鳳城酒家 (已結業)

付賬方法：現金、信用卡 (收茶芥及加一服務費)備註：晚飯收茶芥HK$12/位，餐前小食HK$4/碟，白飯HK$12/碗 香港的「鳳城酒家」標榜賣傳統的廣東順德菜，由順德名廚馮滿創立，現在是擁有7間分店的飲食集團。集團主理人名廚趙海峯先生，是1954年鳳城酒家始創人已故馮滿先生之首徒，深得馮氏獨特真傳，並跟隨馮先生開設「鳳城酒家」。眾所周知順德菜出名多手工和傳統的粵菜選擇，而鳳城的招牌菜包括脆皮炸子雞、窩貼蝦和大良炒鮮奶。炸子雞即叫即炸，色澤金黃皮脆肉嫩口感非常好。 鳳城酒家黃埔店位於黃埔美食坊 (原名蔡瀾美食坊)，這裡進駐不少美食店，仿如一個美食天堂。鳳城的無柱大禮堂視野開揚，空間寬敞。大禮堂足可筵開36席，場內設有新娘房、先進的音響設施、投射螢幕等，今天剛好有社團舉辦春茗聯歡，所有晚飯的食客只能使用較為狹窄的偏廳。當晚所見部份餐桌中央都放著一個類似蒸窩的東西，細問下得知該店現正推廣蒸汽石窩套餐，可惜我只有兩人，無緣享用，唯有按原定計劃吃傳統順德菜吧！ 鳳城的無柱大禮堂視野開揚，空間寬敞 當晚所見部份餐桌中央都放著一個類似蒸窩的東西，細問下得知該店現正推廣蒸汽石窩套

早前同屋企人黎咗黃埔美食坊的鳳城酒家食晚飯。鳳城酒家幾大間，當晚係閒日夜晚但都全場爆滿。主菜：海蜇手撕雞黑椒牛仔骨煲北菇鵝掌煲小食點左海蜇手撕雞。海蜇手撕雞海蜇好爽。 手撕雞幾嫩。配埋超多既青瓜絲、紅夢卜絲同芝麻好惹味。主菜點左黑椒牛仔骨煲。 黑椒牛仔骨煲牛仔骨幾大件，肉又厚身。但件件牛仔骨的肉仲帶小小微粉紅色，好滑口。 想食點菜，又唔想齋菜，所以點左北菇鵝掌煲。北菇鵝掌煲：鵝掌肉好厚又入味。北菇同小棠菜都好腍。

一家4口來了黃埔花園探親戚，順道在黃埔美食坊的鳳城酒家晚膳。點了以下：海蜇手撕雞(小食)芝麻超多的，舖滿菜面超香的！海蜇又粗又爽口。青瓜絲、紅夢卜絲帶來清新感。手撕雞的肉好嫩滑，加上很多芝麻油等令味道香口。北菇鵝掌煲鵝掌比平時食的更大隻，更肉厚。但入味腍滑得過分！我超愛吃！而北菇都隻隻大SIZE，肉厚但腍滑。連墊底的小棠茶都超腍甜，無得頂。黑椒牛仔骨煲牛仔骨有近五至七件大塊的，數量頗多。件件大件又厚身，而且肉質嫩滑！此煲甚足料，不錯！第一次食鳳城留下好印象。價格實惠，質素優質，我會想再光顧。

