鳴越越式料理

營業中

休息中

記得個晚上完堂已經差唔多九點，超級肚餓，但上環閒日夜晚好靜，完全唔知有咩食，即刻上openrice 搵餐廳，見到呢間係附近又未收，就即刻走去醫肚。餐廳裝修走懷舊風，感覺好吸引遊客，餐牌選擇好多，有配飲品嘅套餐亦有單點食物。我好耐無食過越式撈檬，見到餐廳有提供就點左豬頸肉撈檬，可能太夜嘅關係，侍應話已經無檬粉，問我轉唔轉金邊粉或者幼麵，我揀左金邊粉。餐廳上菜速度好快，豬頸肉撈金邊粉好大碗，而且豬頸肉亦比我想像中多，有超過十塊，首先試下豬頸肉，肉嘅厚度切得啱啱好，仲幾入味，又有咬口，比我想像中整得出色。再試埋金邊粉，爽口彈牙，加埋汁撈，汁嘅味香又唔會太濃，唔會搶去豬頸肉嘅風頭，整體配合唔錯。唯一就係金邊粉比檬粉粗，個人覺得撈檬口感會更好。最後值得一提係餐廳唔洗加一，五十幾蚊有如此質素同份量，性格比算高，下次有機會會再黎試其他野食。

今天誤打誤撞來到這間地底餐廳，竟然是吃越南菜的。中上環真的很多越南餐廳，在如此大的競爭下，能生存下來的應該都有一定質素吧。餐廳很光猛，佈置跟一般越南餐廳有點不同。簡單來說這裡的佈置比較隨意，有梳化坐也舒服的。蝦餅扎肉撈濛 原本想食湯粉的，但除了生牛肉那些，它的選擇不多，所以最終選了蝦餅扎肉撈濛。蝦餅很大塊，而且很美味，蝦味濃郁彈牙，很想再多吃一塊。扎肉數量不多，薄片，但味道也不錯。撈濛大大碗，配料亦很足。眾所周知，撈濛最講究的是汁。這裡的汁可以自己隨意倒，而且夠酸甜。唯一美中不足之處是盛著蝦餅醬汁的小碟也放到撈濛內，感覺有點不衛生。

今日約左朋友去睇維尼與我，睇戲前食個午餐先，早兩日食完錦麗個牛肉河認真唔錯，心思思又想食越南野，見到有間新開嘅餐廳，就入去試試佢。個午餐餐牌都幾豐富，有成22款選擇，不過黎得食越南野，食牛肉河先是常識吧。我叫左個越式生牛肉河，黎到個牛肉都真係幾生下，有d嚇一嚇。不過個湯就好夠熱，一浸落去，好快就熟晒。飲啖湯睇睇先，個湯又幾濃喎，牛骨味算重，都幾真材實料。配料有金不換同青檸，芽菜反而無，就有d失望。 而個牛肉呢，就一般般，肉味唔太重，都切得幾薄身，食落都算嫩滑，合格啦。另外叫左杯越式滴漏咖啡就幾有驚喜，咖啡溝煉奶，雖然有dd甜，但幾滑身，值得一試。總括來說，都算係唔錯嘅越南餐廳，有機會會試下d飯。

係中上環最麻煩就係搵嘢食，好難搵到啲唔使點等，又平平哋嘅嘢食，今次竟然俾我發現咗一間地牢嘅餐廳，又快坐得又舒服。呢間餐廳嘅位置都幾方便，喺大馬路旁，好容易搵到，食嘅係越南快餐，夜晚都有一人餐揀，價錢相宜。越式火車頭$74越式蒸粉卷加$18火車頭啲數好多，有生牛肉，牛丸，牛腩片，牛筋同牛柏葉，個湯底牛味十足，二河粉食起上嚟好滑，有啲彈牙。牛欄片就肥瘦一半半，但係我自己唔鍾意食肥嘅。是蒸粉卷個皮好滑，煙煙韌韌咁，一野滑去喉嚨，裏面啲餸好多，上枱仲係熱。冬陰功海鮮炒飯$82炸春卷加$18呢個反而有少少失色，無乜冬陰功嘅味道，但係個好處係佢唔係好辣，同行唔識得辣嘅友人都食到，飯都炒得算乾身，都幾惹味。炸春卷炸得啱啱好，唔油，外皮趣卜卜，裏面有好多材料，爽爽脆脆。飲品有好多選擇，最鍾意係佢嘅梳打成支上，雖然係食越南野，但係上嚟嘅係泰國梳打，幾搞笑。兩個人食完加埋一都係二百零蚊左右，喺中環食呢個價錢，都算相當超值。

