鮨樂 (如心廣場二期)

營業中

休息中

早幾日放假，特登去荃灣行吓街，咁多好野食，中午一於去如心既Sushi Raku 鮨樂食飯飯🐷患有選擇困難症既我決定先叫個十貫壽司，可以一次試曬十款🤘🏻😎跟住再叫多個吞拿魚三色丼，啱晒鍾意食吞拿魚嘅我😝十貫壽司方面，無論係魚類抑或帆立貝、玉子燒等都好新鮮！而且每粒嘅刺身都好厚，飯又唔多，啱晒我呢啲唔太鍾意食飯但係又想食下壽司嘅人😝啖啖都係刺身，口感好正啊！而吞拿魚三色丼更加係滿足鍾意食吞拿魚嘅朋友，佢啲吞拿魚舊舊都好厚，配埋一大碗醋飯，一口接一口咁停唔到😋不得不提，呢兩個都係午市嘅定食套餐，唔單止比原價抵食，仲有跟埋沙律同麵豉湯！呢個價錢食到呢個質素嘅壽司，好滿足😋😋

$298/12件壽司的lunch set，全部都好好，特別推薦： - 海膽一食就知日本貨 - 赤身好軟身好濃味 - 隻蝦都好爽口好重蝦味$218/10件，性價比無$298咁高，同埋有少少失望嘅係隻鮮北寄貝唔太爽口同無乜味，不過整體都唔錯😋另外仲加左個promotion option，$65有赤身+中拖+大拖，都係赤身最驚喜，中拖有少少油得黎亦都有魚味，反而大拖最普通。環境都幾舒服同乾淨，服務不過不失，服務員都會主動收拾同加茶👍🏻

加拿大海膽同北海道海膽都係臭嘅，阿摩尼亞味極重，明礬太多，兩舊屎同一舊屎嘅分別，飯又乾又硬又冇味，黑醋飯都可以做到咁唔知有咩好講，舊舊番都成個藝術品咁，舊舊形狀都唔同，有d 可以係一隻手指尾咁細粒，有d 係沙漏形，有d 係打火機咁嘅薄度，有d 係駱駝峰形狀，唯一共通點係舊舊都咁難食。再講魚生，有d 都正正常常，大部分都唔新鮮，吞拿魚可以酸嘅，帆立貝又係酸嘅，燒帆立貝都係酸，軟殼蟹手卷有6分之一隻軟殼蟹比你，冇咩事請我都唔會黎，可以差過爭鮮嘅壽司店真係第一次見，勁！

鮨樂分店越來越多，荃灣如心廣場匿間第一次食，今日返工受氣，決定食好Ｄ安慰一下受傷的心靈。荃灣分店裝修好靚，有一邊牆掛滿好多水產店鋪的招牌，好有特色。今日人多懶得排隊決定打包返屋企慢慢食。特選海之幸丼（HKD 248）海膽：勁甜，超級好味，味道鮮美。三文魚籽：好新鮮大大粒，一咬粒粒爆漿一Ｄ腥味都無。帆立貝：好大隻，又滑又厚，口感味道極佳。赤蝦：爽滑，好鮮甜，好好味。蟹肉：都好甜，但系感覺一般，有ＤＤ腥。店內食系用木盒，外賣盒系仿木盒，相當精美。

之前朋友介紹呢間 話啲壽司刺身好新鮮所以呢日終於可以試吓🍱𝑆𝑒𝑎𝑓𝑜𝑜𝑑 𝐷𝑜𝑛𝑏𝑢𝑟𝑖 特選海の幸丼 $248🍱𝑇𝑒𝑟𝑖𝑦𝑎𝑘𝑖 𝐸𝑒𝑙 𝐷𝑜𝑛 蒲燒鰻魚丼 $188🍣𝑀𝑒𝑑𝑖𝑢𝑚-𝐹𝑎𝑡𝑡𝑦 𝑇𝑢𝑛𝑎 𝑆𝑢𝑠ℎ𝑖 本鮪(中拖羅）壽司 $45🍣𝑌𝑒𝑙𝑙𝑜𝑤 𝑇𝑎𝑖𝑙 𝑆𝑢𝑠ℎ𝑖 油甘魚壽司 $21🍣𝐹𝑎𝑡𝑡𝑦 𝑌𝑒𝑙𝑙𝑜𝑤 𝑇𝑎𝑖𝑙 𝑆𝑢𝑠ℎ𝑖 油甘魚腩壽司 $28🍱🍣𝑆𝑎𝑙𝑚𝑜𝑛 𝑆𝑢𝑠ℎ𝑖 𝑆𝑒𝑡 三文魚壽司盛合 $95➡️名副其實壽司非常新鮮 刀工唔錯 令壽司睇落即刻高級左➡️有啲令我估唔到係鰻魚丼都燒得好香好入味➡️不過呢度嘅壽司飯比其他餐廳頗酸 但對我嚟講係接受到嘅 如果唔太好醋味嘅朋友未必會鍾意呢間 ➡️海鮮丼嘅海膽都算大舊 蟹肉份量都算多 一啖食到幾份海鮮嘅味道 感覺好幸福好滿足😊

