鮨芸館 (已結業)

星期五放工搵食最怕人多又有時間限制，荔枝角D2 place係唔錯既選擇。今次揀左日本料理，兩個人試左上5樣野，牛舌比較好食，其他野不過不失，份量都算大，服務唔錯，最特別係飲茶時可以自己揀杯。

行開D2 Place，發現呢間餐廳幾特別，日本風裝修，又有tatami位~ 望下餐牌！有流水麵！！！雖然未到盛夏，但依排天氣都熱熱地，就決定同朋友食呢個消暑下啦！對日本文化有點認識或去過京都既朋友，對流水麵既認知應該係將麵條放入上方切開左一半既竹筒，讓麵條隨著水流落黎下方，想吃既人就要快手用筷子夾起麵條沾醬汁食，不然就會錯過左，比後面既人夾左或者流走晒。但其實最初起源反而係旋轉流水麵機！而且起源唔係京都，而係九州鹿兒島縣指宿市既唐船峽！先前去旅行專程入到去唐船峽食流水麵，個度既山水的確唔同D~講返正題，呢間既流水蕎麥麵係用旋轉流水麵機~店員好貼心！見我地兩個人比左兩杯蕎麥醬汁我地！可先將配料按個人喜好加入蕎麥醬汁~水係凍水黎，將一小撮蕎麥麵放入凍水，轉幾圈令蕎麥麵變凍，然後夾起放入蕎麥醬汁食~蕎麥麵冰涼，非常爽口！好有消暑既感覺！但蕎麥醬汁不太濃味。不過，當你等蕎麥麵轉幾圈時，小心有人夾走左~好好玩！！！ 蕎麥麵好快就冇晒lu ...整體來說，價錢的確不平，重玩樂多於食，朋友建議我應該自己買返部，係屋企慢慢玩~

偶然經過，碰巧遇上，有幸用餐味道作為一個非擁有食神之舌的平凡食物享用者，這間餐廳食物的水準是非常不錯，我們這次嘗試了咖哩的食品及一客烏冬，鳥冬熱湯上場，彈性適中，吉列豬扒配塔的醬汁蠻合。咖哩是屬於甘味，本人是能夠接受一點點辣味的食物享用者，故辣度的感覺可能跟大眾有點出入，但仍相信大部份不能吃辣的食家能夠安心享用，當中的炸雞，大、豐盛、絕對肉感的，對於喜歡肉感的食家是非常喜愛，吃一口，滿滿都是肉。環境位於D2 Place One 的3樓，這間店跟D2 Place 一樣，就像一個綠州般存在。除非對店外/窗外景色有獨特要求，否則店內環境已經能夠滿足大家，簡潔以白色為主配合一點點木系感覺的裝潢，剛好是本人喜愛的風格之一。也許是長假期的日子，這天的人流不算特別多，所以相當寧靜舒服，可以讓我們二人享受這個難得的時光。值得一題，是在某些牆壁會貼著由不同食客的創作，在每一張枱都會放著數張卡紙及顏色筆，可以在等待的時候自娛一下，這也是個不錯的想法。服務也許是長假期的關係，也許是其他員工非常友善，顯得某些員工的工作態度會略為冷淡不過這不影響他們的工作，送餐/收餐具/下單/買單等等都算準確，準確比其他事情都

The restaurant manager is super helpful, the barbecue food was juicy and delicious! The tempura us also really tasty! I seldom write a review but this Japanese restaurant deserved it. I was pregnant so I didn’t try the sashimi. Will definitely come back again!

