鮨芸館 (已結業)

近日香港出現了一個新熱潮 , 就是食日本的流水麵 , 事關天氣炎熱 , 吃清清涼涼的流水麵 , 的確透心涼 , 過癮之餘又非常迎合這種悶熱的天氣 ....當晚就和朋友們到了 D2 Place 1期 的 鮨芸館 吃流水麵 , 過一過癮 ~餐廳的裝修極有青春氣息 , 氣氛平和舒適 , 絕不侷促 ~餐具都美輪美奐 , 而且有顏色筆供應 , 可在餐紙的動物圖上填顏色 ~Menu ~蜜桃青檸冰茶 $ 36 : 偏重於蜜桃味 , 大約是7成蜜桃味 , 3成是青檸味 , 飲品內有果粒 , 味道清甜 , 喝後心涼 ~芸刺身盛 $ 318 : 刺身盛共有七款刺身 , 有三文魚腩、銀鱈魚、金目鯛、深海池魚、赤貝、大拖羅、甜蝦 ; 刺身皆是厚切 , 而且相當新鮮 , 款款刺身都散發出鮮甜的鮮味 , 肉質柔軟而富彈性 , 夠水準 ~牛油果軟殼蟹卷 $ 80 : 師傅把 牛油果軟殼蟹卷 握得紮紮實實 , 但在口裏感覺軟硬適中 , 軟殼蟹和牛油果的比例都好, 味道剛柔兼備 , 非常好吃 ~芝士厚燒玉子 $ 58 : 玉子燒入口帶暖 , 軟而有質感的玉子 , 中間夾著的是溶了的芝士餡 , 多了一分香口和幼滑感 ,

日本季節限定的流水麵在香港也有個超迷你版啊雖然在網上短片看過，但還是決定要親身去「玩」一次！大概是位於手作匯集地的D2 Place，這家餐廳的摺紙吊燈也很有特色 (,,Ծ▽Ծ,,)連茶杯也不是統一的款式，雖然如此～但放在一起並沒有遺和感喇除此之外在等餐時可利用店提供的顏色筆和插畫來填色，美美的作品更可以貼堂喔先來一杯 - 士多啤梨柑桔冰茶 ($38) 用這種杯感覺有點像台式飲品啊 冰不算落得太多～柑橘果香很突出，飲落有少許澀（=ˇωˇ=）牛油果軟殼蟹卷 ($80) 外層的蟹子很新鮮，咬落很清脆~還帶點甜味的喔卷物中還有Creamy的牛油果，再加上鬆脆的軟殼蟹~口感更為豐富 (´・ω・｀)是說頗喜歡這個的尺寸，剛好可以一啖吃光~不怕吃到散掉耶！發現這裡有- 芝士厚燒玉子 ($58)ヽ( ^∀^)ﾉ 嫩滑的蛋中間夾著鹹香的芝士，熱呼呼的香氣十足不過芝士有點太濃，我比較喜歡蛋味重點雞翼串 ($56)沒想到能在這吃到有水準的串燒。這個雞翼外層很香脆，焦香得來沒有多餘的油脂別看外層那樣就以為雞肉會變得很乾～內層其實仍保持嫩滑喔因為撒了鹽的關係，吃起來鹹鹹的也不錯 (oﾟωﾟo)重點當然是～ 彩虹

成日聽人講D2好多野食仲要唔差 今日趁放假就決定去試下 好傻地今日先知原來D2係地鐵既exit D2😂好啦千揀萬揀三心兩意之下就走左入哩間試下 佢有啲set lunch既咁我就揀左個特上刺身盛合 包前菜 湯同沙律 另外加個油甘魚 厚燒牛舌 黑豚五花腩 仲有牛油果軟殼蟹卷我諗等左十分鐘度就有得食 刺身就係睇個日有邊樣就俾邊樣我地咁一共有五款 蝦 赤貝 深海池魚 伊左木 同三文 全部都係厚切 見到都興奮 不過講真 食落冇乜特別不過都食得出係新鮮既 係油甘魚比較腥 但真心推介深海池魚同伊左木 唔係好多地方有得食 另外兩串串燒呢 五花腩燒耐左 啲肉好鞋同硬 牛舌好啲燒耐啲就更好 不過兩串都唔係好夠味 要問侍應攞啲鹽 另外牛肉果軟殼蟹卷等左好耐都冇尼 女侍應都好有禮貌話漏左單 咁就算啦我原諒佢 下次先再試😂

