鳳城酒家 (已結業)

菜式是有點特別！我們三人點了鍋貼蝦、大良野雞卷、脆大腸、豉汁蒸啜魚、高湯炸鳳城粉果。除了野雞卷比較似普通的炸物外，樣樣食物都唔錯！但價錢偏貴~~

鍋貼蝦其實幾好味, 不過一定要一上枱趁熱盡快食, 凍左之後件多士唔脆, 仲會覺得好油.炒鮮奶唔知好味在邊度, 甜味送飯有d怪.炸子雞算係最好味, 皮脆同隻雞肥瘦恰到好處.蟹肉炒白菜, 蟹肉好碎兼無蟹的鮮味, 炒白菜OK, 因為只係簡單做法.

家聚，要o左四隻食送。(1) 順德桂魚卷：估唔到呢隻原本要預訂既食送最快上。此食送即「一魚二食」，炒魚肉加炸邊骨位；嫌獻汁太濃，魚本身麻麻地新鮮；(2) 莧菜香菇掌翼（唔記得正名）：係追加既order 但竟然第二上。掌翼係去骨既，無味；菜都係（油+獻）浸菜；(3) 炸子雞半隻：皮鹹肉淡兼骨肉分離，幸而賣相可以；(4) 大良炒鮮奶：鮮奶炒得極不勻循，蟹肉聚埋哂一邊。附送綠豆沙同蕃薯糖水。彈o左咁耐仲 ？是日小妹做東。

鍋貼蝦: not as good as expectation. crispy but only find the taste of oil, no taste of fresh prawn.釀鯪魚, 炸子雞, 順德桂魚卷, 煎藕餅, 雜菜煲all tastes ok. but all are quite oily.西米布甸: not too sweet. ok

老朋友又途經香港，又是下榻海逸。次次佢都係住呢度，試過同佢食孝勢及去打邊爐，今次問佢想食咩，佢話好想食炸子雞，咁就諗都唔使諗，就來了這間鳳城。星期六，沒有訂位，原先以為好多人，要等好耐，但來到一陣就有位。朋友及手下四名，一行六人，見佢個五人餐有翅，有窩貼蝦又有炸子雞，就要了個5人套餐加碟炒鮮奶、蒸及炸的粉果各半打、咕嚕肉及豉汁蒸啜魚頭腩。這裡與上環及禮頓店是同一集團，食物都算有水準。先來翅，雖然是套餐，也用了牙簡翅，湯底煲得幾香，不錯；窩貼蝦都脆口，不過吃落就非常之油膩，好像每一口也有油走出來似的，但外賓就當然相當喜歡，拿來下自携的白酒也相當不錯。不過個人而言，是喜歡港大校友會的蝦多士多一點；炸子雞大大隻，吃落皮脆肉嫩滑，都有水準，朋友為此而來，也滿意。不過雞是微微不夠熟，有點血水的，不影響味道，但在禽流感的陰影下，吃有血水的雞也是有點介心。套餐只包半隻雞，要加至一隻要補80蚊，都吃得過；炒鮮奶是這裡的招牌菜之一，當然不易失手，鮮奶燉滑，但不夠奶香味，不過外賓也是非常滿意的了；蒸粉果同炸粉果樣子相近，但餡料是全然不同。個人而言也是喜歡蒸的，菜甫餡美味，粉果皮如趁熱吃的話，煙煙韌韌的，比

食咗：１．粉果　－　ｏｋ啦２．大良野雞卷　－　離譜！每粒得五毫子咁大，個邊硬到好似炒米餅咁！！裡面舊豬膏似係未醃過，一啲味都冇！！！個侍應仲想當我地唔識野咁，面黑黑！３．釀鯪魚　－　離晒大譜！！有少少常識都知打鯪魚要放陳皮，呢到竟然淨係得蔥！又凍又硬又大"look"，好難頂！！！４．炸子雞　－　水準之作５．貴花魚卷　－　"hin" 大多，唔夠熱６．浸芥膽　－　好難唔得既７．焗布甸　－　多水咗０的，都ｏｋ既四個人都食咗七百幾，唔抵

