鴻星中菜 (已結業)

今日下午同兩位同事慶祝生日- 主力係食點心! 我地叫左好多...排骨- 幾滑鳳爪- 夠野味, 夠腍馬拉糕- 淺啡色, 色水唔岩而且唔夠鬆軟素菜包- 淺綠色, 有d 嚇人, 個餡做得麻麻地灼菜- 太腍身企鵝餃- 同事話係蝦餃, 只得胡椒粉味蝦腸- 蝦夠爽, 粉皮亦滑炸九肚魚- 脆漿太大其他仲有咸骨粥, 炒飯, 火鴨絲湯米, 粉烏冬, 煎腸粉, 蘿蔔糕, 叉燒包, 薄餅, 錦鹵雲吞, 腩仔骨, 炸鯪魚球, 流沙奶皇包, 牛肚, 涼拌涼瓜....原來有好多都無食, 不過, d同事話唔錯, 最後仲送左糖水, 由於識人, 所以無收茶錢....服務當然唔錯啦!

上OPEN RICE看完食評才去吃DINNER,大家給這個酒家評分也平平,故不存任何期望去吃,但又不致於咁差,服務都不差,換碟又快,都有禮貌,算好好啦,食物熱辣辣都有大酒樓水準,只是如果去吃黃油蟹,就不是太抵食!最不抵是黃油蟹粉小籠包,同其他上海店無乜大分別

試左最愛的黃油蟹粉小籠包-超好味,盛滿上等的黃油湯汁,配上一品一醋..美味無窮呀!鮑魚腐竹-味道清淡得很,連芡汁都無味,但腐竹好滑.金銀旦莧菜:好清,莧菜唔會鞋口.但嫌皮旦唔夠味而且湯汁偏咸.最後小食和茶的質素都是上等之作

鴻星一向的感覺都係得個貴字, 但今次係媽子的生日, 於是就決定豪一次, 在屋企附近的鴻星食飯, 一入去以為6個人埋單起碼都要過千玩, 但估唔到埋單都不用七百元, 除開每人都係百二元, 同一向去開的屋邨酒樓差不多, 真的超抵!!當晚我地叫了個六人套餐1.四個前菜(拍青瓜, 牛展, 燒肉, 脆豆腐) 脆豆腐好好味, 平時係街好少見的, 但青瓜就酸了少少2.紅糟炒蝦球3.鮑魚絲燴翅(咁的價錢仲可以有鮑魚及翅, 正!!雖然唔係好多, 但好味)4.蒸海斑(魚蒸得剛剛好, 好滑)5.花菇炆元蹄6.當紅炸子雞7.蛋白炒飯8.椰汁糕仲有甜品(紫米露)及生果每碟份量就不多, 但個個食完都好飽, 仲有汽水、啤酒, 就有好平時在美食博覽一定會買的楊枝甘露, 真的非常抵食!!!!

睇左好多篇食友的食評,發覺寫同家人食的雖然不多,但都總叫做有.再睇下自己寫落的,只覺汗顏….自從婚後遷出,與家人飯聚往往都是過時過節,又或慶祝生日等.今次飯聚的目的,係慶祝老父生日.此店雖不是新裝,但其牆壁上那西式的門窗與中式的酒家格局相互輝映,都幾特別.點左個套餐,(!) 乳豬--皮脆又唔太肥. 好!(2)雜果石頭魚脆卷--鮮果加上一小舊石頭魚肉麵粉皮炸到金黃色,食落有點似海鮮卷, 好!(3)蟹粉花膠絲燴翅--食慣左雞絲翅,加左蟹黃去燴,味道怪怪地,兩種野好唔夾,　唔好!(4) 海班--唔欺場,夠斤兩兼肉唔太鞋口．好！(5) 花茹扣玉掌--玉掌好大隻,但唔夠林,花茹亦不太入味．唔好！(6) 酒釀白金鴨--乳鴨肉鮮嫩且透出濃濃酒香．　好！(7)玉環柱腩--瑤柱大大粒,又唔硬,交足貨．好！(8)金沙蝦球--鮮蝦大夾爽．好！味道好否,枱上家人大都感受得到,唯獨老父因已脫掉多隻牙齒,相信未能深刻感受,唯一能令佢展露歡顏的,應該都係一家人鲜有地聚埋食餐飯.突然唸起古巨基隻新歌,愛得太遲！

