鮨芸館 (已結業)

晏晝同朋友行完D2 PLACE嘅周末市集，行到肚餓就直接係商場入面開埋餐。果然一個商場就滿足到吃喝玩樂，不枉D2成為近年荔枝角及長沙灣一帶嘅新地標。鮨芸館近排做緊個叫大分祭2017嘅活動，可以品嚐到當地特產鰤魚及各樣新鮮食材。啱晒我呢啲鐘意嚐鮮嘅為食鬼。大分日田梨沙律。用上大分縣有名嘅日田梨入饌，食落偏甜軟鬆脆而且果汁飽滿，雖然比韓國嘅水梨少左一重清脆口感，但果香同水份更勝一籌。配上車厘茄同火箭菜一齊食，酸甜中帶甘香非常開胃。柑橘鰤魚刺身。肉質明亮淡淡嘅粉紅色非常吸引，食時擠一點旁邊嘅柑橘汁代替山葵更能帶出魚肉本身嘅鮮味。加上肉質夠緊緻結實，食落軟嫩中又夠咬口。鰤魚壽司。以柚子胡椒作配，微辣香氣吊出魚嘅鮮甜味，開胃之餘亦無山葵咁嗆鼻。佐伯市海鮮丼。材料好豐富除左有鰤魚，亦有元貝／池魚／竹籤魚及玉子燒等。完全係將整個大分祭嘅重點共冶一爐。特別是佢醋飯當中亦加入柑橘調味，令酸味變得無咁單調，配上甜醬汁攪拌入口魚香及飯香混和，十分滋味。豐後牛他他燒。薄薄一片嘅牛肉只有兩成熟，但已包含好濃郁嘅牛肉味。食落好嫩滑，脂肪入口即溶。雖然芥末醬偏香辣但都無損牛肉本身嘅味道，反而起到辟腥嘅作用去除左多餘

跟友人及同學在荔枝角上完手作飾物班之後過左黎D2 PLACE呢邊行左陣，順便睇下本地手作店嘅產品偷下師。行到上三樓見鮨芸館推廣緊＂九州大分祭2017＂為期去到１２月中。大家見好似幾特別就揀左黎緊肚。環境幾舒服，店家仲擺左啲畫筆同填色圖俾顧客，讓大家等上菜時可以解下悶。睇返其他人嘅作品的確幾靚，感覺好似返到小學時期，優秀作品可以得到貼堂機會咁，令人懷念。由店員口中得知，原來2019年嘅欖球世界盃由日本取得主辦權，而大分縣更加係其中一個賽事球場，所以主題都圍繞欖球作主。柑橘鰤魚拼竹籤魚刺身。店員話係漁夫係養魚時把大分柑橘皮同果渣混入飼料再拿去餵飼鰤魚，一黎抑制魚的腥味二黎提升魚肉光澤。效果同用啤酒養牛一樣。的確，魚肉入口清爽無乜魚腥味，仔細咀嚼還真的食到微微嘅柑橘香。竹籤魚本身油脂豐富，採用炙燒方法逼出油脂，令入口先感受到燒焦嘅油香之後食到魚肉嘅甘甜。加上魚皮燒過後收緊左，食落更覺彈牙。佐伯池魚原條送上，視覺效果一流。魚肉晶瑩亦保留少許魚皮嘅銀白色澤，入口清淡但肉質細緻。適合沾上柚子酸汁提起魚嘅鮮味。豐後牛他他燒。將不亞於神戶牛嘅豐後牛火炙薄切，肉質入口即融，牛肉味香濃。軟嫩嘅牛肉配上芥末

近排去完九州旅行，有幸試到出名既豐後牛，返到香港就忘記唔到佢陣牛香味，於是就上網搵下香港邊到有得食，我一定要搵到！因為真係太好食！終於搵到鮨芸館近排有做大分縣既期間限定menu，見有我心掛掛既豐後牛，就決定左星期五晚帶埋朋友去試下，見佢menu仲有其他正野，例如日田梨沙律同埋有個好特別既菜式就係燒吞拿魚眼，個口感都幾特別，仲有試左個柑橘鰤魚刺身，都幾鮮甜！呢餐食到我最想搵返既味道，好開心呀！