朋友生日話想食日本野，本來想試吓荔枝角比較出名嘅鵜舞，但係睇完餐牌之後覺得貴唔捨得我請，就搵咗OpenRice另一間評價都幾高嘅呢一間日本餐廳。因為選擇困難症嘅關係諗都唔諗就揀咗二人餐，頭盤有蟹子沙律，刺身壽司燒肉串天婦羅汁煮牛肉蕎麥麵甜品樣樣齊。呢度服務都唔錯，仲會俾你揀你想用邊款杯。沙律都算唔錯嘅，蟹子青瓜生菜洋蔥都新鮮，比較少有咁加左生洋蔥。個沙律都算幾大份，可能菜平啲啦。仲以為所有野都咁大份，點知跟住落嚟嘅刺身壽司燒肉串天婦羅汁煮牛肉蕎麥麵全部份量都算少，真係少食多滋味囉。刺身壽司都好肥美，有海帶托底都幾特別。汁煮牛肉就稍為肥咗少少，牛肉有少少筋，唔算林。入口即溶就完全講唔上。天婦羅麻麻哋，炸粉太多，雖然裏面舊魚係多汁嘅，但兩啖食晒好唔夠喉。天婦羅汁還好，不過可以多啲蘿蔔蓉囉，浸完一舊得翻啲汁。豬肉有啲鞋，肥肉都多，調味偏鹹，不過有檸檬汁吊味就好啲。蕎麥麵冇喺日本食過，唔知咩先叫地道。只係同平時屋企買來煮嘅口感唔同，比較林同粉，各位食家就自行判斷啦。兩個人食完嗰餐都係飽左七成，唔係好夠。埋單$437已加一, 覺得性價比唔算高。我雖然係女仔，但係算係比較大食嘅。埋單果下唔飽認真h

今午家中長老👵🏼探班，當然帶她食好野。原先帶她去D2place 的泰國菜。但早早就大排長龍😢。長老話轉食日本菜。突然想起3樓的鰭芸館-主打精緻日本菜。而且店內佈置得舒適。坐下來唔好有大壓逼感。我點了黑豚肉生薑燒定時。味增湯-味道一般黑豚肉-比較肥和肉質比較硬。味道偏鹹。有點失色😅😅長老點了炙井- 炙帶子+三文魚+鯛魚🐟+魚子的魚生飯。賣相一流。魚生新鮮+珍珠米。長老能慢慢的一個整個飯。很不錯👍🏻👍🏻飯後甜品-puff - 非常一般。侍應服務一流和禮貌-主動加茶👍🏻所以要加分👍🏻

沙律菜超苦明太子蛋卷勁咸炸雞塊唔脆鰻魚飯得四小塊仲要收＄180生蠔冇味味增湯只個咸字都食過幾次之前都仲可以，但係今次超難食仲要d嘢未食完就收走啲嘢，真係唔會再幫襯啦

松葉蟹肉沙律$78鋪滿蟹肉、蟹子的沙律菜新鮮爽口，蟹肉鮮甜，配埋呢個醋夠晒開胃清新，作為前菜真的不錯。松葉蟹卷$88蟹卷裡包了松葉蟹肉，面層放上點蟹膏、外層帶點脆脆的吉列炸脆漿、再加上點份子料理原素，透明黃色一粒粒的，咬開甜甜似啫喱味道，整體鮮甜味十足。松葉蟹肉蟹膏手卷＄40呢個手卷亦都充滿鮮甜味的蟹膏、中間夾雜了蟹子和蟹肉，食落每一口都感覺到鮮甜而又帶點甘香的味道。鹽燒松葉蟹＄138賣相已經相當吸引，燒過的一條條松葉蟹腳聞落帶點鮮香，稍為用筷子輕扒出長長嘅蟹肉棒，一絲絲嘅蟹肉，少少鹹卻提出了鮮甜味道。松葉蟹棒天婦羅＄80天婦羅炸得金黃酥脆，一點油膩感也沒有，食落外層酥脆，內裡鮮甜。松葉蟹蒸蛋＄40雖然今晚食了很多蟹肉和蟹膏，但每一款都各有不同做法，呢個蒸蛋加上了蟹肉和蟹膏的鮮味，令到本身已經好香好滑嘅蒸蛋更加滋味可口，一啖雞蛋一啖蟹肉和膏，好完美嘅組合。松葉蟹肉蟹膏炒飯＄148炒飯加了點洋蔥和面頭放上了香蔥很香，炒得也不錯，粒粒分明，面頭舖了蟹肉和蟹膏，把它撈勻在炒飯度，食落又係不得了，鮮味加了香口的炒飯，越食越想食。松葉蟹刺身丼＄178這個丼相信也可以滿足一眾蟹迷，有蟹腳蟹魽、豐腴

