鮨見 (已結業)

这家沒有很华麗的装修，卻把心思放在食材上，感觉很低调但極有水准的おまかせ 地方不算很大，进店后人也不多(心想可能中伏)😱。只有三个选择，就交给厨师推介的那个有生魚片那个炙燒深海池魚，正所谓魚未到，香味先闻👍🏻青瓜卷包著吞拿魚及墨魚亦很清新吞拿魚腩蓉+炙燒吞拿魚+海胆，必须一整口吃下去才感受到它的美味😱金目鲷寿司，鲷魚寿司，炙燒深海池魚寿司，秋刀魚寿司超赞！寿司都不需要另加酱油及芥末味道已经调好。推介炙燒吞拿魚腩+蟹膏手卷😱😱😱，好吃得哭流滿面...海胆杯也是绝对不能错过👍🏻顺道一提另一有heart之作-魚汤，非一般面豉汤，可惜只有兩小口豆腐冰淇淋配海苔味道也特別

一直想試這間omakase好耐，晚餐太貴又唔捨得食，選擇了價錢上無咁貴的午餐。前菜是醃製墨魚仔，墨魚仔爽甜彈牙開胃，少量豆腐乾腐竹吸收了醬汁，普通的食材都變得更香。茶碗蒸蛋非常新鮮，個碗好靚，蛋嫩滑而不散，滑的程度是可以直接溫進喉嚨。剛端上枱的時候熱到燙口，師傅有見及此，就建議我們先食壽司，再慢慢食蛋。 師傅說，所有壽司都已經由師傅加上適量的調味，客人不需要自己再加wasabi同醬油等調味。壽司飯粘度同軟硬適中，醋不太強，醬油均衡的混在飯之中。第一件金目鯛壽司，油份比例好好，魚肉軟滑，香而不膩。真鯛上的是鯛魚肝，質感韌度高富口感，能清楚看到魚肉的紋理，魚表面用火槍微微烤過， 香濃的肝配上烤得香脆的魚，心機之作。深海池魚表面也是輕輕烤過，少脆，魚油烤至分泌出肉外，另外表更光亮，肉質細緻爽口帶油份。加上薑蔥和味噌的鯖魚，配料本來就是用來辟除腥味，入口才發現，食材的品質真的很重要，鯖魚一啲都唔腥，配料反而令鮮味更加出色。藍鰭吞拿上的是黃芥末，拖羅油脂豐富，入口即溶，香甜魚油在口腔中迴盪，的確好吃得誇張。算是比較少見的黑陸刺身，味道較濃，脂肪感比較重，是高級魚的一種。赤貝加裙邊水感十足，鮮甜味

據說鮨見是日本人開的,選某週日中午,來試試這裡的午餐。 選擇中午Omakase 春 $588/ 位 * 坐上bar 台, 可全程見到廚師製作美食。* 日本廚師細心製作美食,他同客人對話是用英語,加不正中廣東話。**前菜 前菜是墨魚仔入口彈牙爽口, 淋上酸酸汁及芝麻粒, 十分開胃可口。*茶碗蒸 這日式蒸蛋熱騰騰,有又滑又軟熟口感。**壽司十貫 金目鯛壽司入口爽脆甜美,魚味香濃,帶豐富油脂。*深海池魚腩壽司,魚肉質感很嫩,口感豐富魚油潤感。* 真鯛壽司上放了魚肝,甘香魚肝能把魚的味道慢慢提鮮出來鮮甜,並魚有爽脆感 。* 忘記乜魚壽司放了黃芥辣, 味道有點似劍魚口感清甜。* 左口魚壽司,魚味是比較清,配上配蘿蔔醋酸,可提鮮味。* 拖羅壽司,魚呈配粉紅,魚味濃郁,入口溶化,柚子漬可減低油膩感。* 北海道帶子壽司,帶子口感夠嫩滑,帶爽口彈牙又鮮甜。* 廣島蠔壽司配蘿蔔漬,蠔多汁滑嫩、肉質鮮美口感。* 赤貝壽司配山葵,赤貝入口甘甜爽脆鮮香。** 海膽杯 海膽杯佈放得滿滿的,入口豐腴甘甜,鮮味十足,最底是飯。** 麵豉魚湯,內有海帶豆腐,有淡淡的味噌味。**甜品 豆腐雪糕加入香草,令雪糕更

