鮨一 (厚福街)

營業中

休息中

好耐無同好朋友食飯飲酒。見到呢間餐廳網上評價好高，一於試吓。一坐低先叫返支清酒，再嚟過蕃茄沙律，清一清腸胃，酸酸甜甜，果然開胃，配埋入邊有唔少魚生，一齊食口感好好。另外叫咗幾隻蟹仔，估唔到係咁細隻，但脆卜卜送酒食，一流！點都要叫番啲壽司，先有飽肚嘅感覺，海膽帶子手卷，同牛油果吞拿魚手卷，見到賣相已經好靚，可惜因為掛住影相，原本脆卜卜嘅紫菜，當我食嘅時候已經淋咗少少，不過依然覺得好好味。壽司拼盤有10舊，全部都好新鮮，好鍾意食呢度嘅壽司飯，因為唔使點豉油已經係好好味嘅醋飯，部份壽司面頭輕輕燒一燒，帶出咗魚嘅油香，真係特別好味，另外鍾意食海膽嘅朋友，一定唔會錯過，因為真係好香好好味，下次想飲嘢食飯，呢度都會係我唔錯嘅選擇。

記得三四年前，有個朋友帶我嚟呢度慶祝生日，今日到我帶返老公過嚟慶祝生日，質素依然不變。👍🏻特上十貫目十件由廚師發辦嘅壽司🍣包含當最新鮮最時令！壽司飯嘅醋味適中，握得夠實，刺身肥美厚切，極具分量：牡丹蝦、左口魚邊、帆立貝、油甘魚、拖羅、螢光魷魚、馬糞海膽、池魚等等！價格雖然略為昂貴，但係質素反映一切呢～👍🏻真鯛三味一客裏面食到三個部份嘅真鯛，同樣品嚐到佢嘅鮮佢嘅甜！而且好少可以去平時嘅居酒屋品嚐到👍🏻海葡萄番茄沙律嘅天氣上升到31度，當然要叫返個沙律清新一下冰涼一下(⁎⁍̴̛ᴗ⁍̴̛⁎)海葡萄營養價值豐富，食落去爽脆又爽甜，加入埋蕃茄嘅酸酸甜甜，非常開胃👍🏻軟殼蟹天婦羅以為炸咗嘅軟殼蟹會冇乜肉？呢一間餐廳嘅天婦羅做得不油不膩，酥脆口感十足，軟殼蟹更加係啖啖肉，推薦試吓佢嘅天婦羅系列！

🫶今日同朋友去左尖沙咀食日本野，位置於充滿肆既大廈內，人氣十足要排隊坐𨋢上去，今晚餐廳亦表示晚上的預約已full。餐廳於這大廈有連續三層的店鋪，每層店鋪環境雖細，但裝潢係經典日式餐廳個種，我地坐bar枱坐得好chill，仲可以睇住4位日式廚師整壽司刺身。鮨一沙律🥗多款角切魚生粒配蟹子，顏色鮮豔好吸引🤩拌落沙律好好味。沙律份量十足又新鮮，食菜+原個蕃茄好健康!特上十貫目🍱（其中特色既有：加拿大海膽鰈魚邊、大拖羅、油甘魚、池魚王、劍魚腩、目人奈壽司）賣相精緻，每款有一件，可以依到十款不同口味既壽司好幸福~ 壽司一定要用新鮮魚生，而魚生一直放係廚師既壽司製作桌上的凍櫃，見住佢慢慢拎D魚生出來切，即刻胃口大增。加拿大海膽鋪左幾層，賣相豐滿食落入口即化，而火灸後的白色鰈魚邊壽司整塊咬落好香同充滿油脂既質感。其他魚類壽司亦非常好味🤤🦀甲羅燒原隻甲羅燒配烘過的多士。依款蛋黃係較為深黃色，拮穿蛋黃後拌勻蟹膏後便可均勻搽落多士。鹹香又帶出蟹膏鮮味，而多士質感好脆身。雜錦天婦羅🍤賣相好靚，全部炸至金黃色。天婦羅蝦超級彈牙又脆口。後面d炸粉竟然可以整到一把扇咁太美了。其他瓜類都好香脆，炸粉薄薄一層，唔會覺得