眾所周知中環食午餐係會相對貴嘅！呢一間越式餐廳其實係喺地庫，但係佢嘅環境就比較舒適、唔會好逼！呢排仲唔使等位、就已經有得坐啦！佢有一個lunch set，會較為經濟、而且選擇都好多、又有得轉特飲（當然要加錢啦）！如果鍾意食生牛肉嘅朋友，就一定要食呢間啊！！今次我就冇再食生牛肉，我就食咗呢個雞絲扎肉河、但湯比較清淡、份量充足！同行朋友食咗牛肉河、佢話呢個牛肉好香口！而且牛肉嘅件數好多架、食極都食唔完咁

餐廳用左復古裝修, 每一幅食物嘅相片都用畫框框住, 都幾有誠意, 有文藝風格夜市有唔同種類嘅食物,有西餐, 又有越式, 又有泰式, 仲有中式添, 價錢又58蚊起叫咗個魚香茄子煲做配咗個白飯嘅, 只需82蚊餸菜好快就送上, 非常之有效率! 大大煲嘅魚香茄子, 熱辣辣, 霧了不少煙香噴噴嘅味道已經令人垂涎, 芡汁非常之惹味,配搭住洋蔥, 茄子, 香蔥, 肉碎, 辣辣地刺激食慾, 送飯非常之正分量非常之多, 叫多一碗白飯, 兩個人食啱啱好!另外因為辣辣哋, 就叫番杯青檸梳打水, 潤一潤喉嚨, 青檸好多, 冰涼解暑

這間越南餐廳很大，應該有大約三十張枱，但中環午飯時間真的很緊張，我們12:00到時客人還不算多，但差不多12:30已要等位。餐廳牆身掛了很多很特別的油畫，坐位寬闊也很舒服。越式炸蝦餅 蝦餅配甜酸醬很不錯，最喜歡上面炸香的乾蔥頭和蔥粒。札肉蒸粉卷 粉卷內有蝦米、豬肉碎、木耳、芹菜和紅蘿蔔，粉卷皮也很薄，加上炸香的乾蔥頭和蔥粒，很好味。越南火車頭 材料很豐富，有生牛肉、牛腩片、牛筋、牛柏葉、牛丸、洋蔥片、芽菜，金不換和青檸，但河粉不算很滑，而且火車頭份量非常多，所以我們也吃不完。蝦頭膏海鮮酸辣湯檬 海鮮也算豐富但當然只是一般貨色，湯底酸酸辣辣也很惹味，但可惜沒有蝦膏味。椰汁三色冰 餐飲加$10便可轉原價$30的三色冰。有綠豆、紅豆、綠色的啫喱條和椰汁，非常大杯也很美味。越式滴漏咖啡 去越南餐廳一定要喝滴漏咖啡。餐飲加$20便可轉原價$30的滴漏咖啡，味道也不錯，但通常滴漏咖啡是用玻璃杯，這裏是瓷杯比較奇怪。

前幾日係中環接男朋友收工男朋友話放工好攰 所以就話唔想去太遠食飯所以我哋就喺附近度搵嘢食醫肚就返屋企男朋友平時晏晝行過都想食呢一間但因為都多人等 所以就一直未食過見今日一至五冇乜人 我哋就入咗去了首先就叫咗個紅豆冰同綠豆冰有粒粒嘅紅豆同綠豆 都好分明之後就叫咗個鳴越春卷拼盤Total有三種春卷而且佢會提供生菜 去減少啲炸物嘅油膩感男朋友就叫咗個越式三寶湯河粉分別有豬扒雞翼同扎肉而我就叫咗個越式火車頭兩個都好足料

行下行下，又到晚餐時間，見到傳單咁抵食，就好自然行左入去。掛左好多越南風情畫。東南亞餐廳格局，有大量卡位，唔會好逼個種。Single set都幾多選擇，有粉有飯。熱青檸薏米水跟餐加$8，非常足料，好多薏米，清新健康。加$18小食，越式炸春卷3條，附生菜。香茅雞中翼3件，肉質嫩滑，幾好味。金不換肉碎干煸四季豆配白飯($74)，豆有金不換味，帶甜，要點個醬食，很好下飯。越式海鮮炒金邊粉($78)，有蝦、干貝、蟹柳、青口、洋蔥、蘿蔔絲、蔥、芽菜炒蛋，唔會好油，都幾乾身。

今早因為要趕住做完個report畀老細，結果搞到三點鐘才可以出去食晏。 正考慮不知食乜好 ，突然醒起公司附近有間越南餐廳下午茶有折; 一於就去試下。餐廳要落地牢，店內以綠色為主調，掛上不少越南風景和特式美食的畫;地方算是闊落。下午茶價錢約四十至五十不等，另外再配小食和飲品添。 而呢度嘅小食都幾多選擇㗎。越式海鮮炒金邊粉 呢個炒金邊粉份量都幾大，有蝦、青口、帶子和少少雜菜，算是足料。但與我平時食慣啲有些小唔同， 就是冇左花生碎和蛋絲，所以冇咁香口。 不過咁嘅價錢又有咁多料都算合理。越式炸春卷春卷炸得香口皮脆，包著都是紅蘿蔔絲、肉碎、沙葛絲、粉絲等等;亦帶有胡椒粉調味。食時加埋甜酸醬和生菜一齊食，即時令口感清新 和不油膩。金桔青檸梳打 青檸一向是我至愛，所以餐飲當然要飲青檸梳打啦!估唔到佢嘅梳打水唔係用普通罐裝果種，是樽裝的而牌子亦不曾見過。 柑桔和青檸份量都很多，所以飲落非常開胃和消暑解渴。

