鴻星中菜 (已結業)

訂左檯去食生日飯. 叫左四人帶子餐.先來竹絲雞湯,碗湯超大,起碼有2-3隻飯碗份量,飲完飽左成三份一!帶子王係好大隻,不過冇乜味!蒸斑好大條,六個人食都夠,味道都可以;炒貴妃蚌就正常size,味道亦ok;黃油雞就炸脆外皮,個糯米飯就唔算好"滯",甜品就有綠豆沙同埋微形西餅,都係一般;壽包就好大個,入面蓮蓉好滑唔太甜,蛋黃漏油,超超正!要提一下,生日來呢度食有著數,部份套餐有九折!另外就係送壽包!果晚我地四個人就送左四個大壽包!!結果食唔晒重要打包添!可能因為唔多人,服務幾好.如果生日來就最抵!

今日係度飲早茶,等左十五分鐘度,算幾快. 叫左幾樣點心,都幾OK, 腸粉夠熱,皮亦夠薄,有個菜肉灌湯餃,要6蚊隻,但無咩特別喎,豬潤燒賣片潤好"鞋",反而牛肉同牛柏葉都吾錯. 叫左個叉燒湯伊,湯底好淡,無咩味. 本來都算滿意, 最恐怖帶我地埋位個女部長,係我地前面吾掩口打個大乞嚏,嘩,勁度十足,我想像到佢的口水沫噴晒落方圓兩米的食客的食物上,當堂倒晒胃口,佢仲淨係響度笑,好心教育下呢挺員工啦,鴻星話晒吾係平價酒樓黎架,竟然要比錢入黎食口水花,吾係fa?

爺爺生日,book o左廳房食飯, d '食送' 唔係好記得有咩lu, 不過大部分都好好味, 有個魚+翅o既魚湯好好好好味, 好多料!! d 魚又滑。仲有一個係生菜包住d 又係菜o既o野, 成個都係菜o黎ga, 好好味, 又清!魚蒸得都唔錯, 而且幾滑~壽包好大, 好靚!蓮蓉清香又唔膩,蛋黄金黃漏哂油, 好!service 都ok, waiter 夠smart!

世伯生日,五人飯局,去鴻星食大閘蟹是也。叫了一個四人大閘蟹套餐，包８隻蟹,每人一隻蟹粉小籠包、雞燉翅,清蒸蝶魚,炒露荀菇(忘記了名堂),金菇豆腐煲,西式甜品及糖水。另外叫了6個壽包。大閘蟹都幾多膏,很甘香。奉送花雕酒,香醇不刺喉,甜甜的,一面食蟹一面呷下,好正。蟹粉小籠包無乜特別,蟹粉亦不見得多。雞燉翅湯很清甜,雞湯味十分特出,翅不多,但都幾爽口。蝶魚外貌有點像撻沙,但厚肉好多。肉質滑溜,蒸得時間剛剛好。炒菇都幾清,有切片露荀、磨菇及其他不知名的菇,很健康。豆腐煲亦都幾清,下了很少油,有湯浸着的,不錯。壽包即叫即蒸,有一個拳頭般大,脹卜卜好靚!蓮蓉十分清香,蛋黄靚,食完都幾飽。甜品有五件不同款的迷你撻,賣相精緻。我選了朱古力撻,餅底脆,朱古力毛士香滑,一點也不行貨。紅豆沙都煲得夠火喉起沙,但略嫌甜了少許。食下食下都好飽,待應態度及服務都不錯,有禮又細心,值得一讚。

出街食飯, 叫親小菜實係咕咾肉,上湯浸菜悶鬼死, 但係先兩日去鴻星食飯, 叫咗幾款創意小菜好驚喜, 泰北烤魚塊小小辣好惹味又好送飯. 另外叫咗鮮荷玉環, 入面有好多菇菌, 清清地阿媽鍾意.最特係辣子蝦參, 有小小胡椒味,冇試過將蝦同海參一齊煮原來都好爽口幾得意,service 方面OK啦!

暖笠笠的梳乎厘好鬼好味, 其他野食都好好味, 但係好龜貴...佢好就好在有好多一兩人特色餐...上次三人食一人黃油蟹餐(每人半隻)+吉品鮑翅二人餐(鮑魚麻麻, 有陣so味, 假鮑好味d), 埋單$12xx!!! 預左豪一次...

之前鴻星出左一個布袋翅餐, 見好耐都無試過食好d 啦, 今日就一試, 加上將軍澳85折, 都非常抵食!!! 每位都係$153~ 星期日就同男朋友一齊黎試下!!6點45分抵達, 之前訂左位6:30, 遲左少少, 但都幾靜~~ 可能係新開啦, 只有一半人, 而且個場都唔大, 只算係中上, (雖然佈置唔錯, 合乎鴻星一貫既作風!!!) 以星期日食飯時間黎講, 都算幾靜!!! 野食方面: 上菜好快...荷香布袋翅- 翅針不多, 只係多翅唇邊, 用清雞湯作底, 有一粒大瑤柱, 不過不失.銀稔劍荀貴妃舌- 只係一些炒蚌+青豆+荀, 有一點野味, 但也只屬不過不失既評語.蒜香鼓油皇大蝦- 蝦的確係大, 但味道一d 都唔入味, 正如之前, 不如灼左點鼓油仲好.原隻鮑魚烤海參- 算係最值回票價, 雖然唔特別!!! 有二隻小鮑仔, 都有2,3啖既, 有唔錯既海參+大冬菇, 同菜, 我地仲叫左碗白飯拌鮑汁, 正呀!!! 翠汁原隻釀梨- 算係最有特別的一道菜, d 汁青綠色, 一個雪梨, 買相幾靚, 味道更係出奇, 梨內釀有冬菇粒, 少許肉碎, 個汁係菜整, 但應該仲有其他特別材料, 但食唔出, 梨肉酸酸地,

