鴻星中菜 (已結業)

大閘蟹季節黎喇,上一次係團購買過食過一次.但蟹SIZE太小唔夠喉,所以男友話要去酒樓食一次.我地選擇左鴻星因為個餐有3隻蟹,同埋其他小菜質數好似不錯.所以訂左3位8點半後用餐(8:30後套餐有8折)紅磡鴻星一向都唔會太多人, 所以去到都唔洗等位就可以內進我地一行3人,點左兩個$365 SET, 再加一位石頭魚羹飲品可選花彫同橙汁. 我地每樣叫左一杯蟹分兩輪上, 3隻3隻. 呢個安排唔錯.因為拆一隻蟹都用上唔少時間, 其餘3隻放係度只會凍哂!!首先上左兩碟蘇杭雙橚完全無諗過係前菜,仲諗住有D菜食下.都唔緊要.但SIZE細得過份,仲已經食兩人份, D豆都唔知有無10條.所以我搵位女經理問下.佢話係二人份量,我話兩個人咁少,咁你分開一人一碟咪得兩三條我都未講完.個女經理就走開左.完全無理過個我地.扮做其他野之後有位上菜姐姐再幫我搵過另一個男經理過黎,態度比剛才個位好少少.但答案都係,前菜係SET好左份量.幾重.乜有得SET架咩.你SET好左你可以寫係餐牌,同埋無寫清楚係前菜因為爸爸係度都費事再爭拗落去. 老人家都食唔夠但我望到之後隔離台既兩位既碟前菜大過我地一半未食蟹已經影響心情.等左一陣上

第道菜，燒腩仔，皮鬆化、肥瘦均勻，有水準！金沙百花釀九肚魚，四個字，喜出望外。以醎蛋黃作金沙，包住九肚魚炸，而九肚魚裡面係彈牙蝦膠，只售$58，考手工超值之作！蜆介雞煲，D雞有口感，不是“梅”肉的。用蜆介做法，送飯一流。得獎名菜，個名已經唔記得，做法係將斑起肉，然後卷住金華火腿、中國芹菜炸，口味出奇地夾同清新。老人家81大壽，緊係唔少得壽飽，一整個流油蛋黃，超正。總結：第一次惠顧此店，食物質素喜出望外，而且服務一流，好有禮貌、照顧周到，讚！

計兩年前食過鴻星大閘蟹，大家都一致好評後，我地一行三人今年再度幫襯。我地預先訂左枱，但去到都要再等，本身都覺得無所謂! 點知接待果個知客真係好唔掂，我地早到過人地，但佢地竟然俾左同係3人，walk-in d 人入去先，而預先訂位既客人竟然唔記得左??? 仲係度問 " 仲有無訂左3人既係度等呀?" 直頭當我地預訂左位既人唔存在! 我地入到去之後，被編左坐酒樓裡面近lift 口位，果張枱其實係4人枱，但係因為有2個位直情係 lift 口位，即係人地出出入入既位，梗本唔適合坐3個人，我地要求調去隔離果張無人既4人枱，個侍應話要問下，跟著個部長就話呢張枱有人訂左話要坐5個人，於是我地惟有好不滿咁坐返原先個lift 口位，隔左一陣，侍應帶左3個人坐果張隔離枱，根本唔係５個人! 足以證明佢地安排左客人入座，根本唔想幫客人調枱! 其實呢張 lift 口位枱，係我地對正都有一張，都係坐左2個人... 如果別無他處，我地都會接受，但係既然有位，又未有人坐，有咩理由唔俾人地調位! 仲有，開左茶之後，我地一直都無菜牌，連大閘蟹款餐單都無! 但係隔離枱同食大閘蟹既就有，侍應仲好好招呼添! 講返d 食物先：

