鳳城1954 (MegaBox)

營業中

休息中

「餓」了這麼久，當然趁有吃便吃了，這次的飯聚點就在九龍灣 Megabox的鳯城1954。這裡的炸子雞很不錯，四個大男人，半隻當然唔夠啦。有人提議叫燉湯，是晚的選擇有椰皇燉雞湯及燉螺頭湯，而我就選了後者，用紫砂壺盛載不但可保溫；更可持久保香，淺嘗一口；湯頭濃郁味甘，既滋陰又補腎。1954蝦多士～金黃四正，蝦肉爽彈，大人細路都鍾意的一味小吃。大良炸鮮奶～正宗版本要以水牛奶入饌，現實雖不可行，然這裏的出品倒也做得外脆內滑。一口野雞卷是以豬肥膘、瘦肉及火腿做成，口感酥脆帶煙韌；據說以前是不折不扣的雞卷，但後來改用豬肥膘代替，因完全沒有雞肉成份，就在前面加上「野」字，則代表為不正宗的意思。金皮炸子雞/一隻～新鮮雞;味道零舍鮮，金黃外皮香脆少肥膏，大家也吃得滿意。孔融釀蟹蓋～烤得金黃的釀蟹蓋熱辣香噴；一客兩件，無需讓嚟讓去啦。輕輕揭開面頭的芝士，便見餡料充塞其中，濃香的芝士和蟹粉原來可以咁夾。金叵蘿蟹鉗～兒時每次跟父母到飲宴場合，最喜歡同印象深的非「百花釀蟹鉗」莫屬，每每是又怕燙、又饞吃；吃著這個香脆彈牙的「金叵蘿」，童年回憶返晒嚟。蜆蚧鯪魚球～蜆蚧醬的味道未必人人接受，像本人便喜歡直接食用，其實

5樣點心308元，叉燒包（宿既），蝦多士隔夜返熱既，多士油淋淋，唔夠熱，炸鮮奶簡直惡心，食落去一口油，服務態度超級差，出左有問題食品，投訴左之後就咁攞走左，就無人理，一句道歉都無，所謂既廚師攞住籠宿既叉燒包經過仲要啤住我地呢台，好似我地係度搞事咁，咩態度呀，點做生意呀，收x啦唔明老細究竟係咪想做生意，無心做就唔好做啦，不知所謂，真係鬼暗眼入左去呢間x店，MegaBox最少有三間飲茶，好多餐廳，黑到絕頂先去左呢間

後悔因為想試下新野所以放棄去平時去開既餐廳，改黎鳳城。😓😓😓餐廳環境，服務方面不過不失，主要係針對食物。除左第一碟「金磚豆腐」（炸豆腐粒）正正常常外，其他野食都真係失敗到一個點。1、叉燒包裡面D叉燒餡霉霉地，唔知係擺左好耐定係本身唔係用新鮮叉燒2、蠔仔餅，上檯果下大家都懷疑係咪順德興散開曬既蠔仔碎，但係食既時候發現蠔既數量少得可憐，好似得幾粒仲要勁細仔，好肉酸3、胡椒豬肚湯，一個字：咸！超級咸！4、魚鬆炆米份：：都係得個咸味😥結論：絕對唔會再幫襯！

今日約左朋友去MEGA食飯，講起好耐無飲茶好掛住點心呀😔朋友就話帶我去鳳城食好野，滿足我嘅願望喎🥰坐底見到menu好多野都好想食，點知唔覺唔覺點左勁多野，食到食唔晒，要打包走🙈金光炸粉果完全超出我想像，有點以餃子嘅外型，炸到好香脆，啖啖彈牙嘅蝦肉，配埋蝦上湯，正﹗飽魚雞粒酥以為蛋撻嘅外型好似好普通，其實味道一啲都唔普通，而且酥皮撻底好鬆脆貪心嘅我點左個什錦嘅包羅萬有。豬仔外型嘅叉燒包，味道啱啱好又有口感。點知黃色嘅奶黃流心都唔弱，差啲流到周圍係。最喜出望嘅係綠色嘅青趣奶皇子，原來係味道好fresh嘅綠茶，好味又唔會太甜😋黑松露野菌餃熱辣辣嘅野菌餃有少少筍，口感變得好爽脆，配埋黑松露，好惹味👍🏻三式炸作唔止有樣，仲好有內涵。又睇得又食得孔融釀蟹蓋真係好好味﹗蟹蓋釀得滿滿、勁足料外，個餡仲勁多蟹肉😋不過食完覺得勁飽1984蝦多士炸到好香口，上面嘅蝦仲係原隻咁上，睇得見嘅足料，仲好鬼彈牙🤪紫砂茶壼燉螺頭湯雖然係1位份量，但其實都好多，可以斟到6、7杯😍湯料多，味道好香濃金磚豆腐除左平時食到嘅味道同口感外，當中好似帶有淡淡芝麻香味金叵籮蟹鉗Size超大，炸得香脆、爽口又彈牙，小朋友都一定會鐘意

