鳳城酒家 (已結業)

昨天晚上去了黃埔個間鳳城酒家食晚餐，其中點了一個<菜遠炒牛肉>，菜芯是又苦又老，更都可以給卑人食？還點了一個<西芹炒田雞>芡打得太厚，完全失晒水准。之後我先知,DBS信用卡有85折，佢地又不講，買單時應該問一下有冇DBS信用卡嘛。下次都不唔會再去啦。

食過尖咀、灣仔個間鳳城，食到紅磡個間，雖然時間差幾年，但都終於食厭了。可能次次都叫窩貼大明蝦、野雞卷。窩貼大明蝦第一次食驚為天人，非常香脆，非常美味。今次食覺得油膩。野雞卷 - 竟然無乜味的，更徨論有雞味紅梅骨 - 比較特別的菜式魚湯雜菌 - 個魚湯都得既，算係最抵食的呢粉絲雜茶煲 - 無乜特別其實鳳城並唔係抵食，因為中上價錢但味道 O.....K.....服務倒係一流到我都未食完佢送既糖水就收左。之前洗杯碗既時候，又係未洗完就收左個 dou....睇黎佢地真係怕俾老細見到得閒......

原來呢度星期日下午兩點半開始下午茶,大中小點一律$12,兩個人坐低梗係盡量叫多啲大點啦.見到好多人叫糭食,咁就先嚟一隻大點糭,客觀嚟講,呢度的糉就不是靚,糯米多,綠豆少,又無料,但係對於我嚟講,卻是十分喜歡,因為糯米做得很好味.鮮肉鍋貼很大隻,很多汁,原隻蝦和肉很足料.鮑魚絲菜苗餃比想像中好,因為在每隻餃上真的有一至兩條日式鮑魚.味道好好,菜和肉的比例均勻,下次有機會再嚟都會叫.百花蒸釀豆腐,蝦餃做得不錯,不過豆腐卻偏硬.另外寫紙的杞子雞蒸腸粉,開頭以為係類似叉燒腸,但原來係雞還雞,腸粉還腸粉,不過啲雞幾鮮嫩,啲腸粉則不會太油.至於個雞札就算係最平凡的一個,不過的雞都算鮮嫩,魚肚亦幾好味.兩個人食咗六個點心,很飽肚,埋單都唔駛一百蚊,非常抵食.

同家人提早做節，揀左紅磡鳳城。6:30 到，只有兩枱人，可能是時間早同金融海潚有關。冬瓜盅 - 鮮味，份量足蝦多士- 真的太油，難以入口炒鮮奶 - 食唔出鮮奶味炸子雞 - ok 好味炒啜魚- 因係河鮮，d 肉好梅龍蝦- 冇影相 $3xx ，味道唔錯西米布丁 - 招牌菜，我為此而黎，hk$68 (細)，沒有失望 五大兩小，加啤酒及汽水，結帳$12xx，以咁價錢，其實有好多選擇。

去紅磡同摯友永別後，三個人要填補空虛的心靈和驅殼，來到黃埔美食坊，之前試過幾間鳳城，但未試過這間，便坐低嚐嚐。間店祇坐得三成客，場面看落冷清，比剛才「大酒店」的人多的場面成強烈對比，看來飲食業第二季仍未可樂觀。看看餐牌，有一系列的特價推廣，$50 半隻，$88 一隻脆皮炸子雞，還有特價孖寶，百多二百元有兩道菜，商議後點了一隻炸子雞，鍋貼大明蝦，生炆班腩煲和北菰扒仙掌。先來的鍋貼大明蝦，餐牌明明寫著「$68(六隻)」，不知何故，送了十隻來，唯有通知服務員，她看看檯上的記錄紙是寫著十隻，但我們又沒有要求加大，為甚麼會加大了，聽後她立即在我們面前拿走四隻，鍋貼大明蝦像是蝦多士，上面一隻開邊蝴蝶蝦放在一塊麵包上炸，蝦沒有鮮味，點了沙律醬亦不外如是，生炆班腩煲送來時，我們才發現記錄紙的記錄祇替我們落了半隻炸子雞，又要通知經理加回一隻，他告訴我們仍未炸好，可轉回一隻，經這兩度菜的失誤，感到有些服務員並沒有專心工作，寫菜後亦沒有替人客覆單，會影響公司形象和生意，在這金融海嘯下，大家更加要振作，抖擻精神，希望明天會更好。生炆班腩煲有點欺場，祇得三幾件班腩，其餘是火腩和豆腐，北菰扒仙掌有莧菜墊底，冬菰很

