鴨大哥 (時代廣場)

營業中

休息中

同屋企人一向都好鍾意❤️食北京填鴨今次就嚟咗呢間米芝蓮三星嘅中菜廳度食 烤鴨個皮真係好香脆 食落唔會好油膩 最正係佢嗰個餅皮係會用火一直都熱主 keep住佢暖笠笠 再包埋啲清爽嘅青瓜、京蔥絲同埋海鮮醬 真係一流！

是日母親節補足慶祝食飯話說當我哋食到 9:19pm-9:25pm有四至五位職員過黎提醒我哋要離開 10點前其實仲有35-40分鐘好似我哋阻住佢收工咁樣我地2圍叫左好多野食北京烤鴨 好食 但皮好快凍茶水 都唔熱 茶芥收$18/位水煮魚 味道較淡小籠包好似係惠康買既特惠牌咁樣真係未試過食咁難食嘅小籠包兩味魚好好食 好脆咕嚕肉 好食好脆黃金蝦球 只有5隻我哋當日有人生日要收$150切餅費職員直頭好似想切埋先比我地其實我哋都想同生日果位影下相先就算野好食都唔會番轉頭何況只是不過不失

之前手滑係時代買左超多野所以又有好多dining coupons😂當然要食多次平時比較少機會食既片皮鴨～這次為左用多Dcoupons化身小資女左度右度 叫左3樣野食同媽媽分享 埋單都係三百零蚊 幾抵！-🌟-▪️和牛叉燒 $188其實我前幾日先想講過話想戒牛 但係店員激力推介後就叫左🤣真係超驚喜🥰和牛入口即化 超級嫩 牛味重 雖然呢間店係食片皮鴨 但係呢個和牛係必點！▪️片皮鴨（半隻）$298之前都試過 相對就無第一次食咁驚艷 今次仲見到師傅在場處理片皮鴨🦆但今次因為食左太多野就打包左～▪️小籠包 $88有六粒 當然爆湯汁同熱辣辣係基本啦🥰但係相對比較普通 媽媽話有D燶味 但我自己救唔多覺

第一次去嚇然發現鴨大哥last order 2:30pm（但限聚令可以去到6:00pm)，雖然懶惰歪風不可取，但都想一嘗他們的片皮鴨，唯有再一次去光顧。今天一時許到達，一坐下立即點了片皮鴨，方便他們安排工作才慢慢叫點心及炒麵，當點心紙下單時發現地下不清潔，於是告知服務員請他們處理，可惜他們以工作忙亂為由無暇處理。吃過普普通通的點心後片皮鴨還未到，催促服務員後才發現原來根本沒有下單，更以廚房已收工及要準時下午三時關門為由拒絕製作片皮鴨，我們感覺被騙了吃下本身不想吃的點心便跟店員理論，最後被送上不知名的糕點作扺償，可是我們拒絕吃下便在下午三時前被趕走了。去了兩次，最後也不知道片皮鴨的味道，但也絕對不會再幫襯，如有朋友嘗過味道可告知本人味道如何，先謝謝

價格合理，環境唔錯。同朋友係lunch時段食，好安靜好舒服。佢哋片皮鴨整得唔差，而menu上其他菜式例如娃娃菜都幾好味。反而個人覺得荔枝咕嚕肉就麻麻地，但總體嚟講係抵食的。

✿ 北京填鴨 (半隻) $298每一片既鴨肉都厚薄均稱 烤鴨既皮香脆又有光澤 但又唔會覺得油膩 鴨大哥呢度細心既位係就連餅皮都一直有燭光坐熱住🔥保持住微暖既狀態(๑´ㅂ`๑)烤鴨既配料有青瓜、京蔥絲同埋海鮮醬🥒 包埋一齊食口感更加豐富👅📍 鴨大哥 銅鑼灣勿地臣街1號時代廣場10樓1001B號舖評分ʕ •̀ o •́ ʔ 👅味道：♥♥♥♥/5💸cp值：♥♥♥/5🤟🏻回頭率：♥♥♥♥/5

CP值不高，一般。收費高。outside look ok and no many ppl wait, so give it a try. No receptionist, need to wait a long to get in. Many dishes very normal but the price is generally higher than market with no special selling point. Shrimp dumpings with broken wrappings and chicken legs all met.