※本文以用餐當日的環境、服務和食物質素為準，口味亦因人而異，文章只作參考之用。-「很久以前，當他還是壽司學徒時，在店上遇上她，對她更是一見鍾情。女孩每天坐在壽司吧枱前吃著他親手握的壽司，二人聊得開懷，情愫漸生。日復日，他倆越談越多。她很醉心於鑽研日藝文化，他就醉心於日本料理。兩人互相的約定，就在某天的大雨下，女孩狼狽的走了，從此再也沒有出現，約定也流走了。」一段感觸的愛情故事造就了這間日本料理餐廳「鮨芸館」。「鮨芸館」位於常舉辦文青市場的荔枝角D2 place內，在云云餐廳中門面和裝潢較為精緻的日本料理餐廳。餐廳環境滿大，座位滿多，有近住壽司師傅的吧枱位置，也有像塌塌米般的座位，感覺闊落舒適。加入了紙系元素，周圍都可見到與紙相關的佈置和裝飾。也有提供顏色筆和填色卡紙，讓客人可以在等待美食時來個填顏色遊戲吧。餐牌上一貫的日本料理菜式都有，刺身、壽司、卷物、燒物、揚物、串燒、煮物和食事等，最特別係有迷你版的流水麵，名乎其實玩得又食得。青檸梳打 $36、茉莉花釀 $35我倆都各點了一杯特飲，小妹的熱茉莉花釀，飲落香甜，帶清幽茉莉花香，如果可以再少點甜會更好。芸刺身盛7款 $318刺身拼盤包七

在香港, 要數受歡迎的菜色, 日本菜應可佔一席位, 所以香港有不少的日式料理，但傳統上都集中在幾個區份，以尖沙咀及銅鑼灣較多，加上有些在中環及大坑等地區, 而近一兩年在元朗區也有幾間出名的日式料理, 但偏偏在西九龍區，要找間有水準的餐廳吃日本菜，選擇就相對較少。這也是我想來這裡試試的原因，店子位於荔枝角的這一幢已活化的工廈內，店舖內的裝潢較有時尚感, 有別於傳統的日本餐廳, 而且設計著重舒適，在柔和的燈光配合下，給人一種溫暖的感覺。吃日本菜怎可不吃刺身,  點了芸刺身盛(7款), 包括有拖羅、銀雪魚、金木鯛、深海池魚、三文魚、赤貝和甜蝦, 以階梯形的器具盛載，除了賣相特別之外, 在刺身的擺放次序上，由底下的淡味刺身至上層的濃味刺身, 逐一排列好, 食用的次序同樣是由淡味至的濃味, 各款刺身也是新鮮而鮮味十足, 吃得滿意的。再來兩款串燒, 先試厚燒牛舌串，這裡的燒得賣相也好，看上去油令立的有光澤，熱辣辣的香味四溢，燒得幾好, 看來不錯, 吃起來幾爽口, 肉香豐富。緊接的便是雞類項目, 一味雞翼串也相當熱賣, 厚肉的雞翼燒得雞皮脆身, 雞肉口感很嫩滑，燒香後撒上海鹽去調味, 就令其味道上多

夜晚6.30打去book7點都有位的，如果想快d有野食呢點絕對good！環境及menu好日本風格，坐下後會有侍應提供6款荼杯給客人選擇喜愛的款式享用，這一點亦貼心。點了牛舌串燒，牛油味重到我吐岀來，原全無肉味。平時食有「鮨」字的日本餐廳都會是高水準，刺身必點。但我吃的全部不肥美，零魚油，鮮甜欠奉！日本餐廳既刺身，咁基本既食材都做得比放題差，不能接受！同行友人點了喬麥麵，會有機器盛載著麵，仿流水麵一樣，但真身睇到時，只會覺得係老闆的gimmick野，勸他倒不如專心做好基礎吧……再點了一份厚燒鰻魚玉子，熟蛋....鰻魚有骨...結賬400多，我真的完全失望離開