秋意漸濃,最好就係出外覓食~今次就去左依間鮨藝館,可能因為係平日啦,吾洗點等位就可以入得~見到佢依家做緊大分祭,當然即刻點黎試下要試下佢既柚子胡椒鰤魚夀司,佢既魚生厚薄啱啱好,肉質比較淋, 但魚生上面既紋理分明,入口鮮甜,上面既柚子胡椒辟左d腥味,仲有一個清新既感覺不得不提佢今次大分祭既刺身, 我總共叫左三款,佐伯魚,鰤魚同竹籤魚,鰤魚吾同既地方係有果香味加上入口油分充足,而佐伯魚就主要係薄切,肉質透明,燈光下透光,食落肉質比較爽甜,仲有竹籤魚,外皮燒過變得香脆,而另一面有燒完既香味之外仲有魚生既油脂當然仲有佢主打既豊後牛, 一望菜單先知原來係A3既和牛, 佢外皮煎得啱啱好,鎖住肉汁,內層肉質細嫩,又吾會有羶味整體都好滿意,如果上菜可以快返少少就更好

同朋去左荔枝角聚舊 呢邊比我想像中寧靜 原來以為會好難搵到好野食 諗住一係出返旺角嗰啲旺區食野 但朋友話D2 Place 個到有唔少好正既餐廳 食物質素好唔錯 所以就打算一齊去試下~我地去左Sushi Geikan 鮨芸館 睇佢既名就知佢係一間日本餐廳 由於秋季既關係 佢地搞緊一個名為「九州大分祭 2017」既活動 推出既特備菜式只係供應到12月14 日  我地當然唔執輸 要係完結前體驗地道日本菜!餐廳既設計好特別 以橙黃色作為主調 地方好寬敞好舒適 店員好友善地帶左我地去餐廳既最入既位置～ 我地一坐低 就已經見到充滿日本特色既餐具同擺設 仲有顏色筆同埋畫紙 可以俾食客係等上菜既時候解悶 我都忍唔住手畫左一張🤣餐廳設計既餐牌精美簡潔 兩頁「九州大分縣」特色餐牌 另外有一張係飲品 仲有一本精緻既餐牌 色彩繽紛既食物圖片 令人睇見都流曬口水~  每一道菜都非常吸引 至於飲品方面 佢地有茶同埋特色飲料 任君選擇😍 事不宜遲 我地立即開始點餐～大分日田梨沙律 $88飯前開胃既小菜必定係沙律！大分日田梨沙律採用左日本水菜 加上日田梨同埋車厘茄 清甜爽口既水菜🥗 配上香甜多汁既日田梨🍐同紅彤彤既車

因為要路過附近，但唔太熟路，所以搵下呢頭有咩好野食個dinner估唔到搵到呢間日式居酒屋，仲要有流水麵幾日前打左去訂枱，順便request埋bb櫈因為我地食5點，所以唔多人，好彩無中場休息，唔係就要再搵其他餐廳去到門口，侍應知我地訂左枱，因為5點仲要request bb櫈，應該都易認坐低望，餐廳唔大，有一邊係塌塌米咁坐餐廳環境擺設好舒服，筷子碗同杯好日本風令人好懷念日本旅行嘅感覺有顏色筆放係枱俾人客畫公仔寫下字，應該都會俾被掛到牆上望下menu，問職員先知原來暫時無流水麵，因為部機壞左，要訂返來，有啲失望唯有點其他野食明太子茶漬飯（$56）係mini版，輕食還可以熱稻庭烏冬加錢配野菜（$76+$12）諗住叫俾仔仔食，想再加埋錢叫多份牛，但職員唔俾，話隻碗好細，只可以加1樣隻碗唔係好細啫，就算細，另上都卦，我諗住無乜啱bb食。。。睇下俾錢加菜同肉，但只可加一樣散叫鍾意食嘅壽司（抵過叫10件個set，10件嘅魚生，唔知乜東東）三文魚壽司（$24）+油甘魚壽司（$32）+柚子胡椒帶子壽司（$48）3樣都好好食物，但最最最突出係帶子，一食落口，柚子味好清新，個味好出，加埋胡椒真係有叮一聲感覺，