今早和家人到這裡飲茶,很難得咯!終於可以一嘗廣告雜誌裡所介紹的美味心呢!點了荔茸香酥雞,雞粥,馬拉糕,蝦腸,同埋燒腩肉;我可以好肯定說出當我食完每一樣不同的點心和美點後,只有一個感覺就是全部食品的味道總比起我平日常光顧的那間皇上皇酒樓(中港城分店)好得多呢!先說雞粥:粥底好滑,雞肉唔鞋.雖然材料唔多,但整體好好.蝦腸:腸粉勁滑,凍左少少都仍可保持水準.蝦肉好好,無咩醃過,好新鮮呢!荔茸香酥雞:雞的份量太少啦!但係d荔茸好好味!但最奇怪那個醬汁,無咩味,點唔點都得咯!馬拉糕:甜左d,但好濃郁的馬拉糕味,好鐘意!燒腩肉:配芥醬好合理,但唔知點解會跟埋砂糖,但燒腩肉味道ok喎!個皮都幾脆,但唔可以話係最好呢!

星期六，同呀爸呀媽去左鴻星飲茶，有幾樣點心都好食呀,想推介俾大家!蜜汁燒鱔:個汁好惹味，鱔肉亦好新鮮，好有鱔味!!鱆魚大師:非常可愛，入面其實好似春捲，勁好味呀!!咬落去勁鬆化，但得個3條，略嫌唔夠喉呀!!蝦醬通菜梗:蝦醬味濃郁，份量亦算ok la...環境都唔錯呀，等位都唔駛好耐!!待應服務態度都算ok...

一直都想試下黃油蟹，而上一年阿妹同媽咪去鴻星(荃灣果間)，佢地話好正，所以今年再食過！睇返D poster，話淘大85折後再85折，咁咪貪平去羅，點知.........我地一行三人，叫左個590一位既餐，因為佢話8兩重既蟹俾人訂晒，所以就加錢食10兩啦！點知.......(1)第一個係黎小籠包，個waiter哥哥好粗魯咁夾個小籠包分俾我地，個包就穿左.......大佬呀！我唔駛你分喎，佢完全唔識得點去食個小籠包，不知所謂！(2)跟住就黎黃油蟹啦，隻蟹......完全唔掂，蒸得好老，D膏好似蛋黃咁，唔甘香既！因為老得濟，D肉都唔咁好味！浪費晒！仲10兩重添........唉........(3)翅湯，咸左D，但已經係最好味！(4)鮑魚冬菇花膠，都OK既！(5)魚柳，好腥，食左D頂唔順，俾左媽咪食(6)椰汁官燕，好甜、甜都漏，我可以空口食片糖既人都話甜，咁你地話幾甜！同埋阿妹果碗竟然有鋼絲，有無攪錯呀？咁大間酒樓竟然.........唉...........埋單承為$2217，真係好唔值羅！同埋D waiter既service好唔掂，唔該再train下佢地啦！

昨晚為了慶祝父親大人生日兼為母親預祝母親節，所以大家打算搵一間好酒樓食番餐。我心想呢度應該唔錯，結果我們挑選了一個6-7人餐、再另加扇貝(每隻$15)及花膠筒(每隻$20)。套餐內包括: 魚翅、味道適中，全晚最好味。燒乳豬，太乾且鹹。斑兩味:魚湯都幾好，不過炆魚腩好唔掂，太鹹。仲有蠔油炆茹都好鹹，鮮蝦炒脆玉瓜:蝦唔夠新鮮。本來套餐有飯，唔記得咩原因無供應，最後改乾燒伊麵，由於大部份食物過鹹，雖然乾燒伊麵淡了一點，反而怡到好處。甜品有三款: 紅棗糖水，太甜。小白兔:賣相幾靚，味道普通。紅豆榚不過不失。而另加的扇貝唔錯，可惜花膠筒又係用蠔油炆，所以都係犯同一問題，好鬼鹹。母親大人好不滿，大部份食物過鹹，所以大家都無瘾。總括而言，好失望，名過其實，之前去銅鑼灣果間都無咁差，一定唔會再黎呀!　星期日都係要同母親大人飲早茶再慶祝。

