鮨樂 (加連威大廈)

營業中

休息中

尖沙咀係Caca嘅地頭，食遍大大少少餐廳，今次就黎到加連威老道嘅壽司專門店「鰭樂」，入到黎有大大個壽司BAR，見住師傅整嘅壽司份外安心呀！入座空間夠晒寬敞嘅卡座，餐點選擇非常多~~👧🏻Caca今次食乜野？🥢三文魚壽司盛合-三文魚腩﹑火炙三文魚﹑三文魚小卷，一次過滿足晒食三文魚嘅願望。🥢特選三色丼-鮮甜吞拿魚﹑海膽﹑三文魚子同丼飯超鮮搭配。🥢吉列蝦反卷-中間吉列炸蝦啖啖香脆。🥢北海道帆立貝壽司-鮮味帆立貝，沾一點醬油已足夠。🥢本鮪(大拖羅)壽司-好肥美拖羅，入口肉滑即溶。

已幫襯過幾次，但是第一次寫食評。鮨樂質素絕對對得起價錢，雖然唔算性價比高，但佢可能係我心目中最好食既日本壽司。相比連鎖壽司餐廳，如元氣，板長，千兩等，好食好多倍。環境地方寬敞，衛生乾淨。今次點左三文魚壽司，北海道帶子壽司，厚燒鰻魚壽司和海膽手卷。海膽手卷要$75/件，略貴，但勝在鮮甜美味。壽司普遍中上級數，其中令我最有驚喜係厚燒鰻魚壽司，大件厚切，入口即融，燒汁恰到好處，口感豐富，值得大家一叫再叫。

終於都試到哩家高質日式刺身壽司店🤩😍木製枱凳加上日風陳設，令人好懷念去日本旅行呀！·🍱特選北海道丼 HKD$208選料優質豐盈😻 包括 海膽、三文魚籽、帆立貝🐚、牡丹蝦🦐、蟹肉🦀 鮮味十足，無論味蕾同視覺都係高級享受💕個人十分欣賞丼飯採用赤醋飯👍 米飯具黏性且醋味來得恰到好處，很喜歡☺海膽好新鮮，亳無苦澀味仲好鮮甜😋·🍣特上壽司盛合定食 8貫 HKD$218有齊3款以黑色魚碟盛上嘅軍艦，賣相勁cute😻分別係🐠碎蔥吞拿魚腩軍艦、🐟北海道三文魚籽軍艦、🐡北海道海膽海膽軍艦。另外仲會有5款手握壽司🍣 包括 🐟三文魚腩、🐠吞拿魚、🐡油甘魚、🐚帆立貝、🦐牡丹蝦掀開刺身下嘅赤醋飯一看，看到赤醋飯只握成小小一團，仲包含微量wasabi，等你唔洗食咁多飯，可以試到多款不同壽司，勁貼心💕·🥚自家制厚玉子 HKD$9厚厚玉子香甜juicy，充滿蛋香🤩 玉子上仲印有店名“鮨樂”~🐟油甘魚壽司 HKD$18油甘魚口感軟綿，切出嘅坑紋更顯師傅手巧心思💖·📍鮨樂尖沙咀加連威老道12號加連威大廈地舖

表妹生日，就同佢去鮨樂-尖沙咀店，價錢優惠，食物美味，座位都幾舒服。海膽三文魚籽卷海膽真係好鮮味份量算多，三文魚籽大大粒又鮮甜，配上飯卷好滋味。黑松露炙燒三文魚腩壽司炙燒過的三文魚腩，充滿魚油香，配上黑松露點綴，香氣十足，味道提升。明太子雞翼雞翼內明太子滿滿的，外面雞肉鮮嫩，入面明太子，鹹香微辣，十分滋味。牛油果蟹肉沙律大大碟，勁多蟹肉，肉質夠鮮，配合新鮮嘅牛油果，好清新，好開胃。另外仲食左炙燒魚背壽司、炙燒三文魚腩壽司、甜蝦刺身及吉列廣島蠔，都值得推介。

