鴨大哥 (時代廣場)

營業中

休息中

一直都好想試「鴨大哥」嘅北京炸鴨，難得有餐飲劵送緊係要黎試下佢有幾好食啦一坐抵就即刻落左一隻「北京炸鴨」先，佢有一隻亦有半隻可選大大隻超肥美又香口，仲有醬汁配料都好充足佢地嘅薄餅皮會用一個蒸籠蒸住，確保薄餅皮濕潤皮及暖暖的皮薄餅皮又薄有口感，唔會一拎起就爛哂炸鴨外脆內嫩多汁，鴨香味濃郁又香口無論就咁食定包醬汁配料食都一樣超好食。水煮酸菜魚呢個酸菜魚唔太酸，不過辣道非常香辣惹味魚質多肉彈牙最緊要無骨，每一啖都啖啖肉超正仲有入面嘅配菜都好入味，尤其是個湯好好飲，撈飯一流椒鹽豆腐香脆可口，一口一粒好方便豆腐非常嫩滑，外層椒鹽唔會太多亦唔會感到太熱氣真係令人食唔停口呀~

星期六下午兩點，Walk-in拎位，等咗一陣就入得喇。但餐廳3點落場，所以要食快啲！今日只係同朋友兩人一齊嚟食，所以只係叫咗半隻鴨同埋一個鴨肉泡飯。烤鴨比想像中快上菜，落單後十分鐘內已經上枱，而餅皮有個酒精燈熱著，十分細心。鴨肉份量都幾足，兩個人食夠哂，餅皮好有咬口，味道唔錯。配料唔夠，例如青瓜、京蔥絲，可以叫Waitress refill。而海鮮鴨湯泡飯好足料，啖啖都係鴨肉、蝦仁同埋帶子，再配上脆米（有一大兜！），口感好豐富！整體嚟講唔錯，有Coupon就更加抵食！用咗coupon埋單先三百幾！

米芝蓮星級名廚「廚魔」梁經倫 Alvin 的粵菜餐館「鴨大哥」除了主打原隻烤鴨，保留鴨隻肉汁，餐廳亦有唔少鴨菜式同其他小菜比大家品嘗食物方面:北京烤鴨 (半隻) : 鴨皮香脆，皮下脂肪少，唔肥唔油膩，薄餅皮薄，仲會用微火蒸住，薄餅可保持軟熟，非常貼心黑松露XO龍蝦粉絲煲 : 龍蝦肉質彈牙鮮味，粉絲吸收曬龍蝦汁再加上黑松露XO醬，惹味程度絕對會令到清空整個粉絲煲荔枝山楂咕嚕肉 : 咕嚕肉酸中帶甜，肉質鮮嫩，荔枝非常鮮甜，絕對係推介菜式

已經唔係第一次用Time Square 美食coupon食鴨大哥，因為真係好抵食👍原來鴨大哥係由三星米芝蓮「廚魔」梁經倫主理，喺星加坡都開咗分店，難得香港有專門食烤鴨嘅餐廳，都真係值得推介 北京烤鴨半隻 ($298)💕烤鴨跟一套薄餅同醬汁，薄餅仲用火熱住。薄餅有11、12塊，烤鴨外皮酥脆，肉質嫩滑，加埋薄餅同醬汁係絕配。 海鮮鴨湯泡飯 ($198)💕呢一道菜係我最愛，真心必食推介。上枱時會連同脆米分開上，湯入面其實都已經有飯，可以倒入熱湯。泡飯除左有鴨肉，仲有蝦同帶子嘅海鮮，味道鮮甜，亦帶一點當歸藥膳味道。 荔枝山楂咕嚕肉 ($168)💕同一般咕嚕肉唔同嘅地方係用荔枝嚟做調味， 而咕嚕肉炸得夠脆，肉質肥瘦均勻。 椒鹽豆腐 ($68)椒鹽豆腐正常發揮但略為普通， 同一般酒樓差唔多

好耐無食 就嗌左半隻北京烤鴨🦆外皮微脆 肥瘦尚算適中 鴨肉份量足 鴨香不錯😄餅皮有火一直係下面蒸住所以慢慢食 都保持到熱同濕潤😍見到網上有好多人嗌就都試下海鮮鴨湯泡飯😆湯有微微藥材味🤗裏面蝦 帶子 鴨肉 份量都唔少最特別係有脆米另上 增加個口感😋都試左D點心 正常水準有D點心仲加左鴨肉元素但係好多樣都加左芫茜😟唔係好啱我啦🙈張枱幾大 坐得幾舒服❤️價錢就唔係太平😎但有時代廣場coupons 抵食好多😝

