鳥華亭

營業中

休息中

《鳥華亭 - 灣仔》不是出自有名既拉麵師傅，卻做出綿密既雞白湯拉麵☺️我就一向都喜歡食拉麵的，今次朋友帶左我去一間佢成日食既雞白湯拉麵店食晚餐，雖然店鋪細細而且位置又唔算好起眼，但我當日去既時候一路都人流不斷，可見喺呢區黎講都真係人氣既食店😉黎呢度當然要食佢最出名既雞白湯啦，我就試左最classic 既至極雞白湯拉麵，而朋友就食左另一款較清新既檸檬拉麵🍜💁🏻‍♀️至極雞白湯拉麵我果款classic 雞白湯拉麵個質感都幾Creamy，有陣陣嘅膠質感，食麵先飲湯，飲落順喉而且唔會口乾，個面質地我就揀咗曲麵，雖然揀咗硬身，但係我個人覺得再硬啲會更加掛汁，入面嘅流心蛋有少少酒嘅香味，用嚟送麵食更加香濃，我最鍾意就係佢嘅蓮藕脆片同埋雞胸肉，個雞胸肉食落唔會嚡身，整體感覺唔差，係爭在個面生硬多少少就正啦💁🏻‍♀️檸檬拉麵朋友呢一碗檸檬拉麵，其實就即係雞白湯但係加咗檸檬醬同埋新鮮檸檬，反而我覺得呢一個面更有驚喜，味道更加清新，好適合夏天熱辣辣嘅時候想食啲清新口味嘅拉麵🥰拉麵入面同樣有流心蛋、雞胸肉、蓮藕脆片同埋大量洋蔥，份量同我嗰碗差唔多，個湯飲落仲會帶多咗一種鮮甜😉下次嚟我就識揀啦💁🏻‍♀️灣仔交加里22

唔知係咪轉左人經營，無食半年，味道大不如前。湯底和食物只有鹹，食完大半日都要係咁飲水和喉嚨唔舒服。以往令人懷念的熱辣辣湯底，又變成只有微熱的溫度🥲而且我係要求麵要軟身，偏偏佢就煮到最硬的程度。以往令人懷念的湯底不復在，又要搵另一間好食的雞白湯拉麵啦～🥲🥲因為今日同朋友去食，晚上大家夾返錢時，先發現佢地多收了一碗麵的價錢。就算幾忙都好，希望佢地小心一啲。當然，我都學識要小心check單，今次一碗麵的價錢當買個教訓。

✨隱世高質雞白湯拉麵門口仲有個紅色燈籠🏮 超有日本嘅感覺餐廳內設計仲以傳統和風為主🥰特盛雞白湯拉麵 🍜雞肉份量都算多，有真係非常嫩滑我同朋友分別揀咗捲曲麵同拉麵個人比較推薦捲曲麵💗食落麵質較煙韌，仲好掛湯添湯底勁濃郁，質感仲好creamy!忍唔住飲哂啲湯添呀🙈手作餃子🥟一份有6隻，外脆內juicy值得一試！📍 鳥華亭地址: 灣仔交加里22-30號華都樓地下15號舖電話: 23661332#灣仔美食 #灣仔打卡 #灣仔拉麵 #拉麵控 #拉麵 #銅鑼灣必食 #灣仔必食 #hkfoodie #hkfoodies #hkfood #hkgirl #hkig #日本拉麵 #雞白湯

朋友介紹，我們來了灣仔的鳥華亭吃拉麵，果然不錯。一入門口，店員親切地招呼我們入座。我們叫了至極白湯拉麵、蕃茄莞荽拉麵，小食叫了華味鳥雞軟骨肉丸。~ 至極白湯拉麵：湯底是經長時間慢火烹調而成的濃郁滑溜雞湯，麵條有嚼感，雞肉細滑幼嫩，令人一試難忘。~ 蕃茄莞荽拉麵：莞荽份量超多超香，加埋蕃茄一起吃，清新健康，莞荽控一定like👍🏻~ 華味鳥雞軟骨肉丸：一共有5粒肉丸，口感佳，有咬口，點埋加入雞蛋的醬汁，更加滋味。這裡的拉麵款式都多，而且頗有特色，湯底味濃，吃得出是有水準之作。小食方面，亦多選擇，口味地道。這裡店子雖不大，但很有親切感，店員很友善，會細心地介紹各款拉麵的特色，真窩心啊😊

忙碌了一天就以一碗日本人氣雞白湯拉麵終結餐廳設計充滿傳統的和風，如置身日本的拉麵小店所有拉麵均即叫即製，一進店就傳來濃香撲鼻的氣味拉麵共有五款常設口味，另外有期間限定的口味雞白湯拉麵溫度足夠，入口質感很厚，有漿口感覺小食明太子雞翼皮脆肉嫩，咬開有豐富飽滿的明太子餡料，帶點微辣 華味鳥雞軟骨肉丸加蛋汁肉骨比例八二比，肉質鮮美彈牙飲品Suntory Highball角濃威士忌有氣調酒清涼易飲巨峰提子梳打甜酸口味在口中滿盈，果味清香