睇完戲之後唔係好肚餓因為係睇戲嘅時候食爆谷已經飽飽地 但係經過鳳城見到個蒸氣鍋又好想試下本來我地係坐卡位架 但係帶位既姐姐見到我地一袋二袋咁就安排我地坐左係大檯 仲有電視睇添呀 我好想食個海鮮五層塔架 但係我個朋友話佢真係唔係好食得落野 所以我哋唯有散叫三樣野去蒸囉〰️龍躉頭腩〰️我鍾意食魚 朋友就鐘意食魚頭 呢啲餸簡直滿足晒我地兩個既願望呀呢碟魚係寫到明係要蒸8分鐘既 個侍應話蒸8分鐘就會係啱啱好 果然呢個時間係剛剛好嘅 魚肉唔會蒸到老晒 但係有啱啱熟 肉質好滑 好嫩口 條魚都算好新鮮呀〰️順德馳名污糟雞〰️其實我係食完先知道呢個雞嘅名架 因為我覺得個味同平時食既冇乜特別大既分別 咁當然啦 呢種食法隻雞一定會個滑d既 一d都唔韌呀 配菜本耳都好好味〰️咸排骨瑤柱粥底〰️其實呢樣先係第一樣食蒸氣既第一個步驟因為個粥係放係最底個層既 當你蒸唔同嘅餸嘅時候 所有餸既精華都會跌咗滴晒落去個粥入面 所以個粥就同平時既好唔同 佢既味係複雜d既因為我哋叫得唔多餸 所以要另外再加多十五分鐘去煲呢碗粥 呢個粥係用北方米都煮 粒米既形狀比我地平時食既肥大 雖然粥唔算好綿 （可能因為煲既時間唔夠長 ）但係碗粥有好濃

想食中餐，又想食海鮮，所以諗起鳳城的海鮮五層塔。之前食過一次，回味中，所以早一日預訂，再來品嚐蒸氣石鍋。我們一行6人：4個大人、2個小孩。小孩唔食海鮮，所以先點了半隻脆皮炸子雞及兩碗飯，安頓好小孩。大人方面，點了海鮮五層塔見到都已經好滿足，好震撼！大大隻元貝美味蟹羔，龍躉鮮甜啲蜆好新鮮，隻隻都開口我們另外加了手切肥牛，小朋友都岩食食完火鍋，來個咸排骨瑤柱粥，真係大滿足！要讚一讚，侍應服務好好，每一層都幫手蒸煮，適時嘅來換碟，食得開心舒適的一餐。

Located in Sheung Wan, this teahouse offered a wide range of traditional dim sum and they are really delicious!I brought my friend there who is also a huge fan of dimsum and we both couldn't stop ourselves!We had the traditional 燒賣、小籠包、蒸排骨. They were both very nice!The steam shrimp dumplings was a must try as well!春卷 is apparently many people's favourite. And it was done very right here!Overall, this is a very nice place for dim sum with a quite reasonable price. It's definitely worth a visit!

蒸火鍋，要海鮮多，粥底先好味，唔駛諗就叫左海鮮5層塔，有龍蝦，肉蟹，扇貝，魚頭同蜆，個粥一定正!平日都坐滿粥底有肉排，白果，同少少炸菜絲。大半碗米，都煲到6~8碗粥。5層塔嚟啦，不過佢同其他額外叫既野混埋一齊，其他海鮮放旁邊。蒸肉蟹，好鮮甜，啖啖肉。蜆，蒸完好juicy, 但用碟隔水蒸，因怕個粥底太咸，因為d蜆的確幾重海水味，就咁食就正!波士頓龍蝦，又一鮮甜之作魚頭雲極新鮮至surprise 推介，蝦丸的，unexpected 的新鮮，完全鬆軟鮮甜到唔同街外的。菜，是完美的結局，一般蒸都比炒煮更鮮嫩甜美。咁多鮮味汁既精華，變左粥底既一部份，突然排骨粥都變海鮮粥，飽極都食左兩碗。

It has been a long while since i last dined out with my parents, thus I decided to have chinese cuisine restaurant with them this time round. They suggested Fung Shing restaurant as it belonged to traditional type and quality was quite good. They have several branches in Hong Kong, thus we went to their Whampoa branch. It was located at Whampoa Gardens, just couple of minutes walk from Whampoa MTR.  They served all types of Guangdong dishes such as seafood, meat, vegetables, soup and desserts et

