鮨心 (已搬遷) 新店位置

愈想愈多的日本餐廳，當中我總覺得用上「鮨」依一隻字眼的餐廳好像很高級 很有名氣 很正宗的樣子。未入餐廳之前，已經有日文寫的餐單，大概也可以猜到食物的意思呢。然後在入面的餐牌，多了一個中文的翻譯。當中「握」就是有名的omakase 午市吃比上晚市便宜得多了。先來的是沙律和前菜。前菜是茄子。酸酸甜甜的，很清涼開胃。沙拉有別於其他日本餐廳，用上了梅子醬，酸酸的，我就是有點吃不慣了。再來的是蒸蛋和麵豉湯。蒸蛋香甜嫩滑，餸料也很多。麵豉湯甜而不膩，不會太咸。主菜方面，我點了一客海鮮丼定食。其實就是刺身飯。各種刺身都有一片。當中我最愛的是其中的火灸拖羅。本身非常肥美的拖羅，再比火燒了一下，把油香逼了出來，非常香濃惹味。

人越大，就越少再去食放題，因為好多時候食放題選擇多但未必質素樣樣都咁好，反而去唔少樓上嘅壽司鋪會搵到驚喜！釀雞翼，加少少檸檬汁，可以減低油膩感，一樓入去肉汁爆滿，最後連買兩隻雞翼尖都食埋十分之特別嘅一道菜式，係將滿滿嘅加拿大海膽用紫菜包住，再拎去炸。熱辣辣咁樣上枱，一咬落去海膽一啲都唔腥但係紫菜就炸得十分之香脆，好味！仲有，終於係香港搵到一間好食嘅鰻魚飯啊，上枱嘅時候侍應同我地講佢哋嘅鰻魚由日本直送，而且連醬汁都係由自己去調配。難怪食落口，同喺東京食到嘅十分之相似，而且鰻魚肉十分之多，好足料啊！甜品竟然仲有得揀，要咗個水信玄餅，黑糖漿再點少少黃豆粉食十分之好味，完整左一整個晚餐嚕

上刺身拼盤6款（$288）賣相好精緻，三文魚、吞拿魚同油甘魚油脂唔算太濃厚，但質素好好，食落好厚而軟熟，有魚嘅鮮甜味。而佢嘅帆立貝非常大粒，食落超級鮮甜，值得一試！北海道海膽天婦羅 （$288）海膽唔腥，有海水再帶點鮮甜味，配上紫菜一齊去炸，和風味十足！鰻魚丼（$158）食鰻魚飯好多人都鐘意好多汁，味道又濃又甜夠哂開胃，但店主刻意將鰻魚飯落少d汁，落少d調味，希望客人食到鰻魚嘅鮮味，講真個句，依定店嘅鰻魚本身已經有魚嘅甜味，口感比普遍嘅厚實彈牙，值得一讚。香蔥碎金槍魚腩卷 （$88）金槍魚腩磨做成蓉，鮮味十足，配上惹口嘅香蔥！

呢到唔係朋友介紹都唔知旺角樓上舖有間咁正嘅日本菜，今日一個人先試下佢個午市丼套餐午市會有十多款定食選擇，有平有貴豐儉由人<海鮮丼定食> $238首先來個前菜沙律+漬物開個胃口，接上係麵豉湯及蒸蛋，湯夠熱味濃，而蛋都好滑身我叫嘅係海鮮丼，所以種類都幾多，帶子鮮甜，吞拿魚腩有輕微火灸過香味，油份都不錯，三文魚籽跟海膽味道鮮甜無腥味，入面仲有牡丹蝦、拖羅、三文魚、蟹鉗，而飯是用上醋飯，整體都不錯，很滿足