.之前喺日本🇯🇵已經好鍾意食雞白湯拉麵🍜今日咁啱經過灣仔見到呢間拉麵即刻入去試吓🤗呢間拉麵舖都幾隱世唔當眼！開正係以前舊戲院個位🤗如果唔係妹妹學校要面試都唔會經過！今日終於有機會食到🤗芫荽蕃茄雞白湯拉麵🍜見到有芫荽，呢個必叫🤗我是芫荽控🍀湯底濃郁‼️雞肉嫩滑，入口即化開。麵條彈牙可選擇粗或幼麵明太子雞翼明太子雞翼作為小食熱辣辣新鮮最好食！雞翼肉質鮮嫩，醬汁惹味📍 鳥華亭 (灣仔)灣仔交加里22-30號華都樓地下15號舖

灣仔內街有一間元祖雞白湯拉麵館，雖然位置有啲隱世，但去到門口見到大大個紅色燈籠，好容易就可以搵到!呢間拉麵館嘅湯底出名濃郁夠味!我同朋友就揀咗兩款拉麵🍜特盛雞白湯拉麵 $139- 雞肉真係非常嫩滑，我揀左捲曲麵,麵質好煙韌,又掛湯,每，配料都好豐富。🍜北海道產蝦味噌$108- 係獨特的蝦味噌湯底，湯底非常濃郁。而且大量櫻花蝦係湯面，令成碗湯充滿住海鮮嘅鮮味。小店雖然細細，但設計和式風味，係唔錯嘅拉麵館推介!

朋友介紹鳥華亭嘅雞白湯拉麵都幾正，就決定去支持一下。店舖位置唔算起眼，位唔算多，七點半左右已坐滿，門外都有人排隊。入面嘅裝修簡約，但成個場面都係日式風格。雞扒湯拉麵 $89呢個拉麵嘅雞湯底真係好濃郁，湯頭帶有一陣濃厚嘅雞香味，唔會過鹹但好鮮甜，飲起上嚟仲有點漿口感覺。揀左捲曲麵，麵質有嚼勁，最重要係好掛湯，每啖麵都吸哂湯底嘅精華。雞肉嫩滑，配埋呢個香濃嘅湯底，完美。辛辣雞白湯拉麵 $89嗰個湯底同樣係雞湯，不過多咗一份辣味。呢個湯底除咗有濃郁嘅雞香，仲帶有一陣辣勁，辣味唔會霸道，但食落去會慢慢喺口腔入面散開，令人食得越多越上癮。嗰碗拉麵嘅麵條同樣彈牙，辣味同湯底融合得啱啱好。忌廉蟹餅，只係$1！堂食滿$100就可追加，真係好抵，外層炸得香脆，入面嘅忌廉餡滑溜溜，但唔會太膩。煎餃子，$45餃子皮薄而脆，入面嘅餡料多汁，帶有陣陣香味，煎得外皮金黃香脆，咬落去仲有肉汁溢出，配埋少少醋，正。 

今日和同事去食拉麵，我貪新鮮揀咗檸檬拉麵，同事就揀咗雞白湯拉麵。一張紙揀一碗拉麵，揀1️⃣拉麵款式；2️⃣蔥的款式；3️⃣麵的種類；及4️⃣麵的硬度。🍋檸檬拉麵我揀咗混合蔥，直身麵，而麵的硬度為普通。檸檬拉麵有6塊檸檬呀！檸檬味酸帶清香。而我食麵前會先飲一啖湯，湯底的味道酸得黎有微微的雞湯味。混合蔥有微辣帶甜的洋蔥和香蔥。直身麵爽口軟腍。蓮藕片很脆，雞肉厚身但口感軟滑。有時食拉麵，食食吓會覺得鹹或膩，因為有檸檬的關係，喺炎炎夏日食一碗檸檬拉麵，就覺得很開胃。🐓雞白湯拉麵同事都係揀咗混合蔥，捲曲麵，而麵的硬度為普通。湯面可見到有層薄黏膜，湯底濃郁唔鹹，第一次見同事食麵飲曬啲湯。而捲曲麵口感就煙韌啲。

灣仔秘店鳥華亭🐔以白湯鷄肉為主打店舖不大，晚上開 6:00我哋5:45 已經等位，店舖大門一開，成村客人自己搵位坐好，睇嚟都係熟客仔大家都秒速飛紙入廚。無論白湯/魚介湯我也喜歡魚介雞白湯拉麵$93先喝一口湯，魚介湯鮮味足；選了卷曲麵條；口感更有靱性，亦冇咁易稔，掛湯度也很好。雖然鷄肉並非肶位但質感超乎地嫩口多汁，下次一定要另加多份鷄肉。至極雞白湯拉麵$99同樣也是先喝一口湯，湯是白色，味道偏咸；呈現半流心温泉蛋好好食，麪和鷄和前者一樣好吃。忌廉蟹肉餅$42即點即炸，超熨口，裙面是滿滿忌廉醬，十分香口，但完全食唔到蟹肉，同預期大不同。如果你喜歡吃雞同時也喜歡吃拉麵，它會是你不二至選。