昨日中午去飲茶、友人先到取了位、打電話告知本人時巳発現是吸煙位、立即告知友人、侍應就非常之掘咁講：非吸煙位就没有冷気、只説現在無人吸煙等說話就行開了、但當本人到達時剛巧其他檯入座（食煙的）、因同行有位９０多歳的老婆婆所以立即告知侍應希望換非吸煙区、侍應説非吸煙就無冷気、佢都係好悔氣帯位、但所帯的檯真是少少冷気也没有、還好熱、因為在太陽下、再要求換位、侍應説無位、本人説可再待、有位有否換位、侍應説好就不等我地說話就行開了、之後等了一会、発現其他新客也有位、根本就無心換位、自行到門口告知要求換位、但也等了一会再発現其他新客有位、當時根本無人等位、就算有新客到也有優先入座、根本就無心安排換位、我朋友發火立即話等了有等、無位不飲了。令我也想起劉德華個句：香港今時今日咁既服務態度邊得架。其実點心款式越來越少,對住張點心紙根本揀唔落手!只是希望和老人家飲茶、換来一肚気。

今早九點去飲早茶，食客得三四張並不多人。我地就叫個度最後生肥肥地的侍應姐姐拎茶。我地因為有二位朋友未到，所以當佢地到左之後再叫這位侍應姐姐拎多一壺水仙。佢就非常之掘咁講：『我依家好忙，唔得閒，遲d先啦！』，就不等我地說話就行開了。我朋友發火立即話：『妳同我過來，你依家有幾忙，得個幾張桌。』佢先知衰說：『我要擺咩擺咩咁，唔好意思呀。我依家即刻同你去沖。』之後同一個頭髮半禿的黑衫主任定部長投訴佢都係好悔氣咁應：『唔好意思。』了事，連咩員工都冇問過我地走一路都冇出現。個個伙計都好似唔想做唔想做咁樣，香港經濟好唔代表可以唔同你計較服務質數架。令我想起劉德華個句：『香港今時今日咁既服務態度邊得架。』如果有服務分係0我會比law~!!!

最開心莫過於放假嘆嘆下午茶, 貪九龍灣就腳於是抱着一試的心態.當日食咗蝦餃, 鳯眼餃, 石榴花, 白兔仔, 流沙包,仲有幾個其他點心,味道保持到一貫鴻星水準, 外型靚仔味道都幾good,最估唔到係下午菜真係好抵食, 食咗咁多嘢都係一百蚊左右(原來有幾款點心只係$7.8),下次一定會再試.

耐不耐出d 得意公仔點心, 顏色討好又好味. 食完又可買埋楊枝甘露拎走. 但間野較細. 枱與枱間較迫.

見到雜誌報導活亞拉斯加蟹覺得好想食,於是便問一下鴻星,原來九龍灣做特價賣$16兩(其他店要廿幾蚊),未食過真係唔知原來咁好食.蟹腳好多肉好鮮,同以前frozen的真是冇得比.白烚都好正, 不過我貪心d,要食理花彫蒸,蟹肉好味之餘原來碟底的蛋都好滑,好有酒香及蟹味,終於撈咗碗幾飯,好滿足.其他餸亦好好味,招呼亦不錯!食飯時見到個禮堂,覺得婚宴應該幾靚,因為場夠闊,樓底又好高,真係幾好.

星期六去飲下午茶，放很逼，可以讓你感受到甚麼是摩肩接踵，茶客們可以(椅)背貼(椅)背坐，幾「溫馨」！兩個serve我們的侍應貌似新" 黎"，都算ok，雖然有點慒。但那個傳菜--阿姐就惡到你唔信，喝侍應(不應在客人面前大吵大鬧)不只，連我們身為茶客都被她喝埋一份，仲怒掟點心在我們面。叫她俾多碟醬料，她便很兇猛地說：「叫樓面拿吧！」食火藥？不過話說回來，另一個我不及看她名字的傳菜阿姐就有禮貌多了，送春捲給我們時，還細心地問我們：「要不要剪？」，叫她多給我們一碟汁也笑笑口地說：「轉頭給你，好嗎？」By the way，鴻星的沙薑雞腳確然很美味。