公公喜歡嘆一盅兩件, 今晚終於齊人陪佢老人家去酒樓嘆點心。九龍灣MegaBox鳳城1954, 就連夜晚都供應點心, 而且質素同味道都有唔錯嘅驚喜。【彩虹鮮蝦餃】HK$48與別不同嘅彩虹賣相令蝦餃更加吸引, 蝦餃脤卜卜, 皮薄餡靚, 蝦肉餡料鮮甜爽口。【鮑魚燒賣】HK$48燒賣大大粒, 混入蝦肉跟香菇餡料, 鮮味彈牙, 配上原汁原味嘅小鮑魚, 味道超正!【龍蝦湯鮮竹卷】HK$39鮮竹卷外皮索左鮮甜龍蝦湯, 卷中有蝦肉碎, 既有層次, 鮮甜更加突出。【金藏牛肉球】HK$39腐竹包住整個牛肉球, 牛肉球keep到豐富肉汁, 牛味濃郁。【1954蝦多士】HK$40多士香脆鬆化, 開邊蝦仲幾爽, 點少少沙律醬食, 味道更加提升【孔融釀蟹蓋】HK$58/個釀蟹蓋好足料, 表面焗至金黃, 有陣陣咖喱香, 仲食到一梳梳嘅鮮甜蟹肉同埋豐富層次嘅餡料, 正!【彩棉芒果布甸】HK$36/杯質地彈滑, 芒果味濃, 配上入口即溶嘅彩棉, 唔錯~

限聚令變回4人，亦已恢復堂食。今晚約左久未露面嘅朋友近近地食番餐廣東順德菜！鳳城1954 屬鳳城酒家嘅新派路線，裝潢風格別於傳統樓行簡約路線朋友點了一壺蟲草花燉豬展湯紫砂茶壺上碟非常有特色，打開見到滿滿蟲草花，幾足料，飲落味道非常濃郁！黑松露野菌餃 $39黑松露夾野菌一流腐皮卷 $39炸得脆卜卜唔油膩，配泰式辣雞醬。1954蝦多士 $20/件剛炸起脆口熱辣辣，蝦肉夠爽彈。金叵蘿蟹鉗 $58/件 小時候去酒樓永遠最期待的一道菜式，口感彈牙，亦有蟹肉在內，真材實料。鮑魚雞粒酥 $96/2件 鮑魚煮到軟淋淋入晒味，酥皮撻皮亦酥脆。生菜包 $88加入乳鴿肉嘅生菜包真係第一次，有種炒鴨鬆概念。炸鮮奶 $68 炸鮮奶又是經典順德菜，炸漿唔算好厚，鮮奶餡都香甜古法灌湯餃 $32/隻 正宗灌湯餃可以話買少見少，呢個價錢超值！金皮炸子雞 $168(半隻)最鍾意食炸子雞 皮脆肉嫩楊枝甘露啖啖都食到芒果、金柚，頂上唧上忌廉，拌勻口感更香滑。

最近兩個月工作太忙碌，再加上沒有晚市堂食，晚飯都變成宵夜了。難得晚市堂食重開，忙裏偷閑去了九龍灣Megabox的鳳城1954大吃一餐。鳳城 1954 為鳳城酒家飲食集團旗下的新派順德菜品牌。品牌在保留傳統的同時設計、改良並推出新派食物，吸引年青消費客群。新派/改良版的美食真的很多。創作{包}點便是其中之一。三款賣相可愛的包包供食客選擇：豬嘜叉燒包、青趣奶皇子、溶岩流沙包。想每款都品嘗得到？包羅萬就可以滿足到你。叉燒夠水準、溶岩流沙鹹蛋黃味香甜、最特別莫過於流芯抹茶陷的青趣奶皇子，抹茶味香濃而不膩。燉湯以紫砂茶壺盛載，賣相精緻。紫砂茶壺吸收了油份之外，還為湯保持熱度。紫砂茶壺燉螺頭湯，材料豐富，螺頭、瘦肉、桂圓、杞子。湯品鮮味夠火候。原隻鮑魚煮得入味，鮑汁滲透下層的雞粒，撻底鬆脆，這個鮑魚雞粒酥相當精彩。黑松露野菌餃是近年新興港式的經典蒸點改良版。在上素野菌餃上再加上黑松露醬，提升食材味道，亦令野菌餃更高貴。金磚豆腐外層金黃酥脆，內裡柔軟滑嫩，是我喜歡的豆腐菜式。剛炸起的金磚豆腐表面雖涼、但內部仍然很熱，所以食的時候要小心燙口。1954蝦多士作為鳳城的經典菜式，當然是