12月係一個好忙好多約會的月份最近去左好多飯局....不過我都係鍾情食日本 (思鄉病😂)上星期去左尖沙咀影燈飾...行過見到呢間高質壽司店就入去試下不過7點後開始要等位...好彩兩位唔算等得好耐👫🤭我哋兩個就揀卡位 坐得舒服啲😏另外有吧枱可選擇, 可以睇到師傅幫你即叫、即切、即做Set Menu / Today's Special / Regular Menu 🍣白子小食 (來自北海道的小吃) 有朋友試過話好食, 所以見到有就即刻點😂賣相有啲似迷你版🧠, 其實係鱈魚精子食落口感好Creamy 味道幾特別好新鮮, 值得推介大家一試🤤🍣海膽三文魚籽卷份量滿瀉咁滯 好足料👍🏻海膽鮮甜唔腥，可惜紫菜有啲淋身🍣 特上壽司盛合 (8件) 賣相非常吸引, 每件都好出色🍣特盛蟹肉蟹膏軍艦 餡料多到滿瀉🤤🤤🤤蟹膏雖然唔算好濃郁，但連埋蟹肉一齊食嘅鮮味都好正🦀🦀 會想繼續食🤣🍣特盛花之戀 又一舊海膽🤩 不過三文魚就無咁鮮味🌟服務 🤓每位店員都好有禮貌落單後有溫馨提示每件壽司入邊會加少少Wasabi (份量可以接受)用餐途中會留意更換餐碟添茶 👍🏻👍🏻👍🏻整體：🌟🌟🌟🌟味道：🌟🌟🌟🌟服務：🌟🌟🌟🌟🌟環境：🌟

今日中午經過尖沙咀，突然之間心血來潮好想食日本嘢，過呢一間日本菜，我覺得唔錯，所以今日晏晝決定返嚟食個簡單嘅午飯。今次一個人食就好簡單咁嗌左一set壽司。侍應一上菜嘅時候我就已經好開心，因為見到啲刺身都係好新鮮🤓💓身為海膽嘅fans一定要嗌海膽壽司👍🏼喺尖沙咀食有中等質素嘅日本菜，我都會推介呢一間

今日嚟食壽司🍣😍我哋嚟到「鮨樂」！超多嘢我都想食，店員介紹咗象拔蚌刺身& 獅魚壽師！嘩～😱😱象拔蚌真心好新鮮，好爽口，切到剛剛好厚道！勁鍾意，下次要再encore ! 而獅魚係我第一次食，真係好好味！鰤魚肉質甜美，脂膏豐腴，入口即能融化在舌尖之上，係日料理嘅頂級食材🤤🤤💡長智識💡鰤魚嘅生長周期係好漫長，由幾厘米嘅幼魚逐漸成為80cm嘅准鰤魚，大概需要三年時間，係佢成長過程中，每個階段都有不同嘅名架！（據了解，鰤魚係日本大概有100多個不同名字😦），呢種現象係日本被稱為 " 出世魚 "，有 " 出人頭地 " 嘅意思。👍🏻👍🏻👍🏻松·壽司盛盒有8款唔同口味嘅壽司🍣 唔駛爭，總有一款你係鍾意食架！當然都係好鮮甜，最緊要係啲壽司飯細細舊，唔係為左要噏飽你，真係要比你食到魚生嘅鮮甜！枝豆減緊肥嘅我哋啱晒，而且都係我哋鍾意食嘅！南瓜番薯天婦羅🍠🎃粉漿夠薄夠脆，蔬菜夠新鮮！好有咬口，會唔小心追住食🤪軟殼蟹沙律🥗佢用咗芝麻醬撈，有芝麻香！軟殼蟹脆脆的配埋新鮮沙律菜，唔會唔好食囉！下次我要再同屋企人嚟食過！多謝朋友仔介紹我嚟「鮨樂」食，冇介紹錯！

上星期約左老友食飯傾計，搵左間幾舒適嘅日本餐廳，我地揀左卡位黎坐，又靜靜地又寬敞，慢慢享受日本菜😍。特選北海道丼有海膽，三文魚籽，帆立貝，牡丹蝦，蟹肉，一見到感覺好高質好新鮮，滿滿蟹肉鮮甜，海膽顏色靚「鮮」丼飯有調味。天婦羅盛用左木籃黎呈上，有炸蝦，南瓜，蝦頭、冬菇、茄子同蕃薯，連蝦頭都炸得好鬆脆可口，而炸蝦天婦羅外層夠薄蝦肉厚身又彈牙。茄子、蕃薯、南瓜同冬菇炸得外脆內濕潤。軟殼蟹沙律軟殼蟹夠酥脆，沙律夠新鮮，有青瓜、番茄仔、粟米同沙律菜，拌左胡麻醬，開胃醒神。原條海鰻壽司盛