不愧自稱鴨大哥！每次去鴨大哥都會點他的的鴨湯泡飯，和片皮鴨。他的鴨湯有濃郁的鴨香味還有少許藥材味，但味道濃香而不膩⋯⋯食的時候記得先分好湯飯，然後每人再各自加上炸米，兩種米飯的口感和湯混在一起，口感非常豐富！他的片皮鴨，可叫半份，肉質鮮美，薄餅也做得很好並份量充足，食的時候最好每點配料都加一點，才能享受片皮鴨的正宗風味和鴨大哥的心思！其他點心我比較少食，因每次點以上那兩項而滿足大部份的胃口，其他的只是配角。

今天與朋友到銅鑼灣逛街，狂買一輪之後好肚餓，同埋好想食片皮鴨，上網搵到呢間鴨大哥，一於嚟試食下先！竹笙雞茸粟米羹 清清甜甜 竹笙爽口 龍眼焦糖大蝦球 蝦球啖啖肉 配上焦糖汁 入口濃厚 呢個配搭感覺新鮮荔枝山楂咕嚕肉 肉汁豐厚 醬汁酸酸甜甜 送飯首選北京填鴨 皮上油花令人心花怒放 最喜歡皮脆帶口脂的豐腴口感 可惜鴨肉方面比較乾 蜆蚧煎釀唐山菜膽 唔知點解個汁入口怪怪地有少少膠味 撇除左 件魚肉同生菜就無咩問題五柳鴨絲米粉 鴨絲都好足料 米粉係酸酸甜甜 配以同吃唔會感到好漏

上2個星期weekend臨時去銅鑼灣5pm book 7pm食晚飯都有位主打鴨就要試下片皮鴨啦，唔算好突出，但味道okay. 我比較喜歡多啲肉的，雖然正宗係淨食皮，配料少左啲，比多少少青瓜同蔥會更好。薄皮做得好好，有咬口同真係好薄，每片都有張紙托底唔會黐住晒👍🏻蜆介釀菜膽都幾特別，第一次食，有啲特色蒙古鴨鬆生菜包都好食，鍾意食孜然嘅朋友可以試下，原來孜然同鴨都夾到味道脆皮牛腩做得好好，真係外脆內軟，牛腩又唔韌鴨肉海鮮泡飯有脆米配搭，雖然係急凍海鮮但個湯味道都OK，脆米略嫌硬咗少少，可能係用生米炸，如果用熟飯炸可能就會脆啲最後叫咗個咖啡奶凍糕，有啲後悔叫咗呢個，可能叫其他會好啲，魚膠粉落得太多，質感有啲硬總括來講都算幾好食，服務都幾好

食過翻尋味！7月幫襯過，家人朋友都大讚，怎料今次出事啦！鴨湯泡飯，湯只係微熱！向侍應生反映。侍應生群起解釋，出煙噃，無理由唔熱！你唔好理個瓦煲凍唔凍，煲湯出煙噃！我用雙手手心捧住整個瓦煲超過一分鐘，再一口吞下半碗湯，兩項實驗證明，煲湯唔夠滾呀！大佬！侍應都係闊佬懶理😤！ 再到薄餅皮，一上手，全手沾滿水滴，餅皮濕爛！侍應無話可說！勉強換另一籠俾我。輪到主角「片皮鴨」，完全唔香！ 早兩個月，6:00已經有人排隊入座，今日7:00仍有吉枱！相信廚房班底已變！貼錢都唔想食的一餐。