之前一直聽朋友介紹有間日本料理超好食, 今日終於食到「鮨芸館」啦!!!見到出左個豊後牛料理,我依個「牛魔王」見到有和牛第一時間就點黎食!!!入口真係超級香,超級值得推介!!!同埋個佐伯池魚刺身,食落真係好鮮甜!令我超級驚喜. 店員仲教我地用蔥花同薑去辟走魚腥味.仲有呃LIKE首選既「彩虹流水素麵」, 雙色既麵在流水機中不斷來回,令我既童心番晒黎!!仲同朋友不斷比賽夾麵^^依個設計真心加分!

不時不食呢句說話背後總是有道理的，印象中我曾經也品嚐過秋刀魚刺身，但當時覺得麻麻，好腥一點好感也沒有，也令我看見了秋刀魚這個名字就立即卻步了。這晚有幸得到好友極力推薦，推薦我一定要試這個秋刀魚期間限定，那就再次比機會給秋刀魚吧！友人把我帶到了D2的商場內，原來就是我六日喜愛流連小手作的地方， 很快上到三樓，在盡頭就到達了餐廳。沿途也能看見秋刀魚的宣傳海報，也能十分吸引食客，更相信友人帶我來到這秋之夜更有信心。來到餐廳門外，餐廳給人感覺很文藝氣質就象日式紙藝展覽館，簡潔而舒適，而桌上的餐具也很精美，而且還有顏色筆及紙卡可給客人塗鴉，十分特別；在下單後，我也不客氣地重拾童年情懷，塗鴉一番，已把手機放下一旁，專心地畫公仔塗顏色了。秋刀魚刺身 $140原條秋刀魚刺身，很佩服師傅的手藝，擺放美觀，可還原魚形，入口鮮美濃郁，肥美甘甜，鮮美無窮秋刀魚壽司 $28(件)用以壽司配秋刀魚，更可把油脂平均分佈於飯令口感更好更鮮甜經典鹽燒秋刀魚 $98除了生食更有熟食選擇，以鹽燒的方式，也能帶出魚的鮮味，簡單撒一把海鹽，放在烤爐上燒烤，外皮焦香傳出陣陣魚油的香氣，魚肉夾著油脂，入口滋味無窮汁燒紫蘇秋刀魚$9

秋天吃秋刀魚, 是常識吧! 我及朋友也愛食秋刀魚, 所以朋友來到鮨芸館共進晚飯食秋刀魚宴。這日本料理店裝備以日系紙藝為本,十分舒適寬大。 每張台放了顏色筆及已畫好圖案, 在等待朋友或等待食物時,可為圖填填顏色。 作品會張貼於店的牆上, 為店添加不少色彩。 * * *【秋刀魚刺身】 $140 新鮮秋刀魚起肉刺身,想不到沒腥味,肉質細緻, 具鮮甜, 油潤, 魚味香甜,甘香肥美, 令人沒齒難忘。*** 當少不了點燒秋刀魚 【汁燒紫蘇秋刀魚】$98 賣相好吸引,燒秋刀魚皮脆肉香已卷著濃郁的紫蘇葉, 想不到兩款合來出奇的夾, 紫蘇可令腥味全消,而燒汁更惹味,令人回味無窮。* ** 【味噌煮秋刀】 $118 這秋刀魚入口軟滑得來好入味, 加上味噌汁帶甜甜地,增添風味, 可提升魚鮮油香, 味道不錯。* * * 【秋刀壽司丼】 $108肥美秋刀魚剌生薄片放在醋味香的日本米飯,加上鮮即磨的薑末,令鮮味即刻出晒來,而麵豉湯非常之濃郁好飲。