上次食過覺得好好食，呢日同屋企人再嚟食！餐廳人唔太多，靜靜地好舒服。刺身望落好有光澤好新鮮，帶子非常鮮嫩，有口即融既感覺，甜蝦就好鮮甜，唔會有腥味，正！豆腐沙律豆腐原來系炸既，炸漿太厚而且唔夠脆，一般，但沙律菜夠新鮮爽脆。銀杏粒粒飽滿，帶微甘，有少許咸味，系唔錯既小食！玉子燒老左少少，但蛋香十足，而且有淡淡既柚子味，好特別！壽司好的識，一口一件都可以！全部都好新鮮，最鍾意系三文魚籽壽司，一粒粒既三文魚籽系口腔裏爆開，魚油香滿溢，好滿足！鰻魚卷大大件，鰻魚香口惹味，中間包住軟滑既牛油果同爽脆既青瓜絲，一軟一脆，好夾，不過鰻魚既汁咸左少少。最後點少得甜品？水信玄餅好軟好滑，本身冇乜味，連埋黃豆粉同黑蜜一齊食好香甜！呢度食物同環境都唔錯，值得再試！

鮨心講到抵食嘅午市日式套餐，我心目中係有幾間，不過位於旺角嘅鮨心一定係榜上有名，因為平均百幾二百元，已經可以食到不錯日本餐廳級數嘅午餐，而且定食包括嘅食物真係好豐富，有漬物、沙律、味噌湯、茶碗蒸等，淨係食以上嘅前菜都已經半飽😊今次我就叫咗三寶定食，有三文魚籽、海膽、蔥吞拿魚魚腩蓉，海膽色澤金黃飽滿，而且味道鮮甜，一點腥味也沒有，確是不錯，蔥吞拿魚腩蓉份量超多，餐廳非常大方，目測與醋飯的份量是一比一呢！三文魚籽呈橙紅色的，粒粒晶瑩剔透，咬落脆身，味道很鮮很甜美😊友人叫左海鮮丼定食，海鮮丼賣相都好精緻，份量都唔細，有海膽、牡丹蝦、帶子、拖羅、三文魚、吞拿魚、三文魚籽、蟹鉗肉等。咁多款刺身😍實有款你鐘意啦掛😝整體來說，這間餐廳的食物質素不錯，服務態度也很好，而且價錢相當抵食，午市定食實在太豐富了，有時間會再來。

當日在旺角附近染頭髮但好想食日本野壽司魚生, 平常食日本野都係銅鑼灣/中環等地方, 好少會係九龍區食, 因為試過幾間都係好一般。朋友係OPENRICE直接搵到呢間食評唔錯, 其實一開頭真係以為有打手所以先有甘多好評。我都有反對黎呢度試, 但最後都係決定訂位試一試。一入到其實經理都係推介OMAKASE ,有3個價錢, 無記錯的話係6XX/8XX/1XXX 不過我地無揀到。決定散叫!!! 當晚最想食既雞軟骨無晒。 不過叫左既野食, 直接睇相。都係好新鮮好甜美。一定會再返黎的

今日同朋友慶祝佢升職，去左旺角一間日本菜試下！旺角太多連鎖餐廳，有時會忽略左一D隱世小站。馨和紅啤酒$58每人叫左一小枝日本啤酒試下，因為未試過。味道好似Hogaarden rosee,有d少少苦但有少少麥味，好易入口，幾岩女仔飲。鰻魚卷$98大大塊鰻魚擺上飯面，無花無假。因為本身鰻魚卷有燒汁，唔需要再另外點豉油都好夠味。一碟六件，好足料，卷入面有牛油果同青瓜，青瓜有畫龍點睛作用，令人感覺清新，唔會搶哂鰻魚風頭！雞軟骨$68熱辣辣炸起上檯，份量唔算少，夠兩三個人share,加d檸檬汁，好難唔好食，同埋佢唔算夠炸粉。如果可以有沙律醬或者海膽醬點下，味道更好！明太子雞翼-淨係睇賣相已經唔差，入面去哂骨，釀哂明太子入去，雞翼釀到脹卜卜，味道好濃，雞翼煮得岩岩好，唔會太乾。