今日4個大人, 3位小朋友一起去飲茶都係飲左$270~~今日雖然係紅假, 但係都有下午茶, 大,中, 小 點一律 $9.8.....我地食左11個點心, 同兩個 $36 既廚部小食...(1) 海哲手撕雞 $36 : 呢款係最好食既, 有青瓜 ( 一絲絲, 好脆, ),海哲唔" un ", 手撕雞係雞胸肉, 但都好滑...(2) 椒鹽魷魚酥 $36 : 我冇食, 但 3位小朋友都食曬, 仲話好好味...(3)鮮蝦春卷: 這個一般, d蝦唔夠爽, 個皮都脆既...(4) 豬潤燒賣: 豬潤冇過火, 燒賣係豬肉同蝦, 都好食既..(5) 陳皮牛肉球 : 牛肉球比較實, 一般..(6) 蒸排骨 : 好好食, 仲有d護頭, 好入味(7) 蒸粉果 : 我覺得唔太好食, ok 便利店仲好食d..(8) 差燒酥 : 凍既, d酥皮好"un", d餡又唔得...(9) 差燒腸 : 腸粉皮好厚, 差燒好鞋.(10) 蒸素餃 : d餡係羅漢齋, 清清地幾好食..(11) 煎蘿蔔糕 : 蘿蔔糕唔會好多粉, 煎得冇過火..(12) 4寶滑雞扎 : 魚肚好入味, d雞都好滑

Before we walked into this restaurant after having other dishes elsewhere, I already forewarn my friend that this branch of 鳳城酒家 is probably not going to be good. If 北角鳳城 is different in that its much more traditional in setting and food preparation, especially with Yum Cha, and the other 鳳城's such as Mongkok and Causeway Bay are the norm, then the 紅磡酒家 is more like a tourist trap?Had the following:1) Famous Prawns 鍋貼大明蝦. Its a very special dish in a way but way too oily, also little fresh pra

昨日, 同媽媽嚟飲茶. 之前嚟過, 都叫做ok. 昨日大約十一點左右到咗, 門口無reception, 咪自己搵位囉, 見大堂多數係大枱, 廚房出口有幾張細枱, 啱啱想坐低, 有個帶眼鏡頭髮蓬鬆既男部長走埋嚟, 指住一張對正廚房門口既枱話: 你地坐呢張, 唔好坐後面, 呢d有人ga."R"哂頭, 明明水靜河飛, 都唔知佢講咩. 我話: "呢張對中門口喎, 好容易撞到喎, 我地坐後一張啦不如", 個位"部長"先生用比之前大聲既音量話: "我地要食飯呀, 又唔係唔俾你坐, 坐第二張啦, 出面咁多枱." 打搞哂喎, 阻住你食飯TIM... 算啦, 後尾坐咗出面, 剔咗點心同早市特價粥, 交俾個待應姐姐, 阿姐姐就同我地同隔離枱既人講:"D粥賣哂喎, 你地叫過第D啦." OK, 無所謂, 再叫其他囉. 但係最新奇係, 我後尾又見到其他枱有粥食喎, 點解呢??呢間酒樓係剔點心紙電腦入機之餘, 仲要"cup"點心咭印的, 咁諗住佢地會對數, 實信得過. 埋單時, 無留意咪俾錢囉, 到埋錢時, 嬸嬸先拎住一碟牛仔骨嚟話上少咗, 再睇張單, 一早就計埋入去喇....呢間酒樓既野係真係幾好食, 但係