鳳城酒家應該很多香港人都聽過，它最出名的菜式要數八寶鴨、蝦多士和焗西米布甸，但當中大部份都要預訂，試過幾次光顧就因為沒有預訂所以不能點，但最近去黃埔分店，就發現焗西米布甸竟然不用預訂都可以點。＊＊＊＊＊＊＊＊＊＊＊＊鳳城黃埔分店鄰近地鐵站和巴士總站，所以都幾方便。酸菜($4/位)酸菜有醃蘿蔔，正！每位才$4，算便宜。姫松茸燉雞湯($198)是日滋補燉湯有兩款選擇，不用預訂都可以點。一盅有大約8碗，價錢合理。雞湯油量不多，夠味之餘亦飲得出沒有味精。蜆介鯪魚球($88)一客有九粒鯪魚球，每粒比乒乓球還要大，鯪魚球打得很彈口，蘸上鹹鹹的蜆介汁很好味。紅燒沙田豆腐($88)豆腐煲熱辣辣，最合冬天食。豆腐皮有咬口得來豆腐亦滑。著名脆皮炸子雞－半隻($138)炸子雞皮非常脆，雞肉入味不會過鞋，只是略嫌有點過油，不過味道也不錯，絕對是必點項目之一。西米焗布甸－細($78)本來想著多口一問沒有預訂可否點，想不到可以，因為之前在太子分店要預訂才有的。細份夠四至六人享用，有甸甜度適中，很香蓮蓉味，好味！紅豆沙食完還有糖水送。總結，食物維持水準，整體味道不俗，價錢亦合理，最好是燉湯和糖布甸都不用預訂。

去酒樓食飯 係想食到屋企都食到既味道但出面大多數既酒樓 都比較重味有時候都想返返d老字號酒家鳳城有好多分店 好多間都食過 覺得唔錯的蒜蓉蒸扇貝 酒樓用大蒸籠蒸 最怕過左火 鳳城蒸得剛剛好 好入味 又夠蔥蒜隻扇貝都好大隻 望番都流口水 我最鍾意食白鱔 覺得又香又肥美鳳城既白鱔好新鮮 有魚油香但唔太肥膩經理哥哥介紹話 脆皮雞出名 又試下啦果然好脆口 雞肉又滑鳳城小炒王 其實好足料 好多蝦乾 魚乾炒到香噴噴咁 我冇停過手有時酒樓食飯 我係唔敢食豆苗既又貴又細碟 但鳳城相對大碟乾身 性價比幾高的😀😀總括黎講 鳳城冇失手 依舊俾到我一餐家常便飯的感覺

而家蒸火鍋越嚟越流行，連傳統粵菜酒家都搞搞新意思。連鍋係特別構造，粥底唔會煮焦。開始時會放入米，白果，排骨，之後自動有水同蒸氣，將粥煮熟，當然唔少得嚟緊既海鮮精華啦通常都以貝殼類行先，扇貝，好大粒，開邊後都好厚身，而且一食就知新鮮，因為鮮甜，蒜蓉粉絲唔太咸，唔會搶左個味。蟶子，都好大隻，成把間尺咁長，爽口鮮味。沙白蜆，有海水味，咸咸地，但無沙。每次食粥底蒸鍋，唔可以無蜆，係鮮味既靈魂。海蝦$98，原本諗住普通貨式，上檯發現手掌咁大，仲要腳撐撐的，全檯人都話超值牛肉，唔好以為係滾滾吓最好食，其實蒸先最好食，蒸完既牛肉，更有肉味，更香，而且較好時間，唔會過熟，剛剛好。鋪平蒸，件件受熱平均，是個人來說最佳既食牛方式。經過多重加鮮加味，粥底大功告成，軟綿綿的粥底，鮮甜美味，飽都忍唔住食左兩碗。呢度的確值得encore, 下次可試吓套餐。附蒸時間參考，哈哈，如有閒情逸致可自己喺屋企試吓，但講真，街市靚海鮮都唔平，又切又洗，都係出街食算啦～

之前都係去太子嗰間鳳城, 今次我地黎到紅磡鳳城, 睇下係咪都一樣咁好先~紅磡鳳城地方比較大,一層過, 酒樓黎講唔算得上大… 但座位編排上有悉心安排過, 係一張圓枱一張方枱咁放, 原來咁樣會坐得比較舒服, 唔洗同隔離枱痴到貼一貼, 讚!!!小杬鯪魚球- 炸得剛剛好, 保留返咬落去嗰下嘅鯪魚球口感. 個靈魂~蜆芥汁咸味適中香味濃… 48有8粒, 比我想像中多, 又抵食又好食!!鳳城高湯炸粉果-係我每次黎都必點嘅!! 炸香左嘅粉果, 點左高湯，即時變得煙韌可口鮮蝦菜苗餃- 水晶皮厚薄適中, 餡料豐富, 蝦大大隻, 絕不吝嗇 香煎臘味蘿蔔榚- 好多茶樓都求其做, 但呢度做就得不油膩, 而且蘿蔔味夠重, 唔會粉多過蘿蔔, 加上臘味香, 正呀!豉椒牛肉炒河- 都算夠火喉, 濕少冇乾炒咁多油, 普普通通, 都唔錯! 