鮨一位於尖沙咀心臟地帶，餐廳裝潢以居酒屋為概念，提供各式日本料理，主打丼飯、刺身，食材嚴選日本新鮮海鮮。餐廳設有吧桌，讓你可觀看廚師烹調的過程。✨日本青蘋果沙律清新開胃之選！青蘋果切絲混入沙律中，散岀陣陣蘋果清香，味道清甜，與青瓜絲、沙律菜、蟹籽一起品嚐，整體質感爽脆，十分醒胃✨上錦繡刺身刺身有三文魚、帆立貝、八爪魚、牡丹蝦、北寄貝，刺身厚切肥美，色澤光鮮，肉質鮮味，三文魚油脂豐富，帆立貝肉厚鮮甜，牡丹蝦彈牙味鮮，大愛！✨辣酒煮廣島蠔每顆廣島蠔都飽滿肥美，以辣酒烹煮更能帶出廣島蠔的鮮味，咀嚼後散出淡淡酒香，而大根均以煮腍，清甜無比。✨軟殼蟹天婦羅軟殼蟹炸至金黃香脆，非常脆口，內裡蟹肉肉汁豐富，肉質鮮味✨免治雞肉串免治雞肉肉質鬆軟，雞味濃郁，再沾上醬油，更滋味✨煙肉荔枝卷煙肉配上荔枝後，感覺相當清新，絕不油膩，令人耳目一新鮨一 (厚福街)📍尖沙咀厚福街12-12A號藍馬商業大廈18-20樓

嚟到尖沙咀搵嘢食，厚福街嘅鮨一，睇餐牌已經吸引，整體質素唔錯～特上壽司10件，今次坐吧枱，師傅喺我哋面前即整壽司，壽司外型賣相幾精緻～海膽壽司有鮮味～灸燒左口魚同吞拿魚油脂豐富，赤蝦同帶子壽司厚肉新鮮～每件壽司已經調味有醬油同芥末～鮨一沙律，呢個沙律除咗蔬菜有角切魚生，口感豐富，醬汁調味開胃清新～什錦天婦羅，炸得唔錯，蝦天婦羅香口酥脆，炸茄子內裏有汁唔會太乾～叫咗三串串燒，和牛粒串、煙肉帶子卷串同豚肉露筍串，燒得剛好，帶子串配搭幾夾～每樣食物都幾好食～

⭐️ 香箱蟹（乙隻）($168)🦀雖然體型唔係好大隻，但係入面有極多嘅蟹膏、蟹肉同埋蟹籽，口感極豐富滋味✨⭐️ 真鯛（薄切）($220) 係真鯛薄🤤，肉質鮮美，口感幼滑，帶有淡淡嘅海洋味道，真係令人回味無窮！⭐️ 穴子壽司（2件） ($88)穴子魚肉肥美，鮮味十足，配上精心調製嘅壽司飯，真係一絕！夠滿足😝⭐️ 海葡萄番茄沙律 ($128) 如果你鍾意清爽嘅沙律，我推介你試下海葡萄番茄沙律。味道似海苔嘅海葡萄同甜嘅番茄，配合清新嘅醋汁，味道鮮明又爽口，非常開胃～⭐️ 味噌煮牛舌 ($68)平時鍾意食燒牛舌嘅試吓呢個味噌煮牛舌真係好有驚喜🌸 湯牛舌比燒牛舌更腍！白蘿蔔煮出嚟嘅湯好甜而且味噌醬汁非常入味！不過唔食芫荽嘅記得要講 🤫⭐️ 螢光魷魚茶碗蒸 ($68)🦑係一個幾特別嘅茶碗蒸～鮮艷嘅顏色同濃厚嘅魷魚味道，加上大大粒嘅魚子配滑滑蒸蛋，好享受✨

是日跳完舞出左尖沙咀好出名既鮨一同朋友聚舊今次試平時無食過既野真鯛三食$180～鯛魚一向都幾鍾意配埋醋好清新真子第一次食幾有咬口，口感都唔錯白子亦係第一次食，口感綿滑，奶香奶香，比想像中好食。特上錦繡刺身（8款各2切）$528帶子~超大粒厚肉，好鮮甜羽太~第一次食~口感細緻，肉質綿密。劍魚腩~厚切好香魚油，非常有咬口，愈𡁻愈香拖羅~好肥美呀！正呀！加拿大海膽~面頭仲有金箔，好新鮮。杜丹蝦~肉質爽口鮮甜，有蝦膏。黑龍~口感幾特別，連埋皮食居然唔腥。磯煮鮑魚~鮑魚好入味，醬汁甜甜咸咸咁，唔錯和牛粒串$58好香牛味，油脂分佈剛剛好。煙肉帶子卷串$52比煙肉包住既帶子，有咸香味，更突出帶子既鮮甜煙肉荔枝卷$28估唔到呢個幾驚喜，荔枝好甜，中和煙肉既油膩感。今晚都幾多人，好耐之前嚟過三次，今次係第二次坐bar枱，可以睇到師傅切魚擺盤，係一種視覺享受。