放工與朋友喺金馬倫道行街shopping 🛍後，見到這間日式🇯🇵料理餐廳，木系裝修，感覺好舒服，入去試吓先。小食先到：🌱枝豆$25: 經鹽水略煮後，豆莢翠綠，豆粒飽滿，一邊食，一邊傾偈，幾好。🐟鮟鱇魚肝(小食)$58: 細嫩柔軟，喜歡那在口中慢慢溶化的口感。🦀蟹肉海鮮蒸蛋$35 x 2: 一打開蓋，賣相好靚，三文魚子粒粒金黃飽滿，配以鮮甜嘅蟹肉，嫩滑嘅雞蛋，好味。🍣竹壽司盛合（10件）$228: 裏面有拖羅、吞拿魚、油甘魚、赤蝦等等，刺身很新鮮，甜度亦足；赤蝦十分鮮甜爽口。🐠鹽燒油甘魚絞$98: 燒得好香口，魚絞位其實有好多肉，食前沾上日式酸汁、蘿蔔蓉、香蔥，可提鮮。🐮牛肉稻庭手打烏冬$78: 幼身嘅稻庭烏冬，好滑，配以鮮嫩嘅牛肉，食完暖心又暖胃。

鮮美有質素 值得encore嘅壽司店～～～好不容易辛苦工作 挨到了星期五 當然要好好慰勞自己一番 一收工就過咗嚟尖沙咀呢邊同好朋友一齊食壽司～～～呢間壽司店之前未試過 朋友極力推介 就決定試下 餐牌選擇都幾多 仲有晚市omekase揀 最後我們就選擇了兩款壽司盛盒 兩款軍艦 和一個手卷🍣～～～-松。壽司盛盒-原條海鰻壽司盛盒～～～兩款式盛盒嘅魚生質素都很不錯 尤其喜愛甜蝦 三文魚 熟蝦 海鰻 甜蛋等等 甜蝦🦐肥厚大隻 三文魚幼嫩無筋 熟蝦 鮮味唔冰鮮感 海鰻香甜 而 甜蛋就夠濕潤 壽司飯入邊亦都加入左赤醋 感覺特別開胃 而虎蝦天婦羅手卷味道亦不錯 整體來講佢哋蝦嘅質素都好高 無論係刺身 熟食 定係天婦羅 三者都感覺不錯～～～特盛蟹肉蟹膏軍艦特盛香蔥吞拿魚腩軍艦～～～兩款軍艦裏面 個人更加偏愛香蔥吞拿魚腩 雖說蟹肉蟹膏亦不錯 但吞拿魚腩魚鮨味非常濃郁 入口有種魚油滿滿嘅感覺 令人想一再encore🐟～～～鮨樂 (尖沙咀)尖沙咀加連威老道12號加連威大廈地舖

上星期六大半時間都係做野...心情搞唔掂，好彩同朋友出黎食餐好，平衡返～一入到去個感覺唔錯，職員都好nice 帶我地入去同介紹menu。 個日兩丁友揀左個灸燒海膽丼，梅壽司盛合同吉列廣島蠔，仲叫多兩杯梅酒，非常豐富！單睇個樣都幾正咁，d 魚好新鮮同好多款揀，而舊壽司係用赤醋做調味的， 所以見d 飯唔係純白色，係有d 啡啡地，會酸少少，加埋上面魚生，好食又好特別，唯獨壽司裡多左少少wasabi，唔食wasabi 就要注意下啦～另外，當日是日推介有白子小食(聞說日本人好中意食），好似少有餐廳有，但個日無叫，無試到。而梅酒暫時得一款，但當食住壽司加左wasabi 辣辣地，再嗒返啖梅酒，都真係幾正既

鮨樂主打高質壽司，星期六日也提供多款午市壽司套餐，呈現豐盛的和風滋味。餐廳充滿日本風情，簡約的木傢俱陳設，低調優雅，食客坐在寬闊的卡位，用餐環境舒適。蒲燒鰻魚丼 $158 鰻魚丼非常誘惑，表面燒到焦香，充滿炭燒香氣。咬下去質感軟嫰，配上濃郁的燒汁，滿咀魚油香氣，蜜甜吸引。配上漬物，微酸減膩，每粒米飯都有醬汁的甜香，滿意窩心稻庭烏冬壽司定食 $128 壽司拼盤有: 吞拿魚、油甘魚、三文魚、大蝦、墨魚、玉子等，三文魚新鮮肥美，油香可口。油甘魚晶瑩剔透，肉質挺身、爽口，特質是肉質帶酸，細緻黏牙。吞拿魚入口鮮甜、柔滑，散發魚油滋味，大蝦肉質彈牙，十分滿足。稻庭烏冬質感扁長，把蔥粒及烏冬浸入甜醬湯，大啖啜入口，口感煙韌且順滑。金目鯛西京燒 $88西京燒是以西京白麵豉醬調味，金目鯛顏色鮮艷，配上西京燒法，賣相特別吸引。魚皮煎至微微焦脆，咬下咔嚓聲響，魚肉細滑，輕輕一叉便散開，沾上蛋黃醬，更能提鮮，令人回味。天婦羅盛盒 $78盛盒以木籃盛上，天婦羅佔滿碟面，有炸蝦、南瓜、茄子、蕃薯、蝦頭和冬菇，令人食指大動。炸蝦天婦羅新鮮炸起，入口熱燙燙，外脆內彈牙。蝦頭口感酥脆無比，過足口癮……茄子、蕃薯炸至濕潤

