鮮芋仙 (屯門市廣場1期)

營業中

休息中

屯元天真係咩都有得食，連鮮芋仙都開埋，今次佢地揀左係屯市開分店，屯門友有福啦！其實分店都開左一段日子，食過幾次都好滿意，而且屯市分店唔算好多人排隊，通常等一陣就有位😍**********<芋薯圓Q麻糬牛奶冰> $52依個冰嘅份量真係好多，兩至三個人share食絕對足夠，所以人均消費都係十幾廿蚊就搞掂！依個冰底係粗冰黎，主要係加左煉奶同埋少少黑糖，上面仲有一球雲呢拿雪糕，配料方面有芋薯圓、小芋圓、Q麻糬同埋冬瓜凍！個芋薯圓係芋圓皮包心蕃薯蓉，比普通芋圓更加有口感，不過小芋圓因為太細粒嘅關係所以唔太煙韌😆

好大份多料，價錢抵食！兩個人share岩岩好！好重奶味好好食！長條形既麻薯好煙un幾好咬！布丁都好滑仲有雪糕！迷你地瓜圓芋圓都好正！絕對會試埋其他野食！其實去到堂食都好多人等緊外賣。

早前食咗間好差的芋圓，所以趁着食完飯個胃仲有少少位就去食鮮芋仙🤣🙌🏻 試吓好唔好味！雖然係連鎖店，質素確實好過好多小店✨👍🏻（總有啲小店更好，但我未食到）。📍招牌仙草冰沙🍧🍡🍨（$45）唔錯，起碼唔會用涼粉扮仙草🌝，芋圓唔會擦膠咁，有香味唔係染色湯圓，仙草沙冰好食😋👍🏻！另外加咗紅豆（$3）同薏仁（$3），又平又好味😋！而且量夠多，一碗夠兩個人食，唔會淨係放幾粒芋圓當出過場就算數😆👍🏻🤝！耐唔耐食下都唔錯，以後會再來！

本人呢就好鍾意食芋頭嘅甜品嘅，咁呢一間呢係我覺得值得推介嘅一間甜品舖頭，因為佢環境好乾淨啦坐落去又好舒服啊，二來呢佢啲食物呢都好乾淨嘅，咁我食過佢嗰個紅豆沙芋圓啦食落去煙煙銀銀有口感，又唔會太甜。好啱一啲又驚肥又想食下甜野嘅人去食，咁有讚就一定有彈嘅嘢要講嘅咁就係佢嗰個麻薯，咁我就覺得佢個麻薯味唔係好鍾意佢好似有啲咖啡味咁樣囉，因為我覺得佢裝落去個餡料唔係好白，但其他嘢係絕對冇問題嘅我覺得都幾好食嘅。

其實我們在上星期已經品嚐過這間甜品店，那時已經覺得味道相當一般不過我們很喜歡給餐廳多一次機會，所以我們今天便來到這間位於屯門市中心的分店中，再次品嚐它的甜品了No.1【芋薯圓Q麻薯牛奶冰】$52雖然一份牛奶冰索價$52看起來好像很昂貴，但是其實它的份量相當多，一份完全足夠2~3個人開心分享，所以可以算是全場最划算的甜品在介紹食物味道之前，我需要先投訴這款甜品的擺盤問題雪糕本來是放在最頂端的位置，但是當我們把甜品放在桌上的時候，雪糕竟然滾下來了，直接掉到了托盤上（詳情大家可以看附圖）那一刻的感覺真的相當差，我們在一秒之內由期待變成失望！麻煩下次店員擺盤的時候小心一點，至於把刨冰鋪平之後才放上雪糕！好了，現在繼續介紹食物吧，即使是兩個人分享甜品，但是對於我們來說份量依然太多了剛剛吃的時候味道甜甜的，冰冰的，清涼爽口，香甜美味，每一口的感覺都相當不錯，非常享受可是當我們吃到一半的時候，肚子便開始愈來愈漲，漸漸變得有點難受而且刨冰亦開始不斷溶化，到最後我們是直接喝掉那些冷到刺骨，以及甜得嗆喉的冰水我們滿口都充滿著濃濃的化學甜味，身體更冷得發抖，簡直味如雞肋，讓人難以下嚥，囓蘗吞針另外，刨冰並不

招牌仙草沙冰 $45 ⭐️⭐️⭐️⭐️(5粒⭐️為滿分)-來自台灣既鮮芋仙早前進軍香港近半年仲進軍屯門😍上星期同朋友食完晚飯 好想食甜品 經過鮮芋仙大家都未試過香港嘅分店就決定入去試吓當然食最出名既招牌仙草沙冰我仲加左$6要芋頭-芋圓十分Q彈 份量都算多芋圓底下都充滿住仙草同埋仙草冰佢會附送一盒小小既淡奶可以自由倒落去 加埋奶既味道更香濃😋-覺得鮮芋仙既芋圓係我食過數一數二好食嘅係q彈有咬口 仲有芋頭香味 Must try😌