冬至晚上和家人，與及舊街坊一起團年；不過長輩在前，影相阻鬼住長輩們動筷似乎不太合禮儀，所以雖然有相機在身也未敢動手。(不過既然質素如此一般，也不是甚麼損失)本來，整枱都是上海人，理當去吃上海菜，我們本也在北角雪園訂了位子；但舊街坊的女兒是日剛下機，不便走到北角，就選了在她家附近的黃埔美食坊裏的鳳城。(雖也有王家沙，但我們都一致認為該店的上海小菜不正宗，也沒有想過去吃)鳳城是吃順德菜的，倒不太懂分是否正宗；不過今次吃的感覺比較一般，未知是否因為冬至太忙的關係？我們點了：釀鯪魚 – 是將魚肉釀入原條鯪魚內，手工當然是好，鯪魚肉也鮮甜，不過可惜勾芡太多太濃，與魚肉味混合後味道太重太複習，效果欠佳。鍋貼明蝦 – 特級校對的《食經》也有介紹此菜色；蝦是用得好，做法也與《食經》介紹的相若，唯下層的麵包太厚了一點 (應該再切薄一半)，油也不太新鮮，麵包索了過多的油，有點“油溢”味。炸粉棵 – 我想真的是油出了問題，又是有點“油溢”味；裏面的蝦倒還好，但外層的皮太粉了一點。芥蘭炒牛肉 – 夠火候，牛肉也夠嫩滑，惜牛鮮味不足，也許是用料問題；而且，也是芡汁味道太濃，很一般。紅燒沙田豆腐 – 也是一般貨色

　　冬大過年，一如既往，我家每逢過節都會提前（因工作關係），今年的冬至少了一位，但仍計劃在冬至前做做節，家人住在紅磡區，於是便選擇到黃埔鳳城酒家，因為故鄉是順德關係，選上這家以順德菜為主的酒家試試。　　這晚因是平日關係，不用多等便能進去，環顧四周都有八成食客，也算熱鬧。四口子叫了幾個這店有名的菜式，分別是炸子雞、生菜包、釀鯪魚、南乳扣肉（隨後還加上炒鮮奶），四個人點了五個菜，心想應該太多吧！畢竟過節，豐富點也不妨。　　炸子雞：因為沒有活雞供應的關係，相信該店應用上冰鮮雞取代之，個人對活雞或冰鮮雞的味道沒有多大研究，但這味炸子雞造到外脆內軟，非常香脆，對於愛吃香口食物的我來說，真是不錯。　　生菜包：菜牌上的生菜包名稱是生菜片鵪鶉崧，不知是否鵪鶉獨有的味道，感覺非常羶，個人不太接受。　　釀鯪魚：功夫菜，需要將鯪魚剁肉，釀在魚身肉，然後打個獻汁，魚肉造到彈口，但加上了花生，似乎破壞了這道菜，比起蓮香樓，個人較喜歡後者。　　南乳扣肉：用上粉葛、芋頭，加上五花腩用南乳炆之，非常惹味，這道菜能令人食上兩碗白飯，送飯首選。　　炒鮮奶：與家鄉的比較，簡直不能並論，可能因為家鄉用水牛奶，而港式用上普通鮮

星期日起身突然腦中一閃...出現灌湯餃三個字!所以即刻揾飯脚出發去咗呢間,因為容易泊車四個人叫咗二十幾碟點心同一隻炸子雞,食完有印象只有幾樣.炸子雞---真係炸得好正!皮脆肉滑,上枱重有少少熱氣蒸緊上嚟,睇嚟揸刀斬果個真係師傅,夠快手!主角灌湯餃---好在先叫兩籠,諗住食完先再叫唔駛灘凍晒！一放落個碗就知出事…個皮幾硬身,篤兩吓都未穿,裏面果Ｄ又未至於似糕我會叫佢做漿…好杰,無味,蝦肉唔新鮮.把鬼！(太子果間好好多)雞飽仔---呢個又幾好味喎!果幾條薑絲Ｄ味好出.炸粉果---呢個又唔得,皮好厚咬落成口粉,一浸完湯直頭自動溶解!(太子果間好好多)鳳凰煎糯米雞---煎完都仲軟過蒸!無料喺裏面咁滯!其它食物只可以講句「唔難食囉」.四個人被安排坐最入果條走廊加出嚟嘅枱,坐完根本行唔到人,但係有Ｄ樓面係要夾硬攝!好在招呼咐近幾枱個阿姐好好禮貌同笑容!就算食食吓要起身比佢推車仔過都樂意!個笑臉係俾隻炸子雞同樓面阿姐嘅！

