鳳城1954 (MegaBox)

營業中

休息中

明天是中秋正日，我們兩口子提早一晚自己食左先。不知道是我們的口味淡，還是這家飯店的主要顧客群年紀比較大，全晚所點的菜式都是偏咸。撇除這1點，味道還是不錯的。全晚最合我們口味的，竟是金銀蛋浸莧菜。（冇咁咸）鳳城最出名的是炸子雞，送上枱後，家人問服務員有沒有准鹽，上菜員很堅定的話：冇。我同家人講可能好夠味呢。食落口，皮脆肉滑多汁的確好入味。節日當前食好D，四頭鮑魚，好腍，好入味。要留意的是原來menu上面的價錢只是一只的，但下單要兩只起，幸好部長特意remind我哋一聲，算啦，用埋消費券最後幾百蚊當政府請。順水魚湯龍球，魚皮Q彈，魚肉厚滑，一定要叫，美中不足係湯底勁咸要溝滾水。總括嚟講，可以做到咁多年嘅老字號，一定有原因的。

Mega box 有幾間星期日吃點心的選擇，最後選擇因為被鳳城老字號所吸引。期望越高、失望越大。 一坐下看到那張點心紙，還以為自己去了尖沙咀酒店嘅酒樓。基本的蝦餃、燒賣點心，50 多圓只有三件，平均價比酒店貴。蘿蔔絲酥餅30 多圓只係兩件，真的想不透？算了吧，以為價錢偏貴，質素應該唔錯，可惜真的不行，吃完後非常非常口乾….順德菜最出名嘅炸牛乳，淡而無味。陳川粉咸到過份。點心的質素真的一般。炒貴叼比茶餐㕔差，兩個人埋單$560。可能他們跟原來鳳城沒什麼關係。亦可能他們的晚餐才有水準。但經過今次，真的不會再嚟。

想來這裡很久了，因點好像很有特式，今次多人總算可來一試！見到張點心紙已很興奮，因好多都好吸引！我最喜歡的是小鳳依人，外表是三隻很像真的小鳥及鳥籠，鳳梨酥外皮香酥內餡微甜，又美又好味！另點了不少熱門點心，如大良炸鮮奶，勁好味！蝦多士也好味，另外表很吸引的是包羅萬有，有晒三款很可愛的包，當中以麥嘜叉燒包最吸睛、黃色的流沙包也不錯。另一個味道很好的是黑松露水晶波，一入口很香的松露味，很夾，中西合璧！I am loving it!

we tried this Chinese restaurant for 20 people team lunch. Staff arranged C Zone (6 people per table zone) which is inside the room to serve us for 4 tables. The staff sent us the menu by WhatsApp and we pre-order in advance. When we arrived the restaurant, they input the pre-order menu into the system. The dishes were served to the table pretty quick. Menu order same as below photos1:1954 Prawn toast2:Green tea custard bun3:Egg yolk lava bun4: Deep fried milk5:Tiger prawn & pineapple hush salad

與朋友好耐無見，在MEGABOX 亂找一間食肆座下傾計。最後揀左鳳城1954，在放飯時間都好多附近的人黎食。好彩唔洗等位。1.椒鹽軟殼蟹（ $58 ）炸得酥脆，且非常重口味，適合晚上食或送飯食。但對於只食點心的我們則較咸。2.安格斯霸王（牛肉腸粉） （ $48 ）腸粉好滑，且皮薄餡靚，且安格斯牛肉分佈平均，啖啖都係肉。整得非常出色，值得推薦。3.熔岩流沙包（ $43 ）每次飲茶都必定要試一試佢既奶皇包，奶皇包整得好代表呢間餐廳一定有點質素。呢間奶黃包同佢命名的名字一樣，好似熔岩一樣，一咬會流出濃濃香香的奶皇。正！4.黑松露素餃（ $39 ）素餃內有不口種類的菇，餃上會有黑松露，提昇素餃的味道。且同腸粉一樣皮薄，且煙韌，不易爛。其中一件蝦碌的事情，職員以為我地食完野，於是收起所有點心盤，放左落D 裝滿食完的車仔內。但其實未食完，咁岩經理見到，佢好友善地同我地講唔好意思且重新蒸過籠比我地，佢仲同佢既員工講唔緊要，無怪責佢。值得一贊佢地既服務態度和處理方法。