今晚出左去搵朋友食飯聚下，點知佢臨時要加班，佢走得嗰刻都八點幾，我地都餓啦，所以佢就拿拿聲帶左我黎呢間好近佢公司既越南餐館佢話佢同埋班同事間唔中都會黎食lunch~味道唔差同價錢貼地wooo咁就要睇下meun先啦食物款式種類都唔少，朋友話食過呢度既火車頭唔錯，我地又見有二人優惠既火車頭餐$188，所以都廢事再揀，一於就要呢個set啦✨✨哇哇晆，碗火車頭真係勁足料勁大碗，一黎到個下我地都好 surprise我地order左金邊粉，牛骨湯底唔重味精，加上青檸汁後鮮味更出而配料都好多，當中自己最中意牛腩！！腍香味重個生牛肉都唔錯，牛味都幾出之後我地個二人餐仲包有兩款小食（四揀二）我地就揀左香茅豬扒同雞翼兩款都有好香既香茅味，雞中翼皮脆肉嫩，豬扒肉質唔嚡，唔錯啵飲品就加左10蚊轉飲三色冰，椰汁味重兼大大杯呢個地段晚市食到咁飽都只係人均100左右，又的確係幾實惠woooo------------------------------食物質素：🤤🤤🤤(5🤤最優)價格水平：💰💰💰(5💰最貴)環境裝修：✨✨✨✨(5✨最好)服務態度：🌟🌟🌟🌟(5🌟最佳)整體評分：❤❤❤❤❤❤❤(10❤滿分)是次評論及分數

單身狗有一好選擇, 係中環上班族醫肚好去處~鳴越越式料理。一人套餐~ 有多款選擇, 越南菜生招牌就係牛, 生牛肉河粉是我之選, 把薄薄生牛肉片放進滾湯內,湯頭味濃， 濃郁嘅牛肉味慢慢滲透出來, 味道香甜, 牛肉味鮮。👍👍👍惠顧套餐加18元就可以享用ㄧ款小食, 我選擇了牛油香矛雞翼。 即叫即炸, 外脆雞皮, 內滑雞肉, 咬落仲有肉汁滲出,香茅同牛油味嘅配搭, 簡直無械可擊!menu還有好十多款選擇，可以食足兩星期都唔會撞款！

之前已經黎過  今次就試下其他食物都係叫左一人餐越式海鮮炒金邊粉  有D急凍蝦  蟹柳絲  仲有其他配料  唔會炒得好油  味道都夠越式蒸粉卷皮既厚度岩岩好,唔會太厚或薄,唔算油. 配埋伴碟既酸蘿蔔絲  味道不錯牛粒炒飯炒飯不會油,不過我麻麻地有甜味既飯,牛粒夠嫩,唔會煮到熟晒,唔會好硬,好好味

最近發現中上環有間越南菜的餐廳，裝潢跟茶餐室格局差不多。位置坐落於地庫，講真不為意就會行過咗了。夏日炎炎飲番杯青檸薏米水，解渴又去水腫。味道清清地，最合胃口。點了碟小食，魚露全雞翼。好惹味，表層甜甜，又帶少許辣。連內𥚃雞肉都好入味，保持嫰滑有汁。做到不油不膩，滋味！越南菜唔食生牛肉河好似欠缺什麼似的。湯底清甜有肉香。牛肉雖然不是高質那種，也不錯。肉質尚算軟熟。最鐘意伴有洋蔥，增添香味。份量大碗，以五十多元抵食。

星期6 晚上嘅中環，估唔到仲有抵食嘅越南晚餐～C4 越式海鮮炒金邊粉$78呢個炒金邊粉好夠鑊氣，有蝦、青口、帶子，足料，份量又夠多，男仔食都夠晒飽加配左越式蒸粉卷（3件）雖然係跟餐加錢嘅，但係用料同份量都唔馬虎架！粉卷皮煙靭又夠薄滴漏咖啡加$20睇住佢滴漏，好吸引～底部係鍊奶，滴完攪勻就可以飲喇，夠晒香濃C3 越式三寶飯$70有雞翼、扎肉、豬扒，雖然係三寶，但一樣咁足料，切件豬扒1大塊，雞翼有2隻，扎肉又夠厚，女仔一定食唔晒呀我仲加左一份越式扎肉片，好滿足呀咸檸梳打加$10有食開越南野一定認得呢隻梳打，加$10就有得飲啦，好開心！