如初見，世上一見鐘情呢件事大有人在，但要做到對左10年、20年、無論幾多年都可以如初見又有無可能呢？花火總會燒盡，但根永遠常在，自從香港某某大事件之後，大家成日都講無忘初衷，道理跟戀愛其實一樣初見鮨見，俾到我一種好溫暖既感覺，日本家庭式的那種溫暖，主理人係日本師父，更添一種正宗的感覺午餐比較抵食，所以今日就係午市探訪，試一試中間的「春」($588)，晚市要多少少預算，但得到的當然會更多家內平安，好喜歡簡簡單單的一句說話，平安就好前菜簡單一道冷前菜，墨魚加腐皮，腐皮幾香豆味茶碗蒸好喜歡食茶碗蒸，滑滑的蛋配上不同的材料，小小的一碗做前菜，唔會太飽但又暖胃金目鯛師父就係上圖咁，係你面前表演功架，仲一開始就叮囑要用手食壽司，唔好用筷子，跟番傳統食法，第一件壽司係金目鯛，比較有咬口的一種魚深海池魚魚腩深海池魚魚腩經少少炙燒，油脂就更突出，順帶一提，所以壽司已經加左WASABI同醬油，就咁食就得架啦赤龍赤龍係白魚王，都係炙燒過，口感較淋，同深海池魚魚腩比較又係另一種感覺真鯛放上鯛魚乾，鯛魚乾增加左味道層次，真鯛魚味濃，好鮮甜大拖羅拖羅經炙燒之後，逼晒D油脂出黎，入口即溶，油脂香到係口中久久不散，連

日本師傳主理，晏就坐滿哂個bar枱架！仲有3款lunch set 俾大家揀~ 價錢分別係$388, $588, $788以下呢個係$588既套餐。腐竹八爪魚，味道幾清新，亦都幾有咬口。茶碗蒸，好傳統既茶碗蒸，蛋超滑，然後入面配料都好豐富。黎到壽司呢一部份，呢個餐有10件壽司。分別係金目鯛壽司，正鯛，深海池魚，北海道帶子，赤貝，鮎魚，喉黑(深海魚)，藍鰭呑拿，廣島蠔，甜蝦。款款都新鮮，當中藍鰭呑拿壽司最為岀眾，雖然唔係呑拿魚腩，但都可以做到入口即溶即口感🙈成個lunch最期待就係呢個北海道海膽飯。用咗北海道海膽同北海道米。海膽creamy 鮮甜不在話下，係連個飯都好好食，飯好有口感，飯與飯之間都會有啲粘力，好正既飯😻白魚手卷，脆脆紫菜包住好正既刺身同壽司飯。口感都唔錯。最後甜品有豆腐雪糕，好重豆腐味同好滑~

朋友仔成日話我食好野，今次我預埋佢，齊齊食，齊齊肥！我地今次食呢個鮨見，雖然地方唔大，但可以近距離睇住師父為我地準備食物，的確幾賞心悅目。因為朋友仔唔食海膽，我地就要左個$388 同$588，最大分別係多兩件壽司同一個海膽杯。前菜係墨魚仔，好爽口。茶碗蒸，滑滑既蒸蛋，好味味。壽司出場啦，首先係金目鯛，鯛魚，深海池魚，北海道帶子，全部新鮮爽口，最欣賞係鯛魚，師父配合左柚子味味噌，增加突出到鯛魚既鮮味。赤貝，赤身，黑鯥，左口魚，因為食材夠新鮮，根本唔需要額外既豉油同wasabi廣島蠔壽司，師父叫我伸隻手出去接壽司，然後一啖放入口。放左入口，我就知點解要甘食，廣島蠔既海水味同蠔肉係口腔爆發出黎……海膽壽司，海膽杯，食既時候好似食緊軟綿綿既雪糕甘樣。池魚手卷，個紫菜好脆，咬到裡面既池魚又軟又有魚脂果種感覺，唔識講！魚骨湯，清甜有魚香味，師父話淨係用魚同洋蔥去煲，無添加。豆腐雪糕，上面加左seaweed，係好有豆腐味既雪糕，完美！

今日 第一次去咗食澳嗎卡斯,估唔到出乎意料之外咁好食， 太興奮喇，所以忍唔住要即刻寫低食咗啲乜。 Omakase即係廚師發板, 你唔會知道嗰餐食啲乜嘢。你畀一個價錢，然後師傅會根據嗰日既食材，精心挑選最新鮮嘅海鮮畀你。我哋兩個人去，一個揀咗一個380嘅餐，一個揀左580嘅餐。嘩真係有好多嘢食㗎，食到後面我都太飽，有d食唔落。掛住食都唔係好記得啲魚叫咩名。不過就有鯛魚，海膽，鯥魚，赤貝， 帶子，池魚，藍鯨吞拿魚，廣島生蠔等等。我最最最最欣賞就係佢嗰個海膽杯， 真係成杯都係海膽嚟㗎。同個師傅言談間，佢話佢一板海膽都要成二千幾蚊港紙。真係真材實料。又唔腥，有淡淡嘅海水味，食得出真係好新鮮㗎。必食。其次，我鐘意食鯛魚壽司， 入口即溶。 你會見到壽司上面有一滴醬，每一滴醬都唔同。譬如有麵豉醬，柚子醬同埋辣醬。 嗰個辣醬有啲似tobasco，我真係好like吖。佢哋嗰度地方細，我諗一眼望落去可能得10至15個位左右。所以如果想上去食，真係要預早打電話去預約先。 好在我個friend醒，有一早打去訂位，如果唔係都唔會有位呀。