早幾日天氣凍凍地又想食暖野朋友帶左我去樓上鋪搵食估唔到呢度有間好有風味既居酒屋-好多不同配料的安格斯牛肉鍋 $338係用了壽喜燒湯底~ 甜甜的菜夠哂新鮮 仲有流心竹輪 福袋包 個冬菇又大又多汁安格斯牛肉都好靚 勁有牛味-而佢都有席前師傅即時製作刺身和壽司 我地叫了一份特上錦繡刺身 $5288款每款2件🍣吞拿魚腩入口即溶 粉嫩的好吸引帶子夾了少少檸檬香 半邊明感好彈牙牡丹蝦鮮甜夠大隻海膽直接就咁食 仲加左金薄 好有貴氣😬鮑魚係用了糖去製作 不用加醬料就咁吃-📍鮨一 📌尖沙咀厚福街12-12A號藍馬商業大廈18-20樓

呢一日同朋友行開尖沙咀, 正當晚餐時份又係時候上網搵地方食好西！依一餐我同朋友都想去居酒屋食刺身, 所以揀咗系厚福街嘅鮨一日本料理食晚飯. 上到去居酒屋約七點半左右, 總算唔使等有吧檯座位坐, 我最鍾意坐吧檯, 原因係可以睇到啲師傅炮製壽司同刺身從中可以偷師揣摩一下！一打開餐牌琳郎滿目, 見到有多款壽司、刺身、手捲同季節限定佐酒小食, 當然仲有日本清酒作飲品推介...而我同朋友就揀咗特上錦繡刺身(8款, 各2切)、鮨一手捲、甲羅燒、 日本蘋果沙律、 味噌煮牛舌及下肉蟹高手捲.首先打頭盤嘅係沙律同埋刺身拼盤, 特別讚賞嘅係個刺生拼盤, 加拿大海膽、牡丹蝦、 磯燒大連鮑魚、劍魚腩、中拖羅、 真雕、日本鮮帶子同日本金錢鯛, 啲刺身大大塊好新鮮好野味, 尤其是隻牡丹蝦同我隻手掌一樣大！另外最欣賞嘅係松葉蟹嘅蟹肉蟹膏手捲, 可以用雞蛋打成蛋漿再配蟹膏搽落方包度食, 零舍滋味無窮！而我朋友就鍾意食牛舌, 佢話返畀我聽嘅口感係爽口嫩滑夠曬彈牙同新鮮.依一晚我們兩口子食飽埋單總共$1,010. 每人計返人頭費為$505.

OpenRice 有預款午餐優惠二人餐$208套餐分別有五款定食可以揀，每種定食都有沙律、麵豉湯、茶碗蒸，小菜(燉煮牛舌)作為前菜。前菜味道正正常常，茶碗蒸的配料不算豐富，但都香滑。我地揀左三文魚親子丼同五品刺身定食，兩款定食既魚生都算新鮮，魚生夠厚。三文魚親子丼既三文魚籽都算多，令到丼飯口感豐富，加上採用赤醋飯，食落唔會太膩。五品刺身有三文魚、劍魚、甜蝦、八爪魚同帶子，定食配左白飯，但比較可惜既係我地當日食既白飯略為乾硬，亦無飯香。套餐都包埋一款小食，我地嗌左明太子雞翼同日式炸蠔，兩款味道正常不過雞翼偏咸，如果送酒飲應該較好人均約$100有齊咁多野食，食物質素和份量ok，性價比高。但用餐環境比較逼狹，左右都有其他客人

朋友聚餐梗係唔少得去居酒屋，食住刺身同埋其他日式料理，真係好寫意！所以我哋今日首先就叫咗一份氣仙真蠔，佢嘅相圖超級大隻就好似我手掌咁大，而且上面仲有一啲酸酸地嘅啫喱，同生蠔好夾，個人建議淨係要佢一半嘅啫喱，再配佢嘅生蠔，咁樣佢嘅酸味同埋生蠔嘅鮮味會配搭得啱啱好。食完生蠔之後，我哋叫咗縞蝦刺身，真鯛，香箱蟹，同 螢光魷魚茶碗蒸。佢隻香箱蟹已經拆晒蟹肉，仲有埋蟹膏，好整齊咁擺喺度。所以進食非常之方便，唔驚整污糟自己。而佢嘅茶碗蒸細細份，但係裏面有好多魷魚。個人覺得撈埋香箱蟹嘅蟹膏，一齊食都幾正。我哋另外仲叫咗燒鵝肝都唔錯，佢嘅鵝肝好大份，下面仲配住一個多士，隔離仲有啲沙律去解膩。

Another friend of mine passed his exam and treated us here(so I don't know the price).  Overall the sashimi was fresh and two of the dishes were quite memorable.The mini deep fried crabs were just like fries and the slight sprinkle was salt was already enough to enhance its flavors.Their Donburi "Orchid" was stunning to look at and tasted great. It does not look large but its really packed so don't worry about the amount.It was slightly crowded but I think it proves their popularity.