如心廣場呢間日本壽司店，開咗一段時間都未有機會是，天時暑熱唔知食咩好，最想食壽司。一食件壽司😳啲醋飯好酸，第一次食到咁酸既飯🙈啲刺身係好新鮮既，不過可能師傅今日重手左🥴🙈唔係食咗好多嘢，個鰻魚壽司等咗勁耐🥲價錢貴咗少少，整體有啲失望🙍🏻🔸吉列蝦反卷🔸蟹肉海鮮蒸蛋🔸炙燒厚鰻魚🔸自家製玉子、三文魚腩、炙燒三文魚、珍寶赤蝦📍#鮨樂 (#荃灣美食)荃灣大河道98號如心廣場二期1樓102號舖

朋友神神秘祕🤔話搵咗間食壽司🍣好似幾高質帶我去試，食完之後又真係真心覺得正喎🤩 呢個「鮨樂」有六間，今次試嘅係荃灣分店，消費$200就有兩個鐘免泊車🅿️ 夠晒方便👍🏻🌊北海道海膽好鮮甜，入口好creamy🐟大拖羅勁厚切，一啖唔會食得晒嗰種厚，但界花界得好靚，每啖咬開都係入口即溶好肥🤤🐠油甘魚腩油甘嘅魚鮨味好重，好嫩滑🔱深海池魚王勁肥美，一咬落去嘅肉質係夾夾地但係完全唔會有筋，好新鮮好鮮味😳其他壽司就亦同樣鮮甜，每舊都係係超厚切嘅魚生😍，舍利係有用傳統江戶前嘅赤醋米飯，所以飯身係啡色，全手握，不過只係握得鬆散咗少少🤏🏻但醋酸味道調得剛好帶到魚嘅甘甜👍🏻🦪時令岩蠔岩蠔係朝早✈️日本直送，味道比一般日本蠔肉厚肥美，海水味濃🫠🦀甲羅燒蟹膏入面有埋蟹肉碎撈埋一齊，用咗白飯魚煎出嚟做成嘅餅底，夾埋濃味嘅蟹膏味好夾同有魚鮮味，不過就略咸咗少少，撈飯食更出色但份量偏少🦐櫻花炸蝦卷同🫑野菜天婦羅正常發揮，同埋呢到嘅熟食類別相對會比較少選擇，但對於鍾意食魚生刺身嘅朋友可以一試😉

呢間貴少少，但係真係件件都好新鮮！搵返少少去黑門市場嘅感覺👆🏻梅壽司盛合😻海膽非常靚仔，少少都冇溶，而且非常鮮甜！幾款白魚都好清甜，帶子仲好厚肉地，size 係L級數，壽司飯已經有充足嘅豉油，岩岩好，避免喧賓奪主👆🏻海之幸丼😼又係我最鍾意食嘅鯛魚，每塊三文魚子新鮮赤蝦同三文魚，無論畫面同口感都好豐富，最緊要係啲魚非常新鮮，魚生飯都係配左適量嘅豉油👆🏻瀨戶內海活北寄貝& 追加鯛魚😻真係好掛住喺瀨戶內海嘅活北寄貝，咬落去索索聲，好彈牙，浸海水味仲好鮮甜...⚠️非進食時記得帶口罩⚠️除左口罩再消毒雙手💸.消費. $872🈵.回頭率. 8.7/ 10

講好嘅先店員服務態度好好成日都會過嚟問需唔需要加茶講解同覆order 都好細心環境方面都算乾淨但每枱之間距離都唔係話好大空間有少少擠逼但入到舖頭已經好大陣魚腥臭味已經心感不妙叫咗幾件壽司 同鰻魚飯帶子同虎蝦壽司都尚可接受食落都叫新鮮但魚類就有少少腥至於海膽簡直係災難 又腥又臭 八十幾蚊一件竟然同連鎖迴轉壽司嘅都不如炸蝦卷啲飯又勁鹹鰻魚飯又係醬太多 仲要d刺去唔乾淨 成排仲係度埋單成千蚊 俾多少少去食omakase lunch仲好☹️☹️☹️☹️