已經第二次食啦！最開心每次店員都會比你選杯，好有特色，飲住由自己所挑選的茶杯，飲得都好味啲😄店裡還會有小卡同顏色筆比你設計或填色，真係有得食有得玩，和小朋友黎就岩晒，小朋友可以填顏色，大朋友就可以傾計啦😆當你完成個作品可以交給店員，咁你的卡就有機會「貼堂」！！（我搵唔番上次嗰張）想話鰻魚蛋捲係必食！！！！超好味😋😋然後叫了松葉蟹肉沙律，蟹味不算重，沙律份量適中，味道尚算不錯。還有壽司和清酒煮蜆，覺得今次壽司不算太新鮮，係鯖魚壽司好味，有再order，壽司飯係中上質素的size，所以比你叫多啲，同樣埋單都多啲🙈反而清酒煮蜆比到驚喜喎，蜆係每隻都有肉，同埋比平時食開係大隻肉，酒味濃烈，不錯不錯！今次食飯比較趕，試左不多新菜式，下次會再去。

誤打1誤撞，入左呢間餐廳，見到門面唔錯，價錢又唔算貴 就入去試下，係荔枝角食lunch係好多人，好難搵位，同同事慢慢食，坐得舒適咁傾計就更難，呢間真係好正，坐得舒服，環境裝飾都好relax，正。食左個雜錦魚生飯，魚生很新鮮，尤其係件帶子，爽口有口感，份量雖然唔多，每樣都有小小咁，但就有好多魚籽，而且 仲好爽口彈牙，。配菜，麯豉湯，都係每樣小小地，但份量又剛剛好，食lunch已經足夠有餘了。最後仲有小小地既綠茶甜品。

同事話今晚收工係公司附近餐廳食日本料理，我話間間日本野差不多，有咩咁特別呢，同事就話呢間日本餐廳有時令主題，呢期係松葉蟹宴。呢個松葉蟹限定係有好多味菜，每道都各具特色，首先鹽燒松葉蟹係原汁原味，蟹肉入口即溶，簡單鹽味已經帶出松葉蟹既鮮甜味道。松葉蟹卷係蟹膏同蟹肉既結合，所以鮮甜味帶點蟹膏鹹味，同壽司飯既柔軟混合，係幾開胃之選。松葉蟹手卷用上秋田米，非常軟淋淋，又帶飯香，蟹膏，蟹肉同蟹子既三重奏，係紫菜裡面帶出左松葉蟹獨特味道。松葉蟹天婦羅就炸得外脆內軟，蟹殼炸到脆口，可以一齊入口食，超過癮。松葉蟹蒸蛋，蟹肉汁同蛋完全混合，兩者食落零舍夾，鮮甜而蒸蛋口感白滑，實在愛不釋手。冬天又點少得松葉蟹鍋，蟹肉汁滲晒入湯裡面，而蟹香從蒸氣不斷飄起，蟹肉既清甜味完全可以保留。蟹丼係一大主打，外表已經好靚仔，蟹肉同蟹膏配上微熱醋飯，比壽司更實在暖肚，蟹既精華滲晒入秋田米裡面，大滿足呀。

今日經過D2睇下有咩食啦。。見到日本菜就試下。。點左個鯖魚定食。。前菜應該都有魚。。好腥其他前菜都好差 。。個鯖魚係普通 完全覺得無香味平時出去食果啲會有魚香味。。對於呢個餐廳係覺得失望