話說我係好中意食點心飲茶，但我竟然未有機會食過正宗嘅灌湯餃 好彩係鳳城終於食到將快失傳嘅廣東點心！椰皇燉雞湯 $58 友人點的椰皇燉雞，一打開蓋，椰香已樸鼻。蟲草花燉豬展湯 $58就甘睇以為飲緊茶？ 用功夫茶具套作器皿嘅燉湯，湯頭頭清徹，味濃郁！飲杯蝦多士 $20/件 同灌湯餃一樣快要失傳嘅小食，酥脆滋味。金叵蘿蟹鉗$58/件 喜宴圍菜嘅萬人迷可當小食單點，蟹鉗夠紮實內蝦膠都夠爽彈。鮑魚雞粒酥 $96/2件 鮑魚軟稔入味，雞粒用左類似叉燒醬調味甜甜惹味，撻皮亦酥脆。腐皮卷 $39炸得脆卜卜唔油膩，配泰式辣雞醬。宮廷紅棗糕 $36 建議趁熱食，凍左就無甘軟糯煙韌，清甜夾層仲有椰汁味灌湯餃$32/隻 餃皮薄薄晶瑩剔透，包住滿滿湯汁，內有蟹肉、素翅！生菜包 $88餡料有大量菇菌、豬肉碎外，最特別係混合左乳鴿鬆，口感味道更有層次。小鳥依人 $39/3件鳥籠內嘅可愛小鳥就係我超愛食嘅鳳梨酥，咬落仲有一絲絲鳳梨酸甜，是土鳳梨酥的味道！彩綿芒果布甸$36 頂上嘅幻彩棉花糖質感似龍鬚糖入口即溶，芒果布甸足料唔死甜。

皇恩浩蕩，二人限聚放寬至四人，晚市堂食可以延長到晚上十時，正好與朋友聚聚舊。而這次聚會的地點在九龍灣的這間「鳳城1954」。這晚聚會四位都是男士，肉多菜少在所難免，而且還要是炸物居多，不過難得可以相約晚間見面，那便放縱一晚吧！一向喜歡飲湯，見這兒有紫砂茶壺湯，當然不會錯過，「紫砂茶壺燉螺頭湯」（$58/位）湯味清醇，雖是小小的一壺，但貴精不貴多，用小小的紫砂杯子細細品嚐燉湯的味道，滋潤心田，還真不錯。鳳城既是吃順德菜的地方，經典名菜「大良炸脆奶」（$68/6件）和「一口野雞卷」（$68/8件），兩款炸物，皆是順德名菜，兩者各有各的特色，這夜兩者兼而有之，雖然未敢多吃，只是淺嚐，每樣都只吃了一件，但小食多滋味，已經足夠。孔融讓梨的故事，千古傳誦，想不到這兒竟有「孔融釀蟹蓋」（$58/件，兩件起）。不過此釀不同彼讓，把豐富的材料釀入蟹蓋之內，極多的蟹肉，真材實料，伴以其他配料，味道適中不過濃，挺好。除了蟹蓋，還有蟹鉗。「金叵蘿蟹鉗」（$58/件，兩件起）改了一個特別的名字。也是的，外層炸得金黃誘人，脹鼓鼓的蟹鉗，就像金叵蘿那麼吸引。這在昔日壽筵喜宴中常見的熱葷菜式，蘸點淅醋，用手拿著吃，正

一向認為“鳳城”是老字號，從幾年前開始先幫襯太子鳳城，它的名牌小菜：金皮炸子雞、蝦多士都要人多才適合，點心，脆皮粉果、糯米雞及灌湯餃都能保持水準，可惜年前結業，但轉了名字，繼續賣順德菜。去年二月中唯一一次光顧北角鳳城，老店作風，十時前光顧，也是以老人家為主。幾個月前發現愉景新城的“鳳城1954”，及它的灌湯餃{是用蒸籠上，而且有個金屬架}，不是(現時一般的)湯浸餃，總不是正宗味道。今天光顧九龍灣的分店，相同名字。點了六樣點心，其中有兩款，炸物裡一碟三款及蟹類也有三款，十分適合我們兩人，而又可以食多幾樣。加埋送我窗口卡位，總括來説，十分滿意！