當一早一晚微涼的秋風驅走炎夏的暑熱，涼快的空氣不僅告訴我們秋天終於來到的消息，也告訴我們知道秋刀魚同樣到了最宜食用的時候。這一夜，再次來到這間以紙藝為設計主題，還可讓客人以彩色木鉛筆在餐廳準備的紙張上填色的日本料理店，目的，正是為了一嚐這兒剛推出不久的時令秋刀魚菜式。 「秋刀魚刺身」（$140）立體感強烈，充滿藝術味道，油潤肥美的秋刀魚早已骨肉分離，推砌成花形的魚肉軟滑柔嫩，油分豐富，夾點薑蔥，蘸點醬油在魚肉上，再放進嘴巴，立時帶來初嚐秋刀的滿足感。 擺盤同樣美麗的「秋刀魚壽司」（$28/件）與「秋刀魚刺身」異曲同工，不同處只在於多了壽司飯，飯與魚在口腔中融為一體，口感與味道都變得更加豐富。 「味噌煮秋刀」（$118）以味噌烹調秋刀，秋刀魚肉軟腍中帶有味噌汁的獨有甜味，素來喜歡日本甜味噌的我當然滿意。一客兩件，以紫蘇葉包裹的「汁燒紫蘇秋刀魚」（$98）是這晚最大的亮點。與紫蘇葉一起被捲成厚厚一團的秋刀魚肉經照燒汁浸潤，趁熱吃，味道濃甜可喜，成了這夜我的最愛。 也多吃點飯吧！「秋刀魚丼」（$108）中魚皮銀白色泛著亮光，魚肉亮澤，隱隱透光的秋刀魚把飯面舖得滿滿的，配以甜蛋和薑蔥

香港係美食天堂，各式各樣既食物都食到，而日本菜算係最受歡迎既菜色之一。荔枝角對於我黎講唔多就腳，平時都好少去，但係既然朋友介紹我試呢間位於D2 Place 既「鮨芸館」，就算遠D都無咩所謂啦。「鮨芸館」讀「紙藝館」，設計別出心裁，以「鮨芸」配上「紙藝」，裝潢上運用既燈、牆、以至餐紙都融入日系紙藝風格，打造一個藝術化日本料理店！門面同裝潢都相當精緻，店面半開放式設計令客人感覺闊落舒適，好有日式既感覺，除左有普通座位之外，仲可以揀吧枱同塌塌米添。餐牌上有各式各樣既食物，好似刺身，壽司，卷物，燒物，揚物，串燒，煮物同食事等等，最特別既係迷你版既流水麵，係香港真係唔多地方可以食到。依加正正係秋刀魚時令季節，魚肉特別肥美多子，鮨芸館就係呢個時候出左一系列既秋刀魚菜式，我地又點可以唔試下呢?秋刀魚刺身 : 逐片逐片切出黎既秋刀魚刺身，連埋原條魚送上，加埋其他配料伴碟，賣相相當吸引，味道唔單止鮮甜，仲好肥美添。店員仲教我地要夾住蔥花同薑黎食，咁就可以消除魚腥味。秋刀魚壽司 : 秋刀魚魚皮呈銀色而且反光，睇得出非常新鮮，魚肉中既細骨被廚師細心咁徹底挑起，入口除左有彈性之外，仲滿滿油香添。秋刀魚丼跟味噌