位於荔枝角地鐵站的D2 place餐飲業發展成熟，商場內的餐廳不乏選擇。今次就來到鮨藝館(諧音：紙藝）開餐。一坐低已經見到店員準備好木顏色筆和紙，供客人發揮創造力畫畫用。牆上貼了不少以往客人所畫的作品。在等待食物到來前，慢慢細心欣賞來自不同人，不同的畫風拼在一起的這面藝術牆，說明了一個一個不同的故事。期間店員端上一個餐盤，上面有大約6、7 個不同顏色和風格的日式茶杯讓我選擇，我選了這個天藍色的。三色魚生飯－飯帶昆布的鮮味，三色三文魚味道不錯。值得一提的是三文魚子很新鮮，吃下去甜甜的，好滿足。味醂魚干－燒得剛剛好，魚干非常入味，正！店員服務態度很好，熱情，用餐期間有店員一直企係不遠處隨時stand by，茶杯一直refill 未試過唔滿，難得一見高質素(非酒店級)服務！

D2 這個商場，除了有很多本地創業的小店之外，亦越開越多餐廳。早前假期，跟友人逛完街於商場裡覓食，見到3樓最遠處見到大大塊牌，原來已到食松葉蟹的季節。(松葉蟹是有指定捕捉期的，由 11 月 6 日至翌年 3 月 20 日 。)鮨芸館的裝潢如其名，集合高質日本料理及藝術。餐廳裡佈滿紙藝，牆上亦貼滿客人填色的紙杯墊。就連餐紙都是白雪雪，附上顏色筆供客人發揮藝術創意。見到期間限定是松葉蟹，今天就來個松葉蟹蟹宴，吃的全都是松葉蟹。【松葉蟹沙律 $78】爽脆新鮮蔬菜，配上松葉蟹鉗及蟹籽，再混入和風沙律汁，整個配搭非常清新，亦為當天的松葉蟹蟹宴先行打開味蕾。【松葉蟹肉蟹膏手卷 $40】別以為這只是個普通的手卷，並非如此，這是個非常有內涵的手卷。松葉蟹膏和蟹肉滿滿隱藏在手卷裡面，加上蟹籽這大配角，令這配搭口感更顯層次感。濃郁的松葉蟹膏簡直令人齒頰留香。最重要價錢非常相宜！【松葉蟹卷 $88】這蟹卷賣相充滿藝術感，蟹卷裡有蟹膏、蟹肉及青瓜絲，而蟹卷上的黃色珠珠其實是份子珠珠，亦將整個蟹卷形成外脆內軟的口感，是必食推介！【塩燒松葉蟹  $138】食松葉蟹，我最喜歡吃塩燒，只需簡單的塩調味，就能將松葉蟹的

坦白說, 入到餐廳以後最令人有深刻印象就是他的餐牌。餐牌的第一頁說著一個浪漫的愛情故事, bar 枱的其中一個位置永遠留給故事的女主角。聽到這裏, 應該對這間餐廳很有期望吧。可惜現實和理想總有一段距離, 當閣下知道這餐廳原來是隸屬一日本餐廳集團的時候, 可能應該要作好心理準備了。是日點了幾項食物, 不幸的是全部的食物都令人非常失望, 而且價錢絕對昂貴!一件左口裙邊壽司索價38元, 味道只是中規中距38元未免太過昂貴蟹肉手份量正常但價錢卻非常高, 索價50元牛肉火鍋無論是牛肉還是蔬菜質素都普通得不能夠再普通, 價錢屬多項食物中最正常的一項, 但當然驚喜欠奉獻奉明太子茶漬飯盛惠30大元, 份量少得令人可憐, 基本上只有一個小湯碗的分量, 明太子分量當然更少, 亦不算新鮮至於牛蒡天婦羅炸粉太厚, 基本上是在吃炸粉而非牛蒡整體而言, 如此的價錢可以吃到比這間餐廳質素更高的日本料理, 實在沒有理由再次造訪這間餐廳