早前網站介紹鰻魚飯，鮨心係其中一間，見圖介紹已經心思思想去食，於是即係約朋友星期六放工去試下。因為平時行街好少行果邊，估唔到原來係地鐵站隔離唔起眼嘅大廈樓上。鋪頭細細唔多位，裝修似足日本風格，由於差不多1:30pm，唔多人，無需等位。跟促日本餐廳，壓縮濕紙巾放入杯內吸水後使用，在香港，我只在這裡見到。餐廳提供lunch set，價錢都比晚餐散叫平d。Lunch Set包蘿蔔小食、沙律、蒸蛋及麵豉湯，餐前小食一般，但其中蒸蛋好滑，好像用麵豉湯蒸蛋，有少少麵豉湯味咸咸地。其中一個set lunch，金䱽魚飯，魚肉鋪滿飯面，一粒飯都見唔到鰻魚飯，賣相都值滿份，鋪滿鰻魚，像鰻魚小山丘，鰻魚冇骨，鰻魚醬汁岩岩好，唔太咸，好味散叫兩件壽司，三文魚色澤新鮮散叫燒牛舌，牛舌肥厚，爽彈肉身，但可能太厚關係，唔太入味，表面味道還ok。

手慢撲唔到咩68,98蚊機票, 呢到真係可以填補番心靈上的若有錯失, 唔駛等特價機票都食得到日本好味道, 真係太好了! 其實有個祟日的吃貨朋友約我來, 要不我每次經過旺角也不知道佢既存在啦~就真的地點不是難搵, 只是不顯眼, 行過左都不為意而已剛好上來的時間是lunch hour, 原來佢地晚市有omakase, 即係廚師發辦, 有平至600, 到1000+任君選擇午餐餐牌也不失禮, 超過十款可選~花多眼亂, 每個套餐都包埋蓮藕前菜, 沙津, 茶碗蒸同麵鼓湯我喜愛的茶碗蒸, 入面加入了上湯, 蛋蒸得剛剛好, 幼滑不鞋口, 絕對唔係街邊連鎖店出品! 好吃~沙津亦不錯, 新鮮可口唯一係麵鼓湯偏咸左少少, 本身食野食得比較淡口, 朋友反而覺得幾夠味嘩嘩嘩, 鳗魚山!!! 將一條長長鳗魚變成小小一塊, 堆砌而成的鳗魚飯, 鳗魚色澤分明, 而且目測到應該幾肥美~先吃一口鳗魚, 胞美肉嫩, 連同鳗魚上燒汁, 簡直完美~連埋蛋絲一齊食, 更加減低油膩感, 飯用上日本正宗珍珠米, 可以話係相當出色, 係日本閒閒地食個鳗魚飯都要花上2千幾YEN, 仲要唔連餐+唔保證好食, 好食既野貴少少都值得花, 唔好

平時響旺角食日本野都係食啲乜鬼放題阿果啲，又或者響兆萬食埋啲劣質刺身今次終於都食倒啲質素高而且服務又好嘅日本野。而且服務都好好，一入到黎職員俾毛巾我地抹手仲主動拎個籃俾我擺野，放埋落凳底黎到梗係要飲翻個日本手工啤啦，佢有分紅啤白啤，我就揀左白啤，都幾易入口，麥味唔會太重海膽壽司啲海膽超新鮮，而且仲有好多，啲海膽多到咬左一啖爆哂出黎雞軟骨炸到超脆，加埋啲檸檬汁好清新，一啲都唔濟明太子雞翼咬左一啖已經見倒入面塞到爆哂！食落個皮好脆仲有好多雞油溜出黎，加埋明太子辣辣地又爽口好特別。啲軟殼蟹炸到好脆，面頭仲有好多蟹子個口感好豐富，加上佢加左青瓜條，就唔會覺得油利個丼超級多料，每一啖都食倒有魚生除左魚生仲有醃蘿蔔青瓜同埋牛油果，感覺好健康我覺得呢度啲職員好細心，食物都設計到每樣都有啲菜類好健康。會再黎。