今日同幾個同事落去樓下鴻星飲茶，講真雖然日日系樓上返工，但系真系好少來鴻星飲茶。當然我第一時間叫左我最鐘意既流沙包，呢度既流沙包真系好正啊······D流沙餡夠曬咸蛋味！跟住我又食左個西米焗布甸·都幾好，第一唔系好甜，仲有一陣椰汁香味。后來我又食左個菜肉餃，個味道真系好鮮甜，而且唔似其他酒樓D餃子甘重味精，應該D點心師傅用既系新鮮蔬菜制作，而且應該系每日新鮮制作！今日有甘大收獲，就算相對出面D酒樓既價錢貴少少，都無所謂啦！以后我會多D支持鴻星！！

午餐係去紅磡的鴻星飲茶, 呢間鴻星比較少人, 格調都無海港城那間咁高級 今次去飲茶, 鯊魚骨湯都有叫, 呢盅湯係每次去鴻星必叫的食物, 一盅三十八蚊但係我覺得好好飲, 湯煲至奶白色, 有好香滑的口感同魚味, 出色的係每一間分店都可以做到味道一樣, 唔會走樣! 點心最好食係流沙奶黃包, 賣相幾特別, 係金黃色的, 不過其實味道同一般的流沙奶黃包唔係太大分別, 但係感覺上鴻星的咸蛋兼味較重, 因為佢落咸蛋黃較多, 阿媽鍾意食咸蛋黃, 所以佢都讚好食! 灌湯餃都幾好, 落足料! 值得一提係服務唔錯, 侍應比較親切, 有人情味 所以我地都會再嚟

我地一行五人，選了個4人餐再 + $340，就可以5人分享原盅雞燉鳳尾翅/每人一盅是清湯翅，我只見內裡有翅、雞、豬肉清清地味道都幾好。生拆蟹粉小籠包/各1粒都OK，不太細粒，內裡有湯，至於蟹粉當然不太多江蘇大閘蟹/各3隻，2皇1后蟹皇都OK，未至於太細隻，以這個大細蟹膏都幾多，都有鮮甜蟹味蟹后就細得多，但我又不見得蟹后比較多膏啊紅糟爆虾仁咸了點，虾肉好爽脆似乎用梳打粉醃過但虾味欠奉脆皮黃油雞/半隻皮脆肉嫩，幾好但較細隻。清蒸海斑蒸得剛好，但都是細了點點飄香臘味蒸糯米飯本來幾好食，蒸飯又比較健康，但好似硬了點金沙麻沙糍/各1粒好食，芝麻餡是流沙的，好香芝麻味粟米西米露/各1碗好稀，味道有D怪，麻麻地花彫或橙汁/1杯Summary : 以這個價錢食到3隻蟹其實都算幾抵，不過其他餸份量偏少。服務都幾好，在每次上蟹時都會為我們換過套手套及濕紙巾。

在討論區說過，小弟是傳統月餅的忠實支持者，我喜愛的不只是蛋黃，不只是蓮蓉，還有切的一刻的期待。今次試到香港的酒家鴻星的金箔金黃白蓮蓉月餅，就是圖中的小月餅。這盒無可致疑是賣經貴的，在月餅加上了金箔，對我來說是"整色整水"。一盒四包獨立包裝，一共八個，是迷你冰皮的大小。這個月餅很細，所以沒有在每個月餅上刻上名字，用上花花的圖案，中間的一點是金箔。如常地切一刀，刀上沾上油，心中暗喜，再切一刀要上一小塊。看到入面的蛋黃很大顆呢，原來全黃就是這個意思。我對蛋黃和蓮蓉同是喜愛，不過心理上是大蛋黃比較滿足。一想到年年吃月餅，大家也會快手搶著要吃黃，拿著大蛋黃的就會沾沾自喜，拿不到就會嚷著要吃，最後剩下的，一定是可憐的蓮蓉，大都放入我的肚子內。今次的迷你版全黃月餅，大家也一致地讚好。黃的比例估了八成，所以只吃到小小兩成的蓮蓉就不會膩了，而蓮蓉甜度適中，我們也痛快地一人一次一個。當然還有痛快的原因，是那個選料上乘的油光鹹蛋黃。今次，不用搶了。

