鳥華亭

營業中

休息中

話說唔行唔知，原來灣仔好多人間美食！今次 閨蜜帶我去一間人稱香港排名無第一都一定有第二的拉麵店，仲要係時下好多人特意去食既雞白湯拉麵🍜🍴至尊白湯拉麵 $96老實說，平日食拉麵我好喜歡重口味、辛辣咁過下癮，而呢個拉麵 — 簡直係我食過最好食既一碗！❤️‍🔥佢既湯底濃而不鹹，無任何味精味，皆因我幾乎飲唒成碗湯都無乜口渴感。佢既雞肉唔柴，簡單用黑胡椒去調味，再配搭濃厚雞湯，𝐎𝐢𝐬𝐡𝐢!!! 😋 成碗拉麵簡直係完美！我諗下次我直頭要再加麵底啊🤣

店舖座位得十個左右，而且有啲迫，平日6點到都已經要排隊，最有趣係職員全部都係講英文、亞裔人士，不過唔識英文都唔驚，落單紙係中文，圈圈圈就得。*至極雞白湯拉麵 $96雞白湯用10個鐘長時間慢火煮出嚟，非常濃郁順口，質感似忌廉雞湯，味道有種中式雞湯嘅餘韻，甘甜甘甜。麵條揀咗直身麵，失策！口感爽口但唔掛湯，冇辦法突出雞白湯。有三片雞胸肉片，唔嚡又香雞肉味，份量多又好食。溏心蛋雖然冇醬油香，但蛋黃好流心好濃。

天氣凍就想食一碗熱辣辣既拉麵，之前見到網上面有人介紹呢間隱世拉麵店，所以今日特登出去灣仔試試佢。餐廳位置都算入，有少少難搵。另外，店面又唔算大，所以lunch hour條隊都幾長。如果係一大班人黎食，應該要分開枱坐了。至極雞白湯拉麵 ($96)入餐廳之前我struggle左一陣至極雞白湯同埋普通雞白湯有咩分別🤔 但後尾問番店員先知原來係有/無溏心蛋既分別😅 咁我就中意食溏心蛋既，所以叫左至極雞白湯拉麵。淡黃色既湯底有好濃郁既雞味，但一d都唔肥膩。而且個拉麵放低左一陣，我影完相📸️之後就見到湯面有輕微既膠質漿住左😍 拉麵方面我叫左直麵，不過麵身唔算掛汁，但尚算有咬口。另外，見到d雞叉燒🐥白雪雪就知佢無事先醃製過，所以煮完出黎味道一般，肉質又算鞋，不過又說不上好好味。反而溏心蛋同埋炸蓮藕整得唔錯。

至極雞白湯拉麵 $91雞白湯超級濃厚，好似飲緊忌廉雞湯咁rich，好好味，會令人一啖接一啖咁飲；雞叉燒唔柴，帶有少少胡椒味；溏心蛋做到流心效果，蛋白有微微醬油味；捲曲麵較有口感，但唔算好掛湯。魚介雞白湯拉麵 $85湯底同樣濃厚，魚介味突出；直身麵較爽口，同樣唔算掛湯。唐揚雞 $48一份有6件雞，份量唔少。炸粉好薄好酥脆，雞肉保持嫩滑唔會柴，好食👍🏻〰️〰️〰️〰️〰雞白湯好好飲，好濃郁，大推❤️ 魚介湯都唔差嘅，不過就唔算驚艷。建議如果第一次嚟，真係要試咗個招牌雞白湯先😆 至極白湯同雞白湯嘅分別在於有冇溏心蛋，湯底係一樣嘅，大家唔洗懊惱揀咩好🤣 拉麵有直身麵同捲曲麵，雖然麵質唔算好出色，但有多個選擇比客人揀都幾好👍🏻 餐廳座位比較窄，4人枱單邊坐2個人會覺得迫；店員係外籍人士，講英文同識少少廣東話，幾nice，臨走仲提我哋記得拎遮~〰️〰️〰️〰️〰️食物: 4.5/5消費: 3/5 環境: 3.5/5服務: 4/5Revisit: Yes

係某平台的拉麵關注組搜索灣仔，見都幾多人推介lee 間，時間尚早就行去試試行到去若11:30，隔離有間賣模型的舖頭，再隔離係垃圾站，開頭都有少少介意，怕唔衛生。網站寫明開11:30，去到的時候舖頭門係開左，有位外籍女士係門口掃地，我本來諗住既然都開門，咪準備開口講聲excuse me 入去，但未開聲，該位女士就好唔耐煩用英文話未入得，係出面等，我就用英文問大概等幾耐，佢就用手指指出面 ，或者佢意思係叫我出面繞個圈先…… 唔緊要 因為事先我係拉麵關注組見過ching 講話服務態度一般，我理解人係會做到「醋」左 但有諗過，其實你剛剛開門 一個客都未有 就咁有火藥味，或者尋晚訓得唔係咁好，又或者準備雞湯的時候，D 雞唔聽話掛，anyways…體諒直接講食物質素先我叫左個特盛硬直面，主角係湯，確實係香濃白色的忌廉湯低，並且飲完唔口喝，飲得出係濃味，但唔鹹，且有雞味，好難得！拉麵，我本身鍾意硬麵，確實煮出黎係硬度係我喜歡的，而且爽。上面有兩塊炸左的蓮藕，我覺得好好味，好脆，並且保留了蓮藕的味道，如果係零食的話，真係可以食唔停。特盛上面有六塊雞肉，食得出係慢煮雞肉，但反而雞肉唔係好出色，同平時食的