之前去完荃灣個間鳳城1954之後覺得質素唔錯，今日經過九龍灣順便係Megabox鳳城1954分店食野。1️⃣1954蝦多士蝦多士製作得好認真，多士炸得好香脆，上面既蝦都好彈牙，亦都幾鮮甜，依個點心整得幾出色。2️⃣蜆蚧鯪魚球鯪魚球入口冇碎骨，亦都唔腥，質感好彈牙，幾好味。3️⃣紫砂茶壺燉螺頭湯紫砂茶壺好保溫，依個湯一飲就知好足料，入口清甜。4️⃣「蜜招」安格斯牛粒依道菜煮得好入味，菇同脆肉瓜帶甜味，脆肉瓜好爽口，唔會煮到太老。牛粒煮到好惹味，牛肉味好特出。5️⃣宮廷紅棗糕紅棗糕好柔軟，入口唔會太甜，仲好香紅棗味，依個我都幾鐘意食。6️⃣楊枝甘露楊枝甘露好足料，有芒果同西米露同忌廉，好特別，幾好味。7️⃣西米布甸依個西米布甸我上次都講過好高質，所以今次再點。整體黎講，九龍灣分店既質素都高，食物好好味，我自己最鐘意既就係1954蝦多士。💕九龍灣宏照道38號企業廣場5期MEGABOX7樓6號鋪#hkfoodie #hkfoodblogger #foodporn #followforfollow #hkfood #hongkongfoodie #hkfoodlover #hkig #香港美食 #hkgirl #igfoo

約左朋友去mega box晚餐，好想食中餐，最後揀左鳳城，係門口眼到餐牌已經覺得好多野都新奇有趣，樣樣都想點來食。三隻公仔造形包，見到已經忍唔住要點，兩隻流心包好ok，隻豬仔造形嘅叉燒包就削左D喇牛肉球，造形靚，但都係牛肉球一粒無特別鮑魚雞粒酥非常一般炸物三件都係無乜特別叫左碟炒飯，炒得好乾身好香口咕嚕肉就麻麻地喇，可能唔係我想食傳統港式果種涼瓜鮮魷唔錯，涼瓜唔會過熟蠔仔魚湯浸絲瓜，好鮮甜炸子雞超好食，一D肥都無，塊皮脆卜卜叫左甜品，個蛋散好驚喜，好酥脆，又唔會好甜，上面唔係淋糖漿係鍊奶加D花生同椰絲，好好食。焗西米布甸我嫌佢好甜楊枝金露好好味，好香芒果味

星期日突然想飲茶，就黎左之前未去過既鳳城，點知......我以後唔會再去！又貴又唔好食！牛仔骨陳村粉味道一般安格斯霸王味道一般左上係溶岩流沙包，味道普通右上係彩虹鮮蝦餃，味道ok,鮮蝦足料大隻，但有蝦殼送！😂下面係古法灌湯餃，呢個係最難食！成（劈）野咁！

由於Megabox嘅位置問題，我都比較少去呢度飲茶，所以都有一段時間冇嚟鳳城，但呢度嘅點心的確唔錯。呢度嘅點心精緻，出面又真係唔多食到。見到有蝦多士，縱使唔係好想食熱氣嘢，都忍唔住叫嚟食，果然冇令人失望，炸得好香脆好好味。而紅寶石素餃嘅餡料雖然只係一般素餃，味道冇乜特別，但外型就做到好似番茄咁，好靚，即時增加咗食慾。至於鳳城水餃係能夠保持一貫水準，炒飯亦都炒得唔錯，夠乾身，除咗有叉燒粒同蝦仁，亦有番茄粒，減少咗炒飯本身嘅飽滯感。整體令人滿意嘅一餐。

移民潮之下，我哋有同事將會移民去加拿大🇨🇦今日將同佢食個farewell lunch ,揀呢度係因為有覺得附近冇咩高質素嘅西餐，同埋嚟緊去外地都應該好難食到好食嘅中菜。呢間鳳城我未嚟過，原來已經變咗一間新派點心食肆，裝修格局都同以往嘅鳳城有好大出入，令我眼前一亮。不過其實之前聽人講過麻麻哋 我哋一枱四個人，究竟叫咗啲乜嘢呢？#啤梨型嘅鹹水角外型吸引真係成個啤梨咁，但係唔知點解要一客三隻呢？🤔#椒鹽豆腐粒炸到外脆內軟，不過佢哋話擺耐左入邊啲豆腐冇咁滑喎。我又唔係好覺#鳳城招牌炒飯林林總總嘅炒飯炒麵都唔知揀邊個，如果換轉係我自己呢，我就會揀啲特別推介嘅，不過穩陣起見都係揀佢嘅招牌，有番茄粒嘅炒飯，佢哋話咸咗啲喎，但係我又覺得幾好味喎，夠乾身（其實係我本身鍾意食炒飯）🤣#蝦餃蝦餃係等咗好耐先到嘅點心之一，要三催四請😉不過佢特別在外皮五顏綠色好特別，同埋啱啱蒸出嚟真係差好遠#奶皇包奶皇包亦都係遲遲先出現，原來大家都好期待，又係熱辣辣蒸出黎，流心奶黃辣口嘅添#龍鳳腸粉呢個就真係麻麻啦！專登擺唔到好似盤龍咁樣其實一啲都唔美觀。龍就係代表🦐肉鳳就係代表雞肉，我食咗一件龍嘅代表，可惜d蝦肉好似麻麻