一行人黎食晚飯點左好多招牌菜其中炸子雞,蝦多士,炒斑片,生菜包鴿鬆都好好味但全部都太油其中豆苗更係油到食完碟底可以反光服務亦麻麻漏左單都唔say sorry

嗰日同屋企人去左食，D野都ok，但係service就好差！！！成晚D人係度傾計，唔多service

上星期去左紅磡，可能因為係平日，間間都大把位（好多間都得三成滿），四個人求其咁去左鳳城酒家。見過menu，價錢都略為貴，求其點左四樣野趕下場，要左京都焗肉排、韭黃炒吊片、大良炸雞卷、金銀蛋莧菜。京都焗肉排都唔錯，雖然味道絕不突出，但肉排好新鮮好有肉味，唔會好似茶餐廳咁醃到好重味（通常唔新鮮就醃濃ｄ，等人錯覺好好味）；而個炒吊片都幾好，鑊氣夠又唔太重味精！至於個莧菜，菜就老左少少，整體上都可以合到格，係細碟少少。但係個炸雞卷呢，我就覺得唔多掂，唔熱得來又好大陣油味，食落有少少似牛耳酥咁，可能係呢味菜特色，不過我地同隔離檯客都唔多歡迎喇（兩檯都有ｄ聲氣）。至於服務，唔可以話差，不過亦都唔叫得做好。單計菜式平均上都合格，不過價錢上（埋單三百六十幾）我就唔係要合格就算囉！雖然菜式真係油麻地，不過最後送個糖水又幾好，值得一讚！合桃露整得好香，唔似開粉，而紫米露聽講都好好味（我係食合桃露）。就係呢個糖水，有如完場前射入世界波追和，唔使喊樣！

同男朋友d friends 五個人食晚飯，自己第一次黎，先知原來係食順德菜。環境同好傳統的酒樓格局差唔多，不過好迫下，同中間冇咩位，同埋服務麻麻地，叫左半隻炸子雞好耐先黎。五個人叫左五樣：鍋貼蝦- 跟沙律醬，有d似蝦多士，脆脆地幾好食炸子雞- 果然係招牌菜，皮脆，有雞味生魚卷- 生魚肉卷了些雜菜，同什菇，西芹一齊炒，都唔錯既鳳城炒飯- 好一般既炒飯焗西米有甸- 唔太甜，幾好食，都幾飽肚

老豆生日，我們一家都是順德人，老豆成日都很欣賞鳳城菜式，又加上中秋正日，所以幾姊弟決定請爸媽去鳯城食一餐(因為爸媽永遠都不捨得出街食晚飯)。我們沒有叫套餐，因為好想試傳統菜。八寶鴨：　整隻鴨的肉都炆得很淋，完全不用牙咀嚼便完全溶化，而鴨內的料如蓮子、綠豆和鹹蛋黃也都入口即溶，不過，隻鴨真是很大可以當飯食，可幸的是我們一家五口一齊食，都不會是太飽的。但如果平日要食這道菜，便要先很預訂。大明蝦鍋貼：　拿手菜，真是不錯，很新鮮、很脆，每次都很有水準大良野雞卷：　熱騰騰、弟弟第1次吃，我問他食不食到是什麼，他怎樣也吃不出是用什麼做，當他食完後，我們告訴他是用肥豬肉弄時，他也很驚訝！大良炒鮮奶：　這款是我最欣賞的，可惜最遲才到。炒得真是很滑，蛋白間不會全熟，而是有種很滑溜的感覺。如果是阿媽煮，一定將那些蛋白煮到全熟。順德桂魚卷：　西蘭花炒得很爽脆，桂魚也很鮮甜。不錯不知是不是錯覺，我覺得中間部份好像未熟。西米布甸：　不是太甜，有蓮容，可能因為開始飽，只覺得很好味，但沒有覺得有再食的衝動。小插曲~為西米布甸，阿姐為我們添置新碗和匙。可是，當我們拿起第1隻匙時，竟然發現有一舊西米布甸殘渣在下面的匙上