今天去到荃灣 就朋友入左呢間鮨樂食我地叫左以下3樣野：樂刺身盛合 (吞拿魚，三文魚,梅真鯛，帆立貝,甜蝦) : 好肥美, 好鮮甜, 仲要好厚身🤤蒲燒鰻魚丼: 唔乾身呀 燒得好好食呀🥰 「極力推介」單點壽司: 好鮮美🤤🤤

越開越多分店，嚟緊荃灣會有第二間分店，呢日試吓午市套餐，跟沙律同味增湯!! 刺身整體唔錯，壽司飯已預先調味，壽司set嘅飯偏細，可能食完會覺得唔夠飽，海鰻有少少失望，唔算厚身唔夠肥美冇想像中咁好味!! 🔘特選刺身丼 $148🔘原條海鰻壽司盛盒 $158

228元的單點刺身丼，份量少得離譜，真心傻了眼 。我知道依家高通脹，都唔係咁嘅樣吧？不單只刺身份量同價錢不成正比，而且完全不好食，壽司飯太少又酸，蟹肉還有碎殼，似食到碎石。未進食已向店員反映，份量少得可憐的問題，女店員尚算有禮，問我是否可以「攞去比師傅睇睇」。結果拿走數分鐘後，當無事發生擺返低盒丼飯（完全無變的），無任何解釋。自問完全無意搞事或R著數，我都唔想為難嗰位女店員，但這樣的打開門做生意真可悲，連一句致歉或解釋都沒有。加埋一，成250蚊的丼飯，我一個女生也完全食唔飽。這樣的質素也敢奉客，是否有良心？

今日出咗荃灣行街，想食壽司做午餐，就行去西鐵站附近的如心廣場。星期六下午兩點幾都要等位，睇嚟無伏。本身想食壽司，但睇睇下個menu係決定叫個吞拿魚拖羅丼定食，包沙律同麵豉湯。吞拿魚拖羅丼有三款吞拿魚，包括吞拿魚蓉、赤身和中拖羅。全部都好新鮮，食得出唔係cheap野，壽司師傅都有將赤身和中拖羅𠝹一𠝹，但都食得出有少少筋，呢個價錢係可以接受。而個麵豉湯充滿海苔，十分足料，好好味。可以散叫，就算唔跟餐，我都會想追加。

外賣西餐食得太多，係時候轉下口味，今次揀壽司！因為岩岩行完山，無咩胃口，剩係想食少少野，又想滿足自己對其他食物款式既追求！叫左一客特選刺身丼定食，另外散叫左壽司：加拿大海膽軍艦、自家製厚玉子壽司、炙燒北海道帆立貝壽司、炙燒佐賀和牛壽司、虎蝦天婦羅手卷！外賣包裝精緻美觀！味道係幾鮮美，海膽唔腥，有機會會再encore

今日行街經過荃灣 同幾個朋友嚟咗呢間餐廳食日本嘢🥰 店鋪裝修好光猛 令人心情很愉快冷稻庭烏冬壽司定食稻庭烏冬可以揀冷 熱 我見夏日炎炎梗係食冷嘅開心啲啦😊 呢個份量都幾夠 仲配埋八件壽司 menu有寫壽司款式有機會因時令而更改 但8件我都覺得味道幾新鮮櫻花丼定食個名好靚 就咁睇真係唔知佢係咩嚟 其實佢係角切刺身粒同三文魚籽丼 每粒魚生都好大粒🐟 賣相色彩繽紛特選刺身丼定食入面有帆立貝 真鯛 三文魚 甜蝦 每款刺身都好大件 尤其係帆立貝 四件都好大件又好甜美🐚三文魚壽司盛盒賣相都好豐富 有兩件炙燒三文魚腩 一件三文魚腩 一件三文魚壽司 同埋六件三文魚卷🐠 女仔嚟講會覺得份量啱啱好原條海鰻壽司盛盒呢碟有少少似冷稻庭烏冬壽司定食果盤壽司 但係有左口魚群邊 同埋最大特色原條海鰻🥰 左口魚群邊有入口即溶嘅感覺 壽司我地嗌咗本鮪(中拖羅)壽司同埋真鯛壽司🍣 中拖羅口感軟 食落口都幾有油香 真鯛肉質較實 兩款壽司亦係幾好嘅推介整體嚟講 呢間日本嘢嘅質素都唔錯 價錢來講我都覺得算合適😋 店員嘅服務態度亦都Okay㗎