鳥華亭是一間隱世的日式拉麵店，位於灣仔交加里，以其出眾的雞白湯拉麵而聞名。今次特意前來一嘗，當中最令我驚喜的是它的「檸檬拉麵」。雞白湯拉麵 $89湯底濃郁細滑，飽含雞肉精華，入口即化開。麵條彈牙有勁，能夠完美吸納湯汁。搭配流心溏心蛋、軟滑雞胸肉和酥脆的蓮藕片。檸檬拉麵 $98與經典款相比，這款雞白湯加入了檸檬汁和檸檬片，竟帶來全新的清新滋味。酸酸甜甜的檸檬味完美平衡了濃郁的雞湯，清新爽口，非常適合炎熱夏日享用。配料同樣豐富，口感層次分明。明太子雞翼 $48除此之外，我地仲點了明太子雞翼作為小食。雞翼肉質鮮嫩，醬汁恰到好處，既不會過於鹹辣，又有著濃郁的明太子香氣，十分惹味。

好耐冇食拉麵今日跟住網上推介嚟到試下係灣仔的一間小店～真心好好食 推介.💎 $99 至極白湯拉麵呢碗拉麵散發出濃厚既湯頭香氣揀左直身麵麵條有嚼勁😍味道十分鮮美濃郁既白湯帶黎滿滿既滿足感🫶🏻.💎$27 追加雞叉燒 (3枚)每一塊雞叉燒都鮮嫩多汁肉質鮮美，香氣四溢係呢碗拉麵既美味點綴🥹.💎$25 明太子雞翼 (1隻)明太子既鹹香同雞翼既烤炙完美融合外酥內嫩😆每一啖都彌漫住濃濃既海鮮風味係一道令人回味無窮既小吃.💎$18 烏龍茶

拉麵之旅來到灣仔窄巷內的小店，店舖小小的約可容納15人，通風系統一般，很像是由大陸人主理。【魚介白湯拉麵】配著三片慢煮雞胸肉，湯底濃郁且富有層次感，魚介的鮮味與雞白湯結合。慢煮雞胸肉嫩滑多汁，與湯底相得益彰，直麵條吸收了湯汁的精華。【北海道產蝦味噌】獨特的蝦味噌湯底馥郁香濃。大量櫻花蝦的加入增添了海洋的鮮味，使湯底更具深度。一隻溏心蛋則為整碗拉麵增添了濃郁的口感，蛋黃的香滑與味噌湯底相互融合。【唐揚雞】外皮香脆，內裡鮮嫩多汁，調味適中，加些檸檬汁調味兩惹味。

嚟間拉麵店位置有點隱蔽，但勝在大紅燈籠高高掛在門前吸引到注意。裝潢設計日系，真的以為置身日本。拉麵款式主打白湯系列。雞白湯拉麵湯底奶白，有漿口感，用心餚製，讃。麵條揀選了捲曲麵，感覺掛湯力會強勁一點。麵條質感爽口，硬度適中。白雞肉軟熟，少少黑胡椒香。好喜歡配菜嘅炸蓮藕片，紫洋蔥，增添爽口感。蟹肉餅炸到外脆內軟，不油膩。餡料蟹漿流心，好味。巨峰提子梳打吃完拉麵，一杯清涼透心巨峰提子梳打，完美又醒神。

有段時間常來交加里，留意到一間日式老店，它就在交加里垃圾收集站與公廁側面隔兩個舖位。舖頭出面長期嚴重滴水！覺得它生意一定不會好。萬萬估不到原來是一間很人氣的雞白湯拉麵店-鳥華亭。這晚再到灣仔就決定探店一試。晚上七點，拉開木門見客人密密麻麻同時湧出好大陣油煙味。找了個Bar枱位座下點了4號魚介白湯拉麵，要香蔥同洋蔥、直身麵普通硬度。滿心期待等到拉麵上枱時正正就係照片的模樣，買相如何大家心裡有數吧，好想知點學其他人影得咁靚。不能打咭就算吧，拉麵個湯最緊要，係幾濃香又咸鮮好有風味（偏咸）；兩條蘆荀也鮮甜；炸蓮藕片一開始就比湯浸稔哂本身味道亦一般；麵身就正常的好味。軟硬度因可以自選所以啱晒自己喜好，但見麵都是膠袋裝的來貨，不過好食就得；四片厚切慢煮黑椒雞胸夠欶滑。但如果Blind tasting 嘅話，佢同Aeon或華御結等二十幾元蚊日本直送獨立裝即食黑椒雞胸任何方面都做得非常似。青蔥同洋蔥唔多，都係切粒而不是切成蔥絲放到碗邊，唔似大部份日本料理的手法。雖然湯好好味但整體最多都係七十五分，就如之前有評論講過感覺唔到靈魂，我就感覺不到誠意。或者比個湯其他人會發揮得更出色要一讚枱上有膠杯同大樽冰水