今日去咗食omakase師傅熱情咁樣邀請我哋坐低首先嚟咗個腐皮配墨魚咀作為開胃菜都幾醒胃之後就是來咗個蒸蛋個蒸蛋蒸蛋好滑之後就黎到主角 壽司金目鯛厚肉 而且魚味重真鯛配鯛魚肝鯛魚肝吊起咗個鮮味深海池魚腩因為燒過所以好香赤身非常新鮮左口魚好鮮甜 好鍾意啊！北海道帶子食得出好新鮮廣島蠔一d都唔腥 不是太creamy 比較爽口左口魚群邊好有咬口 最後嚟咗個海膽杯每一口都有充滿海膽好滿足之後師傅再整咗個白身魚手卷都非常好食魚骨湯飲得出有豐富嘅骨膠原最後就一個雪糕作結呢一餐真係好滿足

近期愛上食OMAKASE，呢間小店係日本師傅主持，店內只有2個人，師傅講英文同些小廣東話，座位只有8個。但十分乾淨舒服。師傅講我當日食嘅材料全部都係當天下午由日本直送，所以D食材好新鮮，讓人吃得好開心。師父會每一件壽司都會介紹，教你點樣食，有幾件有一口放入口食哂。師父會見你食完先才動手做下一道菜 ，用心制作，不花巧，食材新鮮成個SET有有前菜、茶碗蒸、壽司8貫、卷物、吸物和甜品。海膽好滑好creamy，好新鮮呢。係我食過CP值最高的餐廳，好值得一試。熱吃方面，有碗魚骨湯，濃濃的魚味，魚香魚油味極香，好厚。最後用豆腐雪糕結尾，清清地吾甜，PERFECT!!

前幾日去咗尖沙咀食lunch，我同朋友揀咗一間Omakase食。Lunch嘅Menu有三個餐，上網睇咗好多人都揀中間嗰set，全部都好評，咁即係冇伏啦，所以揀咗中價個set，包括一道前菜，一份蒸蛋，十件壽司，海膽杯，一份手卷，漬物（湯），甜品。Omakase，即係廚師發辦，亦都係客人對師傅嘅一種信任。係日本小型嘅料理店常見嘅食法，亦係一種日式嘅文化。介紹番嘢食先。腐竹芝麻墨魚🦑甜甜地，令人幾開胃，係一道唔錯既前菜。蒸蛋蒸蛋時間啱啱好，唔會話太多蛋水，亦都唔會太過乾身。蒸蛋裏面仲有少少菌類同埋菜，唔會剩係得蛋咁單一。食完兩款前菜之後，就到omakase主打嘅壽司。金目鯛淨係個賣相已經非常吸引。師傅會用個細掃係每一件壽司掃一層薄醬汁，令件壽司睇起上嚟更有光澤，更易入口。作為第一件壽司，師傅話可能味道會較淡，但鮮美一定唔會少。果然，魚肉非常之鮮甜美味，完全唔使再添加平時食嗰啲壽司豉油去為件壽司提味。魚肉亦都唔係薄切，厚厚嘅金目鯛令口感更加豐富。真鯛師傅話，真鯛又名櫻鯛，因為真鯛魚身係白粉色，同櫻花顏色相似，所以有咁嘅別名。係真鯛上邊，師傅加咗一粒魚肝，令入口嘅味道變得更加複雜，本身真鯛鮮甜再

讓人好歡愉的Omakase 🤤材料好新鮮 讓人吃得好開心 師父每一件壽司都會介紹及看一下你的回應這小店只有2位員工就是老闆師傅跟店員 雖說可能會上菜慢一點 但就是這樣的速度讓每一件魚生的期待及滿足口感的感覺好重 師傅會看一下你是否吃了才動手做下一道菜 未進店就聞到鮮魚的魚味就已知道這店的魚超！級！新！鮮！ - 海膽鮮甜- 拖羅魚油係融在口而且是留在口中很久好想分享每一道菜 但說實在好出色 加上碰巧老闆生日他心情超好送上酒及多口壽司給我們開心♥️我告訴老闆會再來的♥️ .鮨見地址: 尖沙咀亞士厘道18號2樓