先講我自己d口味偏好～5太十分好甜～如果太甜我覺得會over左～例如牛奶公司d雪糕我個人就覺得太甜啦～deyer雪糕都覺得甜～相反movenpick我就覺得好好味！🤩今日行開屯門市中心！記得有鮮芋仙！！銅鑼灣個間都一直想試～但一直冇機會！今次經過！當然要試啦！屯門呢間鮮芋仙係自助形式！自己去counter點餐～然後收到一個震震器～🤣再自己搵位坐！等個震震器一叫，就去取物處拎！雖然以甜品黎講5算話好平！但！睇埋佢份量就覺得好抵！可以當飯食大碗到🤣細食d ge朋友仔可以share黎食！🌟招牌仙草沙冰（$45）入面有芋圓仙草同冰係底！一d都5甜～佢會俾盒奶你自己倒～但其實5倒奶都好好味！仙草5苦！好好味！芋圓其實冇長洲冰室（之前食評講過🤣）咁有芋頭味～但都不過不失！夠「QQ」學台灣tone🤣下面d冰連埋仙草d汁一齊食一流！好解渴！！夏天食好消暑！☺️雖然e+未到夏天🤣我自己一個食sai🤣🤣🌟芋圓4號（$45）哇！食lee個更飽！有芋圓芋泥冰紅豆珍珠！d珍珠有d細粒～芋泥好重芋頭但5會太甜！很好應該冇外加好多糖！🌟🌟🌟🌟🌟🌟🌟🌟🌟🌟🌟🌟🌟🌟🌟🌟自助形式好free～經過叫一個share再密密斟不失

Walking around in Tuen mum and suddenly saw this shop, as my friend has tried and recommended it. So I’d like to give it a try. HahaWhen I ordered it, I thought the portion wouldn’t be very big or just average size. But it was very big and too big for even two person I think.The price is cheap, only $50 something and you got a large bowl of ice with different toppings. I guess it’s a good deal for a large group of friends to share. But overall the taste is so so for me.

芋圓癮起🤤我地第一次食呢間野 叫咗一人一款牛奶冰 就咁聽個名好似好正咁 點知一上枱 好大碗😱布丁Q麻糬牛奶冰同芋薯圓Q麻糬牛奶冰應該係人地share既份量 我地一人食. . .勁多料 有芋圓 小芋圓 冬瓜凍 麻糬 個布丁有驚喜 勁滑🤤可能都算新開 人比較多 晚餐後去食勁多人派隊等位咁建議想少人啲就下午去食啦～～

雖然台灣和內地也有這店，但來到香港開張，終於有機會一嘗定價必然較貴，但一碗的分量其實夠兩人share，當有芋泥的話，更是飽肚可惜的地方是，不能自行選料，只能按其搭配😢每個選擇都有珍珠，叫芋圓愛好者不爽呀

呢間野一直喺大陸好出名人哋話好好食但係我未食過一聽到佢嚟香港嘅時候已經勁想去食但無奈地過海又真係有啲遠而且又未抽倒時間去佢終於黎到新界區啦我終於可以朝聖一下我去嗰日係第二日佢唔算話多人到好誇張佢因為先買野再攞位其實係等位耐但佢同我想像有少少出入我一直以為佢係食芋圓同埋仙草果啲但佢呢度個底一定係冰或者紅豆湯兩樣嘢都太涼，但最後我為咗試佢啲芋圓都買咗其實佢算唔差幾好食嘅鍾意食嘅都可以去試吓

悠閑下午，來一個甜品，為假期添色彩。今日黎到屯門食鮮芋仙，聽聞鮮芋仙的芋圓好好食，所以黎試下。芋圓3號我選擇左個芋圓3號（凍），有芋圓，紅豆，珍珠。芋圓好好咬口，紅豆味道不錯，珍珠就越食越上癮，份量都好大碗，足夠兩個人食

來自台灣的美食，繼台灣爭鮮，台灣珍珠奶茶，台灣八月堂，終於等到台灣鮮芋仙來港，今次係屯門開咗，之前係深圳食，真係好好食今次叫咗芋圓2號同芋圓4號，分別在於入面係芋頭件，同埋地瓜件，最好味之選，當然係台灣粉粉綿綿的芋頭，食落好似台中最出名的大甲芋頭，冇渣，芋頭味濃，再配上熱辣辣的黑糖湯底，再搭上珍珠，薏米等，增添飽肚感另一碗，分別在於地瓜件，非常橙色，反而味道比較淡味，冇芋頭咁出色再加叫一分，點心拼布甸就麻麻哋，質地比較硬，布甸比較水，唔好嘥錢

屯門市廣場開左鮮芋仙，芋圓控既我一定要去趁下熱鬧，食返碗先～去到發現好多人，同坐位不多，所以外賣回家，和Mr Wong慢慢嘆。每碗都好大碗，完全可以2個人share～————冰芋圓4號（芋圓、芋頭、紅豆、珍珠），我仲追加左仙草凍同冬瓜凍～食凍既，佢真係入面有舊冰，由於我叫外賣，所以半溶狀態都唔錯。芋圓好QQ煙韌、芋頭夠淋、紅豆夠甜、珍珠就無乜味、仙草凍味道十足、冬瓜凍就差啲啲，無味～————熱芋圓3號（芋圓、紅豆、花生、珍珠）大部分配料同4號一樣，唯獨唔同既係有花生令到成碗糖水，多左一份花生味！

介紹返鮮芋仙終於開左係屯門啦! 其實我係大陸食過因為太好食所以念念不忘。屯門鋪嘅位置係奇華麵包鋪隔離，可能新開所以坐爆哂。望落可坐10多枱。由於食呢啲甜品要慢慢嘆，所以我外賣。好彩天氣唔太凍，可以食冰。其實鮮芋仙最正係芋頭牛奶冰。但唔知香港一唔一樣，所以我揀左個芋薯圓Q麻糬牛奶冰試試。碗嘢肯定岩2個人一齊share食，入面有芋薯圓、小芋圓、麻糬、冬瓜凍，vanilla ice cream, 仲有充滿牛奶嘅刨冰。啲麻糬芋薯圓好正好Q，最重要食牛奶加落刨冰冰度甜甜地，夏天食簡直perfect。