鹵八鵝店 (已搬遷) 新店位置

多年無來鹵八了,趁在附近落注,順道來吃個速食碟頭飯.其外賣生意比堂食更加好,眼見大多食客,全部在門口買外賣,好像得我來吃碟頭飯的,似乎止如中午飯之時間.來碟鵝片拼鵝肝飯,鹵水味幾深厚,亦很入味.鵝片比較肥,吃落肉質亦嫩.鵝肝夠甘香,只是質感未夠豐朕.價錢不貴,難怪年前在附近上班的友人,日日在此開飯.其他如鵝翼,鵝腸,有機會一定再來試.

下班後，冒雨到這兒買，買了鵝雜（$40）、鵝片（$58 / 例牌）。鵝雜真係好雜，有掌、翼、肝、腎、腸、豆腐，滿滿一盒。中式鵝肝好味、豆腐好硬。鵝片好瘦，皮脂層比別家薄，個人認為滷得唔算好濃味（比某街坊小店），切得好好薄，仲舖得好靚好企理。下次要試埋豬雜。

本人好鍾意食潮州鹵水,所以專登搭車去呢間試吓.買咗外賣:鵝翼,鵝腸,鹵水豆腐,鵝肉.覺得真係好差,鵝腸唔係新鮮鵝腸,而係雪藏經加工果d,食落淡而無味.鵝翼及鵝肉都乾爭爭.豆腐更加不值得一提.d鹵水汁又唔香,得個甜字,真係唔明點解咁多人話佢哋好食.我覺得筲箕灣街市果間鹵水鵝仲好食過呢間.以後都唔會再幫襯!!!!

喜歡鵝肉那陣除, 專登過去食飯, 可惜鵝肉好鬼乾, 點解咁既!? 係我叫錯了部位? 唔敢畀佢一個>_< 面, 始終懷疑係自己唔太識食only.

大風大雨打風時候，係灣仔區午飯時間就更搵位，所以近近地就係鹵八到買外買，成日放工經過見到鹵味價錢都唔平，諗住佢午市飯都貴啦，點知又唔係喎，都幾抵食喎，單拼$22、雙拼$25、三拼$30，有二十多種鹵味比你揀，今次我要左鹵水鵝拼鹵水豆腐，d餸同飯都好大盒，d鹵味鹵得好入味，鹵水鵝全部都係肉無骨架，不過我自己覺得偏咸左d。

星期日中午行過，記得有人介紹過，而且好耐冇食鹵水，所以入去食鵝片飯($30)同豬腩肉併豬耳飯($25)。兩碟飯好快送到，但係未食已經有失望，因為完全唔香(我同老婆個鼻冇問題)！味道就算係咁，不過唔好點醋，因為醋得個「酸」字。Overall只係普通料。

2005年9月24 日中午食完triple o，因當日打風，不想晚上再出街搵食，決定坐叮叮到灣仔買外賣。買了半隻切雞($30)，2鴨舌(4$30)，加鵝翼，鵝腸，鹵水豆腐、豬- 共$100切雞麻麻- $30 你都不能抱什麼期望啦。其他東西味道幾好，鹵得好入味，和西灣河的順興潮汕鹵味各有千秋，但我覺得北角的阿鴻的更好味。

中午在這頭工作,見有鹵水野食,就試下.叫左鹵水鵝+腩肉飲.鹵水鵝幾腍,而且都好入味!!!腩肉就普通d,下次唔會叫.而且份量都幾多,食飽都仲食唔晒d飯.但唔知係唔係中午,所以全部都係d大隻男人,見到女仔多數到係外賣.

見到呢度食評話幾好,所以專程去買番盒外賣孝敬媽咪,因為佢好鍾意食鵝翼同鴨舌.氹得佢老人家好開心呢^^果然冇介紹錯,鴨舌肥美,鵝翼亦有香味,不過咯嫌夠趙口,而鵝腸較為遜色,因為一D都唔肥,得層皮,最好有肥糕就perfect 喇^^ 下次會再去買鵝肝同鵝片.

前一晚見有食評讚此店，心思思之下今日lunch 就一支公走黎整碟鹵水飯嘆嘆。店內都尚算多人，不過一條友有樣好，就係等位唔駛等多過兩分鐘。坐低速速點了鹵鵝鵝肝飯($25)加例湯($5)，環顧四周，人客係幾多，但係地方係意料之外既乾淨，員工們亦係意料之外有禮貌，感覺良好。例湯係黑胡椒咸菜豬肚湯，係我食咁耐碟頭飯而來做得最不馬虎的了。湯最先要的夠熱佢做到了，黑胡椒湯辣味幾足，加上咸菜豬肚瘦肉煮成既湯十分夠味，單單就價錢來計就係幾飽都要飲番碗。碟頭飯不論料跟白飯都唔惹少，鹵鵝十分入味，而咁岩食正無骨的，啖啖肉過足口癮；鵝肝沒想像既黑媽媽，鹵水味較輕清，正好唔會搶去濃濃既鵝肝味，襯飯一流，美中不足既係切得太薄身，唔夠口感。十分鐘極速處決掉整碟飯，飲埋湯食埋湯料飽到上心口才$30，埋單時己經盤算定下次再黎點咩食了。

今日黎鹵八食lunch,好多人,不過我一個人唔駛等(一個人食飯既好處就係可以周圍攝).午市有單拼($20),雙拼($25),三拼($30)揀,飯或粥.好多選擇:鵝片,鵝腸,鵝肝,鵝腎,豬耳,豬肚,豬大腸,紅腸,鹵豆腐,鹵蛋等等.叫左雙拼鵝片鵝腸飯,加入$5要例湯,今日係黑胡椒豬肚湯.鵝片入味夠稔好食,招牌野係冇錯.鵝腸好爽唔肥,不過唔夠入味,我亦嫌唔夠肥.反而個黑胡椒豬肚湯,足料夠味又大碗,唔覺味精,正!有下次,不過鋪細細都係一個人黎好.

今日放工路過,外賣鴨舌加.$30四兩,得細半個普通飯盒,唔平.返到屋企食,鴨舌大條好肉,係靚貨.麻油味幾香,但好似略淡唔夠入味.

人地都不知幾出名呀，就連0係上幾期介紹滷水食物0既飲食男女，佢地都榜上有名喎，我早兩日先去過買外賣。我當日就買左半斤鴨舌($30/4兩)同掌($10/3隻)翼($10/隻-中size)番屋企加料，佢地D鴨舌就最出色，比較厚肉，鹵水味適中，又有陣陣香料味，就算得一個人，邊睇電視邊捧住食，好快可以解決晒四兩，仲有佢地標明出品係不含味精添，所以食完都唔會口乾。至於同阿鴻小吃比就各有特色，阿鴻小吃多口味選擇且味道不錯，但就無咁好肉同埋較貴，鹵八就得一款...

呢度以賣鹵水鵝為主，好多時經過都見有人排隊買。今日就買左鵝掌翼、鵝肝及鴨舌返屋企加菜，仲買左條鵝頸來送酒。鵝掌翼好大隻絕不欺場，鹵得很入味，完全唔需要點附送的幾包鹵水汁都夠味；鵝肝又係幾大隻，味道幾香但幾滯，一舊起兩舊止；鴨舌亦幾好肉，好香麻油味，點附送的甜酸汁好食；鵝頸肉質嫩滑，個人覺得比任何鵝片都好味，用來送酒無得頂。三大盒買左百幾蚊唔係平，但幾有水準，唔錯的。