尖沙咀厚福街勁多店舖，唔怕搵唔到嘢食🙂放工走咗去食我最愛嘅日本菜！揀咗一間居酒屋＂鮨一＂👅鮨一沙律大大個新鮮蕃茄同沙律菜撈上勁多魚生、八爪魚、油甘魚等等。清爽鮮甜開胃。👅上十貫目十件即握壽司🍣分別有厚切帶子，拖羅吞拿魚，海膽以及赤蝦。壽司肉質肥美鮮甜充滿魚嘅油香。。👅味噌煮牛舌牛舌煮得腍落入味，入口溶化連帶蘿蔔清甜多汁，味噌味濃厚，而且唔會感覺有味精的味道👅螢光魷魚茶碗蒸魷魚淡淡的鹹香味配上魚子。整體感覺非常之好

今日要同大家介紹一間尖沙咀人氣居酒屋，叫鮨一。佢嘅壽司同菜式每日都有新鮮飛機貨 🛫 原本喺大埔開嘅鮨一，喺荃灣都有分店，生意唔錯，都幾易爆滿！今次同老公試咗佢哋嘅特上十貫目 ($378)！師傅每日都會 #廚師發辦 揀 10 款時令刺身做壽司，通常有拖羅、牡丹蝦、帶子、海膽、左口魚背、劍魚腩、深海池魚王、油甘魚等等，比起呢度出名嘅海膽杯，特上十貫目好似更抵食！壽司飯用咗赤醋調味，點少少豉油已經足夠，因為咁樣先可以食得真 #刺身 嘅鮮味 😋 除咗壽司，我哋仲試咗氣仙真蠔 ($176 / 兩隻)，每隻肉質算飽滿，配埋檸檬柚子汁啫喱，味道更鮮甜！氣仙真蠔係日本出名嘅蠔種，嚟自秋田縣氣仙沼地區，係日本最大嘅漁港之一，出名生產高品質海鮮，其中包括氣仙真蠔，係好多日本高級餐廳都會必備嘅食材 🦪 今次我哋仲食咗人生第一次嘅白子刺身 ($148)！原來白子係鱈魚嘅精巢，係日本人冬天補身經常食嘅刺身，含豐富營養，有滋陰養顏嘅功效，仲可以美顏 (其實都係食完先知 🫢)！新鮮嘅白子質感有啲 Creamy，加埋微酸嘅柚子醋，味道鮮甜清新！聽講白子最肥美嘅時間通常喺 10 月尾至 3 月，所以供應期有限，如果想試

今日放左工就同朋友去試日本餐廳🍴❣️❣️人氣滿滿的日本料理餐廳「鮨一」位於尖沙咀厚福街藍馬商業大廈佔地三層，開業多年，一直非常受歡迎，最有名氣就係千層海膽杯，層層疊既海膽配上肥美嘅吞拿魚蓉赤醋飯😍我同朋友揀咗其他食物，同樣唔錯！====—====—====—====—✦ 魚生 ✦🐟真鯛（薄切）（$220）薄切的真鯛非常新鮮，口感鮮嫩，帶有淡淡的甜味，配上特配醬汁一流👍🏻⋄✦ 沙律 ✦🥗鮨一沙律（$128）沙律非常清爽，新鮮的生菜搭配上多種新鮮魚生粒，蕃茄鮮甜多汁，口感非常豐富😎 ⋄✦ 手卷 ✦🍣鮮帶子海膽手卷（$98）鮮帶子和海膽非常新鮮，入口即化，滿滿的海膽香氣令人陶醉😌—🐠吞拿魚牛油果手卷（$58）吞拿魚的鮮美和牛油果的滑嫩口感相得益彰😜⋄✦ 炸物 ✦🦀炸澤蟹（$58/四隻）外皮酥脆，內裡香口酥化，非常特別😃⋄✦ 小食✦🍗明太子雞翼（$48/兩隻）道明太子雞翼炸得金黃酥脆，雞翼釀滿明太子，滋味滿滿❤️⋄✦ 串燒 ✦🐄和牛粒串（$58/一串）口感嫩滑，肉質鮮美，入口即化，必點之選💛—🥓煙肉帶子卷串（$52/一串）串燒搭配新穎，味道豐富，口感鮮嫩，非常美味😋—🐖豚肉露筍卷（$42/一串）豬肉