大家在黑色暴雨下過的還好嗎 今天橫風橫雨真的超危險🥲 白熊小編和白熊媽媽在雨後來到時代廣場閒晃 剛好有上次消費的dining coupons便來吃一下北京填鴨🦆-🌟-片皮鴨 （半隻）$298超久沒有吃片皮鴨的😳真的超興奮 半隻的份量大概有十五片（其中大概五塊只有皮）油脂感滿滿超邪惡😈 兩個人share剛剛好🤓醬料的部分除了有平時的甜醬外還有芝麻醬 我覺得青瓜和蔥可以再多幾塊 吃到最後不夠耶😳 還附上黑糖 甜甜的吃起來更幸福🥰黃金脆奶 $68有6塊份量超多🤣鮮奶的部分椰奶味很重超香 但是覺得也挺油的 多幾個人share應該會更好吧😙

信用卡可以，食通天，大家都應該知貴，所以一坐低就唔該$18茶，菜單入面都好難搵到一樣菜式係平過$100，就算炒碟菜都過百，咁你話抵食嗎?服務態度：正常，但侍應俾我覺得佢有點吹促我叫食物及埋單，但其實係一半左右。環境方面：人不多，不太曹。坐位之間距離太窄，我同隔離枱背對背。食物質素：就算食半隻鴨都係熱，這點不錯，半隻約有20隻左右$298，小籠包係新推介但完成不是那回事，不會再點。脆皮牛腩都係新推介，但我就唔推介啦，我食過其實出名酒樓嘅脆皮牛腩，完全不同，應該一片片就易入口，但佢係一大舊難以進食。失望。反之咕嚕肉得喎，用上5花腩，有油脂好味。性價比：正價就極低，有時代廣場coupon 就正常。總結：有coupon 可以一試，但唔好食套餐或新野，我覺得都係食大家都必食就算。好味指數😋

🎈全單我們豪食豐盛6人餐$2,580，有成9樣嘢，而且都包括黑松露、龍蝦🦞、鵝肝、花膠等食材，很不錯。.豐盛6人套餐$2,580 1️⃣椒鹽豆腐2️⃣鵝肝釀炸蝦丸3️⃣姫松茸花膠燉雞湯4️⃣北京烤鴨 (半隻)5️⃣翡翠麒麟斑配金華火腿6️⃣雀巢海中寶7️⃣黑松露XO醬龍蝦粉絲煲8️⃣金瑤扒翡翠9️⃣鴨大哥砂鍋炒飯.套餐加餐酒每杯$48.我們未齊人時加了個小食椒鹽雞軟骨 $88.🫖茶價每位$15.🎈食物評分.👇椒鹽雞軟骨 $88 ⭐️⭐️⭐️⭐️⭐️.🎈6人套餐 $2,580 ⭐️⭐️⭐️⭐️⭐️.👇椒鹽豆腐 ⭐️⭐️⭐️⭐️⭐️.👇鵝肝釀炸蝦丸 ⭐️⭐️⭐️⭐️⭐️其實唔係好食得出鵝肝味，不過係好食，蝦丸彈牙香脆，單憑食落去味道已值5分。.👇姫松茸花膠燉雞湯 ⭐️⭐️⭐️⭐️⭐️湯香濃鮮甜，飲得出同睇得出好多料。.👇北京烤鴨 (半隻) ⭐️⭐️⭐️⭐️⭐️鴨大哥的鴨當然無得頂👍鴨皮香脆肉嫩。.👇我最欣賞佢醬汁配料足夠.👇包鴨的薄餅更是足夠，平時成日唔夠薄餅皮，薄餅連片皮鴨一齊配合食係最好食，夠皮好緊要，片皮包又有層火保持暖度，讚👍.👇翡翠麒麟斑配金華火腿 ⭐️⭐️⭐️⭐️麒麟斑好滑，魚皮又有奧米加👍，金華火腿更將斑嘅味道提升層次。.👇雀巢海中寶 ⭐️⭐️⭐️⭐️⭐️蝦好大隻，又有帶子，雀巢好脆

最近又走左去食好西，今次係去食中菜hehe~🙊呢間中菜館既來頭唔細架，呢間鴨大哥係由米芝蓮三星大廚'廚魔'開既一間新餐廳，我係抱住一個超級期待既心態去食🙈呢度必食既就係北京填鴨，我咁大個女都係第一次食🙈佢鴨肉既份量切得唔多唔少，岩岩好放落口可以一啖食曬，肉汁唔算多，但係口感就好細嫩滑，我食完一舊已經忍唔住又拎另一舊食🤣當中我最鐘意食既就係佢既春卷，通常我地食春卷都係皮還皮餡還餡，但係佢呢個食落去首先會食到好脆既皮，然後佢既皮會同埋d餡溶合一齊，好正😆呢間野真係冇令人失望，菜式既水準高，下次一諗起食中菜我一定會第一時間諗起佢

職員落錯單黃金脆奶變成小菜（$288)，5分鐘後又來黃全脆奶甜品($68)，職員話落咗單冇辦法，之後同主任講，竟然超級好笑話取消甜品$68夾回兩件，其他4件取回入廚房！我話取回返入廚房邊個客人會咁食….職員話冇所謂喎….蝦餃肉又變咗、只有泡飯可以接受…..