午餐係去紅磡的鴻星飲茶, 呢間鴻星比較少人, 格調都無海港城那間咁高級 今次去飲茶, 鯊魚骨湯都有叫, 呢盅湯係每次去鴻星必叫的食物, 一盅三十八蚊但係我覺得好好飲, 湯煲至奶白色, 有好香滑的口感同魚味, 出色的係每一間分店都可以做到味道一樣, 唔會走樣! 點心最好食係流沙奶黃包, 賣相幾特別, 係金黃色的, 不過其實味道同一般的流沙奶黃包唔係太大分別, 但係感覺上鴻星的咸蛋兼味較重, 因為佢落咸蛋黃較多, 阿媽鍾意食咸蛋黃, 所以佢都讚好食! 灌湯餃都幾好, 落足料! 值得一提係服務唔錯, 侍應比較親切, 有人情味 所以我地都會再嚟

鴻星最近看到佢有 HK$517 (因有 75 折) 已包茶芥 4 人鮑魚翅松葉蟹拑餐。原盅雞燉鳳尾翅 - 每碗都只少有一條長翅，清清地不錯，都可以頂到翅癮京醬爆雪花蚌 - 抄得很爽很惹味，立即被人搶購一空百花炸釀松葉蟹 - 起碼都係用番蟹肉黎整，都算幾好原隻鮑魚花菇翡翠 - 乾鮑都幾大隻，炆得非常淋，有點像魚蛋般彈牙，有 d 驚喜左，以為佢平左既質素會低 d脆皮黃油雞 - 我初初以為係炸子雞，但係 d 顏色不夠深色，原來係黃油雞，但係 d 皮一 d 都唔脆...何來脆皮...份量好似俾半隻少少少，不過都不打緊蝦子拷燴伊麵 - 蝦子少左 d d ，都下面第二浸已經無晒蝦子甘露撻 - 普通附送疑似chestnut 南瓜糖水，chestnut 幾爽。平時呢個餐都唔平要六百幾，鴻星都係襯減價時食。

今日兩公婆去喝茶,叫左下面點心蝦餃 - 相對佢個價錢,唔叫做好食帶子腸粉 - 有腥味,過熟, 又"鞋"咸水角 - 一般ok炸魷魚鬚 - 咬唔開只有前菜(花生炸魚仔)幾好食, 值得推介 未飽已唔想再叫其他野食埋單147, 相對食依個水準.................我甚少寫食評, 不過今日真係忍唔住寫.............................

今晚揀選了鴻星的抵食套餐,食品不同多說了,請各位看看ATTACHED的圖片吧,本人認為今晚所包含的食物每款都很不錯, 上菜速度剛好, 田由於食客不多,服務員的跟單進度也不錯.先來乳豬,可以喲! 脆脆的口感....沙律炸帶子...沙律不錯...脆玉瓜炒鮑片很清甜燴生翅真做得不錯...但翅身很精細,...清蒸海班味道一般...師傳技術看來很到家...蒸得剛剛好呀...開邊龍蝦用蒜蓉伴製,,,蝦肉很鮮甜呢.炸子雞,又肥又滑,,,超讚喲!蝦子伊麵比外面多家酒樓做得更好,壽包和紅豆沙,前者可以是上乘冖選,未試過咁好食GA壽包.裡面的餡料鴨旦黃好多油令整個包包內的蓮蓉餡好香好滑...呢個包包係必食之選...紅豆沙唔算好多沙,但比起專制甜品店的出品,經己好得多...但本人比較鐘情中港城桃源酒家的出品的紅豆沙超起沙...俾9.2分,尚欠之0.8分本人仍在搜索那間能奪取10分滿分呢........ 似乎以上的一切切都能夠証明鴻星的出品和服務都係上上之選..大家可以去試試呢!