踏入2017新一年, 祝大家事事順境, 心想事成!上年年尾實在太忙了, 男友說, 2017年要同我去吃好的, 其實只是他想吃好野之嘛~佢揀咗地點方便既旺角區日本菜做我地新年的第一頓午餐, 因方便其後去睇戲嘛!以為旺角區的日本菜, 出品都是一般般, 出lift後, 看到大堂....咦, 剛才心裡那句說話即時掉落垃圾筒大堂都很企理乾淨由於來到的時候已差不多兩點, 客人不多, 座位可任我們自選都有開揚的窗邊卡座坐低後, 侍應遞上menu, 當中有lunch set由於午市時間去到2.30pm, 所以我們看過set後, 立即決定點set了, 免得阻住人家落場休息!lunch set百多圓起, 我點了海鮮丼定食, 男友則點了安格斯牛扒定食侍應在遞上menu的同時, 也放下日本茶及濕紙巾這個濕紙巾就像平日用的壓縮紙面膜一樣, 遇水會脹大的其實百多圓起的lunch set, 唔好以為好貴, 因為當中包括埋4款前菜, 無錯, 是4款新鮮冰凍的蔬菜沙律, 蓮藕片, 麵豉湯及蒸蛋如果食得哂4樣, 相信已飽了6-7成蒸蛋很熱辣辣, 又滑也多料而麵豉湯都很多料呀, 除左有乾豆腐外, 還有毛豆粒, 很豐富耶男友

要不是友人介紹我來這裡吃飯，我真不知這兒有這麼一間日本料理店。 來吃的是午餐，在多款定食選擇中揀了「刺身丼」。以旺角來說，這盛惠 $238的「刺身丼」定食雖然不算便宜，但原來這「刺身丼」包括了海膽、牡丹蝦、拖羅、帶子、蟹腳棒、吞拿魚、三文魚、魚子、三文魚子等十二款刺身在裡面，而且全部都頗為新鮮。而意想不到的是，這定食除了前菜的蓮藕片、麵豉湯和份量甚豐，也新鮮的沙律外，竟然還有頗為嫩滑的茶碗蒸。 看餐牌，這兒晚市還有廚師發辦 Omakase可吃，除了價錢較為相宜的「握」（$600/位）和較昂貴的「心」（$800/位）外，還有料理長推介的「富」（$1000 +/位），有機會的話，也想一試呢！

在旺角說日本菜，只能聯想到一連串的放題店名，都是走便宜、抵食路線。突然最近開了這間與別不同的高級日式料理，價錢比一般的高級日式料理便宜，但同樣可以享受到OMAKASE、和牛、深海池魚等貴價食材。不過同行友人不吃魚生，我亦無謂獨吃OMAKASE，所以便散點。首先來兩份卷物，一份彩虹卷絕對能滿足我個人想吃刺身的慾望!雖然刺身比例不高，但都吃得到上面的三文魚、油甘魚的鮮味!另一份鰻魚卷上面有長長的鰻魚，醬汁好濃好稠，完全不再需要豉油，鰻魚厚厚的，跟下面的小卷比例剛好。天氣冷最想吃個熱騰騰的火鍋，所以點了個壽喜燒。按日本人平日的食法，先燒熱鍋子，然後放配菜煎一煎，再放湯，等湯滚起便可灼牛肉，牛肉有和牛及安格斯可選，我們選的安格斯都不錯!很嫩滑又不太油!牛肉只要輕輕一灼便可，然後再蘸生雞蛋液吃，便會滑不溜口。

突然想食下D高質少少既日本野,但又怕太貴,所以就揀左呢間人唔多,又唔太貴既旺角樓上日本菜。簡簡單單叫左個鰻魚卷、銀鱈魚同安格斯牛肉壽喜燒,先講講鰻魚卷,個鰻魚味好出,不過唔係好夠滑,一條都有幾多件,如果1個人食晒會好飽haha銀鱈魚西京燒一食就知係靚野，條魚真係好滑，冇雪味，入口即溶，d油脂係口入面爆發！超正！而安格斯牛肉壽喜燒同平日食SHABUSHABU果D唔同,係煎左D料先,跟住先落湯,最後先烚下D牛就食得。入面仲有芋絲、菜、金菇,簡簡單單唔算好豐富,但個湯底好香濃又夠甜,所以都好滿足啦!