最近開始彈起既D2place因為天台既飄雪同假日市集，人流大大提升。仲引入左更多唔同類型既餐廳。唔只係周末市集先有人流，就連平日都幾多人行。好了講番正題，今次係為流水麵而黎既，係日本未食過真正既流水麵，就係鮨芸館食住先，有得玩有得食食物種類尚算多，尼到只係餐牌既一部分尼款係洋風壽司，上面加左D酸酸味味既配料。食落幾有層次同幾開胃灸燒左口魚同鰻魚，鰻魚燒完之後唔腥有D鰻魚汁好味。左口魚帶點油脂，喜歡尼種油脂燒過既壽司特別喜歡鰻魚同玉子都係我喜歡的將佢地兩者加埋會係點呢，中間係鰻魚，外層係厚厚既玉子原來加埋一齊又幾夾，鰻魚唔腥玉子厚厚的，口感好啖啖肉，好味，略嫌玉子有一點煎得過火，不過整體也不錯。來到重要環節。就是流水麵按個製部機就會開始轉動，再放彩虹蕎麥麵落去，轉呀轉呀就可以夾起佢黎食。後來研究到一個方法就係將筷子停底麵就會自然停止係對筷子到另外店員會比一碗冷麵汁你，配冷麵食。如果小朋友見到尼個流水麵一定好開心食飽飽就可以行下街散下步不錯的選擇

阿女一直想試吓咩叫做流水面。。。日本就未有機會喇，近近D2有就同佢嚟試吓啦！預早訂位，仲要係6：00，所以就算星期六我地都係第一枱客！坐低之後睇吓，餐廳內環境舒服，裝潢好有日本feel呀！睇吓餐牌就order嘢，開始今晚嘅美味之旅！總括今日嘅體驗真係開心，好耐無見過阿女咁好笑，希望下次可以去日本體驗啦！😂😂

上星期六夜晚去D2 place睇第一場既法國電影放映會---“王子與公主”套戲7點先開始，所以去之前就去行下搵野食上到3樓見到有間日本野就入左去開餐喇!一入到去就比呢個wall吸引住wall上面貼滿左好多心意/卡 好鐘意呢間餐廳對細節位既重視佢個筷子托係朵花黎 好精美坐左唔係好耐d野食就到喇!芸刺身盛7款 ($318)刺身既款額每日唔同架係由師傅發板 所以一定好新鮮唔新鮮師傅都唔拎出黎啦!佢個盤一層一層原來師傅會將最啖味既刺身放最低，最高放最濃味由低食起, 就唔會比一d比較濃味既刺身遮左較啖刺身既味道再一次覺得師傅好細心!我最欣賞係個拖羅, 超肥美, 睇相都見到d油脂多到舊拖羅呈好淡既粉紅色入口即溶, 勁香滑, 我真係唔想吞! 係幸福的味道啊!!!另外我仲叫左個彩虹流水素麵 ($108) 因為佢個樣好靚 係3隻色既蒿麥面 (心心眼)佢係連埋個流水機一齊上部流水機流就流左d不過都幾得意既最後 仲有鰻魚厚燒玉子 ($72)6大舊, 都幾抵, 玉子好清甜, 同饅魚好夾, 食埋lei6舊, 真係飽到捧住個肚走佢lei度有塌塌米位下次可以坐塌塌米, 一定更加有風味!

荔枝角的D2 place，一向主打文青少年手製創作的手工市集，每逢週六、週日這裡都會十分熱鬧。小妹亦有熟悉的朋友在這裡擺賣，曾經也試過一、兩次到來撐朋友場。原來發現D2 place除了手工物品外，也有不少值得一試的餐廳，其中一間就是日系料理餐廳---鮨芸館。不難發現，餐廳的四周都融入了日式紙藝的元素，包括牆身貼滿一張張圖畫紙、紙製吊燈等。室內空間十足，一入門口就已經有半開放廚房，除了一排高椅可邊進食、邊看著師傅處理刺身的細緻過程，亦有純白色普通的木枱木椅，餐廳靠左邊盡頭亦有一排榻榻米，空間感充足又夠寫意。枱面上一早放有圓形圖畫字和顏色筆，客人有雅興的話可以發揮自己的填顏色天份，如果真話漂亮的話隨時可以被員工貼壁報留念呢。紙米卷壽司 ($72)充滿越南風格的紙米卷，內饀包裹住生菜、青瓜、牛油果，當然不少得大大件的三文魚，切得非常厚身，口感柔軟，能夠吃到最鮮香的魚脂，配合著爽脆的生菜，一脆一軟的口感絕對強烈吸引。加上灑滿點點的蟹籽和晶瑩剔透的藍珍珠，其實是經化學作用提鍊而成的甜珠，咬下去有著爆脆的滋味口感，又能提升壽司的獨特香氣，令壽司如同一件藝術品，相當美麗。芸刺身盛 （七款 $318）