這個所謂松露手撕雞，得幾條仔，食完先記得評價，所以來之前沒有拍照，下面全部菜，冇雞味，啱啱雪櫃攞出嚟咁，仲有雪藏味，千祈唔好叫。安格斯腸粉還可以，但偏貴。環境不算窄，不是很舒服流沙奶黃包也超伏，貴不再講，入邊啲餡無味。得個流字可以的話，這個價錢大家可以有大把選擇。

自從好幾間鳳城都先後結業之後,  坊間都少左好多舊式酒樓, 近期知道鳳城既後人重新出發, 係九龍灣 Mega Box 呢度再開業, 所以都走來試試, 店舖唔算好大, 不過就一改以往鳳城傳統既裝修同格調, 所以我就改稱係新派鳳城, 點心紙看看, 所賣既點心唔多, 當中仍然保留一些舊有既點心, 但包裝就有改變, 就好似臘腸卷, 奶王包, 流心包咁, 都以卡通形象做出來, 主要都應該係吸引小朋友, 當中比較喜歡既係佢地用左唔同既點心碟去盛戴, 但價錢方面就當然比以前既加左, 可以話加左 10-20 % 以上, 始於新舖位新裝修新人事, 至於食物上呢種改變都唔錯, 味道都算幾好, 起碼唔會來一次就唔來先

今天逛Mega Box，看到這間食肆，吃慣在禮頓道那間，心想有"鳳城"二字，水準應不會差。點了魚鬆炆米，真的一般，米粉不夠淋，出水不夠，偏硬身。灌湯餃，上桌時，沒有餃子形狀，應是蒸耐了，整隻餃子軟身塌在銀托上。幸好金磚豆腐及鮑魚燒買保持水準。值得一提，出菜姐姐，把豆腐送往鄰桌，食客在自己枱邊，無戴face mask和傳菜姐姐溝通後，那碟豆腐轉移到我們的桌上。在這情況下，即時要求更換食物。他們也理解，收回。彩色蝦蛟，蝦肉爽口，但蝦味淡，餃皮厚度適中，不過不失。櫻花蝦蘿蔔糕，只是把蝦灑在糕面，真的一般。如要我再選擇鳳城，我會去禮頓道那間，水準有保証。你呢？

"食在廣州, 廚出鳳城"聽過不少。九龍灣飲茶最多人推薦的就是Mega Box的這間鳳城1954, 也知道價錢相對較貴, 但難得有人請客, 立刻去試。1954蝦多士, 1件就要20大元了。蝦肉開邊, 剛好鋪滿多士表面, 香脆好吃, 就是感覺有點小。龍蝦湯鮮竹卷, 喜歡它有6小件, 入口size剛剛好。松露手撕雞, 黑松露醬夠多, 超香。招牌鳳城炒飯, 蝦仁和叉燒都沒手軟的下, 還有酸甜的蕃茄粒在其中豐富味道。鳳梨酥, 鳥籠裝著小鳥的樣子超吸睛, 絕對的打卡勝品, 另外味道也不錯。伍肆蒸粉果, 感覺一般般, 吃完就忘了。流沙包, 真的超流沙, 吃的時候要留心燙和爆汁。炸牛奶, 以為餐廳主打順德菜, 必吃炸牛奶, 但可能希望越大失望就越大。外層的皮很厚, 中間的牛奶不多也沒甚麼味道, 也不熱, 總體就是吃了個寂寞, 沒感覺出來是炸牛奶。這裡上菜一下子就上齊了, 拍照是很好啦, 不過可能天氣涼, 菜也容易涼, 店家可能還是需要考慮一下這個問題。

气到不行。晚6点半左右进店，当时人也不多，扫了一圈有约20%空桌。安排了一张台，点了茶，普洱。等了差不多十分钟，没有上来。关键是没有菜单，四周搜寻好几轮也不过来人给一张。真是十分尴尬如坐针毡。后来叫住了一个收碗碟的大妈，还是问要什么茶，不给菜单……说了已经点了普洱，她就走了……然后几分钟也没有回来……期间平息了一下心情，打开openrice看菜单约5分钟左右，同行的朋友实在顶唔顺，准备起身走了。一路走出门，也并没有人问，也没有人拦，带着一肚子气离开了这家店。算得上是香港的奇遇了，极为生气地给个差评。其实环境同卫生应该还可以的。服务，请看清楚，是负五颗星。