十月六日(星期一)今天又跟三姑六婆們入泥,行經呢到姑媽話:不如飲茶啦...我又無乜所謂,食得飽就OK行完紅地毯,上到去完全唔使等位個啲,即入坐低咩都唔理order先,勁肚餓我地叫左:>>生煎菜肉飽:倒轉泥放都係第一次見,唔知為乜?討好既係個菜肉餡,菜肉比例平均,食完都唔會有罪疚感XD>>魚湯鮮竹卷:近排飲茶必點! 呢個魚湯比較清淡,另一番滋味>>蛋黃千層糕:見到都幾呆,雖則係厚,但份量極小不過一般般而已,奶皇味道偏重>>XO醬煎腸粉:幾o岩我口味,有埋甜醬同花生醬另上,可以話有三重味道,好惹味呢>>拍青瓜拌海蜇(特):早知影低佢,因為上菜個時我地都無言得個碟大,個份量可能作前菜用-_-但不可不提又真係幾好食,特別係啲青瓜,奈佢唔何>>鮮竹牛肉球(中):食左少少,味道不錯既p.s.其實個場都幾細,上菜同執野都幾快,不過我姑媽諗住飲啲魚湯個時,比佢地收左,快得要緊

10/9(三) 8pm一家人提前慶中秋,順長輩意願,到了不欲再涉足的鴻星.果然,吃回頭草的難為好馬!六人點了鮑翅全包宴$1380:雞燉翅,鴻運六小碟,元貝扒冬湖,靈芝菇泡蝦球,,清蒸大海斑,沙煲蟹,鮑魚花膠筒,酒釀脆皮鴨,干燒伊麵,南瓜西米露,壽桃大包及燒腩仔$68.雞燉翅--湯翅真味未見精彩,那梳薄如蟬翼的魚翅沒看頭之餘,也沒口感.鴻運六小碟--拍青瓜,燒腩仔,脆豆腐,素鵝,煙鴨胸及滷牛展每碟各六件;一眾小碟水準頭頭是道,家母這燒腩仔狂熱分子即時追加了燒腩仔例牌一碟;燒腩著實做到入口帶炭香,皮鬆化,肉帶油脂,且五層肥瘦肉層層相間,層次分明,一級棒的燒腩!元貝扒冬湖--菜遠燴入瑤柱絲及冬瓜條;味道淡薄沒質感,無所作為的冬湖!靈芝菇泡蝦球--翠玉瓜跟靈芝菇及彈鮮蝦球同炒,多重口感,味道真實!清蒸大海斑--六人用的海斑,體型方面有點那個;食味也不盡人意;肉粗糙味單調!沙煲蟹--原煲上的沙煲蟹主味來自豆豉,肉蟹肉地等閒,幸好肉蟹充斥著濃重的豆豉香,以及底部吸鮮的幼身粉絲鮑魚花膠筒--次貨中的九流貨,鮑魚跟五元大餅面積不相上下,鮑邊硬至不堪入口,味道亦不屑一吃,花膠也耍不出板斧來!酒釀脆皮鴨-

7月20日星期日14:45分去到和朋友飲荼叫左迷你排骨煲仔飯,黃金流沙包,棉花鷄燒賣,由店員推介的蟹粉小龍包,我朋友仲响大排檔攞左煎讓3宝同花生鷄腳,黃金流沙包<--我朋友一食唧左一撻响衫上..........但真係寫明流沙,好似有問題=.=冇錯是否應該有D所為温輕提示提示下客人呢?迷你排骨煲仔飯<-----只係一煲普通飯不像人家用明火煲過1點飯蕉也沒有=.=失望棉花鷄燒賣<------係加左心思既棉花鷄靚靚板^^有蕃茄粒幾有新鲜感蟹粉小龍包<-----起超好味皮簿饀有蟹肉鲜味及超多汁^^煎讓3宝<------有異味=.=九成九食物變壞花生鷄腳<-----有煲燶左既味但經部長反影佢地話無事但最後幫我取消收費比較貴以上5樣點心有好有唔好環景衛生幾好但招呼麻麻

呢間茶樓好耐無幫襯,因為覺得又貴又唔係好好食,星期六無意經過發現原來早茶飲到12點半,咁又可以試吓.裝修仍可保持,尚算企理.食咗芥菜排骨粥,炒米粉,迷你排骨飯,炸雲吞,焗布甸,趣緻嘅點心有企鵝,白免仔等.除咗芥菜排骨粥及炸雲吞有水準外,其他乏善足陳.尤其係企鵝竟然一陣腥味,價錢收得唔平,好心用料好D,與其整古造怪不如落足材料好過。