早就聽聞鼎鼎大名嘅三星廚魔喺時代廣場開咗間中餐廳「鴨大哥」，碰巧早前於商場購物後獲贈多張餐飲券適用於該店，眼見九月就到期，所以就立即相約大食會一齊去試一試。店子門面光鮮企理，最搶眼就係候座區身後嘅巨鴨公仔。入座時，叔叔先提及用餐時間限定約九十分鐘，接待處其實亦有告示清楚說明。用餐大堂開揚通爽，當中以厚墊嘅梳化位最為舒適，唯一滿座時難免會覺得嘈吵。多頁中英對照嘅餐牌內附彩圖參考，其中飲品項目共有四頁。有餐飲券墊底，六人最終決定棄選套餐，並從十頁散點項目揀咗啲招牌菜黎試。北京烤鴨（$548/隻）：新鮮出爐嘅原隻烤鴨好似選美咁先繞轉盤一周展示一吓實力！服務生隨即於旁邊熟巧地片出厚薄均勻嘅鴨肉。烤鴨皮層香脆有光澤，肉質鬆軟唔嚡口，鎮店菜式果然有料到！溫馨提示，六至八人點一隻烤鴨嘅份量應該最理想。伴配嘅薄餅皮有燭光座熱，薄身得黎夠暖手。其餘嘅海鮮醬、青瓜、蔥絲等配料以兩碟拼盤呈上，量足又衛生。葡式鴨崧（$108）：烤鴨二道嘅葡式鴨崧已預先用生菜包成六件鮮亮整齊嘅鴨崧生菜包，包品外脆內軟潤，極易入口，當中嘅葡汁調味芳香醒神，同個鴨味好夾。荔枝山楂咕嚕肉（$168）：咕嚕肉本身個半肥瘦豬肉夠爽口，而

今日諗住用埋時代廣場優惠券，所以book咗一直好想試的鴨大哥。坐低5分鐘未夠，已經送咗一碟原味炒鴨崧上枱-二食來，賣相非常靚，而且味道超出預期，好好味，生菜上放滿鴨崧和脆米粉，人見人愛。片皮鴨一隻切左廿幾卅十塊皮，而亦有提供足夠的粉皮，鴨皮和粉皮兩樣質素也相當之高。荔枝咕嚕肉件件都係炸完即出，又甜又脆，還以為食緊灣仔生記。魚腐野菌浸蛙蛙菜，不過不失。最後再嚟多個海鮮鴨湯泡飯，又再嚟多個驚喜，湯味特別，而再加一碗脆脆泡米，有潮州泡飯既風味。好特別，好好味！總括來說餐廳值得推介！

同朋友嚟食lunch，店名叫「鴨大哥」，梗要叫份招牌片皮鴨試下🦆餅皮夠薄，冇臭麵粉味；有火爐暖住，每塊有隔紙唔會黐埋一堆👌🏻鴨皮鬆脆、肉嫩；肉、肥膏比例好，有鴨香、夠油潤，好好食😋👍🏻另外叫咗海鮮鴨湯泡飯，湯有少少藥材味，配脆米食有口感，份量多、足料，唔錯👍🏻至於點心就一般，勝在唔係迷你size，及定價唔進取(銅鑼灣區計)👀🙌🏻 服務一般，好明顯唔夠人手，想加熱水舉手五分鐘都冇人得閒理我😅結論係點心就唔建議了，想食北京填鴨嘅不妨一試🦆👌🏻

我哋今日叫咗北京烤鴨半隻，個份量唔算多，但係肉質都OK，我嗌左個鴨絲酸辣湯，超好味，同埋有個是日燉湯，杞子什麼燉雞，亦都係超好味，值得嗌，再叫咗個蜆蚧煎釀唐山菜膽，個名好似好勁、但係味道一般，啲鯪魚肉太淋，最後叫左個椒鹽鮮魷，啖啖肉，好好味

媽媽生日🎂試新店！圖中呢個檸檬雞，好多年冇食，呢度整得好食👍，加左杏仁片更脆，吾會淋完汁就咩都軟晒，雞肉厚得黎仲係軟身吾柴，個汁夠多味道又剛剛好👍。其他仲有，片皮鴨正常，用小爐慶住餅皮👍。。。蜆芥鯪魚菜膽，蜆幾多，鯪魚肉冇碎骨👍大大舊有4舊，汁好味吾腥👍 。。。係個海蜇薰蹄差d，薰蹄好似解凍吾夠甘🤔，本身冇味冇道又吾加麻油，可能主要靠個辣既配汁啦，我地吾識欣賞😅。 最奇怪係個經理樣既服務人員話晚市吾賣主餐牌上面既普通叉燒🤔，只賣和牛叉燒😒。。。