做完facial後，老公接我係尖沙咀鮨樂食日本野，無計啦，仲未出得去旅行，思鄉呀嘛。原條海鰻壽司盛盒成條海鰻長長的，肉質軟軟綿綿，加上醬汁搭配，很鮮味，身多又細飯，食魚都好抵。仲配搭其他壽司，有海老，炙燒三文魚，帆立貝等，很鮮味，而且仲有玉子，玉子蛋味香濃，仲印有餐廳名字，很特別。特選刺身丼飯上面都係滿滿的魚生刺身，有真鯛、三文魚、甜蝦、帆立貝，厚切帆立貝除了大粒，上面仲有黑松露醬，顯得好矜貴，食落仲要勁甜，加上嫩滑的三文魚，非常肥美。飯用了赤醋，非常開胃，更能帶出魚的鮮味。牛肉稻庭手打烏冬牛肉都大塊，岩岩熟，食落很嫩滑，加上手打烏冬都好有米香，天氣涼食返熱湯烏冬，很暖胃。岩蠔尖沙咀店限定，見到甘長身又肥美，老公覺得很滋味，擠出少許的檸檬汁，更能提升蠔味

日本控的朋友食完介紹，呢間位於尖沙咀#鮨樂， 說食物新鮮，叫我一定要去品嘗下。餐廳燈火光明，環境佈置有日本feel, 門口位置已有幾位師傅駐場，令人仿如置身日本空間內。🍱極上金目鯛丼，金目魚厚切色澤油潤，同白身魚一樣魚味重，三文魚肉質柔軟鮮甜，我哋將三文魚籽跟已調好味的飯撈勻，用匙羹食就食到啖啖爆汁嘅鮮味，真係食到停唔到口🤭。🍣北海道帆立貝壽司x1, 油甘魚魚腩壽司x2， 油甘魚壽司x2 , 本鮪（大拖羅）壽司x1。刺身都是新鮮厚切，無論是油甘魚腩或油甘魚都非常之肥美，帆立貝鮮甜爽口，大拖羅魚油脂味濃🤩。🌯虎蝦天婦羅手卷，蝦脆口爽彈，加上芥辣更帶出甜味，店員上菜時更溫馨提示，紫菜要盡快食才會脆口啊😋。星期日的晚上，食了一餐高質日本菜，心情愉快🥳。

冬天除了吃雪糕特別正之外，食刺身都有另一番風味㗎！有無人同我一樣覺得肉質係特別甜？😆於是乎我今日就去咗 #鮨樂 ，呢度五點半前都有午市套餐，用料上乘➕份量足➕抵食🎶所以成日都來開餐㗎！今日叫咗特選刺身丼 👉🏻有齊真鯛、三文魚、甜蝦、帆立貝，厚切帆立貝仲要勁大粒，真係勁吸引㗎！食落仲要勁甜，加埋滑一滑的三文魚🍣好肥美好味呀！特選北海道丼👉🏻海胆、三文魚籽、帆立貝、牡丹蝦、蟹肉，二百蚊就食到啦，全部高質高級食材，真係勁抵，仲要包埋誠意麵豉湯同精緻沙律😍丼飯本身有調味，直接加少少wasabe就可以食😋我鍾意全部攪拌一齊食，一啖有齊蟹肉嘅鮮甜、同三文魚籽嘅咸香仲有海胆嘅甘甜，一啖食晒落肚好幸福呀🥳呢度烏冬都好食，稻庭烏冬壽司定食值得一試，鍾意佢個烏冬係幼烏冬，吃起來的質感有點像蕎麥麵很爽口！然後還配備五件壽司🍣性價比超高！