朋友約我食日本野我二話不說應承咗，然後才發現原來呢一度係荔枝角。荔枝角呢附近嘅餐廳越開越多，D2 更加係有10數間，約我來食日本野鮨芸，因為剛推出了秋天秋刀魚菜單。喜歡吃刺身嘅我當然也點了，新鮮美味而且當季肥美的秋刀魚刺身。雖然還未去到入口油脂豐滿的感覺，但係滲出的油分在我口腔來徘徊。口感好好。另外發現呢度嘅食物擺位十分之靚，每一樣野上枱嘅時候有如藝術品。有點不夠後立即再點了同樣美味的秋刀魚壽司，配上蔥花同薑絲，能夠把秋刀魚嘅鮮甜口感更加凸顯出來。一路響度等你食嘅時候我同朋友默默畫默默畫，每一張枱都有顏色筆，配上美麗嘅coaster ，等待嘅時間好好咁樣畫一下圖，有些有圖案有些係空白，隨個人喜好選擇適合嘅將當日嘅工作或者疲勞透過畫畫抒發出來。接着朋友問我知唔知道點解會叫我來呢間餐廳？我話因為有秋刀魚食囉。佢答我唔係架，佢想話我知呢一度大廚的故事，大廚在日本學師嘅時候認識了一位同樣喺日本留學嘅女學生，十分之投契而且女學生經常去到大廚以前學詩嘅壽司店，可惜就係一個快樂的傾談晚上之後，女學生冇再出現呀！大廚到現在仍然想念呢位女學生，所以喺壽司吧枱嘅第一個位置就係預約俾佢嘅位。聽呢個故事，我接

工廠區越黎越多隱世食肆，除左觀塘，荔枝角嘅小店都不可以小覷。喺D2 place一帶更加係百花齊放，美食如雲。鮨芸館裝修有別於一般傳統日本餐廳，行時尚精緻路線，但又不失親切感。原因係店內貼上一張張客人用木顏色嘅畫作作為裝飾，令人有一種溫暖感。我最欣賞佢嘅餐具，十分優雅。今日叫左三文魚三色丼定食。前菜嘅沙律，漬物均屬普通。味噌湯十分濃郁。三文魚丼分別有三文魚片，三文魚子同三文魚碎。魚片只有幾塊，切得略嫌太薄，幸好尚算鮮甜。三文魚子好新鮮，粒粒飽滿，食落有咸鮮味。唯獨份量相對地少。三文魚碎有啲乾，凈食有啲鞋口，似食緊雞胸。撈埋飯一齊食就無問題。印有日文字嘅玉子口感軟熟，蛋香十足。

難得閒日放假，就約朋友去了D2 Place 行下，個商場開左咁耐都未行過，淨係知成日搞市集，今日終於可以親身感受下手作既氛圍了！一路行呢個商場最特別是真的很小很小大型連銷店，在那邊的店鋪全部都在外很少見到的！好似發現新大陸咁，所以同個朋友真係買到手軟…哈哈由於我地係起低層到高層，而上到三樓又係食肆真係夾好晒！大家都餓，但又唔知食咩好，所以就行均晒睇下有咩食先決定！最後入左呢間日本餐廳！入到去緊係睇下食咩啦！落完單，等食物上既時候無野做，餐廳好貼心，有顏色筆同填色紙比客人填色，我同朋友都好專心咁填畫下畫下又有食物黎了！見到限定秋刀魚，朋友即刻雙眼發光，所以就叫左個秋刀魚刺身同壽司，好肥美同鮮甜！最愛牛油果既我就叫左個牛油果軟殼蟹手卷，唔係得第一口有料，而係食到最後都有好多軟殼蟹，呢個推介！之後就黎左個飽肚飯，同樣個豚肉好淋好滑，送飯一流整體都不錯，但份量多少少就更好了！

原本叫彩虹麵 佢話要等半個鐘 因為無機 我地決定轉橋麥冷麵 點知食晒所有卷物 小食都未有 其他食物都係一般但偏貴 等左大半個鐘先黎一碟冷麵一吡耶 又唔凍又唔暖 仲要麵質發脹 比成夠水等左咁耐食de咁既耶 好嬲啊...早知等彩虹麵啦 稻亭烏冬都好過佢問侍應末莉花釀有無凍? 佢仲問返我應該有凍ga la ho...唔會再去第二次