鳥華亭 (灣仔) 📍灣仔交加里22-30號華都樓地下15號舖🍜 至極白湯拉麵 $96 ▶︎ 賣相: 有四片雞叉燒 一隻蛋 兩片炸蓮藕 兩條蘆筍 洋蔥 白蔥 ▶︎ 湯底: 湯底冇打到起泡所以覺得比較稀 雞味有而油香濃郁 係擺耐咗面頭會結一層皮嗰種 不過個人認為偏鹹咗啲 ▶︎ 麵: 麵量未知 似乎同座銀差不多 正常粗度嘅捲曲麵 掛汁能力出色 不過比較易斷 唔係好煙韌彈牙🤔 最尾甚至覺得有啲似杯麵質感🥲▶︎ 肉: 肉量足不過只有雞叉燒 可惜質感較鞋 雞味唔突出 反而鹹味偏重蛋: 少失望 冇乜醃過嘅味至於都冇蛋味 甚至會覺得蛋黃有啲腥😩配料: 炸蓮藕幾特別 酥脆不過有啲偏油 蘆筍就正正常常

餐廳介紹: 鳥華亭菜式:拉面地址: 灣仔交加里22-30號華都樓地下15號舖 #中產窮L 返工出job又黎到灣仔搵食，今次無意中行下行下，去到灣仔道，再行入一條橫街，見到一間拉面店，餐廳門外雖然無人排隊，但就放左排隊欄杆，相信繁忙時間都要排下隊。 入到餐廳，地方不算大，大概20個座位以下，都算乾淨企理，餐廳員工唔太清楚係什麼國藉，不過自己手寫落完單後，就要靠英文和餐廳員工溝通，都幾搞笑有趣。 講番食物方面，平日lunch 係無lunch set，只可以加錢加小食加飲品。 至於個拉面，#中產窮L 叫左個雞白湯拉面(84蚊)，外觀都擺得靚靚仔仔，雞肉有4至5片左右，拉面可以選擇直身或者捲曲，至於湯底就同一般拉面店好唔同，佢真係名乎其實既雞湯底，都幾好飲，食完拉面後，飲哂d 湯直至碗底。 總括而言，價錢都合理，雞湯底都幾有特色，可以一試。 #中產窮L #鳥華亭 #noodles #noodleshk #wanchailunch #hkfoodie #foodie #foodiehk #hkfoodieblogger #灣仔美食 #wanchaifood #香港美食 #灣仔食好西 #香港食好西

將他放在飯堂的名單內因為都是普通拉麵 都有想吃的種類這次推出了新系列海老味噌拉麵海老味噌 兩種濃味增味系列加在一起湯底會更香口濃郁 海老會香口 味增會增味麵條選了以往的有蛋香 也掛汁濃郁濃底並不是厚稠的都順滑的質地表面的配料豐富的 蝦乾 粟米筍 味玉和雞肉

唔錯嘅！！！！因為見外面好多人排隊 所以又跟住排好彩5分鐘有位入得未知我應該會轉另一間因為lunch食 趕住有meeting要見！麵可以自己click硬度，主打係雞湯有d廚師鍾意你飲曬個湯有d人飲完唔需要飲水證明湯底好靚好好味 冇味精！唔錯！會再食！

喺Openrice 見咁多哈哈笑，又係我想食嘅雞白湯，去開灣仔就試吓啦。Lunch hour 等左20分鐘左右，入到去，3個員工都係菲律賓人，心唸 “咦！咁嘅！？”😳佢有直麵/曲麵，兩個都係揀曲麵，個staff 話好食喎。☹️至極白湯拉麵 $96落單後5分鐘唔洗就到喇，一嚟到見個湯係淡黃色並唔係米白色，試下啖湯先，咦！😳雞白湯唔係咁架喎！但個味咁熟嘅🤔 再食啖，我唸到咩味喇！係忌廉雞湯嘅味！個麵質ok 嘅，似係攞貨果d囉，但個量好少，雞肉無乜味，但唔鞋嘅，隻蛋undercooked太生，又唔入味😖😣辛辣雞白湯拉麵 $87個辣好平淡單調，就係個忌廉雞湯加咗辣囉，呢碗仲慘，連蛋都無隻😫🤔真想唔知點解會有人比哈哈笑