地道的日本師傅發板餐廳位於尖沙咀的樓上鋪，地點方便，很適合在附近工作的朋友約三五知己去吃好東西。一甫上址，地方寬敞，沒有用盡所有空間來放桌椅，因為師傅為保持食物的質素，每次只招待幾位客人，所以予人一種舒適的空間感。。在用膳期間，我和友人與師傅閒聊之下，得知師傅來自日本東京，入廚經驗原來已有30年。從跟他對話的當中，能感受到日本人那份工作認真及一絲不苟的態度，餐廳的食材和食具，那怕是一棵蔥，全部都來自日本。。我和友人點選了午餐（春），套餐包括有：前菜、茶碗蒸、壽司十貫、海膽杯、手卷、湯、甜品。前菜 墨魚咀配腐竹漬物墨魚咀入口軟身，味道帶點酸，是很合適的開胃菜。壽司全使用來自北海道的白米，以及加入黑醋，全部不用額外沾醬油，並已有芥末在壽司內，飯的味道很獨特。在我們吃壽司的過程中，師傅不斷地提醒友人：「sushi no half 」，著我們要正確地一口吃壽司，情景很是有趣。。金目鯛壽司魚肉厚身並且嫩滑，入口除了感受到啖啖肉的口感外，更感受到油脂香氣在口腔中完全地充斥著。。真鯛壽司魚身上有一小件魚肝，令整件壽司魚的味道很濃郁。赤貝壽司 由於赤貝肌肉神經還是活的，師傅會用力拍打一下再赤貝，會令到

品嚐正宗日本人主理的 omakase 這一年，對自己好一點，經常會和朋友四出尋找優質的食店，特別喜愛日本料理。 今天和朋友嘗試由正宗日本人主理的omakase ，心情真的有點期待呢。。朋友帶我去一間開張不夠半年的日本餐廳，餐廳坐落於一條充滿食肆的繁華街道上，在一樓酒店/apartment 的2樓，幸運的是在地下入口大堂有一個頗明顯的燈箱，所以很快我們便找到了。。電梯到了2樓，大門是關上的，私人度甚高，推門進去，很有家的模樣，正門位置對著一張壽司吧檯，一位日本人師傅親切地與我們打招呼。。餐廳的裝修非常簡約， 而且座位不多，四周都以木為主題，給人一種溫暖的感覺，旁邊還擺放了一張四人的小枱，枱上還看了不同的清酒杯，相信客人在這樣私隱度極高的地方，也可以可良朋好喝杯酒，暢談一番。是日我們點算了lunch menu 的omakase，每次食廚師發板，都充滿期待，廚師總會選取當天最優質的食材烹調給我們，所以好期待每一道菜嘅來臨呢。餐牌上分了三種價格，分別是櫻、春、見。櫻：前菜、茶碗蒸、壽司八件、手卷、吸物、甜品$388春：前菜、茶碗蒸、壽司十件、海膽杯、手卷、吸物、甜品$588見前菜、茶碗蒸、刺身

這晚有開心事慶祝，選了這間新開的鮨店吃廚師發辦。店內只有一位師傅，座位不多，所以要預先訂座。店員先送上前菜，是日前菜是墨魚仔腐皮，墨魚仔爽口彈牙，冰涼清爽，打開味蕾。茶碗蒸蒸得嫩滑鮮味，如果加多些其他材料，味道會更加豐富。我們點了『櫻』套餐，有壽司8貫、手卷、湯和甜品。第一件壽司是金目鯛，金色的魚皮是標誌呢，魚肉肉質細緻無渣，入口滲出淡淡鮮味。深海池魚選用魚腩，正是最肥美的部份，師傅還將刺身火灼過，令油脂香盡逼。赤鯥魚是魚王，簡單塗上醬油反而更加襯托出魚本身的鮮味！真鯛配搭魚肝頗有心思。左口魚也是味道偏淡的魚，配搭酸酸的魚子漬，帶出魚鮮。帆立貝肉質新鮮，入口柔軟，師傅竟然把它和味噌配搭，有趣極了。赤身油脂不多，但魚味濃郁，蛋黃醬令味道更加提升！最後是赤貝，師傅在我們面前大力一拍，赤貝立即縮了起來，趁新鮮放入口，自覺人間美味啊，赤貝爽口又彈牙，而且鮮味滿滿，正！左口魚邊手卷，左口魚邊魚脂豐腴，做成手卷剛好能平衡膩感，每啖都非常肥美！魚湯亦不錯。最後是豆腐雪糕。