三星米芝蓮「廚魔」以份子料理聞名，今次佢唔玩份子料理轉玩中菜，仲要係香港人偏愛既北京烤鴨，一於試下「廚魔」既北京烤鴨可唔可以同香港個幾間都係以北京烤鴨馳名既餐廳媲美先北京烤鴨半隻上菜速度好快，烤鴨一早烤好，皮都一早片好，薄餅皮用慢火蒸住，確保個皮唔會變硬，呢點係加分的，好貼心，配料同醬汁有青瓜、京蔥絲、甜醬、芝麻醬、黑糖北京烤鴨個皮香脆，隻鴨都幾肥，層脂肪厚厚的，鴨肉膻香，加埋配料醬汁一齊食就大大減左個油膩感，整體不錯和牛叉燒整個present基本上就好似西餐咁，和牛肉質軟腍，個焗蒜頭熟左後好甜，但有點失色係和牛上碟只係暖，個汁都係暖，卑我感覺似一早整好左避風塘生蠔炸蠔件數比想像中多，都有成6粒，避風塘碎碎主要有蒜粒、辣椒、豆豉，係好惹味但生蠔個炸粉好厚，再加埋咁濃既味道，食左1件都已經覺得好膩五柳鴨絲炆米粉炆米粉比我想像中炒得乾身，五柳味道酸酸甜甜，同鴨肉絲都幾夾，撒上芝麻更加增添香味藍山咖啡糕有淡淡既咖啡味，唔算好濃郁，幾有新鮮感我都明白join左商場dining coupon係想吸多d客，但間間都做到快餐店咁，餐廳角度就係食物同服務質素都係其次，最緊要快，我覺得咁樣食法真係好無意

是日為星期五，收工後當然要賀一賀，心血來潮想食北京烤鴨，友人特登帶我去左時代廣場既鴨大哥！除左烤鴨，餐牌都有廚師精選，燒味，小食，魚，海鮮，肉類，蔬菜，素菜系列，湯，粉麵飯，甜點，飲品。第一次黎，一定要試試北京烤鴨。北京烤鴨 每隻 $548 另加一雖然我哋一行二人，不過貪心咁叫左全隻鴨。服務員先上醬汁配料，分別有常見嘅烤鴨醬，京蔥絲，青瓜絲，同少見嘅胡麻醬同庶糖。好快服務員就拎隻全鴨俾我哋睇，之後拎去起皮。片皮鴨上碟賣相唔差，不過只得微微暖暖哋，唔夠熱喎，服務員切皮切得太耐啦，隻碟又係凍架，唔夠專業。不過皮基本上都夠脆嘅，脂肪唔算太多，肉都唔韌嘅，齋食皮會太油，用薄餅皮包住食就唔油。薄餅皮夠薄身，不過皮唔夠熱，雖然好似已經保住温，但係加埋凍青瓜，京蔥同燒烤汁一齊食，整到啲鴨更加凍。薄餅分量就多到食唔嗮。個人覺得呢度嘅北京烤鴨只係勉強合格。北京烤鴨二食 蒙古式炒鴨崧 $108 另加一食北京烤鴨要二食係常識啦。北京烤鴨二食有4款揀，服務員話蒙古式炒鴨崧係燒烤味，好食架，咁就信吓佢啦。蒙古式炒鴨崧一客6件，爽脆生菜放左鴨崧，加左蒜粒同孜然粉，仲有少少脆脆，有少少街頭燒烤嘅味道，味道唔會太濃，

服務態度真的有待改善早一日打去訂位6:00～7:30，問佢可唔可以改晏小小？佢話：唔可以！時間限定左嘅，6:00～7:30架咋！你cancel booking啦！我話：咁我照6:00～7:30，（心諗遲左黎我7:30交到枱就得啦）到拎枱當晚，門口接待個位光頭先生（一聽語氣就知係電話幫我訂枱個位）我盡趕到去6:22分，佢望住手錶：你book 6點架喎！我當你no show架啦。佢個個眼神同語氣唔知以為係我打佢工返工遲到呀！嚇得我呀。。。原來佢本booking簿已刪咗我個名！我當下呆左，望入去好多張吉枱喎！於是問佢 咁而家點呀？佢話：你可以食 不過7:45交枱。呀光頭先生，首先你無reconfirm 我黎唔黎，點解會當我no show?況且打俾你訂枱你無同我講遲到幾多分鐘就當no show!你入面大把吉枱 而出面都無人等位，你係唔係要串下我遲到你先開心？知你餐廳做商場優惠好多人幫襯，辛苦嘅話同你公司講，唔洗咁樣幫公司趕客嘅。。。

鴨大哥北京烤鴨半隻 $298地頭蟲評分：7.5/10🐛通常啲皮係最唔夠，反而呢間皮係多到包唔晒😂 我食呢一隻鴨相對係油份重，其實佢本身唔係好濃味，反而係加左醬汁先夠味.水煮魚 $328地頭蟲評分：7.5/10🦋份量好足夠，如果多人食可以一齊分享，不過魚嘅份量就唔係好多，配菜：芽菜，粉皮就好多！