天呀，食神再次眷顧我終於食到一碗非常非常好味的拉麵個人喜歡捲曲拉麵呢度都有得選擇直拉麵一如以往 有軟硬適中 麵質地選擇我同朋友去食實在太好味，食完一碗要再嗌多另外一碗share。但係唔好以為係細碗，一碗都已經好飽正常男人份量的，而且湯質感係稠密濃厚的。✏️要嗌多一碗夏天時令 <檸檬拉麵>食慾大增‼️‼️完全同傳統式拉麵毫無遺和感非常出色‼️🧡🧡🧡🧡🧡我✏️第一碗嗌嘅係<至極雞白湯拉麵>我從來都唔會太識得欣賞拉麵的肉，我食拉麵都係為咗食個麵同埋湯底的佢呢度係用雞白肉有Pepper 了，一啲都唔粗糙，嫩滑有不肥，加上超級濃雞湯非常出色成碗湯飲晒見圖就知道了🧡🧡🧡🧡🧡✏️第二碗朋友嗌嘅係 <魚介雞白湯拉麵>雞白湯嘅風味加上魚介嘅濃郁提升了兩者嘅鮮味，又一出色之作🧡🧡🧡🧡🧡食完之後真係明白嗰種溫暖同開心係有幾重要，食到咁我諗店主他們都對我一個女仔留下印象吧，飲晒啲湯係最大尊敬他🫡由於真係好好味，所以都需要等待片刻的，但絕對值得！真係俾滿分💯！逐步逐步嚟下次試吓海老味，再下次再試下辣味先得，但係我都好有信心呢間嘅絕對唔會令任何人失望！

已經試齊曬灣仔幾間拉麵店，暫時鳥華亭係我最想encore既，先講講位置先，鳥華亭鄰近華都樓(即舊灣仔戲院附近)，當晚6:10pm入座唔駛排隊，👍🏻分別叫左兩款拉麵同一款炸雞。至極雞白湯拉麵湯底係濃濃既雞湯味，配上溏心蛋，炸蓮藕同露筍，整體由賣相以至味道都好好。檸檬拉麵湯底係檸檬味雞湯，雞肉好滑，炸蓮藕又好脆，性價比高。炸雞配有蔥，檸檬同沙律醬，但食落雞肉同炸粉完全分離，失望。店內亦提供芽菜作配菜，都好味👍🏻

-{灣仔雞白湯拉麵🍜}之前有見過雞白湯拉麵介紹依間！係香港雞白湯嘅元祖店😎🤤至極雞白湯拉麵🤤 ($118)麵係曲麵 有蛋香同埋較易掛湯😆原本覺得好厚嘅雞白湯味 第一啖可能啖少少 但唔會膩😋所以食得曬成碗🤓差啲就飲曬個湯🤩另外蓮藕片好脆口😍不過雞肉有啲啲嚡 都可接受嘅 蛋就熟左啲👖褲評: 8/10🤤明太子雞翼🤤 ($22)好多釀左嘅明太子餡😉都有肉汁不過味道唔算有驚喜👖褲評: 7/10個至極係必試😛依度全部都係東南亞人serve嘅 值得一試👍性價比: 8/10服務: 8/10環境: 8/10🚩 鳥華亭 🚩地址: 灣仔交加里22-30號華都樓地下15號舖#fuudjai #fuudjai日本菜 #fuudjai拉麵 #fuudjai灣仔

係灣仔打滾左咁多年，真係後知後覺，宜家先知原來有間頗有名氣既白湯雞拉麵店係交加里，有心唔怕遲，為左食好西，烈日當空下都照排隊，等左15-20 mins到入得店舖好細，只可客納10幾個人，驟眼睇全間拉麵店既店員都係外藉人，店員亦都招呼周到，好有效率👍🏼至極雞白湯拉麵黎呢度一定要試佢個雞白湯，呢個雞白湯係經長時間慢火烹調而成，個湯清得黎又有濃郁既雞味，入口又rich 又creamy，有點黏口既質感，有4片雞肉、蛋、蘆筍 & 炸蓮藕片，整體味道不錯個雞湯係不錯的，但配料就無太大驚喜，店舖地點真係幾隱蔽，平時真係唔會經過，價錢亦都合理，鍾意雞湯湯底既朋友可以試下

灣仔區比較隱蔽少少日式拉麵店入面整體俾到感覺真系好有日本感覺位置比較多　桌面都有芽菜可以自己添加翻主打都系雞白湯　麵條都可以自己揀其實他們雞白湯比較住家少少吾會有太多既花款　但水準好多時都維持到雞肉慢煮　入口會好嫩滑夾翻個雞湯　好順滑又吸到少少湯味雞蛋會流心　系我至愛既質地又吾會好鹹拉　啲啲蛋香拉曲麵會有蛋香同彈性　同平時食到既麵會有分別有時系呢頭行開都會黎食翻　系私心飯堂黎