剛收了朋友豐富的日本手信，又有另一位朋友遊完上海約我俾手信，她們真好，常常都掛念我，太幸福！之前位朋友去完日本就不吃日本菜，而今位朋友去完上海就不吃上海菜，咁就日本菜啦！今晚來到一個創意文化新地標，之前週末也來過幾次遊創意巿集，這裏集流行服飾、多國美食、流人流事於一身，地點又方便，都係是一個幾好逛的地方。餐廳不單止"鮨芸館"這名字優雅，加埋招牌上一朵小櫻花，更加優美，正正吸引了我倆。走進內裏，很有藝術文化色彩，四處都見到以紙摺的裝飾, 還有優美的紙吊燈, 而到處的牆身都貼滿畫咭, 原來每枱都放有顏色筆和填色咭, 讓客人在等待朋友或菜式上枱時可發揮藝術天份, 但看來小朋友最喜歡。開放式的門口, 一入門的右手邊便是一個“L”字型的壽司吧枱, 內裏設有幾張四至六人枱, 再入一點, 還有小台級上的數張屈膝座位, 挺有和風色彩。枱上放好了一套優雅的和風餐具, 還有兩份設計精美的餐牌。先細閱餐牌, 每頁也附上菜式相片, 分門別類, 相當清晰, 分別有前菜、刺身、壽司、炙燒壽司、軍艦、手卷、卷物、揚物、燒物、串燒、煮物、食事等, 很豐富呀!**************************先點飲品

荔枝角是一個文青藝術時尚集中地，附近有不少市集及青年人的好去處。星期五晚上，我在附近的工廈完成跳舞後，來到D2 Place尋找好餐廳。當晚已近9時，餐廳已沒有很多人，只有3, 4枱，反覺更加舒服寧靜。環境裝修以簡約白色，配襯日式餐枱佈置，空間感大。一坐下，經理請我個揀自己喜歡的茶杯，挺驚喜。我們二人點了特上壽司盛盒(hkd158), 鰻魚厚燒玉子及鹽燒鯖魚。壽司很新鮮，並不比其他貴格餐廳差，賣相精美，wasabi值得一讚，並不刺鼻，應該是正宗日本材料。鰻魚玉子份量極大，玉子清甜，鰻魚醬較咸，配搭有點奇怪，下次我想我會只點普通玉子。鹽燒鯖魚方面，份量足夠，配有lemon, 不過不失。總結而言，我會推薦該餐廳，因為主打的壽司做得出色，環境舒服。

朋友之前講過d2place有得食流水麵咁岩行過又唸唔到食咩就簡左呢間入去先知呢間野都幾有藝術氣息lol裝修風格融合左日本紙藝 都幾特別而且望落環境 舒服!乾淨!黎到第一時間點左流水麵先~近派仲出左彩虹色真係黎岩時候啊!只睇個樣都覺得正我同朋友2個人食份量岩岩好入面有白色素麵，梅子麵同蛋麵  岩哂D小朋友黎食仲可以一路食一路玩  我唸我下次都會帶埋我侄仔黎試下!部機都幾得意 而麵既味道方面就淡左小小總體都OK LA~另外追加左玫瑰卷同一D師傅推介既時令刺身壽司壽司真係無介紹錯 食落唔會有雪味 而且新鮮我就好滿意個玫瑰卷!係帶子上加埋D炸蒜!非常香口十分推介 入面仲有我最鐘意既牛油果最後就ORDER左呢2杯野飲玫瑰花釀同茱莉花釀  花香味幾重 我就鐘意玫瑰花味啦~唔知出面有無得買!我都想買反屋企慢慢飲!ANYWAYS  呢間野幾適合帶朋友同小朋友黎食!環境好 又有得玩!