剛好週末 和家人來到商場逛逛 早聽說鳳城食物不錯 就來試一下近來後因為疫情原因三個人坐了兩張檯，但坐下很久直到點完單也沒人問我們喝什麼茶，和這了的員工說了以後才不耐煩的問喝什麼，十五元一個茶位難道不是應該理所當然問的的嗎好了，三個人吃四百有找下午茶來說也算正常了吧本人是做服務業的 難道連最基本的服務態度都沒有嗎？上菜的時候也是一聲不吭，嘛呀 我簡直想爆炸粗口了反倒是一吃完馬上就退部車來收東西 是很趕時間嗎？唉 總之 吃了個晦氣我以後不會來也會推薦朋友不要來 難道老員工的餐廳服務就不需要管教了嗎真是擔憂

還記得十年前的一個星期，跟幾位食友在聊天室吹水，說起鳳城的焗西米布丁，竟然一呼百應，即時相約午膳，事情當然不會就此完結，第二日大家正在回味之際，竟然又發起去另一間鳳城，可想而知，大家對「食」的熱衷。早前跟幾位食友相約了九龍灣鳳城飯聚。餐廳以順德菜為主，的確勾起了不少童年回憶，無他，因為老爸每逢喜慶日子，都愛選擇順德菜。燉螺頭湯（$58）以紫砂茶壺奉上，份量雖然較少，但每口都是精華，芳香醇厚，令人齒頰留香。1954蝦多士（$40）揉合了中西特色的蝦多士，麵包炸得鬆化可口，但略微過了火，蝦肉是預期的爽彈。今次以順德菜主打，炸鮮奶（$68/6件）及野雞卷（$68/8件）是少不了。原先要以水牛乳作料的炸鮮奶，今日已難求，但在大廚的巧手下，倒也似模似樣。至於野雞卷炸得酥脆香口，雖然好邪惡，但偶爾一件都可以。金皮炸子雞（$298）選用新鮮雞，質素已勝一籌，炸得雞皮脆卜卜，而雞肉保持嫩滑，自己倒是食了不少。孔融釀蟹蓋（$232）溶化了芝士，烘得表面焦香，內裡是豐腴的蟹粉，都幾足料，喜歡蟹蓋的朋友，大可一試。金叵蘿蟹鉗（$232）很飽滿紮實，咬落彈牙，蘸點一下甜酸汁更吸引，不過都幾熱氣，真係一件起兩件

上一次來係 2020年既 12月, 當時好少人, 可能因為果時係 2人限聚令, 呢一日就完全好旺場, 不過都唔使點等就有位, 始終 MegaBox 呢度食肆好多, 今次大致上都係叫返岩自己口味既點心, 而古法灌湯餃就一定唔少得, 大大隻入面有齊魚翅, 瑤柱絲, 少少豬肉, 成隻餃都係湯, 好大隻好熱, 就算點小心放落碗度, 落到去就一定爆開, 成包湯同 D 料都出哂來, 用匙慢慢食, 好好味, 皮又薄可以好滿足咁成隻食哂另外要提既就係紫砂茶壺燉螺頭, 好熱好熱, 但湯係好清好有螺頭味, 兩個人飲, 每人一定有 4小杯, 燉完既螺肉好淋而且仲有螺味今次叫左安格斯牛肉腸, 腸粉好嫩滑, 再配合埋好滑好夠味既安格斯牛肉, 加少少腸粉豉油, 回味無窮仲有就係鮑魚燒賣, 雖然無尖沙咀海港薈有三大隻, 但呢兩隻可以做到好入味, 而且唔會口, 除左放係頂既鮑魚之外, 鮑魚下面仲有隻好爽既大蝦, 好值得一試  

其實事緣今次專誠嚟MegaBox，係要食嗰間好好pancake，點知中午時間佢哋爆曬。我哋從來個三個都唔會等，人哋話樓上鳳城都食得過咁，就試吓啦。講真其實都幾好食，唯一需要改進。嗰個龍蝦汁鮮竹卷冇乜龍蝦味，如果湯濃郁翻啲就very good。點心拼盤都幾好，一個人可以試晒。另外嗰個黑松露雞絲，就幾特別。未食過可以試吓。嗰個龍蝦汁鮮竹卷係好好食嘅，都係果句龍蝦湯龍啲就好啦！服務員服務都到位，幾好！下次都可以試吓

黑松露野菌餃 （$39）餃皮薄，而且足料。夾起嘅時候完全唔痴底，唔會一夾就散。本人非常好黑松露，所以十分歡喜。一啖入口，黑松露令到個 上素野菌餃更加惹味好食指數：8/10脆皮BB鴿 （$68）炸完即上枱，夠熱同乳鴿皮好脆。原本擔心皮炸得咁脆，D肉可能會又乾又更，但呢間肉質鮮嫩多汁，炸得岩岩好，好值得推介好食指數：8/103D車仔腸粉 （$36）即係混醬腸粉。架車仔一定係加分之作，本人媽子都忍唔住相機食先。腸粉滑嘟喐，溝埋豉油、甜醬同麻醬，一定冇得輸。不過，如果加埋芝麻就更加perfect！好食指數：7.5/10包羅萬有 （$46）分別係豬嘜叉燒包、青趣奶皇子同溶岩流沙包。樣就好趣致，但味道就普通，但沒有驚喜　而且價錢略貴好食指數﹕6.5/10