今日又再帶媽媽黎飲茶，黃埔站一出上電梯就係，超級方便。餐紙上好多野我都想食，不過當然要以媽媽選擇為先喇。🍴黑椒蒸爽肚 $21.8本身想食牛柏葉，但見到有媽媽愛食既豬肚，就即刻改左。意外地媽媽覺得超好食，份量多，但我食左一件後其他佢食哂😂。黑椒味好香，豬肚有淋、有爽，彈牙好味。🍴千層薑汁糕 $16.8每次飲茶必點，鐘意佢微甜、煙韌得黎又唔會痴牙，帶淡淡薑味。🍴柚皮鵝掌（特）$32柚皮完全無澀味，食落口感似芋頭，帶淡淡柚子香味，連同厚肉鵝掌兩者吸盡高湯精華😍。🍴鳳城炸粉果（大）$26第一次食炸粉果，附上高湯沾上就無甘熱氣。外形似咸水角，但粉果外皮較煙韌、入面係蝦肉，都幾特別。🍴香茜牛肉腸（大）$26香茜夠提香，馬蹄碎有口感，腸粉粉皮滑溜，牛肉熟度剛好。熱辣辣入口，超級滿足丫！🍴沙薑浸雞脚（小食）$45呢個為媽媽而點，佢一個人已經可以清光🤣。沙薑味唔會太濃，勝在雞腳唔會太硬或過淋，口感剛好。🥄南北杏雪耳木瓜 $18最後呢個天氣梗係要食返d糖水滋潤下啦～同係屋企煲既味道一模一樣👏🏻，滿足。呢度d服務員感覺都幾友善，最重要食物質素令媽媽滿意😀。

同朋友即興食個快餐，黃埔區又冇乜大排檔，行行吓就去咗美食坊，有間門面幾得意的鳳城酒家。簡單點左幾個菜，水準唔算太突出但亦冇令我地失望。粉絲蒸元貝有好多粉絲，吸晒啲汁好入味。脆皮雞稍為油膩左少少，但調味唔錯。蒸大鱔係朋友仔最愛，我就冇乜研究，覺得幾好味，朋友仔就話質感稍為軟咗少少唔夠爽口。金菇肥牛煲永遠係我的最愛，餐牌上面見唔到有，但侍應姐姐好好人幫我加單。呢個小炒王有唔同的元素，我就最鍾意韮菜花。12月係屬於豆苗的天下，呢個月食咗幾餐豆苗，每一次都係非常美味的。

星期日都要返工，唔緊要，最緊要就係做完野之後，可以同同事食餐好嘅，補償一下今日付出嘅勞力！去咗附近嘅一間酒樓食晚飯，美食坊真係一個好地方，林林總總嘅餐廳，可以任君選擇。今晚晚市勁多人來食飯，不過我哋都算好彩，等左三兩個字都冇，就已經有位。有人話好耐冇食雞，我哋點左個炸子雞，一償佢心願。雞皮都炸到幾香。豉汁蒸大白鱔超正呀！ ！有蒸鱔食，啲豉汁整到好入味，啲鱔幾新鮮，所以口感幾幾爽口。金菇肥牛粉絲煲，份量都算幾多，啲牛肉好似食極都有咁。個沙嗲汁都幾香濃。好開心，同事點左炒豆苗，豆苗當然鮮嫩可口，而且蒜頭的分量剛剛好，唔會太重味。又有份有份都唔係好重，在街外好少食到咁健康的炒菜。油份都唔係好重，在街外好少食到咁健康的炒菜。值得一讚。蒜蓉粉絲蒸元貝，個貝肉好似蒸得老左，不過啲粉絲都係好正嘅！好入味的！咬個橙，清一清味蕾，正式完成今天的慰勞宴，踏上回家的旅程。