之前個日阿媽誤會左以為我唔想咁遠入黎黃埔飲茶, 其實我不知幾想黎呢, 因為呢度曾經充滿左我中學/返工/同好兄弟/認識我男友&同佢初初拍拖既回憶呢~呢日星期四3點半飲下午茶, 全部都係即叫即蒸~鳳城燒餅(出黎個樣勁似叉燒酥, 勁鬆化, 咸咸地, 好似梅菜同豬肉, yummy~如果熱辣辣仲正)脆麻花(有d花生椰絲響面, 用煉奶去點黎食, 之前我地一直都係食糖漿, 大鄉里既我地未見過添~)潮州粉果(呢個麻麻, 個皮唔煙韌所以唔鍾意)干蒸牛肉賣(好耐冇食過喇, 同以前食既味一樣, 好正呀~)紅油抄手(甜辣油唔太辣啱哂我, 又好多餡, 當然食食下都會有d辣啦)P.S. 呢度4點就冇得叫野食喇, 好彩我地3個人都細食, 夠lu~呢次黃埔之行係值得既!!3個人埋單盛惠$70~

在屯門吃晚飯吃得夠多了商量過後決定到很久未有光臨的黃埔吃晚飯自鼎泰豐搬遷後都沒有到此...7時入座已經差不多坐滿人被安排坐在較遠離大堂的位置很逼...坐得不舒服難得來到鳳城當然要吃吃招牌菜*啜魚兩味*即是蒸魚頭腩及生炒魚塊先說蒸魚頭腩火喉控制得很好魚頭腩滑得很加上欖角麵醬的調味整碟小菜很惹味好好味!生炒魚塊魚雖然炒得不老而且魚肉很滑但太多骨.....而且是小小的碎骨牙肉受了不少傷.....吃得很辛苦卻又很想吃下去好矛盾!!!!!啜魚兩味份量不少足夠三個人吃但價錢不便宜要$360事實上吃龍躉兩味更為化算!不知是否廚師需要特別炮製製作需時等了差不多半小時才上到菜.....粉絲什菜煲以為會很細碟上檯後卻發現頗大碟但所謂的什菜一點也不「什」西生菜為主(90%)另外只有幾粒蘑菇及菜芯及西蘭花選擇不多....

見之前既食評話佢出餐出得慢﹐我既經驗剛相反6:30 去到﹐未有太多人﹐叫了5餸1湯1甜品。湯上先﹐飲了半碗﹐ 其他餸繼而送上。當晚我地叫了海參鵝掌﹐炸子雞﹐魚煲﹐野雞卷﹐蝦多士&布甸。湯都未飲完﹐其他餸嚟晒(爭在未上埋布甸﹐可能要D時間焗)。 咁你想我食咩先? 飲完湯﹐食得海參鵝掌嚟﹐其他餸都凍晒啦。仲有就係佢果晚比"卡位"我哋坐﹐根本張枱就一次過放唔到咁多餸。問D WAITER想點﹐佢哋話陣間會有好多客﹐所以宜家要快D上晒D菜。乜咁都得?! 不過點都好﹐大部分既餸都做得唔錯。

離開貨倉後，一行五同事一齊去食晚飯。領導人對鳳城有情意結，咁就去鳳城囉。有大佬在，點菜方面梗係唔需要我煩惱。掃勻全部餐牌，領導有決定了。點了鳳城有名的八寶鴨和脆皮雞，還有花菇鮮掌菜膽、清炒菜心及魯水牛展，再叫兩支啤酒慢慢飲。全隻八寶鴨，端上來肯定大體，不過水汪汪般的，未及想像中好。再講味道，裡頭的餡料過淋，味道亦不好，還好的是鴨肉仍嫩滑；另一鳳城名菜脆皮雞，剛炸起的，溫度好足，皮很脆口，肉就有點韌，總的來說還是不錯。花菇鮮掌菜膽，花菇幾淋幾入味，鮮掌夠爽口，我也幾滿意；清炒菜心則一般，應該是說太硬了；牛展就好厚身，好在不太硬，也入味，不過厚身成咁，公司會否賠本?由六點坐到八點，只得幾檯客，咁樣既生意，有錢賺嗎?