食到魚鱗片，真係問曬號帶子幾大隻，唔臭唔甜，但有啲怪味，唔識形容赤貝非常爽口彈牙，但冇味，得個爽字依加諗番，幾塊海膽bb加兩隻帶子兩隻赤貝一隻蠔，都賣268都幾貴下🍽A4和牛串 (0/5) 💰58對唔住，成串野我一粒肉都食唔到其他店鋪既和牛串一般都係幾件和牛粒咁，見到雪花靚靚仔仔咁你已經唔係A5級，又比埋啲牛既頭頭尾尾我成串都係肥膏同筋，真係垃圾人地食剩既野串埋一齊咁比我🍽燒荔枝豚肉 (3/5) 💰48正常，比較清新既一個串燒冇咩特別店主，如果你有機會見到呢個post，希望你認真改善下啲質素，起碼質素要對得住自己啦下嘛(重申，食評僅供參考，純粹個人想法）

銅鑼灣登龍街一向好多唔同種類嘅美食，朋友介紹過呢間餐廳嘅魚生刺身幾高質，所以就去咗試吓❣︎.極上壽司定食 $388 🍣有10款不同嘅手握壽司，啱晒有選擇困難症嘅人。分別有牡丹蝦、拖羅、赤身、池魚、金目鯛、帶子、活赤貝、海膽、三文魚籽、左口魚，非常豐富。牡丹蝦及帶子鮮甜彈牙，拖羅及赤身肥美有魚油香，池魚及金目鯛肉質細嫩，活赤貝鮮甜爽口，海膽香濃creamy，三文魚籽粒粒飽滿帶咸香，火炙左口魚入口即融魚油豐富。款款壽司嘅刺身都幾大件厚身，色澤新鮮。.本鮪丼 $288 🍚呢個丼飯有大拖羅、中拖羅、赤身 3 個部份及配上三文魚子。大拖羅係最矜貴嘅魚腩位置，肉質非常肥美，油脂分布細密，軟嫩無渣，微微火炙過，充滿油脂甘香，有入口即融嘅感覺。中拖羅肥美油脂均勻，魚味濃郁，入口嚼感唔錯，亦有魚油甘香。赤身相對油脂較少，口感紮實。.以上定食配餐湯🥣及前菜🥚蜆肉清湯入面有昆布及大大隻嘅蜆肉，多咗一份海鮮嘅鮮甜味。前菜係蔥花玉子燒，口感軟熟有蛋香。.總括而言：呢間餐廳嘅魚生刺身係日本直送，所以價錢相對會比較貴啲，但食過之後真係覺得食物幾高質，刺身全部都好新鮮，值得一試！(●’◡’●)ﾉ

魚鮮生刺身專門店 Yu San 📍 銅鑼灣登龍街31-35號地下.呢間位於銅鑼灣登龍街低調嘅刺身魚生壽司小店——魚鮮生 @sushiyi.hk 店主嚴選時令新鮮食材，堅持食材要由日本直送，食物質素絕對有保證👍🏻 店主亦會定期更新到會外賣套餐，可以令你喺屋企都可以盡情享受到廚師發辦日本當造食材🥰 而環境方面，餐廳有兩層所以座位足夠，內部裝修亦用上和風設計，富有日本元素🇯🇵.🐟 本鮪丼 $288: 呢個本鮪丼用咗吞拿魚4個唔同部位：赤身、中拖羅、大拖羅、火炙面頰肉，呢個價錢食到咁高質嘅魚生真係意想不到😱 最愛大拖羅，入口即溶，魚油脂香😍 而火炙面頰肉肉質爽口有彈性，經火熗火炙後令肉味更濃郁！.🦪 鮮活赤珍味丼 $268: 呢個赤珍味丼有廣島蠔、活赤貝、帆立貝、海膽，賣相夠晒吸引，份量十足～ 廣島蠔大大隻，味道鮮甜夠juicy🤤 帶子好大塊又厚肉；赤貝爽口彈牙有嚼口；馬糞海膽份量多，清甜冇腥味，入口即溶🥰.🍣 三文魚腩五切 $88: 三文魚腩魚油豐富，每切都厚厚的，好滿足😍.🧡 魚鮮生手卷 $68: 呢個手卷有海膽同吞拿魚蓉，海膽味道甘甜冇腥味，吞拿魚蓉口感嫩滑綿軟😋.💛 蔥花油甘魚手卷 $