- 環境好好啊, 好大- 點心好味(如春卷, 腸粉, 蝦餃)- 有些特色點心都幾好

今晚同家人提早做節. 叫了呢期promotion "原隻飽魚布袋翅豪宴"布袋翅:用日式油揚包住竹排翅.用荷葉上湯上兜.好清甜.有創意.我鍾意!蒜豉帝皇蝦:本人還是prefer 用簡單如白灼的方式煮蝦. 所以呢味以個人口味以言. 實在不太適合. 鮑魚烤海參及劍筍貴妃舌K 之作.翠汁釀原個津梨: I Like it. 雖然個汁我食極都估唔到用咩煮. 不過個梨釀冬菇好得. 清清地!!稻庭冷面: 鴻星以天口熱為原因. 食物衛生Ba ba ba..所以用上湯煮. 雖然有點失望. 因為我好鍾意食稻庭冷烏冬. 不過改方式煮. 配埋佢地出品的XO 辣醬又幾得喎. 另叫流沙奶黃飽. 唔洗講. 雖然高卡. 但唔食會心口!服務一流. 一流! 侍應留意到我成晚食住兜花生. 竟然送多一兜(多到滿瀉)俾我!!! 又好笑容.總之V. Good~

今日去呢度tea..冇咩人,所以有卡位坐~我覺得幾舒服呀佢星期一至五tea time抵好多呀感覺好乾淨,野食又好好味

老豆生日. 方便大家就梗左係TKO鴻星開飯. 乳: 肉略肥; 但皮靚.雞湯翅: 湯濃郁可口. 翅量OK. 雞肉嫩滑.原隻鮑魚扣花膠筒:鮑魚ok.花膠筒燜得好入味. 甜菜蒸法國蝶魚: 嫩滑. 鮮甜. 稻草雞: 雞隻略為奀左dd. 有稻草香, 但冇乜特別.欖仁帶子: 好鮮甜.又香口(欖仁)煎帝皇蝦: 乾身唔夠Juicy. 麻麻.蝦籽柚皮: 入味夠淋. 但同我屋企自家做的還差幾皮.鮑粒炒飯: 一般. 唔覺有鮑粒.服務尚可. 某位女captain 實在做唔到應有的要求.

lunch 既時候黎飲茶﹐都好多人係門口等位。我的好快就有位坐啦﹐入到佢﹐估唔到原來裡面咁大~叫左好幾樣點心﹐只覺得係OK。一個企鵝形既點心﹐話就話應該係隻企鵝﹐但係蒸完之後﹐隻企鵝已經變左形啦﹐絕對唔會好似雜誌D相咁得意。不過個餡都唔錯既﹐應該係蝦同埋菜﹐唔係好記得。不過個皮厚左D﹐入口好似食麵粉咁雞絲粉皮沙律﹐原本以為會好似麻醬雞絲粉皮咁﹐但係原來黎個係雞絲粉皮撈沙律醬既。第一次咁樣食﹐個味道唔差既﹐不過都係撈麻醬好味D蒸腸粉﹐唔記得叫做咩餡﹐不過我覺得D腸粉蒸過頭﹐好淋。牛雜煲﹐呢個就真係好正啦。料好多﹐每樣都好入味﹐添辣椒油一齊食﹐very good !! 個煲有牛肚﹐牛膀﹐蘿蔔﹐牛筋都有幾舊雷沙湯圓﹐味道都唔錯﹐不過熱少少會好味D。呢度係酒樓﹐﹐唔係糖水鋪﹐所以都OK架啦﹐expectation 唔會太過高。原本叫做個水晶叉燒包﹐聽落個名好得意﹐好似水晶豆沙包咁﹐不過too bad 佢地流左單﹐無機會試

來過這兒兩次，一次是午市，一次是下午茶。兩次的質素都差不多，不過還是下午茶較划算，因為午跟下午茶的價錢相距甚遠。印象中腸粉真係幾好，試過羅漢齋腸和雞絲腸，腸粉夠滑，而且淋面的豉油還是熱的；至於鴻星最出名的石頭魚湯，午市跟下午茶都有供應，個人覺得跟普通魚湯沒甚分別，但味道鮮甜卻是真的。順帶一提，這兒的碟頭粉麵飯也不俗，試過要了揚州窩麵和瑤柱蛋白炒飯，兩者味ok，揚州窩麵的配料更有帶子和海參，而價錢跟其他酒樓差不多，令人喜出望外。

帶子餐不錯,蟹粉小龍包, 烤蟹蓋好好味道.And we can watch large TV there.

雖然以下幾個食評都唔好平價，但係我覺得咁多鴻星之中，無論環境同食物比較其他分店好好多，又或者我係中午飲茶唔係食晚飯。<裝修有時代感，無其他分店咁迫，寬闊好多又光猛，點心又多選擇，除了平事我鐘意食的壽包外，石頭魚薄餅、紅豆椰汁膏都係我推介之選。